رد: فوق هام السحب ( الشعر الشعبي) على متن القوافي
 

بعض البشـــر تغليه لو ما تشوفه
يجذبك له شيٍ غريب بالإحساس

‏تسمع كلامـــه ثم تقــرأ حــــروفه
تبحر معه تنسى مشاكلك والناس


.....

رد: فوق هام السحب ( الشعر الشعبي) على متن القوافي
 

‏تبي الكـلام الصدق بيني وبينك
‏اسمـع معي هالبيت مادمت وياك

‏من باع كل الناس من شان عينك
‏حطه بـعينك واجعله نور دنياك


......

رد: فوق هام السحب ( الشعر الشعبي) على متن القوافي
 

ياوجودي كل ماحال دون الراي راي
‏والظروف القاسيه ساري مفعولها

‏كم نويت اقول كلمه تبيّن وش بلاي
‏وامنعتني شيمتي واستحيت اقولها

......

رد: فوق هام السحب ( الشعر الشعبي) على متن القوافي
 

عسى الله علي يديم فضله ولا أحتاج
‏من أفضال غيره شي لو مني و فيني

‏و يبني ما بيني وبين عسر الظروف سياج
‏ولا أطيح من طولي ولا أطيح من عيني


......

رد: فوق هام السحب ( الشعر الشعبي) على متن القوافي
 

قالوا لي إنسى قلت ماهي على الكيف
لو أقـدر أنسى كان مـبطي نسـيته

له في منامي طيف وبصحوتي طيف
مـن وين ما وديت .. وجـهي لـقيته


......

رد: فوق هام السحب ( الشعر الشعبي) على متن القوافي
 

انتي حلا كل المشاعر وابتهاجات الحياة
وانتي ملامح فيض غيمٍ هلّ وبْله بالمطر

وانتي غلا جود السحاب اللي نزف خيره مياه
وانتي النسيم اللي تعانق نسمته غصن الزهر

وانتي السمو اللي منالك بالسمو يرقى سماه
وانتي منال الورد غصنه ريحته اجمل عطر



......

رد: فوق هام السحب ( الشعر الشعبي) على متن القوافي
 

‏مـاعـاد يـاسعنـي مسـاحـه ولا أفـاق
‏من ضيقتـي مـاأشـوف شـي وسعنـي

‏كتبنـي التـاريـخ فـي صفحـة فراق
‏وبصفحـة الأحـزان جـار وطبعنـي

‏دخلـت أنـا والحـزن غيبـوبـة عنـاق
‏بعثـرتنـي والحـزن عقبـك جمعنـي

......

رد: فوق هام السحب ( الشعر الشعبي) على متن القوافي
 

‏ربييت فِي حضنك على عز ودلال
‏ولا حاجة فِي خاطري خليتها

‏ي أبوي لا قبلك ولا بعدك أبدال
‏أنت الحَياه ودنيتي أحييتها


......

رد: فوق هام السحب ( الشعر الشعبي) على متن القوافي
 

‏الصمت مثل الذهب و الثرثره فضّه
‏و الحكي لا زاد عن حدّه حكي فاضي

‏و العقل لا جاد في راعيه من حظّه
‏الناس ترضى عليه و خالقه راضي


......

رد: فوق هام السحب ( الشعر الشعبي) على متن القوافي
 

‏خط الغلا من حبر الأشواق مرسال
‏أغلا التهاني تحمل الود مني

‏يااللي غلاكم داخل العين ينشال
‏جعلت علوم الخير عنكم تصلني

‏مهمايكون الظرف والوضع والحال
‏أسأل عن الغالين من فات عني

‏الله يعين اللي عليه الصبر طال
‏بين الجروح وبين همس التمني

......