رد: ديوان شعراء السعودية في العصر الحديث (متجدد)☘️☘️
 

سافر

https://poetsgate.com/img/divider_1.png
سافر

سافر عسى ربي يحرسك وياقاك

هذا البخت عزّاه وش في يديني

يا شين باكر يا حبيبي بليّاك

لا جاء وعدك اللي بوقته تجيني

لي قمت أدوج في مداهيل ما طاك

يا ما جرى بشهار بينك وبيني

هذا وهو توّك تطري بممشاك

وشلون لي قفيت يا نور عيني

يا شيب عينك يا هوى البال واشقاك

كانك مثل ما أبيك يااسمر تبيني


خالد الفيصل

رد: ديوان شعراء السعودية في العصر الحديث (متجدد)☘️☘️
 

يا طارد

https://poetsgate.com/img/divider_1.png
يا طارد اللي راح خله وملوه

ما يستقيم الظل لا عوج عوده

ولا ينفع الندمان قولة حولاه

جحر لدغ يمناك لا لا تعوده

مد النظر في خلق ربي تمعناه

إلى انتقص من حال حال يزوده

الله جعل للمبتلي داه ودواه

وكل على عزمات قلبه حدوده


خالد الفيصل

رد: ديوان شعراء السعودية في العصر الحديث (متجدد)☘️☘️
 

فارس الأشعار
فارس الأشعار
يا فارس الأشعار مني تحيه
مع ريشتي حاولت اصوّر معانيك
مزجتها بالوان روحي هديه
ياليتني اخذ باقي العمر واهديك
يا ما خذينا من حنانك عطيه
وش عندنا في مثل هذا اليوم نعطيك
خالد الفيصل

رد: ديوان شعراء السعودية في العصر الحديث (متجدد)☘️☘️
 

المعاناة

https://poetsgate.com/img/divider_1.png
يا ليل خبّرني عن امر المعاناةْ

هي من صميم الذّات والاّ اجنبيّهْ

هي هاجسٍ يسهرْ عيوني ولا باتْ

أو خفقةٍ تجمح بقلبي عصيّهْ

أو صرخةٍ تمرّدت فوق الاصْواتْ

أو ونّةٍ وسط الضّماير خفيّهْ

أو عبرةٍ تعلّقت بين نظراتْ

أو الدّموع اللّي تسابق هميّهْ

أعاني السّاعه واعاني مسافاتْ

واعاني رْياح الزّمان العتيّهْ

واصوّرْ معاناتي حروف وابياتْ

يلْقَى بها راعي الولَعْ جاذبيّهْ

ولاني بْندمانٍ علَى كل ما فاتْ

أخذتْ من حلو الزّمان ورديّهْ

هذي حياتي عشتها كيفما جاتْ

آخذْ من ايّامي واردّ العطيّهْ


خالد الفيصل

رد: ديوان شعراء السعودية في العصر الحديث (متجدد)☘️☘️
 

الجرحين

https://poetsgate.com/img/divider_1.png
أنا فيني من الأيام جرحينن على الخفاق

من الاقصين جرح وجرحن من ربعي الادنيني

أقوم بجرح لكن ثاني الجرحين ساق وعاق

مشى سمه مع عرقي ويبست منه كفّيني

يولّعني وَهج ناره وفي فكري كما البرّاق

عواصيفن تودّعني وعاصوف يلاقيني

مثل ريشه نقلها ريح مع شوك وفي مضياق

يمزع شوكها جنبي وبالرجلين يدميني

ألَمها جضّ به قلبي ودخّن بالصّدر حرّاق

تفجّر كنّه البركان في سمعي وفي عيني

يعاقبني زماني يوم صدري بالعنا ما ضاق

أشيل الحمل ما تَعبت من الوعرات رجليني

أعرف أنه قدر عمري واعرف أن الزمن سرّاق

وهذا ما كتبه الله وأنا المكتوب يرضيني


خالد الفيصل

رد: ديوان شعراء السعودية في العصر الحديث (متجدد)☘️☘️
 

طالت القامات

https://poetsgate.com/img/divider_1.png
هل خير .. وحل خير .. وعم خير

ويسر الله كل امر في عسير

وامطرت سحابة الحب العظيم

والهوى في كل قلب له غدير

وغنت الاطيار واهتز الشجر

والزهر يفوح من عطره عبير

وكل وادي سال بجموع البشر

حادي الاشواق داعيها تسير

تضحك الفرحة على وجه البلاد

وكل قلب كاد من فرحه يطير

وارتفع في كل كف سيف عز

وطالت القامات باليوم الكبير

ياولي العهد شرفت الجنوب

والرجال اللي تسابق بالمسير

من تهايمها ومن كل السراة

ومن سهلها جاك سيل له هدير

يهتفون بإسمكم حب وولا

وينذرون عداك بالسيف الشطير

قادهم عهد لكم منهم قديم

يرخصون الروح لى صاح النذير

التلاحم والثقة والانسجام

بين شعب وقادته ماله نظير

بين بارود البنادق والسيوف

بالمحبة عانق الشعب الامير

عرضة فيها الوطن لحن وقصيد

إنتشى الشايب لها قبل الصغير

كل ناس يفرقون بميزه

والسعودي فرق ميزاته كثير

الشهامة .. والشجاعة .. والكرم

والوفا .. والحب .. والدين الغزير


خالد الفيصل

رد: ديوان شعراء السعودية في العصر الحديث (متجدد)☘️☘️
 

ظلمتين

https://poetsgate.com/img/divider_1.png
الله ياهم نقلته لحالي

مافي يدي حيله ولا بالقدم حيل

أجحد واجنّب مشكلي كل غالي

واكناه عن عدواني الّلي مغاليل

في ظلمتين همومها والليالي

أكشف ظلام الهمّ يا كاشف الليل


خالد الفيصل

رد: ديوان شعراء السعودية في العصر الحديث (متجدد)☘️☘️
 

لواجب اكبر

https://poetsgate.com/img/divider_1.png
لواجب اكبر يا بوخالد علينا

لو بعت أنا روحي فلا ظني اوفيه

يا اللي لطلاب المعونه عوينا

كريم نفس وغالي المال تصخيه

لى جاك شكاي الهموم الحزينا

تشيل عنه الهم ويروح ناسيه

انت الذي لك كل قلب يلينا

يجيك من جرحه عطيب وتبريه

وأنت الأبو وأنت الأخو والظنينا

وانت الصديق اللي نحبه ونغليه

ان جاز طرفك يا سنادي جزينا

ما تهتني عيني وعينك تقاسيه

لا تشتكي يا شيخ خل الونينا

واللي تبي لو كان بالروح نشريه

لا والله الا يا بو خالد مشينا

لوازمي تبقى ولوازمك نقضيه


خالد الفيصل

رد: ديوان شعراء السعودية في العصر الحديث (متجدد)☘️☘️
 

يا مرحبا بك ياثمانين عمري

https://poetsgate.com/img/divider_1.png
يا مرحبا بك ياثمانين عمري


لو ما هقيت انّي اشوفك وانا حَيْ
تَنَاَسَلَتْ شَعرات الايام تجري


وابيضَّتْ السّودا على ضامي الرَّي
الشَّمس تمضي وانْجُم الليل تسري


وكلْ شيٍ صار في عيني شوَي
أبحث عن اللي يرفَع الرّاس واشري


ما شْغَلْت نفسي بالمَلذّات والغَي
أشْغَلتْ وقتي واستفَزْيت عصري


أصَحّي الغفوات بالشمس والفَي
اغضي .. ولكن ما تَناقَصْتْ قدري


وأسْمَحْ .. ولكن ما تنازَلت عن شي
رُمْتْ المراَجلْ طفلْ لكنّي ادري


إنّي أَبَطْوي كلّ عَسْراتها طَي
دَرَسْتْ علم الفكر والعزّ بدري


في مدرسة جدّي وابوي وعَمامي
واليوم لو ثَقْلَتْ بي الرّجِل .. بُصْري


لي عزمٍ امشي به على كلْ ما في
أَمَاوِجْ المعنى على بحر شعري


والْوي قوافيها على شْراعها لَي
هيْ سَلْوِتي بالعمرْ إذا ضاق صدري


أداوي جروحي قَبلْ حامي الكَي

خالد الفيصل

رد: ديوان شعراء السعودية في العصر الحديث (متجدد)☘️☘️