|
رد: فوق هام السحب ( الشعر الشعبي) على متن القوافي
مملكة سحر الطبيعه والجمال
في عيوني انتي اجمل مملكه تحتويني فا الغنج يام الدلال وفالحنان اللي بداخلك املكه .... |
رد: فوق هام السحب ( الشعر الشعبي) على متن القوافي
حط عينك بعيني بس حتى دقيقة
بي تشوف ان حبك غير كل الخلايق حط يدك بيدي واجل همي وضيقة لمسة اليد منك تجعل البال رايق لمني واحتويني شوف جراحي عميقة ضمني وسط حضنك بس حتى دقايق حط راسي بصدرك واكتشف للحقيقة واكتشف ان حبك غير كل الحقايق بيدك امسح براسي بس مسحة رقيقة للتعب يمكن انسى ذا لقلبي مضايق اعتقد كل هذا بي يطفي حريقة واحدة لن حبك شب فيني حرايق .... |
رد: فوق هام السحب ( الشعر الشعبي) على متن القوافي
سلام ياملح الحبايب والأقراب
يامزين الدنيا وزايد حلاها مثلك يهد الحيل فرقاه لا غاب أما حضوره للضوايق شفاها |
رد: فوق هام السحب ( الشعر الشعبي) على متن القوافي
لبى الحياه اللي غرامك نمطها
أمشي على سطر الغلا وأكتبك حرف وأغمض عيوني وأشوفك وسطها آناظرك وأغض عن غيرك الطرف .... |
رد: فوق هام السحب ( الشعر الشعبي) على متن القوافي
سبحان من ريّض أشواقي على همسه
لين آخر الليل صار بساعتي بدري سوالفه من حرير وضحكته ونسه رقراق نهرٍ على طول السنه يجري اللي تبي صبّحه بالخير او مسّه هو كل الأوقات بس الناس ماتدري .... |
رد: فوق هام السحب ( الشعر الشعبي) على متن القوافي
شل قلبي معك يازين ارجوك شله
شل قلبي ونا بحط اسمك محله وان قدك في حضور الزين ياقلب قله صاحبي قال لي انك دوا كل عله .... |
رد: فوق هام السحب ( الشعر الشعبي) على متن القوافي
كفي بكفك للغلا تنقل احساس
وعيونك الخرسه تحاور عيوني روحي وروحك والمشاعر والانفاس صارت جسد واحد بكونك وكوني .... |
رد: فوق هام السحب ( الشعر الشعبي) على متن القوافي
ياكبر قدرك بعيني ولكن ماتشوف
الغلا اللي لك تجدد وفي قلبي ربا الطواري كل يومٍ تجيبك والطيوف والمشاعر في غيابك مراضى واتعبا لو تاخذك الليالي وتاخذك الظروف مانسيتك شاء من شا ويأبا من أبا ولو مايبقى من الوصل شي الا الصدوف مرحبا بالصدفه اللي تجيبك مرحبا .... |
رد: فوق هام السحب ( الشعر الشعبي) على متن القوافي
كل الحياه بحسك الغالي تزين
من عقلك الراقي لاخر جنونك أنا الوحيد اللي يعيش بمسائين وقت المساء ووقت شوفة عيونك .... |
رد: فوق هام السحب ( الشعر الشعبي) على متن القوافي
واحد من الناس يكفيني وراضي به
ماريد غيره ابيه اموت واحيابه يامر وينهى ولبي له مطاليبه تفداه روحي وقلبن تله انهابه الزين والذوق هي جملة عذاريبه وحلو النبا مع دلولن حيل جذابه .... |
رد: فوق هام السحب ( الشعر الشعبي) على متن القوافي
مملكة سحر الطبيعه والجمال
في عيوني انتي اجمل مملكه تحتويني فا الغنج يام الدلال وفالحنان اللي بداخلك املكه .... |
رد: فوق هام السحب ( الشعر الشعبي) على متن القوافي
دلة أهل المفارق كل ساعة تفوح
بين جمرة عذول وبين كلمة خوي كل حاجة مع الأيام يمكن تروح غير حبٍ تربع في ضلوع ابدوي .... |
رد: فوق هام السحب ( الشعر الشعبي) على متن القوافي
ماعاد خلّيت للأشواق صوبك مرور
ماتدري إن الحبايب يُخلقون أبرياء عاملتني بإصطناع الكبرياء والغرور وأنا لسان الغرور وسيّد الكبرياء .... |
رد: فوق هام السحب ( الشعر الشعبي) على متن القوافي
ياللي تبي الطيب ومعانق الطيب
ثلاث سجلها وطبق سندها كرامه الجيران ونطح المواجيب ويمناك للمحتاج ابذل جهدها .... |
رد: فوق هام السحب ( الشعر الشعبي) على متن القوافي
الوقت وصدوف الليال السريعه
مصيرها تكشف قناع المقنّع وتبين اللي طيب راسه طبيعه وتبين اللي طيب راسه تصنّع .... |
رد: فوق هام السحب ( الشعر الشعبي) على متن القوافي
إن غبت يبقى الشوق جالـس محلك
وإن جيت حل الحب في موقع الشوق غلاك عندي فوق ولا أحدٍ وصلك ولك منزل في القلب ماجاه مخلوق .... |
رد: فوق هام السحب ( الشعر الشعبي) على متن القوافي
وش عليك إن طوّل البعد يالغصن المريف
السنين تخلّي الناس تترك شفّها يوم تِفرحك السحابة ويجرحك الخريف كل دمعة تعتذر لي عشان أكفّها ولا أنا قد ضاع وقتي على الضلع المنيف للهنوف اللي عباة القصيد تضفّها جادلٍ لا شاقها البرق وأغراها الرفيف السماء تقرأ عليها والأرض تزفّها إن تهادت يفهق الليل برّاق القنيف وإن مشت تمشي على الريح يوم تدفّها وش يعذرني من الشعر فالقدّ الرهيف كل مافلّت شعرها وحنّت كفّها .... |
رد: فوق هام السحب ( الشعر الشعبي) على متن القوافي
صباحك نور لاقلنا صباح النور
صباح الورد لاشق السما نوره على خد الحلا ينثر غلاك زهور ويحفظ في عيون الشوق لك صورة .... |
رد: فوق هام السحب ( الشعر الشعبي) على متن القوافي
يالله بصبحٍ يجتمع فيه ثنتين
سترك وعفوك ياكريم العطايا ونك تثبتنا على منهج الدين والرابعه تمحو جميع الخطايا .... |
رد: فوق هام السحب ( الشعر الشعبي) على متن القوافي
أمك نجاتك كان تبغى نجاتك
وفرصة نجاتك بالحياه أغتنمها أرخص لها مالك وكرّس حياتك وأحرص على رغباتها وأحترمها دعواتها خير ورضاها غناتك والجنه الجنه مواطي قدمها .... |
رد: فوق هام السحب ( الشعر الشعبي) على متن القوافي
ترى الجمايل خساير في بطون الرخوم
تتعب وبس التعب ياخوك ماله خلف بعض البشر تفرح انك في لزومه تقوم وبعض الاوادم خساره فيه ربطة علف .... |
رد: فوق هام السحب ( الشعر الشعبي) على متن القوافي
لاتعلق حياتك بين هذا وذاك
من يروّح فمان الله ومن جاء هلا يارفيقي ترى الدنيا ماتسوى عناك رحلة العمر محفوفة بمر وحلا بين يربى بعزك واحسن الله عزاك اختصار الحكاية كلها من إلى .... |
رد: فوق هام السحب ( الشعر الشعبي) على متن القوافي
ما أَلتفت للماضي اشوف قدام
شعوري فالدنيا شعور المسيّر كبرت حتى فـ اختياري للاحلام لو ان عمري في حياتي صغيّر وظروفي ان مرت علي بعض الايام قبل اتعلم منها ماتطيّر في عام احبك وافترق عنكْ في عام في عام واحد كم شعور يتغيّر .... |
رد: فوق هام السحب ( الشعر الشعبي) على متن القوافي
طوّلت وش صار منت بعاده اتطول
نطرتك وماقدرت ابقى وانا ناطر ㅤ ماعاد انا الاولي يالصاحب الاول ادنات مايجرح وما يكسر الخاطر .... |
رد: فوق هام السحب ( الشعر الشعبي) على متن القوافي
خذيت من مر الزمن ماكفاني
وعطيت غيري كثر ماكنت محتاج بغيت لي حاجه وحظي عصاني من عقبها صديت منعاً للإحراج .... |
رد: فوق هام السحب ( الشعر الشعبي) على متن القوافي
انا ورثت الشعر من جدي وابوي
شعر وفروسية وشيوخ ومطانيخ ابني بيوت الشعر واتعزوى باخوي والبيت بيت الشيخ ومورث لشيخ .... |
رد: فوق هام السحب ( الشعر الشعبي) على متن القوافي
انا ما دخلت تويتر انظم غزل واعجاب
وادور على عشاق مابين زيد وعمر انا بنت شيخٍ واحسب لخطوتي حساب وادور على الطالة واجدد سمو الفكر .... |
رد: فوق هام السحب ( الشعر الشعبي) على متن القوافي
يسعد صباح احبابنا وين ماكان
اللي علينا من غلاهم يمونون الله يجنبهم صواديف الازمان ويستر عليهم وين ماكان يمشون بقلمي |
رد: فوق هام السحب ( الشعر الشعبي) على متن القوافي
خل اتكالك على اللي يعلم الخافي
خذ مابدا لك وخل اللي يخبونه اليوم حتى الكريم الصادق الوافي لابد في المجتمع ناس ٍ يسبونه ماترضي الناس لو إنك عسل صافي حتى العسل فيه ناس ٍ مايحبونه .... |
رد: فوق هام السحب ( الشعر الشعبي) على متن القوافي
هذي هي الدنيا حظوظ وتوافيق
اما وطـاك الحظ والا وطيته تعيش في غيبوبة الوقت وتفيق شي تذكرته وشي نسيته بس الوكاد انه بعد نشفت الريق مالك سوا بنيانك اللي بنيته السد خله دايما فالصناديق منشان ماتصدم بشي هقيته والطيب فعل وله دروب وطواريق وسوه لوجه الله لامن نويته .... |
رد: فوق هام السحب ( الشعر الشعبي) على متن القوافي
غفلت عن عمري وسايرت الأيام
والعمر مثل العصر والعصر فوات وكسبت من كثر الاماني والأحلام حلمٍ تعلق لاتحقق ولا مات .... |
رد: فوق هام السحب ( الشعر الشعبي) على متن القوافي
انا ياجماهير الفرزدق وابو تمّام
لو اني ملكت الساحة بصكها الشرعي اشوف القصيد الباهت اللي بدون إلهام من المستحيل يجوّز البنت فالقرعي لاشفت المواتر تزدحم فالطريق العام تعديتها وانا معَ الشارع الفرعي يحارب لي الحظ القوي من 3 اعوام وانا مابعد شليت سيفي ولا درعي ابو زيد عنده خطةٍ تذبح العلّام ماعلم بها بنت الزناتي ولا مرعي .... |
رد: فوق هام السحب ( الشعر الشعبي) على متن القوافي
المساء لـ اللي هدبها سَرق كحل الظلام
كنّها على مداهيل صدري حالفة عينها تِغني عن الهمس وحروف الكلام كل مارمّد ضياء الليل تشعل سالفة .... |
رد: فوق هام السحب ( الشعر الشعبي) على متن القوافي
احيان اناوش بالطموح الغيمه
واحيان ماشوف لطموحي قيمه عندك مثال الحين جلّ احلامي ابريق شاهي خادر وتلقيمه .... |
رد: فوق هام السحب ( الشعر الشعبي) على متن القوافي
ادري انه محد يدري وش اللي جاني
غير ما باليد حيله وش تبون اسوي حالفين باالله لاغني جميع الحاني لين يبرا خافقٍ فيه الحزن متلوي .... |
رد: فوق هام السحب ( الشعر الشعبي) على متن القوافي
متصنع الطيب لايمكن يجي طيب
يتعب من الطيب ويعود على طبعه دايم ضعيف الروابع شبحه قريب حتى رداه ان تردا في حدا ربعه .... |
رد: فوق هام السحب ( الشعر الشعبي) على متن القوافي
عن المجامل وكسب الناس ورضاها
رضا ضميري على نفسي بيغنيني انا لدنياي والعالم لدنياها ويا جعل يفداني اللي مايدانيني اياميَ الباقيه قررتَ ابحياها على حسب مايلائمني ويرضيني العمر يسلب من الدنيا مزاياها ورغباتي تقل كل مازادت سنيني أشياء ياكثرها كنت أتمناها الحين ماعاد تسوى شيء في عيني .... |
رد: فوق هام السحب ( الشعر الشعبي) على متن القوافي
يطق الزمان وكل طقة لها منحاه
ولاهو صحيح إن كل طقة بتعليمه ياكم واحدٍ طقه زمانه ولا صحّاه ولاهوب قادر يفهم أبسط مفاهيمه .... |
رد: فوق هام السحب ( الشعر الشعبي) على متن القوافي
جهز دلالك وشب النار عقب الصلاة
واستشعر الصبح لاتهمل ولا ثانية واجمع عليك الرجال اللي ماعنهم غناة واخوانك اللي عليك قلوبهم حانية والا تقهويت دور مرزقك في الحياة على شان باكر تقهوى مرة ثانية .... |
رد: فوق هام السحب ( الشعر الشعبي) على متن القوافي
الحب مليون نوع وكل نوع ِيصيد
يصيد وجه الرضي ويصيد وجهَ ودر واغلاه لك يامخليني قريب وبعيد لين امتلى دفتر الايام عجز وصدر يالغالي الي جرى حبك بمجرى الوريد امنعني من الردى ومن الجفا والغدر خلك معي كل يوم نحب حب ٍ جديد تراك لو غبت لحظه ضاع عمري هدر .... |
| الساعة الآن 04:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية