|
رد: فوق هام السحب ( الشعر الشعبي) على متن القوافي
الخافي أعظم يازمان العجــايب
وش عاد باقي ما لفت به لياليك عشنـا وشفنا فيك كل الغـــرايب يكفي ترا ماعاد نقدر نجـــاريك |
رد: فوق هام السحب ( الشعر الشعبي) على متن القوافي
ترا ماحـدن منا سلم من كلام الناس
مـدام إن به مـن ينقـل الهـرج ويـرده وسيع البنايد يبتسم من طناخة راس وضعيف الروابع تجلس بخاطره مده ذائقه |
رد: فوق هام السحب ( الشعر الشعبي) على متن القوافي
سامرت وجه الحياه اللي عطتني عمر
حتى بدت تسرق القمرا وتسري بها احرك الجمر بالملقاط و اسحب جمر والجمره اللي بجوفي ويش اسوي بها |
رد: فوق هام السحب ( الشعر الشعبي) على متن القوافي
اه يا ثقل الكلام اللي ورى صدري عتابه
واه يا شين الطواري يوم اقلبها براسي |
رد: فوق هام السحب ( الشعر الشعبي) على متن القوافي
يا رب صبرك يا معين الصابرين
فرج عن اللي لا تضايق ما هرج تسوقه الدنيا وهو جرحه دفين ويخفي دموعه لا تسبب له حرج |
رد: فوق هام السحب ( الشعر الشعبي) على متن القوافي
صَفْ النوايا واترك الهرج للناس
الناس محد ٍ سالم ٍ مـن احـكاها بعض الهروج اللّي تجي مالها ساس تتعـبك لافـتّشت فـي مــحـتـواهـا لَـ تصير في بعض المواقيف حسّاس الناس يـبـلـش مـن يـدَوّر رضـاها |
رد: فوق هام السحب ( الشعر الشعبي) على متن القوافي
هذه القصيدة لرجل من
يدعى ابا القنص توفي له اربعة ابناء وبلغ من الكبر عتيا ورزقه الله ولدا على مكبره اسماه فهد، وكان هذا الفهد متولعا بالصيد مثل ابوه،وحدث مره ان خرج الاب للصيد وترك فهد بالبيت ولكنه غافل امه واخذ الباروده ولحق ابوه للصيد،وفي طريق فهد للصيد صادف طير فمد عليه وصاده، وهو في الطريق اشتد عليه الحر فجلس على تل وفرش طير الحباري على راسه ليقيه الشمس ،ولجل الصدف والتقادير يمر ابوه من هناك ويشاهد طير الحباري،فيمد عليه ويصيده،وما ان وصل ليأخذ الصيد حتى صعقه ما رأى فاذا هو قد ذبح ولده وحيده دون قصد،فما كان منه الا ان حمله بين يديه وبكاه...... وفي تلك الفتره كان نمر بن عدوان قد فقد زوجته وكان يبكيها بشده، فارسل له ابو القنص هذه القصيده. ياراكب الملحا لها الكور شدي قم ياوليفي واعتلي فوق هياف تسبق نسيم الريح يومن تمدي واسرع من اللي بالسما ريشها ارداف ودي تزور الهند والسند ودي وتدور الدنيا من الكاف للكاف ودي ل ابن عدوان مكتوب ودي ل نمر هلي للخطاطير وقاف يانمر وين اللي بنى قصر جدي وين الصحابه يانمر وين اهل كاف وين السليم من النيا والتعدي والبين ما لطم اخدوده ولا شاف من قبل منك مرود العين صدي والعين تذرف دمعها جواز وارداف على جنين بأول العمر مدي هو مهجتي يانمر من ورى القاف صيده حباري والحر زايد بشدي وناثر من الجنحان على الراس رفراف كن لاحلي بالزول مثل المهدي مشعل فتيله وناهظه بين الكتاف علمي امغيظه ما تغالط بيدي ثار الطلق من ثوعته والقلب خاف يومن حظنته وهدب عينه مندي يخبط حمر من جوة القلب نساف شلته بيدي والتقيته بزندي ودمعي نزل من مقلة العين رشاف ناديت بجنح الليل على ام فهد هيي لقدر مانشى البين باطراف راحت ورجعتلي ومابه تحدي وتقول عزراييل ماظن حدا عاف الموت ما ينحاه كثر التفدي يرميك لاونك على راس مشراف |
رد: فوق هام السحب ( الشعر الشعبي) على متن القوافي
اسحب على اللي ما يقدّر مقامك
اللي مجيّك ما يلقي له البال واحرص على اللي ما يقلّ احترامك اللي يفز بشوفتك فزة اجلال كرامتك عطها جميع اهتمامك لا تبيعها من شان منصب ولا مال وجودك بلياها يساوي عدامك ومن دونها تراك ما انته برجال |
رد: فوق هام السحب ( الشعر الشعبي) على متن القوافي
من لارفع نفسه عن الضعف والعيب
واحفظ عن الزلات دايم السانه لا ينتظر تقدير لابه و اجانيب ولا يدور ، بين ربعه ، مكانه |
رد: فوق هام السحب ( الشعر الشعبي) على متن القوافي
قلو رجال الموجبات الطحاطيح
اللي اليا مال الدهر مايميلون اللي مراجلهم على هبت الريح ياجعلهم فالمجتمع مايقلون وكثرو مروجت الهروج السلاتيح اللي وظايفهم يقول ويقولون لاذرعو على صحون المفاطيح زال الصحن قدامهم مايقومون |
رد: فوق هام السحب ( الشعر الشعبي) على متن القوافي
يالله ياللي بيدك الضيق وافراجه
ياخالق الخلق ياقاضي حوايجها تفرج لعينٍ إليا غضت بسوهاجه تجهز عليها الطواري لين تزعجها بالصدر ضيقه ونوم العين هملاجه عينٍ من العام والسهر أمتولجها عبد الله بن عون |
رد: فوق هام السحب ( الشعر الشعبي) على متن القوافي
نمشي على درب التواضع والخلاق
اطياب ما جتنا في الوقت زلات تاريخنا مكتوب في بيض الوراق والمرجله فيها لنا اكبر سجلات عشاق للعزه وللموت نشتاق رغباتنا ماهي على اشياء مملات الجيد نفخر به ومن ضاق له ضاق والمعذره عقب البيوت المقلات |
رد: فوق هام السحب ( الشعر الشعبي) على متن القوافي
يازين الخوي اللي يدلك لفعل الخير
يخاف الله ويمشي على الشرع والسنه يحثك على الصلاة ويذكرك تذكير كثر ما هو يحبك يبي تدخل الجنه |
رد: فوق هام السحب ( الشعر الشعبي) على متن القوافي
ضعيف الروابع لا تحطه على يمناك
و لا تعتزي به لا بدا اللازم الحاضي و لا تخشره بأمرك و لا يعترض دعواك لجل ما تطيح بخصمة ٍ تبحل القاضي توخذ الحذر واحرص على وجهك ومخباك من العالم اللي معرفتهم على الفاضي |
رد: فوق هام السحب ( الشعر الشعبي) على متن القوافي
لا تكاثر جـيّــتي .. يا نظر عيني
الله اللي جــابني لك، وعنّاني ماشيٍ دربٍ مشوه المحــبيــني بالــــمودة .. راجحٍ لك بمــيزاني أحسب انّك.. مثل ما اغليك تغليني ما دريت انّك.. عدوٍّ، وقوماني واثر لك.. يا متلف الروح قلبـيني قلب يبغـضـني، و قلب يتمنّاني كم هنوفٍ عند اهـلهــا.. تمانـيني دزّت الــــمرسول.. كلّه على شاني تحـسـب ان الله قطـوعٍ يخـــليني ربّي المعـــبود.. ما عاد ينسـاني وتحسب انك يوم قفّيت..كاويني يوم تچفي الحوض.. في وجه ظمياني سـّيد الخفرات .. ماتوفي الديـني خـنـتـني .. من غيـــر حق و برهـاني الجفـا من بينـنا.. موقــفه شــيني من فعــل خـير .. يجزى بالاحـــساني خوفي الله لا تصــيريـن لاثــنيني صفـّـي الــنية، و صــيري لوحــداني يا حـبيـبي .. إسقـني ..لا تخليني لو امــوت من الظـما محدٍ .. اسقاني سالم الحربي |
رد: فوق هام السحب ( الشعر الشعبي) على متن القوافي
لي متانا يااتلع الجيد ونـا صابريـن
كـان للغايـة حـدود وصلنـا حدهـا والمدور في متاهات سـر الصامتيـن ايتحير ماعرف كرههـا مـن ودهـا لا يغرك من يقول تالي الخافي يبين الاوادم نصفها مايباح بسدها كم شفوفٍ خيمت في نفوس المستحين لين ماتت بين بني الامال وهدها خذ عبره من كلام العوارف الاولين كل كلمه تستحي من هدفها بدها بن جدلان رحمه الله |
رد: فوق هام السحب ( الشعر الشعبي) على متن القوافي
أحب الصراحه وأكره الكذب والكذاب
وأحب الرفيق اللي على الطيب يجذبني ولا أحب ابو وجهين ومنافق وكذاب ضحوك قدام وجهي ولا اقفيت يكذبني الى ضاع ضنك في رفيقٍ عزيز وخاب هذا والله اللي يجرح القلب ويغبني تبون الصراحة مابقى في الزمان اصحاب بقى مصلحه والمصلحه ما تناسبني |
رد: فوق هام السحب ( الشعر الشعبي) على متن القوافي
هني الذي لا حل طاري وليفه طرب
وانا صاحبي لحل طاريه عزّربي انا وين ابلقا واحدٍ زايره في قرب يجيب الخبر من صاحبي ويتوجّر بي يداوي كبودٍ من سموم المفارق جرب كبود العرب ينقص عناها وهي تربي ياليت المحبه يالغظي لا تعود حرب لا منك نويت اتبور بي لا تعذر بي كيف انساك يمالك اعموق وجمال وذرب وهي الثلاث المغريه لذة العِرْبي سعد بن جدلان الاكلبي |
رد: فوق هام السحب ( الشعر الشعبي) على متن القوافي
عباد مغفلها الزمان وتعجبي
يحسبون قل المال فالرجل عذروبه وأنا قانع باللي على كاتبه ربي ومؤمن بمقدوره وقانع بمكتوبه ولا ابغى عمى الرأي برايه يجزي وهو ما عرف ما جوب ربه وما جوبي هذور المجالس راعي المدح والسبي وهو بالخلا لوجاه بنت خذت ثوبه ديار الوباء من طبها راح متوبي وقرابة الجرباء على الحول مجروبه انا عارف منصاي الا من بدأ نبي وعارف طريقي والذي بالتجه صوبه وانا اعرف من اعادي وانا اعرفا من احبي وبه ناس لا تعرف ولا هيب محبوبه سعد بن جدلان |
رد: فوق هام السحب ( الشعر الشعبي) على متن القوافي
من حل دار الناس حلوا دياره
لابدّ ما تسكن دياره .. ويغبَنْ ومن شق ستر الناس .. شقوا ستاره ! ومن ضحك بالثرمان يضحك بلا سنْ |
رد: فوق هام السحب ( الشعر الشعبي) على متن القوافي
والله ان صدري معافى وخفاقي نظيف
لو أشوف الحزن في عين حسّادي زعلت الملامح بعض الأحيان تظهرني عنيف ولاّ أنا بالكلمة الطيبة .. ماقد بخلت أقبل بوجهٍ يشرف ومنطوقٍ عفيف ولا لقيت اللي ينقص من حضوري رحلت أتعدا عن عيوب البشر كني كفيف ولا تبيّن شي للعين جنبت وغفلت |
رد: فوق هام السحب ( الشعر الشعبي) على متن القوافي
يالله برزقٍ مـا حسبنا حسابه
ما للردي في سوقته يمنا يدْ يسوقه اللي قال محكم كتابه استغفروا وابواب الارزاق تمتدْ استغفرك يا ذا العفو والإجابة وانزهك مالك شبيهٍ ولا ند يا سـايقٍ عذب المطر من سحابه يا منبت الشوكة على ساقة الوردْ |
رد: فوق هام السحب ( الشعر الشعبي) على متن القوافي
لا يحزنك هاجس الفرقى وكَبت الشعور
وظروفنا اللي شتاها أحر من صيفها أهم حاجة محبتنا وباقي الامور إن زانت تزين وإن مازانت بـ كيفها |
رد: فوق هام السحب ( الشعر الشعبي) على متن القوافي
ياوليفـي دمعكـم فـي غيابـي ردّ لـي
وأدري انّ دمعتك خوفٍ عليّ ومن غلاي أنت ممرضني وأشوف المرض فيكم وفيّ الهبوب البارده منّك هبّت فـي حشـاي والله انّ كبدي عليكم عراويهـا أضمـيّ والمشارب غير هرجتك ماتقطع ضمـاي كيف تستغرب بطاي ومجييّ يوم أجـيّ منك اجيك أبدون رأيٍ وأروح ابدون رأي ليلي أسهر به والا جاء النهار أشلى شوّيمـرتٍ أشلـى ومـرٍ يعاودنـي بـلاي وأنت سبّة كلّ شـي ولا داويـت شـيّ كيف ياقـادر علـى داي ماتقـدر دواي بعد مـا شتتـوّ الفكـر وأخليتـو يـديّ كثرت أعلوم الشماميت وأفرحتو عـداي مابعد جاني من يوم التقـو بـي والـديّ ولابعد مرّ المحبين مـنّ حـوّاء وجـاي لوّ خبر به حيّ يبكي على فقـدان حـيّ كان يمدي من عرفني يشاركني عـزاي جعل يسقى يوم كان الهوى ماغير غـيّ فأول الرحلـه مثـل مبتـداك ومبتـداي سعد بن جدلان |
رد: فوق هام السحب ( الشعر الشعبي) على متن القوافي
هذا الزمن لا عاد تشره على الناس
ولا تعاتب كل ما شفت زله كثر التشره والعتب يوجع الراس من جاز لك جز له ومن شان خله من تابع الزلات لابد يحتاس وتجرعه بقعا ثمانين عله وان زاد همك وابتلا الصدر هوجاس سج القدم وابعد عن الحي كله واختر رفيق ٍنادر ماله اجناس صميدعٍ من رافقه ما يمله راع الفعول الوافيه طيب الساس يهوى المراجل والوفا عادةٍ له يشوم عن درب الرذاله والادناس ويشهر على حد النجوم المطله ولا اخذت لك مع ذرب الافعال مرواس في خايعٍ دهم السحايب تعله تنسى سوالف كل باير وبلاس وينزاح عنك الهم دقه وجله البعد زين وعزة النفس نوماس اخير لك من ربع قلي وقله مالك مع نقالة الهرج مجلاس احشم جنابك عن مكان المذله من جالس اهل القيل يبشر بالافلاس لو كان ريس دولةٍ مستقله خليل بن هدلان |
رد: فوق هام السحب ( الشعر الشعبي) على متن القوافي
نظـراتنـا دايـم علـى الـعـز قـدام
وصدورنا وقت المصايب رحيبه صغيرنا دايم على الطيب مقدام وكـبيرنا وقـت الفـعايـل مصيبـه نقَدم على الكايد وناطا بالاقدام وقـت الرخا ولا الامـور الصعيبه وان كشرت سود الليالي والايام نسـوقـهـا واللـي تجيبـه تجيـبه |
رد: فوق هام السحب ( الشعر الشعبي) على متن القوافي
أحب الصراحه وأكره الكذب والكذاب
وأحب الرفيق اللي على الطيب يجذبني ولا أحب ابو وجهين ومنافق وكذاب ضحوك قدام وجهي ولا اقفيت يكذبني الى ضاع ضنك في رفيقٍ عزيز وخاب هذا والله اللي يجرح القلب ويغبني تبون الصراحة مابقى في الزمان اصحاب بقى مصلحه والمصلحه ما تناسبني |
رد: فوق هام السحب ( الشعر الشعبي) على متن القوافي
يـامساء الخير ي يوم الخميس
هدِ نفسـك مـالـنا عـنك غنـاه انت خير أيامنا وانت الونيس جعل يفداك الأحد واللي وراه |
رد: فوق هام السحب ( الشعر الشعبي) على متن القوافي
دنيا شقاها بـين مسرى و مسراح
ولحدن تشوفـه سالـم مـن غثاها واللي مضى ماعاد يرجع ليا راح والمقبله مـدري وش اللي وراهـا |
رد: فوق هام السحب ( الشعر الشعبي) على متن القوافي
حنا بـدو مانقبل .. الغدر والعيب
خـوينا نغليه .. حـاضـر وغـايـب كرم شجاعة عيبنا نعشق الطيب بصدورنا ننطح كبار .. المصايب |
رد: فوق هام السحب ( الشعر الشعبي) على متن القوافي
هذي سنه راحــت وانا خاطري شين
عسى الجديده تدمـــح اللــــي وراها هــــــذي سنه يا علها فـــدوة السنين سجيت فيــــها بالخـــلا مــــن شقاها ماعاد ينفــــع للعــــذر زود تسمــــين وصــــل النوايا مقترن مــــع خــطاها تحب تخطــــي تعتذر زيــــن بعــدين مــــن يقـــدر يرجـــع للاحـــداق ماها |
رد: فوق هام السحب ( الشعر الشعبي) على متن القوافي
حنا نحب الصدق ونقول الصحيح
وقلـــوبنا ما كـــل مـــن جاها قلط مو مشكله لا صــار منطقنا صريـــح المشكــله فـــي الناس تفهـمنا غلط |
رد: فوق هام السحب ( الشعر الشعبي) على متن القوافي
احشم بنات الناس تحشم خواتك
لا تقرب اعراض المخاليق بالشين الدين يرجع لك ولو في بناتك كما تدين تدان ولو هو بعد حين |
رد: فوق هام السحب ( الشعر الشعبي) على متن القوافي
ياسعود وضعي توتر ويش اسويبـه
مع صاحبٍ من ورى عشرين طلابي من اول(ن) حولنا وتجـي مناديبـه واليـوم لاعادلاذكـر(ن) ولا نابـي خلي بعيد(ن) عن الشكات والريبـه وانا مقامي رفيع(ن) عند الاجنابـي ان جيت ابا اجيه شافوني معازيبـه وان جيتهم ماقدرت اقول ويش ابي عز الله انها على اللي مثلي اصعيبه اجي معـزز وادور لازم(ن) غابـي وسوالفه عقب فرقا الشمل والغيبه الذ من سكر(ن) فـي در حيزابـي فالحب من ذاق خمره من رعابيبـه والله يكد النواصي بيض ماتابـي سعد بن جدلان |
رد: فوق هام السحب ( الشعر الشعبي) على متن القوافي
علمو مـن ينقل الهـرج لفـلان وفـلان
لا يجيب الهرج عندي ولا يجلس معي السوالـــف بالقفا مالها عنـــدي مكان قبل لا احشم السانـي حاشــم مسمعي |
رد: فوق هام السحب ( الشعر الشعبي) على متن القوافي
ما اظن حد من غيبة الناس سالم
لـــو ينعــزل لازم تجــيه النميمـــه طعن القفا في ذا الزمن صار قايم والحـــق غايب والصراحــة جـريمه |
رد: فوق هام السحب ( الشعر الشعبي) على متن القوافي
ترى الوفا بقلوبنا ماله اسباب
فطره خلقهـا الله وصارت طبيعه ننشد عن الخلان ونعز الاحباب واللي شرانا بالغلا مـا نبيعهه ذائقه |
رد: فوق هام السحب ( الشعر الشعبي) على متن القوافي
تلمّست لك عذر وتأملت بك ميعاد
من العام واقدامي على الدرب دوّاجه اجي من هنا وانتي تروحين بي من غاد تـِقل ما خـلق ربي مواعـيد ومـواجه |
رد: فوق هام السحب ( الشعر الشعبي) على متن القوافي
عز الله ان آخر هوى النفس الاقناع
مهما ..! يكون النصح والعذل واللّوم لآ وهني ) بعض العرب يكبر بساع و يـزوّد اعـلـوم (ن) و يـزداد بـعلوم وحنّا كبرنا غير في بعض الاوضاع ( و الله ) ..! ما كـنّا كبرنا ولا يـوم سعد بن جدلان |
رد: فوق هام السحب ( الشعر الشعبي) على متن القوافي
ياصباح الخير ياطلة الصبح السعيد
جل شان اللي مصورك عما ياصفون انت نبذة معشر الإنس والشي الفريد ليش مدري بس لله في خلقه شؤون ياصبابة ذوق الألباب واصغاي النشيد يالقبال السمح يالخاطر الرحب الميون انت تبغى زبده العلم والشي الأكيد انت في كون لحاله وخلق الله في كون سعد بن جدلان |
| الساعة الآن 08:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية