رد: فوق هام السحب ( الشعر الشعبي) على متن القوافي
 

‏زلة الغالي تـعدى من الباب الوسـيع
ماشكى منها ضميري ولاضاق انسمي

كلمة ماتجمع الشـمل مــخرجها شنيع
يستحـي منها السانـي ويـطردها فمي

.....

رد: فوق هام السحب ( الشعر الشعبي) على متن القوافي
 

الفوارق شاسعه و المناصب ماتدوم
ولو تبي تطرد وراها مهي بـ المشتهى

حي عين اللي ليا جيته بتقضي لزوم
قال عندي لك كرامه ولازمك انتهى


.....

رد: فوق هام السحب ( الشعر الشعبي) على متن القوافي
 

يارب حنا مقصرين ومذنبين
‏تقصيرنا من جهل ولا من كسل
‏
‏حنا عبادك وأنت رب العالمين
‏ياقارن الزهره على كوكب زحل
‏
‏اغفرذنوب الراكعين الساجدين
‏وإقبل ماقدمناه من قول وعمل
‏
‏نطلبك عفوك يامجيب السائلين
‏واجعل لنا في عالي الجنهزمحل
‏
‏واكتب لنا حظ الـعباد الـمتقين
‏اللي تلاوتهم مثل صوت النحل

.....

‏

رد: فوق هام السحب ( الشعر الشعبي) على متن القوافي
 

يارب فــرجها عـلــى كل محــزون
ضاقت عليه الأرض عقب الوسيعه

صارت حياته دون من دون في دون
والحظ معطيه القفا مايطيعه

ياسامع الداعين ياخالق الـــكـــون
فرح قلوب أهل النفوس الرفـــيعة

اللي على ذكرك وشكرك يعيشون
والنهج نهج أهل التقى والشريعه

......

رد: فوق هام السحب ( الشعر الشعبي) على متن القوافي
 

يا مساء الخيرات ياكل النجوم
يا ملوك الشعر والفن الاصيل

يانوابغ همسها يجلي الهموم
يارموز الذوق جيلاً بعد جيل

جيتكم بارقى حروفي والنظوم
كي تعانق روعة الحرف الجميل

في سماء الابداع احساسي يحوم
وفي بحور الشعر لي باعاً طويل

كلما حاولت باحساسي أعوم
في بحور الحب قالوا مستحيل

والهوئ والشوق في قلبي غيوم
لا صفى جوي ولا غيثي يسيل

هكذا الايام تخلق لي خصوم
انتهي من ميل والقى الف ميل

.....

رد: فوق هام السحب ( الشعر الشعبي) على متن القوافي
 

كل شي أبيه واجد صرت أبيه شويهَ
النزول بـ سقف رغباتي جعلني راهي

إهتمامي قل في حاجاتي الشخصيه
وإهتمامي زاد صوب الجانب الإلاهي

السلاااام الداخلي والـراحه النفسيه
من ملكها مايهمه في الحيـاه الا هي

.....

رد: فوق هام السحب ( الشعر الشعبي) على متن القوافي
 

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

.....

رد: فوق هام السحب ( الشعر الشعبي) على متن القوافي
 

يا وجدي على اللي رقمها خمسه وصفرين
عفيفه ولا هو بأي واحد يرقمها

سعودية المنشأ عليها شعار الدين
وتاريخ دولتنا من أبرز معالمها

تحب الملوك وتعشق اولاد باخشوين
وتسعى اتجاه الراجحي قبل يزهمها

تعدتني البارح وانا اصيح وينك وين
واقفت وانا في خاطري كنت بعزمها

‏أثر عيبها ماتعشق الشاعر المسكين
وتشرد منه قدام بالكف يلزمها

تقول انت يالمسكين يكفيك شوفة العين
وحكم القدر في كف غيري يسلمها


......

رد: فوق هام السحب ( الشعر الشعبي) على متن القوافي
 

‏مدام رزقي عند رب المخاليق
‏مالي ومال الناس واللي وراها

‏يارب تجعل كل عمري توافيق
‏ونفسي من الزلات تغفر خطاها

......

رد: فوق هام السحب ( الشعر الشعبي) على متن القوافي
 

‏احيان اجيب لمخطي الراي تصحيح
‏واحيان .. مدري عن خطاي وصحيحي

‏يالله بحظٍ مايخليني اطيح
‏وان طحت مايدري حدٍ عن مطيحي

‏
......