رد: اخترنا لكم
 

‏ما ودي اشعر بتقصيري مع احبابي
‏مع انهم كلهم ما قصروا فيني

‏عاتبتهم لين ما ملوا من عتابي
‏وخلوني لحالي الله لا يخليني

.....

رد: اخترنا لكم
 

‏يا جميله كان للعمر فرصه ما تعاد
‏الليالي كيف ترحم قلوب الصّابرين

‏إن نشدك الوقت عني تراني فالمراد
‏قولي إنه ما تعدا سلّوم الأولين

‏ما شكى من قل مشرب ولا من قل زاد
‏إلا من قل المواصل ومن كثر الحنين

.....

رد: اخترنا لكم
 

‏ادري انك حلم والحلم يمكن ما يطال
‏لكن انا راضيٍ فيه جعله ما يصير

‏اتركيني بين الأحلام انا احب الخيال
‏الخيال أحلى من الواقع الواقع مرير

.....

رد: اخترنا لكم
 

‏انا صديق العصير ومقدم الصفره
‏ليا اقبل الليل يسحب بشته الضافي

‏الشمس كنها تحوّل في بطن حفره
‏وانا أتهايق وراها وأرخي اكتافي

.....

رد: اخترنا لكم
 

الحياء يرفع مقام المرء ويبّين علوّه
‏دوّر الأخلاق قبل إنّك تدوّر من ترافق

‏النقي ما بينه وبين الدِني عُصْبة أخوّة
‏والضحى ما بينه وبين المساء أوجُه توافق

‏السمو سمو الأنفس والفقر فقر المروّة
‏قاتل الله النفاق وقبّح الله المنافق

.....

رد: اخترنا لكم
 

‏يا سيد الزين يا سيـد الحـلا كـله
‏في ذمـتي ما يـجي في منـزلك ثـاني

‏لا صرت قـلبي برمش العيـن محتلـه
‏وزود على القـلب تفكيـري وعنـواني

‏خـذ مـا ينـاسبك واللي مـا تبي خلـه
‏يا أجمل حروف شعري واجمل ألحاني

.....

رد: اخترنا لكم
 

‏اتـفـقـنـا ما نقـول الا الصحيح
‏واختلفنا كيف تعريف الصواب

‏الضمير المستتر مـاهـو صريح
‏والجواب المختزل ماهو جواب

‏مشكلتـنا كلنـا نبغـى المـديــح
‏ما نبي نسمـع على الـزله عتـاب

.....

رد: اخترنا لكم
 

‏نشدت لـي شايب عـن زبده علومه
‏جـاوب سوالـي وعينه جـالـها لمعه

‏اربـع تـهـز الـصبور وتـكـسر عزومه
‏جور الولد والفقر والشيب والدمعه

.....

رد: اخترنا لكم
 

‏اه يا جيـــلٍ عن اقــرانه فريد
‏جيل عز وجيل طيب ومفخره

‏ما لحقـنا عصركـم مير الاكيد
‏ناشـــنا منكـــم شذاه وعنبره

‏يا زمان الطيب والذكر الحميد
‏ليت عمرك حلم ليــل ونسهره

.....

رد: اخترنا لكم
 

‏بيض الله وجـه مـن ينفع خويه
‏صآحب فـي صاحبه رآعي عوآيد

‏ودك إليا حطـو اسمه في الهويه
‏يكتبون الذخر في وقت الشدآيد

.....