|
رد: فوق هام السحب ( الشعر الشعبي) على متن القوافي
قلوب البشر ماني على ودها مكلوف
رضاها علي ماهو مدخلني الجنّه عسى الله يبيض وجه من يذكر المعروف يماري براع الطيب لامن حكو عنه بوقت أشوف الناس تخرج عن المألوف تكب الصحيح وتترك الفرض والسنّه نعاف المكان اللي حشم هرجة الملقوف ونعاف الجميل اللي يجي من ورا منّه .... |
رد: فوق هام السحب ( الشعر الشعبي) على متن القوافي
القاسي اللي ماتغيره الاوقات
ليّن قساه اللي بعوده ليانه ياغايبه ما فات لي معك مامات بين الظلوع العوج مثل الامانه لازلت اشوفك غير رغم المسافات اللي ترجّع كل واحد مكانه .... |
رد: فوق هام السحب ( الشعر الشعبي) على متن القوافي
ودي ارد قلبي بالغزل ياغزاله
لايسوي سوات اللي يهمّل رفيقه الهوى لذّته في طيشه وفي هباله ولذّة اول شعور وربكة اول دقيقه وجهٍ اللي يشوفه ينبهر من جماله وطلةٍ تجعل الرجال يشرغ بريقه ودي امثل مثول المتهم للعداله ماعلي دامني بين اليدين الرقيقه العفو ياشبيه اللي جفل من ظلاله نظرتي في التفاصيل الدقيقه دقيقه انت حتى الذهب يزهاه جيدك لحاله ويتلاشى على غيرك ويفقد بريقه .... |
رد: فوق هام السحب ( الشعر الشعبي) على متن القوافي
يارب زدنا خشوع وحسن ظن وتقى
ياللي ماتاخذك لحظه نوم ولا سنه اغفر لنا اللي مضى واحسن لنا اللي بقى واختر لنا من العمل ومن الكلام أحسنه بقلمي |
رد: فوق هام السحب ( الشعر الشعبي) على متن القوافي
تغير علينا الوقت مدري وش الاسباب
وأنا صار يتعبني الذي كان يسعدني لو أحط لي بيتين ذلحين فالاصحاب طلع لي كذا صاحب يقول أنت تقصدني .... |
رد: فوق هام السحب ( الشعر الشعبي) على متن القوافي
اوادعك والدموع اللي تسابقني
أصدق من أحساس من حبك ومن بوحه وشلون تدعي لي أن الله يوفقني وأنا بلياك شخصٍ فاقدٍ روحه .... |
رد: فوق هام السحب ( الشعر الشعبي) على متن القوافي
خايلت همال الحيا وعسيت في روضك أريج
وقمت تلوى ماعطيت العلم كنـك زوبعـه خذنـي معك قدام يعلا الصوت ونعود لجيج ويضحك علينا في تويتر كل صاحي وإمعه .... |
رد: فوق هام السحب ( الشعر الشعبي) على متن القوافي
ياناعس الطرف ماني مدوّر الطارف
عزالله اني نقيتك نقو مترفّق اعذب من المال لامن عدّه الصارف والطف من النود لامنّ العصر شفّق احنّك من البرود ودمعك الذارف وادرى على سمعتك من هرجة الطُفّق عن غيري الروح منلدّه وانا عارف والقلب لمواجهك هاوي ومتشفّق .... |
رد: فوق هام السحب ( الشعر الشعبي) على متن القوافي
سبحانه اللي يزرع بذور المحبه فالقلوب
واليا عطى عبده قبول الناس جاته مقبله بعض الاوادم تقبله لو فيه شي من العيوب وبعض الاوادم لو تحاول تقبله ماتقبله .... |
رد: فوق هام السحب ( الشعر الشعبي) على متن القوافي
مثل الجبال الراسيات الشواهيق
بعض الرجال وبعضها كالنثيلة وإليا لزمت إلزم خوي المطاليق وجنب عـن اللي خوته لك وسيلة .... |
رد: فوق هام السحب ( الشعر الشعبي) على متن القوافي
بيت قريته ماعرفت أسم راعيه
ألا ان راع البيت خط الجزاله يقول في بيته وقافه وما فيه بيت ٍيهيض المستمع من جماله حقد البعيد يموت لامات راعيه وحقد القريب يورثه في عياله _______________ لاسكر الله باب يفتح لنا أبواب واليا ظلمونا خلق سخر لنا خلق حكمه من الرحمن وأحكامه أسباب حتى نعرف الناس ونميز الفرق _______________ مادام جودات الفتى من ذراعه فأنا طويل الباع ماني بمجهول _______________ يخشى من التقصير من يفعل الطيب لو كان وافي قال مانيب وافي يحرص على السمعه ويدرى من آلعيب وإلا الردي يشوف عمره سنافي _______________ تعيش ياراسي وتفداك الأنذال ومن لاحسب لك لاتحسب حسابه |
رد: فوق هام السحب ( الشعر الشعبي) على متن القوافي
افعل المعروف وتشوف العجايب
كل حاجة ممكنه تقدر عليها يمكن تنجّيك من بعض المصايب حاجةٍ في وقتها وفقت فيها قمت مع محتاج والا أسعدت شايب أنت ناسيها وربّك مانسيها .... |
رد: فوق هام السحب ( الشعر الشعبي) على متن القوافي
جنّدي روحي تحت راية دلالك
و مهجة ٍ كنّك برمشك قاسمتها قامة ٍ فيها من الفتنة مهالك وش مخُيلتي لو إنها راسمتها معركة طرفي على مجابه جمالك معركة من قبل تبدأ حاسمتها مايغيب السارح إلاّ معْ خيالك صورتك في كل بال ٍ واسمتها .... |
رد: فوق هام السحب ( الشعر الشعبي) على متن القوافي
لكن هنوف مثلت دور العزيزه في مصر
قدت قميصي واسرفت في وصلها قبل انتبه يوم انتبهت استشهدت ضدي بحراس وقصر قلت ارحمي عزيز قوم ذل وارخى منكبه ماني نبي الله اقاوم حسن خصرك لا انصهر أنا بشر عبد ضعيف كل برق يجذبه والحب شي لو حصرته في ضلوعي مانحصر يطغى على حدب المحاني لين ابيحه واكتبه .... |
رد: فوق هام السحب ( الشعر الشعبي) على متن القوافي
ثلاث شهور وأنا أفضّل العزله عن الجلّاس
ماغير أمشي على طاريك وأسولف على ظلّي أقوم هناك كنّ الليل يبغاني بكلمة راس بنفس الموعد إللي قلت فيه لدمعتي هلّي كرهت الناس عقبك وأقتنعت انّي عدوّ الناس أشوف قلوبها تدعي عليّ وقلبك يهلي .... |
رد: فوق هام السحب ( الشعر الشعبي) على متن القوافي
استانسو ترا الليالي زايله
ولا تكدركم تصاريف الحياه ماينفع المهموم همٍ شايله الرابح الي يعطي الدنيا قفاه وترا التشكي بالظروف المايله اتشين الرجال وتقلل حلاه حتى ولو عاين نجوم القايله يخلي الشكوى لربه في دعاه واللي يدور لدروب الطايله فلا يخلي طاعة الله والصلاه |
رد: فوق هام السحب ( الشعر الشعبي) على متن القوافي
فرق الطموح وفرق* عزم الرياجيل
يفرق مابين الناس بالعمر كله أحدن عيونه ترقب الجدي وسهيل وأحد ٍعيونه حدهـا حدود ظله .... |
رد: فوق هام السحب ( الشعر الشعبي) على متن القوافي
قدرت اكفّ مَسمَع عشان تغضّ طرف
المسامع والمحاجر مرايات القلوب تنهزم من عدة ظروف لين يجيك ظرف تشعر إنك منتصر فيه لو كنت مْغلوب وقّفتني سود الايام بعدك فوق جرف والليالي صارت أقصر من حبال الكذوب صارت اللهفة طبيعة وصار الشوق عُرف ياحبيبي كل ليلة نتوب وما نتوب .... |
رد: فوق هام السحب ( الشعر الشعبي) على متن القوافي
انتهت رحلة غرامك والسلام
واجمل ايامي معك ضيعتهم دام مال الحب عندك اهتمام ليه اعاتب وانت صعبه تفتهم رح ولا يطري على قلبك ملام واجد اللي من قبل ودعتهم علموني عنك تجار الكلام وغلطتي في وقتها كذبتهم ليتني وياك ماعشت الغرام وليتني لما حكو صدقتهم .... |
رد: فوق هام السحب ( الشعر الشعبي) على متن القوافي
لابد من عقب المصاعب تياسير
والآدمي يصبر وصبره عبادة نتعب ونقطع بالركادة مشاوير وسعي الطفاقه غير سعي الركادة ظروفنا صعبة وتبغى مناعير معها على سود الليالي جلادة بكره يبين الصبح ويغرد الطير وامشي مع العالم واوزع سعادة .... |
رد: فوق هام السحب ( الشعر الشعبي) على متن القوافي
أحذر تجامل كلمة الحق قلها
ولا خير باللي عادته يخفي النور ترى الخطيه خاسرن من فعلها ولا بيض الله وجه من يشهد الزور ناسٍ تشوف الطيبه في عملها تلقى لها فعلٍ به الخير مذكور وناسٍ بها تقصير ماكثر جهلها ماتسمع الناصح ولا تقبل الشور .... |
رد: فوق هام السحب ( الشعر الشعبي) على متن القوافي
الرزق مايوخذ بحيله وقوه
الرزق ياتي من ولي المخاليق واللي أمرك مدبر الكون سوه بذل السبب والله عليه التوافيق .... |
رد: فوق هام السحب ( الشعر الشعبي) على متن القوافي
رسالتي لك....
امدح من يستحق واشكر من أسدى إليك معروفاً وقل خيراً للجميع فبعضهم يستمد سعادته من كلماتك ويصنع منها تفاؤله بقلمي |
رد: فوق هام السحب ( الشعر الشعبي) على متن القوافي
المرايا تعكس اشكال الوجيه
والتعامل يعكس اخلاق الرجال والكرم أما يجـي والا نجيه واحترام الناس من زين الخصال والزعل والضيق ماهو شي وجيه واجتناب الهرج اذا فيها مجال ياالله ياللي كل واحد يرتجيه تهدي ارباب الدعاوي والجدال .... |
رد: فوق هام السحب ( الشعر الشعبي) على متن القوافي
يامحسن الظن لاتندم على طيبك
طيب النوايا فضيلة لاتخليها واصبر وصابر وخل اجرك على ربك عالطيب يجزيك أجور ماتخيلها بقلمي |
رد: فوق هام السحب ( الشعر الشعبي) على متن القوافي
الجمايل باقية طول الأبد
والوفاءلأهل الوفاءطول السنين والنقاء والطيب ماهو ملك حد غير أصحاب النقاء والطيبين .... |
رد: فوق هام السحب ( الشعر الشعبي) على متن القوافي
ي ملهمة شاعر مصوب بسهمك
ودي ولو لحظات في عمري القاك متى يزين الوقت واعيش يمك وامسك يميني يالحبيبه بيمناك يازينه اسلوبك ومنطوق فمك اللي تملك وامتلك قلب مضناك رقيقة الاحساس والحب نجمك والذوق منك والحلا في محياك ياورد لافاح في البساتين شمك يعطر اجوائي بريحان طرواك ملكة جمال الكون ي مهجة امك ميزك ربي بين خلقه وحلاك .... |
رد: فوق هام السحب ( الشعر الشعبي) على متن القوافي
نخفي شعور الحب والقلب مشتاق
لوينكشف بوح الحب يصبح جريمه مثل الشجر رغم التباعد بالأوراق تبقى جذوره بالتواصل عظيمه .... |
رد: فوق هام السحب ( الشعر الشعبي) على متن القوافي
ياصمت حكمك بعض الأحيان قاسي
حرام تمنعني عن البوح ياصمت كم جتني الفرصه عدد شعر راسي ويا للأسف فاتت علي ماتكلمت .... |
رد: فوق هام السحب ( الشعر الشعبي) على متن القوافي
على ما قال
سعد بن جدلان رحمه الله اما تجي حكمة تغلب على الصمت ولا التزم بالصمت والصمت حكمه |
رد: فوق هام السحب ( الشعر الشعبي) على متن القوافي
محتاج لي قلب مايتعب من هيامه
ان حب له شخص وفارق مايتعبني ومحتاج لي وقت يغنيني من أيامه كل يوم اجمل من الثاني ويعجبني ومحتاج لي شخص لو سولفت قدامه عن كل حـاجه بنفسي مـايعاتبني .... |
رد: فوق هام السحب ( الشعر الشعبي) على متن القوافي
خلك مع اللي بكل الأحوال شاريك
وابعد عن الي لا قسى الوقت باعك اللــي بـ حــالـه ثـم مــاله يفاديك لا اشرّتْ له لوّ هو على الموت طاعك .... |
رد: فوق هام السحب ( الشعر الشعبي) على متن القوافي
برق الغلا يسبق رعود المواصيل
ونبض الحنين بيصير خلك وخلي أنت فيك قمة الذوق جملة وتفاصيل وفيني أنا هزيمة شوق تجتاح كلي .... ً |
رد: فوق هام السحب ( الشعر الشعبي) على متن القوافي
يالله بحظٍ رفيع وسمعةٍ ماتبور
و يـاربي أنت تعرف الحاجه الثانيه |
رد: فوق هام السحب ( الشعر الشعبي) على متن القوافي
تعال قبل الورد يذبل والسهر عينه تنام
قبل تجف الـ مرحبا وتموت بـ لساني هلا ترى عزيز النفس لامن عاف عاف بلا كلام والله لو أنه وطـن ماعاد له حب وولا ماينتهي كثر الغـلا إلا بـ قلّ الإهتمام وإن جيتني بعدين مالك لاحضوَر ولا غلا .... |
رد: فوق هام السحب ( الشعر الشعبي) على متن القوافي
يقولون الزمن عايب وانا اقول الزمان ادوال
ولا دامـــت لغيـــر الله ما دامت لاحد ثاني زمانك لو صفالك فاحتزم له والرجال افعال يجي لك يوم وانك ما تجـد قاصي ولا داني يقولون العــرب الايام عبـرة والزمان احوال تعلمـــك الحياة الدرس والتعليم مجــــاني .... |
رد: فوق هام السحب ( الشعر الشعبي) على متن القوافي
ان كان قلبك يحس وعينك تشوف
قلوبنا لو خذاها البعد متلاقيه رغم البطا والمشاكل كلها والظروف محبتك في ضميري باقيه باقيّه .... |
رد: فوق هام السحب ( الشعر الشعبي) على متن القوافي
مامشتاگلي ماگلبك موازيك
ماگلك أريده وحيل معتازه اعثر بالنفس خليتني بفرگاك مشيت شايب ومابيده عكازه شعر عراقي |
رد: فوق هام السحب ( الشعر الشعبي) على متن القوافي
ابوج يريد بيت وعندي كومه بيوت
متنازل كلتله وكلها منطيها هز ايده وضحك كلالي يبن الناس ترى بيوت الشعر ماينسكن بيها شعر عراقي |
رد: فوق هام السحب ( الشعر الشعبي) على متن القوافي
اخطيت في حقي ولا زلتَ غالي
شفني على كبر الخطا ما كرهتك خليتك لنفسك وسَود الليالي اقدر على جرحك لكن ما جرحتك .... |
| الساعة الآن 04:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية