|
رد: فوق هام السحب ( الشعر الشعبي) على متن القوافي
ان قعدت تطاوع فلان وتطاوع فلان
ينقص المجهود والعزم والفرصة تفوت ارض نفسك واترك الناس يرضيها الزمان العرب ماتمدح الشخص لين انه يموت .... |
رد: فوق هام السحب ( الشعر الشعبي) على متن القوافي
يهبّ فيني حنين بكل هبّة نسيم
والذكريات القديمه طارفٍ بابها غشاني الشوق ياوجهٍ ف بالي مقيم إشتقت لك والمشاعر حثّت ركابها .... |
رد: فوق هام السحب ( الشعر الشعبي) على متن القوافي
الهرجه اليا جتك من غير ميزان
أفضل طريقة ردها صد عنها صدتك عنها تجرحه قدر الإمكان وده يرجعها ويدفع ثمنها .... |
رد: فوق هام السحب ( الشعر الشعبي) على متن القوافي
رجل كلامه مثل ضرب الدبابيس
ورجل كلامه مايجي فيه زله ورجل لاجل ربعه يجيب النواميس ورجل يجيب الكارثه والمذله .... |
رد: فوق هام السحب ( الشعر الشعبي) على متن القوافي
رساله لي ولك....
هكذا هي الحياة تحمل في طياتها الكثير من الأقدار حلم يتحقق وحلم يتعثر لقاء بلا موعد وفراق بلا سبب لا البدايات التي نتوقعها ولا النهايات التي نريدها وتستمر الحياة بحلوها ومرها بقلمي |
رد: فوق هام السحب ( الشعر الشعبي) على متن القوافي
رسالتي لك....
لا تراقبني من بعيد وانت تحترق شوقاً لحديثي دع كبريائك جنباً واخبرني كم اشتقت الي واعدك وساقول لك وانا ايضاً كم اشتقت إليك ثم فكيف تكف الروح عن الروح والروح في الروح تقيم العين لاترى عيباً في روح أحبتها بقلمي |
رد: فوق هام السحب ( الشعر الشعبي) على متن القوافي
ماكل بنت في المواقع رديه
بعض البنات فعولها توزن جبال تلقى بها عفه وطبع اجوديه واذا حكت ينصت لها الف رجال .... |
رد: فوق هام السحب ( الشعر الشعبي) على متن القوافي
هذي هي الدنيا متاهات وأحزان
كلن يدور راحته ما لقاها تبي لها صبر مع شوي نسيان مع ضحكة تخفي دموعك وراها .... |
رد: فوق هام السحب ( الشعر الشعبي) على متن القوافي
آه ياضيم المواجع والسنين
ما ورا درب الهيام الا التعب وآه ياقلبٍ سرا فيه الحنين كيف غربني وأنا وسط العرب .... |
رد: فوق هام السحب ( الشعر الشعبي) على متن القوافي
يارب لو جيتك من الحزن شاكيك
ماغيرك انت ذي يفرج همومي ماخاب من في ذا الحياه التجا فيك مالي سواك انت وربعي وقومي .... |
رد: فوق هام السحب ( الشعر الشعبي) على متن القوافي
محدن عليها بسالي والحياه ماتدوم
كم وأحدن غثّته وكم واحدن سرّته ارفع يدينك لربك من يزيل الهموم اللي جميع الخلايق ترتجي رحمته .... |
رد: فوق هام السحب ( الشعر الشعبي) على متن القوافي
خذني من العالم المزحوم واسرقني
ياموطن افراحي وياهادم احزاني لو العمر ينقسم قسمين صدقني لأعطيك الأول وأحبك موت بالثاني .... |
رد: فوق هام السحب ( الشعر الشعبي) على متن القوافي
يعجبني اللي فاهم ويفهم الناس
وليا سالته قال ما اوحيت ماشفت تقول ماعنده مشاعر ولا إحساس متغابي وساكت وهو يفهم الكفت من الذكاء احياناً تسوي نفسك غبي بقلمي |
رد: فوق هام السحب ( الشعر الشعبي) على متن القوافي
أكتب شعوري وسط شعري لو تبي
وارسم خيالك وسط قيفان الشعر أنت الهوى والشوق وغاية مطلبي أنت الحياة أنت العمر أنت العطر .... |
رد: فوق هام السحب ( الشعر الشعبي) على متن القوافي
عن شعور التجاوز يقول عبدالله السراهيد :
البارحة ذكرتك وما تبسّمت يبدو علي إني بديت اتخطى |
رد: فوق هام السحب ( الشعر الشعبي) على متن القوافي
يا مساء الخير وهبّات النسيم
ويا مساء النور ونقول السلام السعاده رزق والمعطي كريم أسعد الله قلب من رد السلام بقلمي |
رد: فوق هام السحب ( الشعر الشعبي) على متن القوافي
لو أدري إن الروح ياصاحبي تكفيك
أرسلت لك روحي على باب بيت ولو الغلآ بالقلب ياصاحبي شيك گل الغلا إللي برصيدي عطيتك .... |
رد: فوق هام السحب ( الشعر الشعبي) على متن القوافي
قلي صراحه عليك الله علمني
وش خافي احساسك المبهم وتاليته كاتم شعورك وهذا اللي مجنني لاخفيت عني شعورك لي ولا ابديته ويش اجبرك بس حاكيني وكلمني كل ماتقرب شعوري منك صديته قول الصراحه فديت امك وطمني اما سكوتك ورب البيت ما اقويته .... |
رد: فوق هام السحب ( الشعر الشعبي) على متن القوافي
أو ليتني طيفٍ يزورك بممساك
وأشاهِدك وأقول يانفس طيبي بالحيل أحبَّك وأعشقك وأتمنَّاك يشهد على ما أقول دمعٍ سكيب .... |
رد: فوق هام السحب ( الشعر الشعبي) على متن القوافي
انا لو ينسّيك الزمن ماني بناسيك
محبتك قصه ما اقدر اكتب نهايتها لو الوقت يرجع قبل اعرفك وقبل اجيك وقبل الهقاوي تنثني دون غايتها بـ أروح انتظر ف أول مكانٍ جمعني فيك وبـ أعيد تجربتي معك من بدايتها .... |
رد: فوق هام السحب ( الشعر الشعبي) على متن القوافي
ي معاتبيني راعو الظرف تكفون
الحال ما يحتاج كثر العتابي وضعي ملخبطني ولا عنّه تدرون ولا استطيع ابوح به في جوابي ياالربع انا همي في الصدر مدفون واحب اخفي داخلي كل مابي ومن مانشد عن حالنا قلت بتهون وغصتي بالصدر ماحد درابي .... |
رد: فوق هام السحب ( الشعر الشعبي) على متن القوافي
اسلم وسلم واخذ من شعوري ماتبيه
مابقى بسماء المعاذير شمس ولا قمر ٰ ودي اني ما اخسرك بس يالله ماعليه خاسرٍ قبل اخسرك هقوه وفرصة عمر .... |
رد: فوق هام السحب ( الشعر الشعبي) على متن القوافي
أقصى عروق القلب تنبض لك أشواق
يامن غلاك بداخل القلب مالك لا زارني طيفك تجي كل الاشواق أكبر شعور القلب عانق خيالك مشتاق لك مشتاق والقلـب خفاق والروح توله يا الغلاء في وصالك كم صاح قلبي في غيابك وكم ضاق وفي كل لحظه ما تناسى سؤالك .... |
رد: فوق هام السحب ( الشعر الشعبي) على متن القوافي
بإنتظار الأيام إللي قالوا عنها :
بكرا تصير أحلامنا تشبه الشمس ونصحى على جوّ الفرح والأماني يارب |
رد: فوق هام السحب ( الشعر الشعبي) على متن القوافي
لولا عِناد الخَيل ماكان خيَّال
وما كلُّ خيَّال يروِّض عَنِيدة |
رد: فوق هام السحب ( الشعر الشعبي) على متن القوافي
الله يمسيكم من الخير بالخير
ويكتب لكم طيب الحياه وسعدها ويكفيكم شرور الزمن والمقادير ويرزقكم الجنه وزايد رغدها .... |
رد: فوق هام السحب ( الشعر الشعبي) على متن القوافي
يارياح الورد هبي بالسلام
واطرقي باب الاحبه باحترام وافيضي العطر من بين الغمام واطربي كل البلابل والحمام وابعثي من هاتفي احلى سلام لمن لهم بالقلب أغلى مقام .... |
رد: فوق هام السحب ( الشعر الشعبي) على متن القوافي
في غرامك طحت طيحة كسيرٍ في قليب
انقطع صوته وكن العرب فيها صقه مدلي حبل المواصل وساعدني وأطيب الهجر مافي يده غير حبل المشنقه كل يوم ما يجيبك هو اليوم العصيب اتحرى من بزوغه مغاييب شفقه .... |
رد: فوق هام السحب ( الشعر الشعبي) على متن القوافي
في هالزمن ياصاحبي عيش دنياك
لا لاتحاول تفهم اللي حواليك تكشف لك الأيام من كان يهواك ومن هو يمثل دور انسان يغليك وناس ليا شافوا الزعل في محياك تسابقوا من فيهم اللي بيرضيك صعبه تلاقي فالبشر بعد فرقاك من يذكرك بالخير لاحل طاريك .... |
رد: فوق هام السحب ( الشعر الشعبي) على متن القوافي
بعلمك وش داخل الصدر واهديك
بيت على بحر الأحاسيس موزون يومي ليا منه إبتدا وانتهى فيك إي والله اني اسعد إنسانه بالكون .... |
رد: فوق هام السحب ( الشعر الشعبي) على متن القوافي
مادريت أن القلوب العاشقه حسّاسه
لين من وثـق قيادي حطني في كمّه شالني والحب ذعذع وأحتمی نسناسه والعهد بيني و بينه ماتبور الذمّه واحدٍ طوّع عنادي قبل أليّن باسه والجوارح كلبوها بـ وصلتها يمه أتجمد فوق صمته وأحترق بأنفاسه وأتبخّر من هيامي وأنثره والمّه .... |
رد: فوق هام السحب ( الشعر الشعبي) على متن القوافي
ياوجودي كل مارحت بـ لحالي
كل قاعٍ جرهديّه غدت كنها جفرةٍ مادوننها عِرق ورمالي طامنه حتى الذعاذيع تدفنها .... |
رد: فوق هام السحب ( الشعر الشعبي) على متن القوافي
احبك ومن حبك خسرت اقرب الاصحاب
اذا عاتبوني فيك وعتابهم مابيه احبك ولاتسأل حبيبي عن الاسباب انا لو اعرف اسباب حبك قدرت انهيه حمد السعيد |
رد: فوق هام السحب ( الشعر الشعبي) على متن القوافي
رحنا وجينا وصار الصبر مثل السلاح
ماعندنا كان ماطاعك زمانك طعه نخاشر الطير لو انه يرفّ الجناح ونسوق الاقدام ودروب النشاما سعه .... |
رد: فوق هام السحب ( الشعر الشعبي) على متن القوافي
هل السلام عليكم جايةٍ من سلام
ناسٍ تسلم علي والكره في عيونها ترى العدو المبيّن يستحق إحترام العله اللي عداوتهم يخشونها وأنا لو الكره يزعجني تراه اهتمام حياتكم لجل كرهي لا تخلونها تعبت أعلمكم إن الحب وإلا المقام يعطيها ربي ماهم بالناس يعطونها يا لايمي ماعليك ولا عليهم ملام لـ أهل المعالي طرايق ما تعرفونها السكته اللي على رضاها يدور الكلام بدري عليك أنت وأمثالك تسوونها .... |
رد: فوق هام السحب ( الشعر الشعبي) على متن القوافي
الشوق يكبر وقدرك بالغلا يكبر
شف ودّك اللي خذاني وين وداني من كثر ماشتاقلك وأغليك وأتصبر قام يتلعثم حنين القلب بلساني أخاف أبين مدى حبك و تتّكبر وأخاف أبين صبر قلبي وتنساني .... |
رد: فوق هام السحب ( الشعر الشعبي) على متن القوافي
ياغناة القلب يامدهل الصدر الوسيع
يوم صدر الشاعر الذرب محدً يدهله جيّتك تكفيه عن جية العالم جميع قافل مخرج مكانك وقافل مدخله انت شوفك خير وامطار وسيول وربيع وشوف غيرك مثل شوف الديار المضمحله .... |
رد: فوق هام السحب ( الشعر الشعبي) على متن القوافي
تمركّ العابرين وما تسلم عليك
إلا غريبٍ طوته الأرض بسنينها قال أنت جالس لحالك تنتظر من يجيك قلت انتظر نفسي اللي ما اعرف وينها سعد علوش |
رد: فوق هام السحب ( الشعر الشعبي) على متن القوافي
جعل غصن ما يذري ولا تحته مقيل
تحرقه سود الليالي على دافورها رفقتن ماهيب توزن من الوزن الثقيل بيعها بأرخص ثمن لاتطاوع شورها .... |
رد: فوق هام السحب ( الشعر الشعبي) على متن القوافي
قهويت صدري من طواريك فنجال
وعيا الفؤاد يرد فنجال طاريك فنجال شوقن يشكي الحال للحال فنجال ماينمد إلا لمغليك .... |
| الساعة الآن 04:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية