رد: ديوان شعراء السعودية في العصر الحديث (متجدد)☘️☘️
 

حبيتك بلا عقل
حبيتك بلا عقل
خارج حدود المعقول
سميتك انته الحلم
والمرتجة والمأمول
وعرفت انته مو إلي
بس تستحي مني اتكول
وبسرعة ضيعت العرف
خاف انته أكلك مسؤل
سولفلي وك لا تستحي
مو حلوه سكتتنه اتطول
اطمئن آني بلا عقل
والكلب عندك مشغول
يعني بغرامك منتهي
رايح عرض راجع طول
سو بيه ما يحلو الك
محد يمسك هالطول
خالد الفيصل

رد: ديوان شعراء السعودية في العصر الحديث (متجدد)☘️☘️
 

أنا تسّلى بالشعر لي توصّفت
أنا تسّلى بالشعر لي توصّفت
وإلاّ فلا بالقول مهنة حياتي
ما قد سرقت البيت وألاّ تسلّفت
ما أقلّد الشّعار شعري مرآتي
أنظم ثلاث عقود واليوم ولّفت
مع أول الرّابع ثلاث خزراتي
ما أناظر اللي راح.. ما يوم وقّفت
عيني لباكر وش معه لي ابياتي
ولاني بقايلن ليتني ما تصرّفت
الحمد لله حافظن كل ذاتي
وش عادلوني في حياتي تكلّفت
يلعن ابو قلبن ترّيح وماتي
كنّي مع نجوم اللّيالي توظّفت
أساهر النّجمات حل المباتي
وأسبابه اللّي من عيونه تعرّفت
إني قتيله يوم شال الغطاتي
أنا أشهد إنّي في غرامه تطرّفت
وصلت حد الموت قصدي مناتى
من أولن في حب خلّى تلطّفت
واليوم أقول ألطف بحالي غناتى
خالد الفيصل

رد: ديوان شعراء السعودية في العصر الحديث (متجدد)☘️☘️
 

يا ولد عود

https://poetsgate.com/img/divider_1.png
يا ولد عوّد لا هاليك ما تقوّى

لوعة الفرقا سطت فيك مسطاها

لا تهقوى ما بالابعاد سلوى

المحبه ما سلم من شرب ماها

من بلي مثلك فلا يبري البلوى

كود شوفة من بالأوطان خلاها

الذي بك يا ولد بالذي تهوى

ياولد عوّد ترى شفاك بشفاها


خالد الفيصل

رد: ديوان شعراء السعودية في العصر الحديث (متجدد)☘️☘️
 

وداع يا نفس

https://poetsgate.com/img/divider_1.png
وداع يا نفس قدرها دعاها

تنازعت والموت ما عنه مردود

تشبّثت بحبال زخرفن حياها

تبى نهارن زود واليوم موعود

تسلّلت مثل الهوا من خفاها

عجزَت تقضّب في ذرى يابس العود

تبخّرت روحي من حياض ماها

يتلّها نزّاع الأرواح بركود

بالهون يا نزّاع روحي تراها

باقي عذاب أيام بيضن على سود


خالد الفيصل

رد: ديوان شعراء السعودية في العصر الحديث (متجدد)☘️☘️
 

بنت الكحيلة

https://poetsgate.com/img/divider_1.png
بنت الكحيله مهرتي

وخيالتي من كل اصيل

ألقى عليها طربتي

بين المعنق والشليل

صدر وقطاة فلوتي

العنق والساق الطويل

وقع الحوافر نغمتي

وحداتنا رجع الصهيل

أبوي وجدي قدوتي

لو ما لهم عندي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل


خالد الفيصل

رد: ديوان شعراء السعودية في العصر الحديث (متجدد)☘️☘️
 

كيف ننسى الكويت
كيف ننسي الكويت ومن غزاها
والحمية لنا والمقدريه
باكر الحرب لي دارت رحاها
ذاكرتنا تعرف انها قويه
تحرق النار رجل اللي وطاها
والرديه عواقبها رديه
ما تهون الديار لمن بغاها
دونها الموت ورجال عصيه
كل نفس تبي تلحق جزاها
وكل نيه لراعيها مطيه
كل عذرا بكينا من بكاها
هتكة العرض ما عقبه خزيه
والعجوز الذي جندك رماها
وش سبب ذبحة النفس البريه
وكل طفل لكم نفسه عطاها
وش جني الطفل من ذنب وخطيه
كل شايب وقف يسند فتاها
حالفيين نرد الجابريه
كيف ننسي الكويت ومن نساها
باكر تشوف من ينسي خويه
خالد الفيصل

رد: ديوان شعراء السعودية في العصر الحديث (متجدد)☘️☘️
 

ليه إذا
ليه إذا ....حبيتك أكثر زدت قسوه؟؟
وإن دريت بحاجتي لك زدت جفوه
وإن عطيتك من حياتي ما تريده
ماكفاك .... وتحسب إن الحب نزوه
والله إني يا أحب الناس أحبك
والله ان الروح لو ترضيك... فدوه
والله إني تاركن غيرك وجيتك
مزعل الزعلان ... والعذال عنوه
وكل هاجس ما يجيب إلا خيالك
سلوتي بالعمر ... في صحوه وغفوه
أجمع إحساسي وأشواقي وأجيلك
وألبس ثياب الهوى والعشق كسوه
وأنتقي لك من سواليفي حسنها
والقصايد من غزلها كل... حروه
وأنثر العبرات والضحكات عندك
او أقول إني أحق الناس... فضوه
أدري إني عادي مافيه... ميزه
وأدري إني كادح ماحاش ... كروه
وأدري إني في خريف العمر ماضي
مابقى بيني وبين القبر... خطوه
لكن إني صادقٍ في... ما أقوله
وأطلب من الله عن الزلات عفوه
خالد الفيصل

رد: ديوان شعراء السعودية في العصر الحديث (متجدد)☘️☘️
 

ياسامرين الليل

https://poetsgate.com/img/divider_1.png
ياسامرين الليل في بحر الأشواق

يا ليتني معكم يلوح شراعي

بين القمر والموج لمعه وبرّاق

والنسمه العذبه للغالين داعي

القرب يالغالين للروح ترياق

والبعد ذَبّاح القلوب الوجاعي

لا واعنا اللي باطرف الليل مشتاق

خلّوه ربعه مع سلام الوداعي

يسهر مع الذكرى على صفر الأوراق

في صفحةن تشرب دموع اليراعي

بين الرجا والياس وقّف على ساق

والدرب بقلوب المواليف ساعي


خالد الفيصل

رد: ديوان شعراء السعودية في العصر الحديث (متجدد)☘️☘️
 

إبتعد

https://poetsgate.com/img/divider_1.png
إبتعد عني ماحبك وش تبي

قدرك العالي رميته في الثرى

واحسايف قوليتي لك ياحبيبي

يوم قلبي مولع بك مادرى

إنك الغادر وقصدك تلتهي بي

ون عاطفتك تباع وتشترى

إنس وقت فات مالك به نصيب

لاتذكر،لاتذكر ماجرى

يوم هفت شمس حبك للمغيب

استرحت وعاد لي طيف الكرى


خالد الفيصل

رد: ديوان شعراء السعودية في العصر الحديث (متجدد)☘️☘️
 

لمعة النجمة

https://poetsgate.com/img/divider_1.png
في سما ليل الحيارى والسهر

لاح نور من هوى نفسي قريب

لمعة النجمه حدر خد القمر

مثل زهر الفلّ في شعر الحبيب


خالد الفيصل