رد: اخترنا لكم
 

أسوء شعـور يدمرك في حياتك
انك تحس بذنب لـو منت غلطان

واكبر جريمه منكْ في حق ذاتك
انك تكون انسان تتبع لك انسان

.....

رد: اخترنا لكم
 

تدري وش افضل ما يسوى مع الناس
‏حـاجـه تــسـر ولا وراهـا مـخـاطـر
‏
‏على النفوس اغلى من عقود الالماس
‏ومضمـونها غيث ٍ من الـمـزن ماطر
‏
‏تعطي نـتـايـج مـالها حد وقـيـاس
‏وتـغني باذن من نـزل آيـات فاطر
‏
‏بالاخـتصار اقـولها بين الاقـواس
ياكبر حظ اصحاب جبر الخواطر

.....

رد: اخترنا لكم
 

ﺍﻟﺼﻤــﺖ ﻋﻦ ﺯﻻﺕ ﺍﻻﻗــﺮﺍﺏ ﺣﺸﻤﻪ
ﻭﺍﻟﺼﻤــﺖ ﻋﻦ ﺯﻟﺔ ﻣﻌــﺎﺩﻳﻚ ﺣﻘﺮﺍﻥ

ﻳﻌﻨﻲ ﺑﻜﻞ ﺍﺣﻮﺍﻟﻚ ﺍﻟﺼﻤﺖ ﺣﻜﻤﻪ
ﺍﻣﺎ ﻳﺠﻴﻚ ﺑﺮﺑــﺢ ﺍﻭ منت ﺧﺴﺮﺍﻥ

.....

رد: اخترنا لكم
 

وانا لٱ طرالي من خذاه الزمان بعيد
توارد علئ نفس الشقيه مواجعها

.....

رد: اخترنا لكم
 

فضايح الخلق حذرك لا ترددها
وتصير سهله على لسانك وترويها

لو هي حقيقه فلا لك حق تسردها
وشلون لو هي ظلايم خاب حاكيها

.....

رد: اخترنا لكم
 

مدام ان الزمن قاسي ومدات اليلي شحاح
ترا مال الفقير الا يمد يديه لخلاقه

وانا من فضل ربي عشت في وقت العنا مرتاح
وذا جار الزمن ما قمت احكي نوض براقه

رعاك الله يلي طال صبري لين سدي باح
وقلبي في يدك بابه ومزلاجه ومغلاقه

سرقت القلب وثرك تعتبرها سارقة المزاح
حدن شافه ضحك ون ماحدن شافه رقع ساقه

.....

رد: اخترنا لكم
 

اهل النفوس يشغلون فلوسهم
ما دام حتى فالعقول متاجره

بعض الرجال عقولهم في روسهم
وبعض الرجال عقولهم مستاجره

خشم الريال يحوسهم ويدوسهم
تقدر تحولهم طيور مهاجره

لا تامن الي يطرحون انفوسهم
ترى ضعيف النفس مثل الفاجره

وصل العطياني

رد: اخترنا لكم
 

صبرك على الدنيا ولا منة الناس
خلك سما ومن القدر لما تضيق

من طاح في الدنيا وهو رافع الراس
ماطاح قدره من ععيون الخلايق

لجين الشهراني

رد: اخترنا لكم
 

ترا الشبه ماهو ضروري بالأشكال
يمكن قصيده جت على مثل جرحك

ولاهو بلازم تعرفه بين الأزوال
لكن كتب له طرح يشبه لطرحك

العبره أنك ما انت وحدك فالأحوال
كثير منهم شبه حزنك وفرحك

.....

رد: اخترنا لكم
 

لمحت انا بين المخاليق مخلوق
من زينها بالليل طفيت ضوي

يا زينها تضوي على الخلق ببروق
ورموشها تطلق صواريخ جوي

لولا الحيا من الناس والهرج ما يلوق
سلمت له واللي يريده يسوي

.....

رد: اخترنا لكم
 

‏عطاك الله قبول وكل مامر العرب طاريك
تلّج أصواتهم مابين نعم وحيّ هالطاري

.....

رد: اخترنا لكم
 

‏ياهبوب الليل هبّي على صدر العليل
‏يوم سالت عبرة العين وأسقت خدها
‏َ
‏مابكت من ضعف عيني ولا قلبي ذليل
‏حدّها الحظ الردي لين جابت حدها

.....

رد: اخترنا لكم
 

سواد الليل جلاب الهموم
على الروح الحزينه يافهـد

فقدت النوم سامرت النجوم
ياروحي ماحدٍ ياوي لحـد

يغيب النجم والتالي ينوم
بذاك الحي بعرض البلـد

اطالع ساعتي واجلس واقوم
يازارعني على نار الوعـد

سبايب من على خده رقوم
ذبحني بالموده وابتعـد

سرى ليلي تحريت القدوم
ياعيني ارقدي قالت بعـد

.....

رد: اخترنا لكم
 

حداني حنين الشوق ومخِايلك بالعين
مع ‌الليل ‌تسريبي طواريك ‌دُون شعُور

.....

رد: اخترنا لكم
 

ليتنا في بعض الاحيان خالين الشعور
لجل مانستـرجع الذكريـات الماضيه

يا قديمات الطواري مبيـحة الصـدور
جنبي نفسٍ عن الـوقت ماهي راضيه

.....

رد: اخترنا لكم
 

ياشيخ بسألك عن الي فالهوى جاني
وبغا جوابك بحكم الشرع والسنّه

الآدمي لاسرق قلب آدمي ثاني
هو يدخل النار ولا يدخل الجنّه

.....

رد: اخترنا لكم
 

نكتم شعور قلوبنا من حيا الروح
دام الأماني بالمحاني كثيرة

أحياناً نطريها على البال وتروح
وأحياناً تطغى بالخفوق وتثيرة

.....

رد: اخترنا لكم
 

‏أحبك ولو عادت جميع الوجيه أغراب
‏خذيتك أمان يشرد الخوف من طيبه

‏أشوف الحياه اللي مع الناس ملح وذاب
‏وأشوفك يقينٍ يقطع الشك والريبه

‏أبيع السنين الي بدونك برخص تراب
‏وأساوم على اللحظه معاك أنت باللي به

.....

رد: اخترنا لكم
 

يثـور فكـري وانفصل عنـك واروح
والقاك في غيـمـة نهاية هـجـوسي

مايختلف في ناظري همس او بوح
كل الـجهـات الاربعة لـك طقـوسي

احبك امن الـعـام واليـوم والـروح
واخـذ مـن عـيـونك دفاتر دروسي

.....

رد: اخترنا لكم
 

‏غالي وابغليه واقف معه في صفه
‏وأطاوعه لو أضيم النفس وازعلها

‏مالي وليف عليه الروح ملتفه
‏إلا انت ياللي عليك الروح باذلها

‏وان كان في صالحك ما ترجح الكفه
‏وش خانة الحب والعشره من أولها

.....

رد: اخترنا لكم
 

العبث ماهوب طيب خصوصاً فالقلوب
‏لاسكنتوا في قلوب البشر روفوبها

.....

رد: اخترنا لكم
 

ياوجودي كل ماحال دون الراي راي
والظروف القاسيه ساري مفعولها

كم نويت اقول كلمه تبيّن وش بلاي
وامنعتني شيمتي واستحيت اقولها

خايف ابدي بعض الاسرار وافرّح عداي
عالما ياليت ربي يرد عقولها

اربع وعشرين ساعه وهي تمشي وراي
كتي آخذ لقمة العيش من محصولها

منصور الحبابي

رد: اخترنا لكم
 

‏لو قلّوا احبابك ولو كثروا احبابك
‏يكفيني اني في قلبك ساكن لحالي
‏
‏مهما تمادى الزمان وطوّل غيابك
‏انا ادري انك تتابعني وتقرالي

.....

رد: اخترنا لكم
 

الخاطر إن عاف مثل النفس لا طابت
‏تقفي ولا عاد به شي ٍ يجودها

‏أنا بغيت الغلا يوم الغلا ثابت
‏واقفيت والنفس مدري وش يراودها

‏رميت لي رمية ٍ وحده ولا صابت
‏وحلفت بالله ماعـاد أتعودها

.....

رد: اخترنا لكم
 

‏أعطيه من وقتي يسولف وأسمعه
وأرخي له فؤادي وأرخي مسمعي

من كثر ما قلبي وتفكيري معه
أشتاق له حتى وهو يتكلم معي

.....

رد: اخترنا لكم
 

قالت تغزل في عيوني يا معذبها
قلت اسمعيني ياجعل الناس يفدونك

عيونك اكثر قصيده مقدر اكتبها
اخاف من كثر ما اوصفها يعرفونك

.....

رد: اخترنا لكم
 

بكره يمر احلى من اللي نويناه
بكره تزين بعون ربي وتمضي

رد: اخترنا لكم
 

عفى الله عن مواعيد انتظارك والسنين حيام
‏وقفت وما معي غير الوله واقف ومتسامي

‏يخوفني ضجيج الشوق لا ارتاد الطريق العام
‏وتغيرت بكل اتجاهاتي وتأثيري وهندامي

‏حرارة فقدك اقسى ما تجيبه بارد الانسام
‏وانا للحين من حر المفارق ترجف عظامي

.....

رد: اخترنا لكم
 

ثقيل الحزن لاصار في كل ليله ضيف
‏ليا رحت أدوّر للفرح درب يمسكني

‏ومن كثر ماني فاقد الضحك مدري كيف
‏تمنيت لو شر البليّه يضحّكني

.....

رد: اخترنا لكم
 

المحبه شي عادي والعداوه شي عادي
‏القلوب لها نظر وأحساسها مثل المنبّه

‏حب من ودّك تحب وعاد من ودك تعادي
‏بس عيب إنك تشوّه سمعة إللي ماتحبّه

.....

رد: اخترنا لكم
 

‏ثم أهجري كل البشر وأسكنيني
وصيري مثل من بدل الدار بديار

.....

رد: اخترنا لكم
 

القناعه كنز حتى في شعورك
إرضىَ بالمقسوم لا تطلب مشاعر

.....

رد: اخترنا لكم
 

علموه اني لو ابعد وتلهيني الظروف
ما حدٍ غيره من الناس في بالي طرا

.....

رد: اخترنا لكم
 

لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا ساكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

رد: اخترنا لكم
 

‏أغويتني بالحب والحب سلطان
وسرقت قلبي والعواقب وخيمه

في عالم الانسان وحقوق الانسان
سرق المشاعر مثل فعل الجريمه

.....

رد: اخترنا لكم
 

إذا انشدوك الناس احرص على الميم
ماشفت ماقلت ماسويت ما ادري

سعد بن جدلان

رد: اخترنا لكم
 

‏إيه أنا الصعب الثقيل العنيد المستحيل
تفرض النفس الثقيله عليّ اغرورها

والله إني فالحكي دايمً طبعي بخيل
في سماي وعزه النفس تلعب دورها

ما جنيت إلا مساريك يا الليل الطويل
وما حسدت إلا مقام السما وطيورها

.....

رد: اخترنا لكم
 

‏انا نويت اشرح لك الوضع كله
‏واحط لك خطين تحت العباره

‏لان السكوت عن الخطا شبه عله
‏وانا ما احب الخطا برّه وداره

‏ودين الهوى مافيه مذهب ومله
‏حتى الكلام الزين رهن الاشاره

‏اخّيه من حب يجي فيه ذله
‏يحط من قدر المحب ووقاره

‏من لا يرى في عشرتي مكسب له
‏فانا ماشوف في فراقه خساره

.....

رد: اخترنا لكم
 

لا تتلف الروح لجل الناس ترضيها
وهم ولا يوم سوّوها على شانك

والله ماتندم على الدنيا ومافيها
لو تعرف الوقت من موتك لنسيانك

.....

رد: اخترنا لكم
 

‏الموده لها ميلاد ونعي
‏ولها عمر الله يرحم والديك

عمرها يحتاج تجديد وسعي
وعاقل يدمح خطا هذي بذيك


‏يامسولف سولف وعندك وعي
‏واحسب حساب الكلام اللي بيجيك

‏انت تدري ويش مشكلتك معي
‏تذكر اللي لك وتنسى اللي عليك

.....