|
رد: فوق هام السحب ( الشعر الشعبي) على متن القوافي
لـو كان كلمة أحبك تختصر دربك
رددتـها بالمساء والـصبـح لعـيونـك بس الحقيقـة غـلاك أكبر مـن أحبك وأكبر من الشوق بين ضلوع مجنونك .... |
رد: فوق هام السحب ( الشعر الشعبي) على متن القوافي
والله إن قلبي على جيتك فرح وشفوق
وابرك من الجيّه ان جات عند حلولها ملّ قلبٍ عن هوى الغيد ما والله يتوق لين عيّن باشة الغيد وادمن زولها .... |
رد: فوق هام السحب ( الشعر الشعبي) على متن القوافي
أنا بدوي عشت الفخر بالبداوه
واللي سلبني فالهوى حب بدويه أشب نار الطيب فعل وسطاوه ماعشت عمري في رجى مدة عطيه ... |
رد: فوق هام السحب ( الشعر الشعبي) على متن القوافي
غلاك في قلبي يباري الشرايين
وينوب في بعض المواجيب عنها أثر الغلا ياناس مثل السلاطين إليا نزل في قوم يحكم وطنها .... |
رد: فوق هام السحب ( الشعر الشعبي) على متن القوافي
ياقلب لاشفت الزمان أستفزك
أصبر ولا تزعل ترى الوقت دوار خلك عزيز وعز من هو يعزك ولا تخاوي كل خاين وغدار .... |
رد: فوق هام السحب ( الشعر الشعبي) على متن القوافي
ياصاحبي خل السوالف على جنب
بعض السوالف مالها أي داعي يبقى الكلام اللي من القلب للقلب لاصار من يلقيه فاهم وواعي .... |
رد: فوق هام السحب ( الشعر الشعبي) على متن القوافي
كل البشر تخطي وترجع وتخطي
واللّه يحب العبد لاصار توّاب بس البلا لاصرت تخطي وتبطي ماتدري إن الموت مايطرق الباب .... |
رد: فوق هام السحب ( الشعر الشعبي) على متن القوافي
ياكثر ماتطري على البال واطريك
في ضيقت الايام لاضاق صدري واللي يخليني اليا ضقت اناديك اني معك عارف غلاتي وقدري وانك بوقت الضيق مارخصت غاليك ماهي خساره معك لاراح عمري .... |
رد: فوق هام السحب ( الشعر الشعبي) على متن القوافي
اكتب لعيونك عسى مايحسون
عذال حبك وانت عارف مكانك اكتب عشانك والمخاليق يقرون حتى مساء الخير كله عشانك .... |
رد: فوق هام السحب ( الشعر الشعبي) على متن القوافي
ياطير وسّع خاطرك فوق الاشجار
واصدح بزينات اللحون الجميله لو بالخواطر ضيق واحزان واسرار الصبر غايات النفوس النبيله .... |
رد: فوق هام السحب ( الشعر الشعبي) على متن القوافي
عن الغلا والذوق تبقى الوحيد انت
لك قدرك في قلبي وهيبه وهامه اسمك في الاخلاق والطيب دونت وانت الرفاهيه وانت الفخامه .... |
رد: فوق هام السحب ( الشعر الشعبي) على متن القوافي
ياضيقة الصدر وين أروح عن دربك
تركتي صدور خلق اللّه وجيتي ماشفت فالناس مثل وصالك وقربك تتغيرت الناس وإنتِ ماتغيرتي .... |
رد: فوق هام السحب ( الشعر الشعبي) على متن القوافي
يقول لامن غبت بتحب غيري
قلت الغلا حاجه تجي دون سبه بس الكلام اللي يدور بضميري هو فيه احد مثلك علشان احبه .... |
رد: فوق هام السحب ( الشعر الشعبي) على متن القوافي
إليكم مع التحية....
مع كل يوم جديد عش حياتك قريراً مطمئناً موقناً واثقاً بأنه لا أحد يستطيع أن يغلق باباً فتحه الله لك بقلمي |
رد: فوق هام السحب ( الشعر الشعبي) على متن القوافي
خلك مع اللي بكل الأحوال شاريك
وابعد عن الي لا قسى الوقت باعك اللي بحاله ثم ماله يفاديك لا اشرّتْ له لو هو على الموت طاعك بقلمي |
رد: فوق هام السحب ( الشعر الشعبي) على متن القوافي
يالله توسّع خاطري دامني حي
وتجعل هناي وراحتي في صلاتي يارب مابي خاطري يكسره شي أبيك تسعد مابقي من حيات بقلمي |
رد: فوق هام السحب ( الشعر الشعبي) على متن القوافي
اﻟﺸﻮﻕ ﻣﺎﻫﻮ ﺑﺎلحكا ﻳﺎﻟﻌﺎﺷﻖ ﺍﻟﻬﺎﻳﻢ
ﻭﺵ ﻗﻴﻤﺔ ﺍﻟﺸﻮﻕ ﺩﻭﻥ ﺍﻟﻮﺻﻞ فهمني لاﻏﺒﺖ ﻋﻨﻚ ﺗﻘﻮﻝ ﺍﺷﺘﺎﻕ ﻟﻚ دايم ﻭﻻﺻﺮﺕ ﻣﻮﺟﻮﺩ ﻣﺎﺷﻮﻓﻚ تكلمني .... |
رد: فوق هام السحب ( الشعر الشعبي) على متن القوافي
الوجه أعرفه زين ماني مشبّه
هذي تعابيره وهذي وصوفه ماكنت أشوفه يومني كنت أحبه وساعة كرهته وين مارحت أشوفه .... |
رد: فوق هام السحب ( الشعر الشعبي) على متن القوافي
خذني قريبك لاجفاك أقرب قريب
خذني العطا كان الليالـي ما عطن خذني وطنك إليا شعرْت إنَّّك غريب أجمَل شعور إني على شانك وطن .... |
رد: فوق هام السحب ( الشعر الشعبي) على متن القوافي
ضايق ومستانس وراضي وزعلان
مدري وش الي جمع الكل فيني احيان اجر الصوت مغرم وطربان واحيان اجر الصوت وتهل عيني .... |
رد: فوق هام السحب ( الشعر الشعبي) على متن القوافي
ماحد يشق القلب من غير تفكير
حتى الأطباء ترتجف ثم تحتار والحب شَق الجوف من دون تخدير وبَناء قصور بداخل القلب وانهار هذي حقيقة قلتها صدق تعبير وأرسلتها في جهر فعلي والاسرار .... |
رد: فوق هام السحب ( الشعر الشعبي) على متن القوافي
القلوب اسرار والدنيا عبر
والعمر لو طال تاليه الرحيل والخواطر كسرها ماله جبر لو يعيد الوقت ماضيه الجميل .... |
رد: فوق هام السحب ( الشعر الشعبي) على متن القوافي
الطيب والاخلاق سيماء تُعرف
في وجه صاحبها على طول مهما بعض الاوادم قلبه انقى وانظف من منظر السكر ومن صافي الماء .... |
رد: فوق هام السحب ( الشعر الشعبي) على متن القوافي
لو يـطول الـبعد والحيله قليله
ولو يمر الوقت من دون إتصالك إلتقي بك في خيالي وأشتكي له وأستمد الروح من صورة خيالك ... |
رد: فوق هام السحب ( الشعر الشعبي) على متن القوافي
مدري علام الناس تقسى على الناس
هذا جهل وإلا غرور وتعالي حنا بشر والأصل من طينة الساس لو قيل ساس الراس من راس عالي .... |
رد: فوق هام السحب ( الشعر الشعبي) على متن القوافي
راح يمضي هالحزن مثل ماتمضي السنين
والفرح له وقت ويمر ينهي المسألة شفني اتظاهر بضحكة وانا قلبي حزين مقتنع بان انكساري مجرّد مرحلة .... |
رد: فوق هام السحب ( الشعر الشعبي) على متن القوافي
علم اللي ما استفاق وعلم اللي
متعبٍ نفسه على قلة سناعه إن بغاها باللي أحسن جيت كلي وإن بغاها باللكاعه باللكاعه .... |
رد: فوق هام السحب ( الشعر الشعبي) على متن القوافي
إستعذت من الدروب اللي نهايتها حسافه
قبل ترميني ملذات الزمن في جوف غِبّه ما يخاف المؤمن اللي فيه من ربه مخافه مصدر الخوف الحقيقي واحدٍ ما خاف ربه .... |
رد: فوق هام السحب ( الشعر الشعبي) على متن القوافي
يسعد مساء اللي نحبه ونغليه
اللي غلبه الشوق بأول صباحه احلا مساء الخير لعيون طاريه واحلا مساء النور فيه انشراحه .... |
رد: فوق هام السحب ( الشعر الشعبي) على متن القوافي
ترى الغلا ماهو مجرد سواليف
شعور ينتاب الخفوق ويتله يصير مابين القلوب المواليف داخل صميم القلب يعرف محله .... |
رد: فوق هام السحب ( الشعر الشعبي) على متن القوافي
لاتوصيني ولا احتاج في حبك وصاه
لو ظروف الوقت دون وصلك حايله الغلا لك والمحبه على كل اتجاه لايهمك دام حبك بقلبي شايله .... |
رد: فوق هام السحب ( الشعر الشعبي) على متن القوافي
من عقب ماكانت الأيام تجمعنا
ماكنت متصور أنك تبتعد عني شكراً على كل حاجه مالها معنى وآسف على الأهتمام اللي بدر مني .... |
رد: فوق هام السحب ( الشعر الشعبي) على متن القوافي
أنا اشهد ان الذوق معروف راعيه
وانا اشهد ان الزين يغري حضوره طاريك عندي كنه العطر لافاح يابدر في كبد السماء شع نوره .... |
رد: فوق هام السحب ( الشعر الشعبي) على متن القوافي
اذا ارسَلَت تصيبنـي لهفه وشـوق
ويصير وجهي مكتسي بالبشاشه واخش جو العشق واروق واتوق حتى ولو هي حروف بوسط شاشه .... |
رد: فوق هام السحب ( الشعر الشعبي) على متن القوافي
كبريائي بالغلا ماهو تسلّي
ندرة الأشياء تغريني وابيها ما أداني امتلاك الحاجه اللّي كل واحد يقدر يحصّل عليها .... |
رد: فوق هام السحب ( الشعر الشعبي) على متن القوافي
نعيش بكرامه فالحياه وشموخ ملوك
لو الوقت قصر ماحسبنا لتقصيره عطتنا التجارب حسن سيره وحسن سلوك وفي كل ميقافً مشرف لنا سيره .... |
رد: فوق هام السحب ( الشعر الشعبي) على متن القوافي
ماعاد فيني بقايا يانسيم الهبوب
الأيام ما عاد تسعد لذّة وصالها أعوذ بالله من موت الغلا فالقلوب هذي هي الموتة اللي ماحسبنا لها .... |
رد: فوق هام السحب ( الشعر الشعبي) على متن القوافي
ماكل من غابوا عن العين ينسون
البعد مايرخص من الناس غالي ولو إلتهينا احبابنا مايهونون يبقى الغلا لو فرقتنا الليالي بقلمي |
رد: فوق هام السحب ( الشعر الشعبي) على متن القوافي
ادري ان حبك خطيّه وانا عييت اتوب
سامح الله قلبي اللي تمادى ف الخطى انت وصلك ذنب واغليه من بين الذنوب خصّ لامن جابك الشوق من عقب البطى .... |
رد: فوق هام السحب ( الشعر الشعبي) على متن القوافي
فاقده ياجعلني ما اذوق حزنه
والله اني فاقده حد الثماله اذكر انه لاجلس والناس وزنه يختفون الناس واشوفه لحاله .... |
| الساعة الآن 02:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية