رد: فوق هام السحب ( الشعر الشعبي) على متن القوافي
 

‏وش عذركم ياتاركين الصلوات
ياويلكم من الموت ياتاركيها

بتعيش في دنيا العنا لك سنوات
وبتروح منها كنك ماعشت فيها

تدري على ويش الندم والحسافات
ماهو على الدنيا ولا من عليها

تندم على جنه بعرض السموات
ولا لك ولاحسنات تدخلك فيها

.....

رد: فوق هام السحب ( الشعر الشعبي) على متن القوافي
 

‏جمّل حياتك بالتقى والصلوات
وابعد عن فعول الردى والرذيله

وفوّض امورك للولي بالمهمات
مايخسر اللـي كان ربـه وكيـله

النار حفّت بالترف والشهوات
والنفس فيـهـا للملـذات ميـله

درب النجاة اللي نعيمٍ وجنات
ترك المعاصي واتباع الفضيله

.....

رد: فوق هام السحب ( الشعر الشعبي) على متن القوافي
 

اسجد لربك كل ماجاك هوجاس
تلقى بسجودك كل عز ومسره

ربك حفظ سر الخلايق عن الناس
والخلق ماتحفظ لمخلوق سره

وابعد عن اللي خوّته مالها ساس
ما هو ترى معقود سِـرّك بسرّه

الورد يدخل با الأسره والانفاس
والشوك مايدخل بصنع الأسِرّه

.....

رد: فوق هام السحب ( الشعر الشعبي) على متن القوافي
 

في خاطري بوح مايستوعبه فكرك
‏حتى حروف القصيد يضيع معناها

‏لاتقول لي كيف هذا البوح في صدرك
‏خل المعاني تسولف لك من اقصاها

‏اللي دعاني هواك وسالفة عطرك
‏واحلام ليل معك يابعد مسراها

.....

رد: فوق هام السحب ( الشعر الشعبي) على متن القوافي
 

كم جاهل متابعينه ملايين
وكم من مثقف مالقى الا التجاهل

وان تابعك من نخبة الناس عشرين
تراهم ابرك من مية الف جاهل

.....
‎

رد: فوق هام السحب ( الشعر الشعبي) على متن القوافي
 

يكفي عتب وتقلب جروح الأيام
ويكفي سهر والعين عافت منامه

نمسي ونصبح ملنا كود الأقلام
نشكي من الدنيا عليها سلامه

يادمع من عيني شكت حبر وقلام
تسكب على قرطاس فوقه كلامه

......

رد: فوق هام السحب ( الشعر الشعبي) على متن القوافي
 

لو حصل من بيننا صد وجفا
شمس حبك في عيوني ما تغيب

وفي حنانك يا بعد عمري وفاء
فيك معنى الحب يا روحي يطيب

صادق شوقك وانا شوقي صفا
لو تروح بعيد من قلبي قريب

في غرامك هام قلبي واكتفاء
في غيابك مشتعل مثل اللهيب

ومن عرفتك شوق قلبي ما طفاء
صدق إني وافي يا أغلى حبيب

......

رد: فوق هام السحب ( الشعر الشعبي) على متن القوافي
 

مرحبا وان جيت مسكـنك بخفوقي
وان رحلت ارحل عسى دربك سهاله

بس قـبـل تروح تعـطيـني حقـوقي
خـذت قـلـبي هـات لي واحد بداله

.....

رد: فوق هام السحب ( الشعر الشعبي) على متن القوافي
 

اغفر الزلات يالواحد الحي الغفور
لا تواخذ عبدك بسؤ ظنه وجهله

جعلني في ظل رحمتك في كل الأمور
وجعلني ممن بعفوك وسترك تشمله

.....

رد: فوق هام السحب ( الشعر الشعبي) على متن القوافي
 

من رافقك والله حشا ما يخليك
لو عاشرك كل الدهر ما يملك

انا اشهد اني حرت مدري ش سميك
كل الخصال النادره ينتمن لك

الطيب كنه شابك ايديه فيديك
ان كان له صاحب فهو صاحبلك

......