رد: اخترنا لكم
 

‏رح مايخاف من الدروب إلا الضرير
فك أيدك اللي في يدي متجوّده

لا عاندت نفسي بتقنع بالمصير
وإن ماقدر قلبي جفاك أعوّده

أنا كذا ولا كذا ماني بخير
بتنقّص من الجرح ولا تزوّده

ماهي بواقفةٍ على الجرح الاخير
مبطي وروحي عن غلاك مهوّده

.....

رد: اخترنا لكم
 

يكفي أني مالحقتك بنقصان
وحتى الخطا منك قبلته وعذرته

وعلى كثر ماصابني منك خذلان
الا ان قلبك بالجفا ماكسرته

حاولت اداري خاطرك قدر الامكان
ويا للاسف طيبي جحدته ونكرته

روح والدروب وساع والطيب معان
ولاتلتفت في قلبي اللي دمرته

.....

رد: اخترنا لكم
 

صدّو ولا قالو لنا ليش صدّو
وحنا بعد جاز الفراق ونسينا

شالو على سود النوايا وشدّو
وحنا على بيض النوايا بقينا

.....

رد: اخترنا لكم
 

يا ساكنــــين القلـب يسعد مساكم
بالعووود والعنبــر ونفحــة عطوره

والله ورب البيـــت ماقـــد نساكم
واشلون ينسى من سكن في قصوره

في داخلـي ماحد وصـل مستواكم
زايــد غلاكم صعب نوصف شعوره

لو تعرفــــوا مقــدار زايـــد غلاكم
مايوصفه شاعـــر بكامــل سطوره

.....

رد: اخترنا لكم
 

‏دلل حبيبك وافهمه واعتني فيه
وفي كل موقف حط نفسك مكانه

تبسم بوجهه ورحب بطاريه
واحفظه في قلبك سوات الامانه

بيع الخلايق كلها لجل تشريه
المستحيل الصعب سوه عشانه

حبه ولا تسال عن أيام ماضيه
ولا تفكر بالغدر والخيانه

خل السهر يسرق دقايق لياليه
اجمل زمن بيمر عمرك زمانه

.....

رد: اخترنا لكم
 

ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي

.....

رد: اخترنا لكم
 

ياناس أحبه والمحبه مقادير
هذا هوى نفسى وهذا قدرها

فز الخفوق وقلت يالله عسى خير
وأثر الليالى عاد غايب قمرها

ياصبح عمرى يا صباح التباشير
نوره ملا قلبلى وروحى غمرها

عقب الفراق اللى تعدى المحاذير
يبس غصون القلب جافى دهرها

ياناس أحبه والمحبه مقادير
هذا هوى نفسى وهذا قدرها

والحب ماله يا هل الحب تفسير
قلبين والله بالمحبه غمرها

لاجيت أصور حالة الحب تصوير
وأرد عن حالى لخلى خبرها

لقيت وجدى فوق كل التعابير
كل الشعر قطرة وروحى بحرها

مع شوفته نشوه وفزة وتخدير
وعيون خلانن تعانق نظرها

يفز له قلبى كما نزعة الطير
والرجل كن اللى تحتها غدرها

ربع بروحى عقب ماهى معاسير
سحابةٍ هلت بقلبى مطرها

وأسقى بها زرعة هوانا بتقدير
غرسة غرامٍ بالمحبة بذرها

ياعاذلين القلب والله مخاسير
واللى درى عن حال عينى عذرها

.....

رد: اخترنا لكم
 

يا مساء الخير والدنيا بخير
يا مساء مسكنہ بيض القلوبّ

يا مساء الورد بأحساسً مثير
انتشىّ ريحة وعطر كلّ صوبّ

.....

رد: اخترنا لكم
 

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

رد: اخترنا لكم
 

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....