رد: اخترنا لكم
 

مع الرخاء نلقى خويّ استراحة
‏ونلقى مع الشدّة خوي الشدايد

‏الصقـــر ريشه غاليٍ ٍ في جناحه
‏وريش النعامة غالي ٍفي الوسايد

‏من كافــح بيلقى حلاوة كفاحه
‏في كل شـــيّ الا الردى والمكايد

.....

رد: اخترنا لكم
 

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب الين سلمك للمرواح
‏ولديت وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

.....

رد: اخترنا لكم
 

‏يارب انا عبدك ضعيفٍ بلياك
‏وعفوك تراه اكبر طموحي وامالي

‏الفضل فضلك والعطايا عطاياك
‏مكاسب الدنيا ماهي راس مالي

.....

رد: اخترنا لكم
 

لاصار لك شخص تحبه وتغليه
لا تدخله في كل طاري وسيره

سكر عيون الناس لاصرت شاريه
محدٍ في هذا الوقت يعطيك خيره

.....

رد: اخترنا لكم
 

يقولون متكبر واقول اتكبر ليه
‏وانا في ذرى ربي وعبده وابن عبده
‏َ
‏طويل الذراع ان عّرض اسمي تعلق فيه
‏وضعيف الروابع كني امشي على كبده

.....

رد: اخترنا لكم
 

يا عين اخوك اعذره لا طاحت دموعه
ما يوجع النشمي الا طيحة النشمي

انا عشانك حزين ولوعتي لوعه
تبيني اضحك علَشانك على خشمي

.....

رد: اخترنا لكم
 

لولا الحياء والملام وهرج عذاليّ
‏لا أقول بيتٍ يراودني وخبيته

‏فلان كل الوجيه اللي على باليّ
‏وفلان كل القصيد اللي تغنّيته

.....

رد: اخترنا لكم
 

أخفض تناهيدك على قد سمعك
وأحذر تقول أسباب حزنك لمغليك

ترى القريب إذا عرف سر دمعك
إذا تردى يعرف شلون يبكيك

.....

رد: اخترنا لكم
 

يقول ابن جدلان :

الناس في أول لقى ميه على ميه
مشكلتي إني ما اصيد الناس من بدري

عفوي واعامل عباد الله بعفويه
واطير فيهم وأقلطهم وسط صدري

كم واحد تحسبه ماشي على النيه
وتلاحظ إنك على النيه ولا تدري

رد: اخترنا لكم
 

غزة تنادي والألم يسبق الصوت
ولا حـيـــاة لكـل مـن لـه تـنـادي

لن الضمائر يا عرب صابها الموت
كن ماحدث لإخوانكم شيء عادي

.....