رد: فوق هام السحب ( الشعر الشعبي) على متن القوافي
 

ابوي رباني وعلمني الطيب
وقال اسمعي يابنت علمٍ مبتدّا

خلي مقامك مرتفع عن العيب
ضعاف النفوس الي رداهم تعدّا

وانتِ حفيدة حافظين المواجيب
شيوخ في صدور المجالس تبدّا

......

رد: فوق هام السحب ( الشعر الشعبي) على متن القوافي
 

قلبك إذا تقدر تخبيه ؟ خبّه
لا تكشفه للناس ويقل شانه

مافيه أحد حبك عشانك تحبّه
من شاف عندك شي حبك عشانه


......

رد: فوق هام السحب ( الشعر الشعبي) على متن القوافي
 

‏شحيّت عني بشوفك صار لك مدّه
واليوم صوتك بعد شحيّت به عنّي

قبل أمس لك صدّةٍ واليوم لك صدّه
زودٍ على مابي من طعون تطعنّي

إن مات شوقك فشوقي واصلٍ حدّه
وإن كنت رايق فعقبك ماضحك سنّي

.....

رد: فوق هام السحب ( الشعر الشعبي) على متن القوافي
 

‏أحبك كثر دقات القلوب ب عالم العشاق
أحبك كثر دمعات العيـــون بخدهم جاري

أحبك كثر ونــات الهموم بخافق المشتاق
أحبك كثر أنفاسي وأشواقـــــي وأشعاري

أحبك كثر أحزاني كثر ماخاطري قد ضاق
أحبــــك كثر دمعاتي كثر ما جابك الطاري


......

رد: فوق هام السحب ( الشعر الشعبي) على متن القوافي
 

‏كيف مااكتب لك شعر وأرفع الصوت
‏وأنـت الـوزن والقافيـه و المـعاني

‏تريديني أكتب بيت راح أكتب ابيوت
‏وراح أشـعـل اللـيله قصـيد وأمآني

‏وافرش بحـور الشـعر لؤلؤ وياقـوت
‏لجـل العـيون والخـافق الـي رمانـي

‏وطيفــك يـغازلني دايـم عـن الـفوت
‏في كل يــوماً ودقايــق وحتـا الثــواني

.....

رد: فوق هام السحب ( الشعر الشعبي) على متن القوافي
 

‏يا ملذة روعة الانس في العيش الرغيد
يابعد من طاف فالقلب ياكل الشجون

صورتك في عيني ابريق يالماس الفريد
شي والله يسحر العقل لا حد الجنون

ينحني قلبي وشعري لجل عينك عبيد
تملكيني حيل لله في خلقه شؤون

......

رد: فوق هام السحب ( الشعر الشعبي) على متن القوافي
 

‏قربك سعاده عكس بعدك قراده
يــا بلســمٍ للروح طيفك وذكــراك

بـوحي مـن الاشعـار فيه الافـاده
بين القلم وشفاي اكتبك واقراك

الطرس جـاهـز والقلم بـه مداده
والغيـركم مشـاعري مـا تـعـداك

والحب عذري واصـلٍ حد مـاده
يعـوم في بحرك ويرسي بمرفـاك

......

رد: فوق هام السحب ( الشعر الشعبي) على متن القوافي
 

‏الله جعل للجـار حقٍ عـلى الجـار
حسن الجـوار بجـار بيته قصـيـره

عـنـه الحـديـث مثبتينه بالأخبـار
عن صفوة الرسل ونزيه السريـره

خلك على جارك بـخـتـري ونـوار
هـذا الشطر يكفيك عنه تعبـيـره

أكرم جناب الجار في كل الاقطار
وأقف بصفه في الأمور الكبـيـره

......
‎

رد: فوق هام السحب ( الشعر الشعبي) على متن القوافي
 

‏يالله بذكرٍ مجيد وطول عمرٍ مديد
واعوذ بك من عثا الطرقه ودرك الشقا

واقسم لي الخير والخيره وعقلٍ رشيد
واغفرلي اللي مضى لـ العمر واللي بقا

عبدك واناجيك يالاقرب لـ حبل الوريد
من ضنك دنيا الفنا لـ جنان دار البقا

انا من اللي خطاياهم تبيد الحديد
وانت اكرم الاكرمين وهقوة اللي هقا


......

رد: فوق هام السحب ( الشعر الشعبي) على متن القوافي
 

‏ياخالق الخلق ياكاشف خفايا الصدور
بامرك ملايكتك اتسجل مكاتيبها

جيتك وانا ارجيك قبل احط وسط القبور
رحمتك من ساعتن ماينعرف غيبها

عبدك ومذنب ولا غيرك ياربي غفور
نفسي على الغي جرتني ملاعيبها

يارب وانته عليم بما كتب فالسطور
اغفر لنفسي بعد قلت مكاسيبها

......