رد: فوق هام السحب ( الشعر الشعبي) على متن القوافي
 

‏تنزاح عن وجهه الصحيح الاكاذيب
وتبين في وقت الظروف الرجوله

واللي عزومه ما تسوقه على الطيب
يطلع من الشوط الحماسي ذلوله

رد: فوق هام السحب ( الشعر الشعبي) على متن القوافي
 

افخر برفقه راعي الصدق والطيب
مقدام صف و بالمواجيب وافي

حرٍ ولد حرٍ عريب المناسيب
وجه وجاه وعز والقلب صافي

رد: فوق هام السحب ( الشعر الشعبي) على متن القوافي
 

وين خيّال الأطراف ؟ وين الربوع الطيبين
المصيّح ينادي ، وصوته تقطّع فالهـوى

قايد العنّه يقول، هرّج قبور الميتين
لا تضجّر وتزعل ليا قلت لك مالك لـوا

‎ الشاعر.. سفر الدغيلبي

رد: فوق هام السحب ( الشعر الشعبي) على متن القوافي
 

الرجل لامنه هرج تلقى على عقله دروب
لكن ترى اكثر مايحير بالرجال سكاتها

وترى الغضب ماهوب لازم يظهر اللي بالقلوب
تظهره والله مزحةٍ ماتنحسب كلماتها

رد: فوق هام السحب ( الشعر الشعبي) على متن القوافي
 

تمضي حياتي بين مذنب وتايب
واللي يريده خالق الناس مكتوب

‏والغيب عند الرب ماهو بغايب
لكن عن المخلوق خافي ومحجوب

‏والنفس والشيطان ربع وحبايب
بآسبابهم كم واحد راح معطوب

‏الله يعين اللي من النار هايب
والله يهونها علی كل مكروب

‏يالله يامعطي جزيل الوهايب
تحسن ختام النفس يا اعز مطلوب


......

رد: فوق هام السحب ( الشعر الشعبي) على متن القوافي
 

‏يالله بغيث يحيي عروق الاشجار
واسبوع ياربي تسابق بروقه

على الديار اللي بها عج وغبار
من قلة الامطار عطشى شفوقه

......

رد: فوق هام السحب ( الشعر الشعبي) على متن القوافي
 

‏أَنَا التَّائِبُ اِللِّي تَأْبَ قَلْبَهُ لِوَجْهِ اللهِ.
عَرَفَ وِش بَقًّا لَهُ قَبْلَ يَحْسُبُ مخاسيره.

يَا حُلْمٌ العُمْرُ وَدَعْتَكَ اللهُ فَمَانِ اللهُ.
عَوَّضْنَا عَلَى اللهِ مَا رُجِينَا حدٍ غَيْرَهُ.

الشَّيْخِ الدُّكْتُورُ
عَبْدُالرَحْمَن بن صالح الشمراني

رد: فوق هام السحب ( الشعر الشعبي) على متن القوافي
 

‏ياكثر ماقلنا استرحنا ولافـاد
واشغـالنا واعمـالـنـا مشغلتنا

نجاهد الدنيا وصكاتها جهـاد
وظروفنا عـن بعضنـا مانعتنا

دنياً غثاها طول الايام يزداد
نركـض ورى لـذّاتهـا واتعبتنا

اليا قِربنا احلامنا راحت بعاد
واليا وصلنـا احلامنـا بعّدتنـا



....

رد: فوق هام السحب ( الشعر الشعبي) على متن القوافي
 

‏عرف النشاما لنشاما تجاره
أهل الفعائل والمزايا الحميده

وانا كسبت اللي رفيعٍ وقاره
اللي يسولف عن قديمه جديده

الطيّب اللي مايغيّر مساره
اللي ،بحزات ،المواقف ،واليده

ماهي علوم اللي حياته خساره
اللي يخاف الطيب ينقص رصيده

......

رد: فوق هام السحب ( الشعر الشعبي) على متن القوافي
 

مساؤكم خزامى


تقديري لتواجدك النيّر
الحمدان
ود
@جاهله@