|
رد: فوق هام السحب ( الشعر الشعبي) على متن القوافي
نلبس قناع افراحنا دون صورة
نخفي ملامح حزننا داخـل الجوف نضحك وكن اليوم زايد سرورة وبالصدر كتمه والجوارح بها خوف .... |
رد: فوق هام السحب ( الشعر الشعبي) على متن القوافي
بعض الحسابات أطباعها ترفع الراس
حشمه وشيمه والحياء مكتسيها من معدن صافي كما معدن ألماس نعم المربي وسبعة أنعام فيهم بقلمي |
رد: فوق هام السحب ( الشعر الشعبي) على متن القوافي
توقّف ملذّات العمر بين شُرب وزاد
ولا ألذّ من صوتك إلى جا على حلّه جعل كل يومٍ قد مضى لي معاك يْعاد أنا مايكفّيني معك مامضى كله .... |
رد: فوق هام السحب ( الشعر الشعبي) على متن القوافي
من أقوى مراحل قوة الشخصية تواسي إنسان بنفس الموضوع
اللي تعاني منه ماكل ساكت ماعلى خاطره شيء ولا كل صرخات الحناجر لها صوت بقلمي |
رد: فوق هام السحب ( الشعر الشعبي) على متن القوافي
ابتسم للوقت واضحك للحياه
لايروح الوقت في هم ونكد عيش يومك واحتسب للي وراه من يعد الوقت يبلش في العدد .... |
رد: فوق هام السحب ( الشعر الشعبي) على متن القوافي
نسامر نجوم الليل وضوء القمر ماغاب
والأحلام ماضاعت والآمال منشوده وتمضي الليالي والعمر والحياه أسباب وكُلن يجازا في العمل حسب مجهوده كبار الهقاوي باقيه في قلوب أحباب مدام المودّه بين الأحباب موجوده .... |
رد: فوق هام السحب ( الشعر الشعبي) على متن القوافي
شيمة الانسان ميزان اعتداله وانحرافه
تنذره لاشافت الأوضاع ماهي مستتبه إن عجزت إنّك ترد النفس عن شيٍ تعافه ماقدرت تحطّ نفسك فالمكان اللي تحبه .... |
رد: فوق هام السحب ( الشعر الشعبي) على متن القوافي
إلا أنت خلك معي ولا تجافيني
غيرك يروح وجعله مايجي ثاني لاصرت قريب مني وما تخليني ماهمني من هجر قلبي وخلاني .... |
رد: فوق هام السحب ( الشعر الشعبي) على متن القوافي
يامحاصرني بذكرك من الأربع جهات
ماتركت لساحة البال سجه ولهوه ارتبط وجهك مع الورد والما والنبات وارتبط طاريك مع كل فنجال قهوه .... |
رد: فوق هام السحب ( الشعر الشعبي) على متن القوافي
ياقلب لاتحزن على اللي ماوقف
وقت الشدايد تعرف إنه قد نساك المشكله يوم المحبه من طرف واللي تحبه ماصدق قلبه معاك .... |
رد: فوق هام السحب ( الشعر الشعبي) على متن القوافي
ترى الحياه اللي بلا دين وأخلاق
حياة ذلٍ ماوراها سعاده يعيش صاحبها على هم وأرهاق ولوزاد ماله ماتريح فؤاده ويربح بها اللي دوم للخير سباق اللي عمر وقته بكثر العباده ومن طيب حظه ماتشكّى ولاضاق والصبر دايم له طبيعه وعاده بقلمي |
رد: فوق هام السحب ( الشعر الشعبي) على متن القوافي
تكثر وجيه الناس والعمر فاني
وكم وجه من لوحة حياتي محيته إلا انت وجهك في رفوف الثواني من وين ما وديت وجهي لقيته .... |
رد: فوق هام السحب ( الشعر الشعبي) على متن القوافي
أحلى كلام الحب ماقالت شفاك
وأغلى عيون ٍ ناظرتني عيونك وأحلى وعد في الحب وعدٍ بلقياك وأغلى مراسيل المحبه يجونك وأحلى دقايق عشتها حب وياك وأغلى عهد في الحب والله ماخونك .... |
رد: فوق هام السحب ( الشعر الشعبي) على متن القوافي
أجمل حكاوي الشوق تسكن لسانك
وأغلى الدقايق كلھا يوم أحاكيك اللي بقوله وأنت عارف مكانك لاتبطي بوصلك ترى القلب يدعيك .... |
رد: فوق هام السحب ( الشعر الشعبي) على متن القوافي
الناس ماتدري وش اللي ورانا
مب كل شي داخل القلب ينقال نعطيهم الضحكه ونخفي عنانا نسكت ونحمد ربنا بكل الأحوال .... |
رد: فوق هام السحب ( الشعر الشعبي) على متن القوافي
عز الله انا في شدايد عرفناه
محبته ذنب ومن الذنب تبنا يوم انها طيب ومواقف غلبناه ويوم انها كذب وضعافه غلبنا .... |
رد: فوق هام السحب ( الشعر الشعبي) على متن القوافي
دلة أهل المفارق كل ساعة تفوح
بين جمرة عذول وبين كلمة خوي كـل حاجة مع الأيام يمكن تروح غير حبٍ تربع في ضلوع ابدوي .... |
رد: فوق هام السحب ( الشعر الشعبي) على متن القوافي
ماعاد خلّيت للأشواق صوبك مرور
ماتدري إن الحبايب يُخلقون أبرياء عاملتني بإصطناع الكبرياء والغرور وأنا لسان الغرور وسيّد الكبرياء .... |
رد: فوق هام السحب ( الشعر الشعبي) على متن القوافي
قالوا حبيبك يقرا الابيات قلت إيه
وانا ادري انه فاهم ويش يقراء قالوا قصيدك خافيات معانيه قلت الخفى للناس لكن هو ادراء .... |
رد: فوق هام السحب ( الشعر الشعبي) على متن القوافي
ماحد يشق القلب من غير تفكير
حتى الأطباء ترتجف ثم تحتار والحب شَق الجوف من دون تخدير وبَناء قصور بداخل القلب وانهار هذي حقيقة قلتها صدق تعبير وأرسلتها في جهر فعلي والاسرار .... |
رد: فوق هام السحب ( الشعر الشعبي) على متن القوافي
هلا فيك ياروح الغلا والوله منقاد
هلا فيك من نفس ٍ من البعد مكتوفه هلا فيك تبقى للهوى والعشق وقاد هلا والغلا في داخلي ضاعت وصوفه ياغاية حبيب ٍ هام بك يوم ربي راد عرفنا الغلا منك والأسباب معروفه .... |
رد: فوق هام السحب ( الشعر الشعبي) على متن القوافي
مـن صدّ عـني قـسم بالله ماردّه
لو هو طبيبي وانا في حاجة علاجه احـب طبع الـوفا والـوافي اودّه واللي يخون العهد ماني بمحتاجه .... |
رد: فوق هام السحب ( الشعر الشعبي) على متن القوافي
انا كل ماجيت انتظر جيت المحبوب
تركني اسير الوقت وقصده يجنني وهذي دروب الحب والحظ والمكتوب يالله عسى المحبوب ظنه على ظني ... |
رد: فوق هام السحب ( الشعر الشعبي) على متن القوافي
ترى صدور الناس مثل المخازن
ياما بداخلها من الشر والخير وأكبر نجاحك في الحياة التوازن والصبر لاصكت عليك المقادير .... |
رد: فوق هام السحب ( الشعر الشعبي) على متن القوافي
أجعل أسمك فالمقام الأولي وأصنع مصيره
يوم تقسيم الفعول ويوم ترتيب الأسامي حتى فالدين الصفوف الأوله غير الأخيره الاجر يفرق ليا صليت فالصف الأمامي بقلمي |
رد: فوق هام السحب ( الشعر الشعبي) على متن القوافي
من يماشيني على الطيب يبشر بسعده
يعتبر روحي بروحه ولو راحت فدى ومن يماشيني بعكسه فيلزم مقعده والله انه لانزل من صعود ولا بدى لاعملت الطيب فاللي يعرفه يشهده والردي تعمل به الطيب ويعود ردى وكل من سويت به علم طيب وجحده كم جميل حط في غير موضعه وغدى .... |
رد: فوق هام السحب ( الشعر الشعبي) على متن القوافي
ترى الغلا يعطى من الروح للروح
وانت الذي تسكن معاليق روحي اسرار حبك دونها الصمت والبوح وعطر المشاعر من غلاتك يفوحي .... |
رد: فوق هام السحب ( الشعر الشعبي) على متن القوافي
شحت علينا أشـعارنا والقوافي
وزادت مواجعنا على العدل و الميل مـن نام منكم جعل نومه عوافي وراعي الغلا معذور لو يسهر الليل .... |
رد: فوق هام السحب ( الشعر الشعبي) على متن القوافي
فارض قدرك على القلب حبك من سنين
المشاعر صادقه والجوارح صامله والله ماشوف المخاليق كون بنص عين وأنت لامريت لديت عيني كامله .... |
رد: فوق هام السحب ( الشعر الشعبي) على متن القوافي
يازين السلوم الطيبه لاغذاها الطيب
ويا شـين الـعرب لاجـنبت عن مذاهبها بقلمي |
رد: فوق هام السحب ( الشعر الشعبي) على متن القوافي
كم ضحكة ماكانت إلا لغز للشخص الفهيم
وكم كذبة مشيتها من باب تفكير الكبار وكم واحد بعامله بالمثل لكني عظيم وكم كلمة بادلتها بالصمت وانهيت الحوار وكم زلة عديتها لو أنها جت بالصميم وكم فعلة خليتها للوقت لين الوقت دار .... |
رد: فوق هام السحب ( الشعر الشعبي) على متن القوافي
اغليّه وسنافي ومرفوع هامه
ومنصى لمن لحقه من الوقت خلّه كل مانصيته ما يغير كلامه يبرك لحملاً مايشال ويشلّه اعرف ظروفه زين واعرف نظامه مايرتكي بعزومه الا على الله له في محلّي كبر قدر وكرامه ولي في محلّه دولة مستقله .... |
رد: فوق هام السحب ( الشعر الشعبي) على متن القوافي
لاصرت ماتلتفت في لمعة بروقي
فالله يجملك وأنـا الله يجملني يعني لو إني عليك أموت من شوقي والله ما أجيك وانت الي مهملني .... |
رد: فوق هام السحب ( الشعر الشعبي) على متن القوافي
ياللي خطفت بكل مافيك الأضواء
قلبك وطن عمري وغيبتك غُربه البيـت هذا ماهو بْحاجة إهداء مجرّد إنّي أكتبته دال دربه .... |
رد: فوق هام السحب ( الشعر الشعبي) على متن القوافي
حنا اختلفنا فالمشاعر والكلام
الوضع باين والعقول تصوّره تجيني تسلم وارد لك السلام مع كلمتين وضحكتين مزوّره مافيه داعي للتشره والملام كلن ضميره فالحياه ينوّره ان جيت عينت الغلا والاحترام وان رحت قلبي ماقدرت تعوّره مانيب من متسولين الاهتمام ان ماحصل ماجيت منك ادوّر .... |
رد: فوق هام السحب ( الشعر الشعبي) على متن القوافي
أملك من الأسلوب مالا يسرك
وأملك من الأبداع لاقالو إبداع لاتنقض علومن علينا تضرك وصدورنا ماهي ترا دايم وساع .... |
رد: فوق هام السحب ( الشعر الشعبي) على متن القوافي
سألت عنك الشوق والذوق والحب
وناديت لك في كل وقت ودقيقة يمرني طيفك وانادي له ارحب وانا ادري انه طيف ماهو حقيقه .... |
رد: فوق هام السحب ( الشعر الشعبي) على متن القوافي
مرحبا بالي حضوره سر بالي
له معزه وسط قلبي يمتلكها الغلا له وسط قلبي دوم غالي له محبه وسط شرياني شبكها .... |
رد: فوق هام السحب ( الشعر الشعبي) على متن القوافي
من باب الإعجاب لاتسأل عن إعجابي
إسألنّي تحب وبجاوبك حبيتك اي والله إني عشقتك يا آخر أحبابي وصديت عن مجمل الناس من جيتك في وجه غيرك مسكر عيني وبابي غالي وزاد الغلا يوم إني أغليتك شفني ليا مر طيفك فزة أهدابي وشلون لامنّك ندهت إسمي ولبيتك .... |
رد: فوق هام السحب ( الشعر الشعبي) على متن القوافي
اقلطي وسط الضلوع اللي تهلي مرحبا بك
والمكان اللي جمعنا قبل مدّه عارفينه قبل نبدأ بالسلام بنظرة عيونك عتابك والطهر والحزن واللوعات وانتي والسكينه جابك الماضي المعتّق بالشعر والليل جابك والحزن في كل مره يلمسك تبّت يدينه .... |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية