رد: ديوان شعراء السعودية في العصر الحديث (متجدد)☘️☘️
 

قصيدة يدوم لك البقاء
الشاعر: عيسي المحبي عيسي المحبي
#العصر الحديث
#المملكة العربية السعودية
0
193 مشاهدة

يدوم لك البقاء ياللي ترحب وأنت راعي الجود

نجاوبكم بعدطول أنتظاري وأسر ياساري

ونطلبك السموحه لو توخرنا في المردود

مشاغلنا كثيره وأنت داري وأسر ياساري

إلى منك قبلت العذر هذا قصدنا المقصود

عساكم ماتردون إعتذاري وأسر ياساري

قعدت آحرف المعنى كما تحريفة ألهالود

عجزت أعرف يميني من يساري وأسر ياساري

وراعي البندقيه قام يقنص فالليالي السود

وله ختلات في وضح النهاري وأسر ياساري

وبعض أوقات يطلقها ولاعنده هدف محدود

يعبرها بطلقات كباري وأسر ياساري

نصيحه وخر البندق عن الفساق ياجلود

ولا تعمل لها أعلان تجاري وأسر ياساري

رد: ديوان شعراء السعودية في العصر الحديث (متجدد)☘️☘️
 

قصيدة يحسب إن الفوزياجي بالرشاوي
الشاعر: عيسي المحبي عيسي المحبي
#العصر الحديث
#المملكة العربية السعودية
0
179 مشاهدة

ياقطر ياكم عليكم من بلاوي

ريحكم طلعت وباقي فيه ريحه

شيخكم ماعاد يدري من يخاوي

مامع المترديه غير النطيحه

ولد موزه فيه جرح مايشاوي

والكفوف اللي تصفق له جريحه

البقر تكشخ في البشت الحساوي

بس يا شينه على ذيك الفطيحه

عيبهم ماله طبيب ولا مداوي

كل شي له علاج الا الفضيحه

والمطوع حقهم يصدر فتاوي

لاعرف يفتي ولا يسدي نصيحه

كل ما يهرج تقل بسه تماوي

اللغه مستعربه ماهي فصيحه

نخبره سربوت صايع فالقهاوي

سيرته وسخه وله قصه قبيحه

كم يداعي غير فشل في الدعاوي

ليت موزه من ولدها مستريحه

يحسب ان الفوز ياجي بالرشاوي

واليماني باعهم بيعه صريحه

ظنوا الحوثي على قد الهقاوي

واخذ مطلوبه وفشلهم صبيحه

بويمن ياشلته طخه سماوي

مافلح ووجيهكم ماهي فليحه

والملك سلمان ناوي ثم ناوي

ياهب السكين في حلق الذبيحه

والضعافه والتباكي والشكاوي

فاشله ذيك الخطط ماهي صحيحه

رد: ديوان شعراء السعودية في العصر الحديث (متجدد)☘️☘️
 

قصيدة لوتسلى قلب عيسى مهو سالي
الشاعر: عيسي المحبي عيسي المحبي
#العصر الحديث
#المملكة العربية السعودية
0
169 مشاهدة

حبنا عهد من الله ما خونه

وإن يبقى طول عمري على بالي

ياحياة القلب والروح وعيونه

الغلا لك وأنتي أغلى من الغالي

يا... أنتي زينة الشعر وفنونه

وأدعي الله ربنا العالي الوالي

يسعدك ويبلغك ما تمنونه

فرحتك هي مطلبي يابعد حالي

شاعرك مجنون ويحب مجنونه

يبتسم والقلب والله مهو خالي

نفترق بالحب وأسرار مصيونه

مايعكر حبنا أنجاس وأنذالي

صنت حبك وأرخص الروح من دونه

قلتها والشاهد الله على أقوالي

خاتمة قولي وشعري ومضمونه

لو تسلى قلب عيسى مهو سالي

رد: ديوان شعراء السعودية في العصر الحديث (متجدد)☘️☘️
 

قصيدة شيلة زواج الدكتورعيسى بن علي أل كدوان الشهري
الشاعر: عيسي المحبي عيسي المحبي
#العصر الحديث
#المملكة العربية السعودية
0
161 مشاهدة

مرحباترحيب من طيب قلب وشرح بال

مرحباحياكم الله على صفرالدلال

مرحبابسم ال كدوان وعموم القبيله

واسم عيسى بن علي واسم ابوه وبسمنا

الفرح بقدومكم تم ياعزالضيوف

قدركم بقلوبناوانتم اغلى من نشوف

ليلنابوجودكم مايساويه الف ليله

طبت ياليل السعدوالفرح ياليلنا

الله يادكتور عيسى يتمم لك بخير

شاركوك افراحك اللي كبيرن والصغير

من غلاك الكل يرقص على عرضه وشيله

كل ذا تعبير لك عن غلاك وفرحنا

كلنا ندعي لك الله رب العالمين

ان يتمم فرحكم بالرفاه وبالبنين

مايخيب ربنا من دعاه ويرتجي له

يالله تمم بالفرح والسعاده والهنا

وأل كدوان المطاليق لجلك حاضرين

بوك وأخوانك والأعمام في عسرولين

هم رجال العرف والجود وأصحاب الفضيله

نمدح الونعم ولوماوفاكم مدحنا

وأل عيسى خولتك مابنمدح نفسنا

غيرحنا عزوتك وادعناوابشربنا

في لزومك يشهد الله مانذخروسيله

نفتخر بك ياولدنا ونرفع روسنا

والقبيله كلهم درع جنب ولبس راس

اتفاخر بسم ربعي على معنى واساس

المحبي عزناواسم مانرضى بديله

مانسيرالا على الحق والله ربنا

وانت ناسبت المطاليق روس بني عمر

ونعم خيران بن ظافرفي العسرويسر

وسعد بن عبوش في حكمته ماحد مثيله

وال أبوطالب رجالن نسبهم يمتنا

وان سمحت اشيد بابطال صحتناالعظام

جهدكم يذكر فيشكرويستاهل وسام

تضحيتكم يارموز الوطن ماهي قليله

تستحقون انتفاخربكم يابطالنا

وجيشنا اللي يحرس الحدمن كل اتجاه

من يحاول يقترب حدنا فالموت جاه

ماعلى الجيش السعودي مهمه مستحيله

خاتمة قولي تحيه لكم ياجيشنا

رد: ديوان شعراء السعودية في العصر الحديث (متجدد)☘️☘️
 

قصيدة بيضة الديك
الشاعر: عيسي المحبي عيسي المحبي
#العصر الحديث
#المملكة العربية السعودية
0
155 مشاهدة

بعض العرب شعره كما بيضة الديك

وكل أموره مثل بيض الدجاجه

إن سرت بعده للمزابل يوديك

وإن قلت تسمع له فهرجه سماجه

شوري من الأشكال ذي تغسل يديك

مالك إلى مثله وشرواه حاجه

أبعد عن الجربان قدام تعديك

ترى الهمج مافيهم الا الهماجه

لا فزعته تنفع ولاشور يهديك

أعوج ولا ياجي بغير العواجه

عسى ألف لحيه من شراويه تفديك

وعساه يزعل لين يخرج عجاجه

ومادام رجل الديك تاجيك بالديك

فالديك يخضع لامسكت الدجاج

رد: ديوان شعراء السعودية في العصر الحديث (متجدد)☘️☘️
 

قصيدة يافرحة العيد مالي فيك حظ ونصيب
الشاعر: عيسي المحبي عيسي المحبي
#العصر الحديث
#المملكة العربية السعودية
0
150 مشاهدة

يافرحة العيد مالي فيك حظ ونصيب

رغم ان حولي بشرقالوا من العائدين

العيد في ذمتي شوفة عيون الحبيب

وان كنت ماشفتها ماني من الفائزين

ظروفه القاسيه خدته غصبا يغيب

والعيد خلص وبعد العيد عيت تزين

باستن عيد الضحى وان جاء ولاهو قريب

أظن ماعاد راسي يحتمل ضربتين

رد: ديوان شعراء السعودية في العصر الحديث (متجدد)☘️☘️
 

قصيدة وان رحت والله ماباقول عود هلم
الشاعر: عيسي المحبي عيسي المحبي
#العصر الحديث
#المملكة العربية السعودية
0
148 مشاهدة

ماعادبيني وبينك ياحبيبي كلام

تمرجنبي وكني في طريقك صنم

والحمدلله ماقدجاك مني ملام

من يوم كنا نسرح بهمناوالغنم

بعض الاوادم اذاعاملتهم باحترام

يحسب انه على ماقيل راس الهرم

اول اذاقلت لي هيارفعت البهام

علامةانا على فكرتك قلنانعم

واليوم راحت علاقتناوصارت حطام

وكلماتطلبه موضوع تحت القدم

ان كنت تبغى النظام اعاملك بالنظام

وان رحت والله مابقول عود هلم

رد: ديوان شعراء السعودية في العصر الحديث (متجدد)☘️☘️
 

قصيدة ياوقت ماودك ترده
الشاعر: عيسي المحبي عيسي المحبي
#العصر الحديث
#المملكة العربية السعودية
0
146 مشاهدة

ياوقت ماودك ترده

ياوقت ياللي خذا خلي

ياوقت ماقوى على بعده

هذا حبيبي وهو كلي

ويلاه لو كنت في جده

لاأحج وأصوم وأصلي

ليته يجي لو بعد مده

ياليته يحن ويطلي

أنا أعرفه مانوى الصده

ولاهو انسان متغلي

لكن شوقي وصل حده

ياعين من دمعتك هلي

واللي دموعه على خده

لاتنشده ليش يبتلي

واللي زمانه وقف ضده

إن ماصبر مامعه حلي

ماجت ظروفه على وده

الحظ طايح ومتخلي

رد: ديوان شعراء السعودية في العصر الحديث (متجدد)☘️☘️
 

قصيدة إن كان تنشد عن حياتي فأنا حي
الشاعر: عيسي المحبي عيسي المحبي
#العصر الحديث
#المملكة العربية السعودية
0
124 مشاهدة

إن كان تنشدعن حياتي فأناحي

وإن كان تنشدعن مماتي فأناميت

يحرم علي النوم والزاد والمي

من أمس لا بليت ريقي ولا أغفيت

جتك العلوم ولا تقل ليش وأش في

وباقي علوم أعطيتها الستر وأخفيت

أخبارعيسى كلبوها كماهي

يركض على الفاضي ولم يلحق الفيت

أشقيت روحي والنتيجه ولا شي

رحنا على قول المثل مثلما جيت

عزاه ياقلبن طواه الندم طي

ماجت لي الدنياعلى ماتمنيت

الحظ عاندني وتدبيري السي

والا الفرص جتني إلى سدت البيت

كنت أحسب ان السالفه كلها يي

وكابرت يوم أخطيت ماكني أخطيت

ليتك دريتي وأيش سوا الندم في

لكن لو ماعاد تنفع ولاليت

واليوم ماينفع علاجن ولاكي

صحيح ماعاد ينفع الضرب ف الميت

رد: ديوان شعراء السعودية في العصر الحديث (متجدد)☘️☘️
 

يالله ياعالم بما تخفي السريره


الشاعر: عيسي المحبي


يالله ياعالم بماتخفي السريره

يالذي ماغيرك أحدن نشتكي له

يا من أغرق جيش فرعون ووزيره

وأبرهة ربي هزم جيشه وفيله

مرحباترحيبةن عطره كبيره

يارجال الدين واصحاب الفضيله

يا وجيه الخير ياشيوخ العشيره

أسمحوا لي يامراويس القبيلة

أدري إن أشعاركم جزله وفيره

والمعاني ماتفوت عن الجديله

أما أنا ماعاد فالمحزم ذخيره

من ثلاث سنين طفيت الذبيله

كلمة الشاعر معانيها كثيره

وأدري انها مزح لكنها ثقيله

الذي سولف بها ريح ضميره

لكن المغلول غله في غليله

ودي إن السر يبقى وسط بيره

وأش نبي في قاعة البير ونثيله؟

والله ماودي نخليها نثيره

والخوا في بعضها ماهي جميله

والسوالف في بدايتها قصيره

لكن إلى طولت صارت طويله

رد: ديوان شعراء السعودية في العصر الحديث (متجدد)☘️☘️
 

تسلمين ريحانتنا https://vb.shmran.net/mwaextraedit4/buttons/smilie.gif


بنت القبيله


حبيبي ملهمي كل فن ونظم الأشعار

ولا يوجد مثاله ولابلقى بديله

خصوصا حين ينظم هواجيسي والأفكار

يرتبها وتصبح تشابهني جميله

أحب أكتب لمجنوني إلى غاب تذكار

وأقول تنظيم ماقلت حاجه مستحيله

وإلى مني كتبت أنتظر رده على نار

أحب أكتب ل عيسى وأفضفض وأشتكي له

يشجعني ويجري شعوري جري الأنهار

وأشيل حمول ياما أعتبرت انها ثقيله

أحبه حب طفله بكل عناد وإصرار

وتعجبني براة الطفولة والفضيلة

وعيسى حبني حب لاصاير ولا صار

ولا بيصير في قادم الدنيا مثيله

رفعني حب عيسى وحلق فوق الأقمار

وأحب أجلس معه كل يوم وكل ليله

يغار علي وأناعليه أجن وأغار

لو أحكي عن سواليف غيرتنا طويله

يجنني إذا قال أحبك سر وجهار

وإلى قال أفتخر فيك يابنت القبيله


عيسي المحبي

رد: ديوان قصائد لشعراء المملكة العربية السعودية (متجدد)☘️☘️
 

رد: ديوان شعراء السعودية في العصر الحديث (متجدد)☘️☘️
 

قولوله
الشاعر: عيسي المحبي عيسي المحبي
#العصر الحديث
#المملكة العربية السعودية
0
115 مشاهدة

قولو له إنه سرق قلبي ونبضاته

وقولوا له إنه قريب أقرب من أنفاسي

وقولوا له إن غاب لا يبطي بغيباته

ما أقدر على غيبته لا يجرح إحساسي

وقولوا له إن ضاق أنا أشعر به وضيقاته

وأضيق من ضيقته حتى شعر راسي

وقولوا ترى غيرته والصمت وسكاته

تجرح ضميري وتشعل كل هوجاسي

وقولوا له إنه يلمح في كتاباته

وأنا أفهمه وأتعذب بس لاباسي

وقولوله أحب حرصه وإهتمامته

وأحب حضنه ومجلاسه ومجلاسي

وقولوا له أحب شعره وأعشق آهاته

كلامه الحلو أحبه وأكره القاسي

وقولو له أفز حين اقراء حكاياته

وانسى معه كل من حولي من الناسي

وقولوله أموت في نغمة رسالاته

النغمة اللي صداها كنه الماسي

وقولوله أحب تكليجه وشطحاته

وأكيد عن بعض شطحاته مهو ناسي

وقولوا له أجن في حكيه وهمساته

وبالذات في حضرة انعاسه مع انعاسي

لالاتقولون له يقراءهو بذاته

ما أحتاجكم لأنه أقرب لي من أنفاسي

رد: ديوان شعراء السعودية في العصر الحديث (متجدد)☘️☘️
 

قصيدة قصة مثيرة موجعة محزنة
الشاعر: عيسي المحبي عيسي المحبي
#العصر الحديث
#المملكة العربية السعودية
0
114 مشاهدة

ترى الشدايد تبين لك وجيه الرجال

وتظهر الخافي المستورمن معدنه

وتثبت ان الرجال إهل المواقف قلال

والغالبيه من اهل الكذب والدندنه

أدخل على الله من فزعة قلال الفعال

قصارالايمان لكنهم طوال السنه

كنت ادخر ناس لاوقات النشب والثقال

وأقول حظي بذولا الناس يا ماحسنه

وقت السميهات كلن قال عطني مجال

ابغى اخدمك واتشرف لو خدمتك سنه

وساعة الجد لما قلت هيا تعال

قام يتملص ويصرف كذب من مخزنه

ياهوه واين الرسايل ذيك والاتصال؟

أقل شيء صاحبك مفروض تنشد عنه

اخذت لي درس قاسي واختصرت المقال

وانهيت قصه مثيره موجعه محزنه

رد: ديوان شعراء السعودية في العصر الحديث (متجدد)☘️☘️
 

قصيدة شيلة زواج الدكتور محمد علي الشهري
الشاعر: عيسي المحبي عيسي المحبي
#العصر الحديث
#المملكة العربية السعودية
0
111 مشاهدة

ذكرالله قدام نظمي ومانقول

والصلاة على النبي الهادي الرسول

ياسلامي يارجال الشرف والقاله

عزوتي وقت الشدايد ولينها

يامحمد بن علي فرحكم مبروك

الثناء والمدح تستاهله وابوك

عشت يادكتور حاز النجاح وناله

دامت افراحك شهور وسنينها

ياعريب الجد والخال يالهمام

والنعم جدك والاخوان والعمام

كل واحد مطلق وينعرف بافعاله

والنعم وافعالهم خابرينها

وأل سالم عزوتك كلهم شموخ

والقبيله كلها اعيان والشيوخ

المحبي رافع الراس راعي طاله

والقبايل بالمدح جامعينها

والنسيب نقول به والنعم نعمين

عاش من كل الشدايد معه تلين

من قبيله جارهم مايكدر باله

حاجته تنجز وتقضى بحينها

يالله ديم الامن وتعزبن سعود

وانصر الجيش المرابط على الحدود

الوطن غالي ودونه تذود رجاله

ماتخلى عن وطنها ودينها

والله يجمعنا على الخير والرشاد

واهدنا يالله إلى الحق والسداد

مابيبقى لابني ادم يكون اعماله

يالله في حسن الخواتم وزينها

رد: ديوان شعراء السعودية في العصر الحديث (متجدد)☘️☘️
 

قصيدة سوق التداول كلما ينتفض طاح
الشاعر: عيسي المحبي عيسي المحبي
#العصر الحديث
#المملكة العربية السعودية
0
108 مشاهدة

سوق التداول كلما ينتفض طاح

وصارت الأوضاع جداً خطيره

شوف الخسائر جاوزت كل الأرباح

وعجز ينقذ سوق الأسهم مديره

نعم تحول سوقنا هرج وصياح

نمسي ونصبح ما تقرر مصيره

مابقي فيه إلاكوابيس وأشباح

والا غراب البين ينعق نذيره

واللي يحسّب وأش بقي معه وأش راح؟

ويذرف على حلمه دموعٍ غزيره

اللون الأحمر نعرفه دم وجراح

وأول ضحايا السوق ناسٍ فقيره

رد: ديوان شعراء السعودية في العصر الحديث (متجدد)☘️☘️
 

قصيدة يامرحبا ترحيبة دايم الدوم
الشاعر: عيسي المحبي عيسي المحبي
#العصر الحديث
#المملكة العربية السعودية
0
104 مشاهدة

يامرحبا ترحيبة دائم الدوم

ياللي بمكتوبك ل عيسى تعنيت

أرسل جوابي لك مظرف ومختوم

وأنا إلى جتني المراسيل رديت

والمعذره ياخوك كنت أمس معزوم

وقريت مكتوبك بعد ماتعشيت

بينت شيء وشيء مخبى ومكتوم

وأقول لك رائي لو أعلنت وأبديت

أما تقول الصدق وتبين علوم

والا إعتبرني لاسمعتك ولا ريت

لاشك في قلبك هواجيس وهموم

ماجت لك الدنياعلى ما تمنيت

راعي الهوى حزنه على الوجه مرسوم

والحب ماتخفى رسومه لو أخفيت

الحب فيه الحق والعدل معدوم

وإن كنت ماتدري عنه ليش حبيت

دربك خطير وقبلك أمطاروغيوم

وإلى تعطل موترك ما تعديت

وماقدر المولى على العبد محتوم

ولايفيد في القدر لو ويا ليت

راعي الهوى يحتاج له صبر وعزوم

ياماسهرت من الليالي وونيت

أرعى نجوم تغيب وتبين نجوم

ولاجيت أسلي خاطري ماتسليت

وراع البضاعه ينزل السوق ويسوم

ولا يربح الاتاجر ذايع الصيت

والرزق بيد الله مقدر ومقسوم

وترى نصيبك مايفوتك لو أبطبت

وتراك ياعائض مقدر ومحشوم

ولوكان عندي مطلبك ماتوانيت

رد: ديوان شعراء السعودية في العصر الحديث (متجدد)☘️☘️
 

قصيدة شيلة زواج محمد عبدالرحمن حزام الشهري
الشاعر: عيسي المحبي عيسي المحبي
#العصر الحديث
#المملكة العربية السعودية
0
102 مشاهدة

ذكرالله قبل بدع الكلام
والصلاه ع النبي والسلام
ياسلامي على اهل الجمايل
ماضي وحاضر ومقبلي
أل سقمه رجالن عظام
نفتخر لاذكرنا حزام
اسم معروف بين القبايل
شيخ وإلى وقف يجملي
الكريم اللي انجب كرام
عبدالرحمن رجلن همام
ومحمد يشيل الثقايل
والنعم والنعم يا علي
ألف مبروك ياهل المقام
دامت افراحكم كل عام
يامحمد نظمنت المثايل
والقصايد بكم تكملي
تستحق امدحك باهتمام
مدحنا فيك فخرووسام
والمدايح عليهادلايل
بمدح الكفو ويحق لي
وقفتك في نهارالصدام
ترفع الراس تجلى الظلام
قسمك المجد ماله بدايل
دائماصفك الاولي
خولتك ينجزون المهام
من تعزوى بهم مايظام
الشنيفي رجال الفعايل
اسمهم فوق ماينزلي
وانت ناسبت قومن حشام
أل يحمد بيوم الزحام
يفعلون العجب والهوايل
يردعون الذي يجهلي
والقبيله لهم لحترام
المحبي رفيع المقام
مايصف فعلناقول قائل
فعلنا واسمنا معتلي
وان حصل نقص والا ملام
فاقبلوا عذرنا فالختام
وانتم أهل الكرم والفضايل
ياعسى عذرنا يقبلي

رد: ديوان شعراء السعودية في العصر الحديث (متجدد)☘️☘️
 

قصيدة يالله إن الحكم بيديك والشكوى عليك
الشاعر: عيسي المحبي عيسي المحبي
#العصر الحديث
#المملكة العربية السعودية
0
101 مشاهدة

يالله إن الحكم بيديك والشكوى عليك

يالذي بيديك حل المصاعب كلها

ياجليل الملك ياواحدن مالك شريك

أنت من يعلم كثير العلوم وقلها

وأنت راعي الأمر والملتجى منك إليك

وأنت من يهدي قلوب البشر ويظلها

يالله افرجها على عبدك اللي يرتجيك

وأستره واغفر له الزلة اللي زلها

العلوم مدحدره وإنتهاء صبري وشيك

والوجع يسري في الروح حتى علها

ضاقت الدنيا وكل الرجاء يارب فيك

ماأرتجي من عند غيرك يجيني حلها

والله إني صرت ياقاصف العمر احتريك

مثل من يرقب لحاجه ولايوصل لها

الحياة الى اصبحت بين ذاك وبين ذيك

لا تلومون الذي من شقاها ملها

استعن بالله يانفس وأقبل مايجيك

كم عزمت تتوب وتتوب ثم تعلها

كان واجب تعتبر قبل ربي يبتليك

خل شورأبليس ينفعك يوم تفلها

رد: ديوان شعراء السعودية في العصر الحديث (متجدد)☘️☘️
 

قصيدة لاحدن يشره عليه
الشاعر: عيسي المحبي عيسي المحبي
#العصر الحديث
#المملكة العربية السعودية
0
98 مشاهدة

اعذروني ياقبايل لاحدن يشره عليه

تعلمون ان المواقف بعضها يعمي البصيره

المواقف بعض منها من بدايتها قويه

وبعضها حلوه وجذابه ولوكانت خطيره

اتركونا م المواقف واسمعوا مني رويه

ودي احبكها إلين اجيبهاقصه مثيره

باختصار السالفه مريت حي الشرفيه

باتجاه الغرب نازل حول مدرسة المغيره

التفت على اليمين وشفت هذيك الصبيه

ياجماعة زينها طاغي وقامتها قصيره

قلت ساساسا سلام ومنتظر رد التحيه

طالعتني واشرت واصل وكملت المسيره

المطبات التي في الحي يمكن خمس ميه

كلها مريتها داعس على نفس الوتيره

كلمتني قالت ارجع ودي اشوفك شويه

مت ضحك وسببت لي مشيتك ربكه وحيره

راعي التفاحه الي عرف سر الجاذبيه

لوبعينه شاف ماشفته فطس غبنه وحيره

كان قال الجاذبيه كلها في ذي البنيه

وكان قال الارض لاسمحه ولاهي مستديره

ولو نظرها الشايب اللي في دياربني عطيه

نسي ضحكة نانسي عجرم ومن غمزة سميره

الحقيقه مابقي لي شف بالدنيا الدنيه

من يداوي قلبي المجروح والنفس الكسيره؟

رد: ديوان شعراء السعودية في العصر الحديث (متجدد)☘️☘️
 

قصيدة طارت طيور الرزق
الشاعر: عيسي المحبي عيسي المحبي
#العصر الحديث
#المملكة العربية السعودية
0
96 مشاهدة

أهلا هلابك عد ماهلت أمطار

ياللي بعالي الصوت ودك تنادي

علمك وصل وأسمع علومي والأخبار

شيء قديم وشيء منها جدادي

الجو حر وفالسماء غيم وغبار

ومن دون ماترجيه خرط القتادي

ماغير لاتكثر هواجيس وأفكار

طارت طيور الرزق والحظ غادي

أصحابنا داروا مع الوقت ذادار

أقفوا ونسيوا حبنا والودادي

نسيوا علاقتنا بلاسابق إنذار

قالوا فمان الله والأمر عادي

وخلوني أقاسي همومي ومحتار

سهران عيني ماتذوق الرقادي

أنظم بيوت الشعر وأدق الأوتار

قدلي ثمان شهور معلن حدادي

رد: ديوان شعراء السعودية في العصر الحديث (متجدد)☘️☘️
 

قصيدة التباهي بالوقاحه
الشاعر: عيسي المحبي عيسي المحبي
#العصر الحديث
#المملكة العربية السعودية
0
95 مشاهدة

التباهي بالوقاحه وتقليد الرخوم

ماتعودعليك بالخير يامن حبها

والردي لو يرفعونه إلى فوق النجوم

لازم يعود على دمنته يكتبها

طبعه ينافس عليها وأخذ منها قسوم

وإن رفع خشمه على لحيته يضرب بها

والعلاقه بين هين وخاين ماتدوم

بعضها يضحك على البعض والله ربها

والتمدح بالفضايح وتكثير الرقوم

والذي يمدح هلايم تروه يسبها

وابتسامات النذاله وبوسات الخشوم

خاين العشره على الأغبيا يلعب بها

كلهم قدعرفوا إن قايمتهم ماتقوم

لكن الفاشل على عادته ماكبها

كل شي مكشوف والناس ماعادوا غشوم

راعي العله بنفسه يدور طبها

والعلوم البايره حول راعيها تحوم

الخساسه من تسلح بها ينشب بها

رد: ديوان شعراء السعودية في العصر الحديث (متجدد)☘️☘️
 

قصيدة القلوب تطير لكن من دون أجنحه
الشاعر: عيسي المحبي عيسي المحبي
#العصر الحديث
#المملكة العربية السعودية
0
93 مشاهدة

إبتداءنظم القصائد ونفتح كل باب

قدنوينا كل باب مقفل نفتحه

أنتظم شعري وبوحي ولافيه الصعاب

بنثر إحساسي ولو هو غلط مابمسحه

أي نعم ماعندي أسرار أنا زي الكتاب

الكتاب اللي عجز غيرك أنتي يفتحه

وأبشري قدام لا يبتدي فصل الخطاب

قبلما أنثر كل خافي بصدري وأشرحه

لا ملامه لازعل لاحساب ولا عتاب

أعرف إحساسك وواجب عليه ماأجرحه

والسؤال اللي طرحتيه له عندي جواب

بس دمع الحزن ماأبغى عيونك تسفحه

ليش دمعك ينتثر في حضوري والغياب

وأيش سر الراحه اللي وجودي يمنحه

وأش علينا لو مشينا في الدرب الصواب

والخطاء مذموم مهما حصل ما بمدحه

كلنا أخطينا وقدصابنا نفس العقاب

والمحب إن حاول الستر دمعه يفضحه

روح حبت روح حب الوفاء والقلب ذاب

والنتيجه قلب عيسى غيابك يذبحه

المشاعر بيننا صدق مافيها كذاب

حبنا حب الوفاء غيرحب المصلحه

الوجع لاصاب قلبك تري قلبي مصاب

القلوب تطير لكن من غير أجنحه

رد: ديوان شعراء السعودية في العصر الحديث (متجدد)☘️☘️
 

قصيدة الثقه متبادله بين الثقات
الشاعر: عيسي المحبي عيسي المحبي
#العصر الحديث
#المملكة العربية السعودية
0
91 مشاهدة

يارساله واصله من مرسليها

مرسله ل معيض من بعض الجهات

قال أبو عبدالله أبدي الرأي فيها

والثقه متبادله بين الثقات

قلت ناولني الرساله وأفتليها

أثر راعيها موصي توصيات

طالبه بالوصف تسحر ناظريها

وأزموا عني بنيت على الصفات

الله يحفظها وبسم الله عليها

من عيون الناظرات الحاسدات

مايجيها يامحمد مايجيها

غير كل الخير وعلوم الثبات

يامحمد كانك الحلوه تبيها

لا تهيبك الدروب الشايكات

لا تراجع لو بروحك تفتديها

يرخص الغالي من أجل الغاليات

أحزم أمرك قبل يكثر طالبيها

مايفيد الحزن لو فات الفوات

مثلها لابد يكثر عاشقيها

خذ كلام اللي مجرب تجربات

ماتجي الدنيا علي مانمتنيها

صايبه مره وعشر خايبات

كلما جاتك بحاجه تشتهيها

ماتخليها بدون منغصات

مثلما قالوا حصاها في يديها

كن أصابعها مدافع راجمات

تمت الكلمه ولالي قصد فيها

غير نبدي راينا ومداعبات

قلتها والمعذره ياسامعيها

والختام علي الرسول أفضل صلاة

رد: ديوان شعراء السعودية في العصر الحديث (متجدد)☘️☘️
 

قصيدة سهام العين لاتأمن خطرها
الشاعر: عيسي المحبي عيسي المحبي
#العصر الحديث
#المملكة العربية السعودية
0
90 مشاهدة

هلا برسالتك ياللي نشرها

ونظمها على كيفه وذوقه

رساله يعجب القاري خبرها

ومن يفهم معانيها تشوقه

عيون المبتلى يكثر سهرها

ومن يرقد وقلبه في حروقه

سهام العين لاتأمن خطرها

تراها تسبق الرجل السبوقه

عشقت عيون ما يخفى عورها

ولي قلب غريب في عشوقه

عيوني ما بلاها إلا نظرها

نظر عيني مبهذلني عقوقه

كتب ربي على عيني قدرها

وما نرجيه ما نقدر لحوقه

عيوني ودها شوفة شهرها

ولكن السحب تحته وفوقه

إذا جت تنظر البارق جهرها

وترسل فالخفاء نظره سروقه

عسى ذيك السحب يهطل مطرها

وليل المسريه تلمع بروقه

ويصبح سيلها مسقي شجرها

وينشد طائر القمري طروقه

رد: ديوان شعراء السعودية في العصر الحديث (متجدد)☘️☘️
 

قصيدة ماياجيك باس
الشاعر: عيسي المحبي عيسي المحبي
#العصر الحديث
#المملكة العربية السعودية
0
88 مشاهدة

ياسلام الله على درع جنبي واللباس

كيف أبوتركي واش اللي جديد من الأمور

ماتشوف الشر ومجار ماياجيك باس

ياعساه أجر ومثوبه وتمحيص وطهور

هذي الدنيا كذا يوم لين ويوم قاس

شدة وتزول والقادم أفراح وسرور

مالنا غير الدعاء والرجاء والألتماس

نرفع يدينا ونطلب من الرب الغفور

يامشافي ايوب من بعد صبر وبعد يأس

شاف أبوتركي وسلمه من كل الشرور

المرض لويفتدى كان يفداك الف راس

لكن المسلم على ماكتب ربي صبور

عادته لاحل مايقصد الاخير ناس

ينتقي الونعم وكنه حريص على الحضور

يالمرض بالله إذاعندك احساس وقياس

لاتصيب الكفو وان كان صبته لاتجور

رد: ديوان شعراء السعودية في العصر الحديث (متجدد)☘️☘️
 

قصيدة هلا هلا ياسلوة القلب والروح
الشاعر: عيسي المحبي عيسي المحبي
#العصر الحديث
#المملكة العربية السعودية
0
86 مشاهدة

هلا هلا ياسلوة القلب والروح

يافرحتي بك يوم تاجي زياره

رد الزياره والخطاء منك مسموح

قلبي يحبك لو كويته بناره

هو لك بتعذيبي فوائد ومصلوح

وإن كان لك مصلوح شب الشراره

شب الحطب وإحرق على قلب مجروح

وإبعد يديك عن اللهب والحراره

رد: ديوان شعراء السعودية في العصر الحديث (متجدد)☘️☘️
 

قصيدة جددي ياعين دمعك
الشاعر: عيسي المحبي عيسي المحبي
#العصر الحديث
#المملكة العربية السعودية
0
86 مشاهدة

جددي ياعين دمعك جددي

وأنثري ياعين فوق الخدماك

وأحزني يانفس والاحددي

الله اللي زاد يا نفسي شقاك

رددي ذكرى الفجيعه رددي

يوم جاك العلم الأقشر يوم جاك

وأشجبي ماصار والا نددي

لين كل الناس تدري وأش بلاك

بددي كل الأماني بددي

وادري إن اللي تودينه نساك

رد: ديوان شعراء السعودية في العصر الحديث (متجدد)☘️☘️
 

قصيدة ترى مافي حبيش الاسنامه
الشاعر: عيسي المحبي عيسي المحبي
#العصر الحديث
#المملكة العربية السعودية
0
86 مشاهدة

بدينا واسم ربي نبتدي به

قبل لا نبدع الشعر ونظامه

وندعي والدعاء الله يستجيبه

ويغفر زلة المذنب وأثامه

وأنا مفتون والفتنه مصيبه

نسال الله عفوه والسلامه

وقلبي ف الهوى زايد لهيبه

وأخاف الناس تلحقني ملامه

يقولون الذي فارق حبيبه

يبات الليل عينه ماتنامه

أتوب من الهوى وارجع غصيبه

وراعي الحب يرجع في كلامه

ترجعني له الذكري العجيبه

ونظرة عين تسحر وإبتسامه

ومثلي كيف يجهل في مشيبه

وأنا مابي هبال ولا غشامه

بياض الشيب له حشمه وهيبه

ومن شيب وصل سنه تمامه

إلى منه جهل كل ن يعيبه

ويكثرقول عذاله علامه

ومن يصفي لغيرك واش تبي به

قمر عشرين ما يجلي الظلامه

أخذ كلن من الدنيا نصيبه

حلال الرزق يغني عن حرامه

وصديق المصلحه لا تعتني به

ولا تطمع بلقمه من طعامه

ترى اللي كلمته نمه وغيبه

لزوم يقل قدره وإحترامه

وترى اللي صحبته شكه وريبه

غنامه فرقته والله غنامه

أبو وجهين كلن قد دري به

بعيد عليه درب الاستقامه

كذوب ومفتري والكذب خيبه

ولو يلبس علي راسه عمامه

ولا يفرق حضوره عن مغيبه

ولا يعرف سوى درب الرخامه

غريبه كيف صاحبته غريبه

ومن ياخذ بدال الصقر هامه

نصيحه فارق الخايب وسيبه

تري مافي حبيش الا سنامه

صديقك تعرفه ربي يحيبه

رفع ربي عن الخايب مقامه

ابو تركي وهو سابق بطيبه

شعار الفخر يستاهل وسامه

خوي في المواقف تعتزي به

وهو رمزالشجاعه والكرامه

سديدالرأي شوره نقتدي به

ولا يلحقك من شوره ندامه

وراعي دين علمه نهتدي به

كريم وشهم من منبع شهامه

ختمت وذكر ربي ننتهي به

في اول مانقول وفي ختامه

رد: ديوان شعراء السعودية في العصر الحديث (متجدد)☘️☘️
 

قصيدة الجدران كثيره
الشاعر: عيسي المحبي عيسي المحبي
#العصر الحديث
#المملكة العربية السعودية
0
84 مشاهدة

من يمدح الأجواد ماهو بغلطان

هذي سلوم الناس في كل ديره

في وقتنا الحاضر وفي كل الأزمان

الكفو يمدح والتجارب وفيره

كم قالوا الشعار في كل ميدان

شعر المدايح والمعاني الكبيره

نمدح هل المعروف وطوال الأيمان

أهل المكارم والوجيه السفيره

والشاعر اللي له على المدح برهان

مفروض نفخر به ومكثور خيره

مايجحد المعروف لوكان من كان

إلا قليل العرف وأعمى بصيره

وإن كان أحد من مدح الأجواد زعلان

قل له ترى الجدران حولك كثيره

رد: ديوان شعراء السعودية في العصر الحديث (متجدد)☘️☘️
 

قصيدة الجدران كثيره
الشاعر: عيسي المحبي عيسي المحبي
#العصر الحديث
#المملكة العربية السعودية
0
85 مشاهدة

من يمدح الأجواد ماهو بغلطان

هذي سلوم الناس في كل ديره

في وقتنا الحاضر وفي كل الأزمان

الكفو يمدح والتجارب وفيره

كم قالوا الشعار في كل ميدان

شعر المدايح والمعاني الكبيره

نمدح هل المعروف وطوال الأيمان

أهل المكارم والوجيه السفيره

والشاعر اللي له على المدح برهان

مفروض نفخر به ومكثور خيره

مايجحد المعروف لوكان من كان

إلا قليل العرف وأعمى بصيره

وإن كان أحد من مدح الأجواد زعلان

قل له ترى الجدران حولك كثيره

رد: ديوان شعراء السعودية في العصر الحديث (متجدد)☘️☘️
 

قصيدة الله من هم يجتاح الفؤاد اجتياح
الشاعر: عيسي المحبي عيسي المحبي
#العصر الحديث
#المملكة العربية السعودية
0
84 مشاهدة

الله من هم يجتاح الفؤاد اجتياح

والنار ذاماوطاهاماعرف حرها

سهران ماذوق طعم النوم لين الصباح

فيني هواجيس يارب اكفني شرها

ساكت ولكن في صدري ضجيج وصياح

واحاول اداري العبرات واسرها

أحاول أنسى واقل للقلب ماراح راح

وفجأه أتالي الونات وأجرها

والحظ مقفي ولامن قلت له قوم طاح

ياويل حالي وطر جيوبنا طرها

صحيح مافيه احد في ذا الزمان استراح

دنياحلاهاقليل وياكثر مرها

رد: ديوان شعراء السعودية في العصر الحديث (متجدد)☘️☘️
 

قصيدة مرفوع العتب
الشاعر: عيسي المحبي عيسي المحبي
#العصر الحديث
#المملكة العربية السعودية
0
81 مشاهدة

من شروط الشعرمرفوع العتب

أسمحوا لي ياغياب وياحضور

المعاني بينها جدولعب

والله العالم بماتخفي الصدور

يوم شفت الشعر بالحبر انكتب

ماتمالكت المشاعر والشعور

شعر عيسى صدق ماعمره كذب

كلما قاله حكم ماهو بزور

من مشى بالحق يغلب مانغلب

ومن صبر يبشر بسعده والسرور

ومن يداري زلة الصاحب كسب

ومن يدور عذر للمخطي وقور

غير بعض الناس له طبع صعب

كلما جيته بمعروفك يجور

يحسب انه فارضن قدره غصب

مايفكر في عواقيب الامور

خائب ظنه ويخسي ويعقب

طايح حظه ينادي بالثبور

ما يجي شعبان قبلك يا رجب

وليلة خير من الف من الشهور

والزمن غير طباعه وانقلب

ماعدل واستغفر الرب الغفور

العبيد اصبح لهم ساس ونسب

إقترب يوم القيامه والنشور

واصبح الحصني ليا هز الذنب

تبتعد عنه الذيابه والنمور

وإختلط ولد القبيله والصلب

وصارت الهامه تحوم علي الصقور

ولا مشي الصاحي مع الجربا جرب

بالمثل قالوه من ماضي العصور

رد: ديوان شعراء السعودية في العصر الحديث (متجدد)☘️☘️
 

قصيدة العيد الوطني88
الشاعر: عيسي المحبي عيسي المحبي
#العصر الحديث
#المملكة العربية السعودية
0
83 مشاهدة

دام عزك ياوطنا وعيدك كل عام

بالرخاء والمجد ياموطني عيدك يعود

رفرفي ياراية العز يارمز السلام

راية التوحيد فيها عن الرايات زود

في وطنا مهبط الوحي والبيت الحرام

قبلة الاسلام واطهر مكان في الوجود

من وطنا شعشع النور وانزاح الظلام

وتم دين الحق رغم النصارى واليهود

اشهد انك ياوطن مايوفيك الكلام

لك علينا حق نسقيك من دم الكبود

أعظم الأوطان واللي يقودونك عظام

ضيفنا نستقبله بالبخور وبالورود

والعدو نستقبله بالسيوف وبالسهام

ثابتين على قيمنا وعادات الجدود

وجيشنا الباسل مسيطر على كل المهام

من قرب من حدنا نقبره قبل الحدود

فالربوعه جيشنا حطم الحوثي حطام

نفتخر ياجيشنا فيك ضباط وجنود

كل يوم لك على الخصم هجمه واقتحام

بالصواريخ التي صوتها مثل الرعود

تحرسون الحد واحنا بامان الله نيام

يعلم الله مانسينا لكم ذيك الجهود

فعلكم يوصل إلى ايران ويهز النظام

قلتها صادق وعندي على قولي شهود

الله ينصركم على أذناب طهران اللئام

والذي نال الشهاده لجنات الخلود

وأدعي الله يحفظك ياوطنا فالختام

في ذرا سنة محمد ودولة بن سعود

رد: ديوان شعراء السعودية في العصر الحديث (متجدد)☘️☘️
 

وأش في يديه يوم تشكي عليه

أنا بعد من جور الأحباب عانيت

وأحس وسط القلب مليون كيه

ياما كتبت من القصايد وغنيت

للصاحب اللي مابعد شفت زيه

شيبت في حبه وأنا ماتهنيت

وأين العداله والقلوب النقيه

ماظني أسلى صاحبي لو تسليت

فالقلب حبه لين يوم المنيه

ماعاد ينفع قولنا لو وياليت

هات القلم والحبر وأكتب وصيه

رد: ديوان شعراء السعودية في العصر الحديث (متجدد)☘️☘️
 

قصيدة شيلة المولود علي بن حسن علي أل كدوان الشهري
الشاعر: عيسي المحبي عيسي المحبي
#العصر الحديث
#المملكة العربية السعودية
0
82 مشاهدة

يالله لك الحمد وبفضلك تتم النعم

قلوبنا استبشرت بالخير والسعدتم

حل السعد والفرح بقدوم ضيف جديد

نورت بيتك ونورت البلد ياعلي

يامرحبا عد من كبر وصلى وصام

بمولدك ياعلي يا ابن الرجال الكرام

استبشر الكل بقدومك وذا اليوم عيد

نورت بيتك ونورت البلد ياعلي

ابوك ونعم وجدك بوحسن والنعم

وجدك عزيز اسم ومسمى كريم وشهم

واعمام وأخوال حولك مثل عقد فريد

نورت بيتك ونورت البلد ياعلي

وكل أل كدوان وأل حسين نعم الرجال

ذكرت الأسمين لنها تستحق المقال

تاريخ الأجواد ما يحصيه مدح وقصيد

نورت بيتك ونورت البلدياعلي

الله يمتعك بالصحه وعمرك يطول

في طاعة الله سبحانه ونهج الرسول

وتحقق أهداف أبوك وفوق ظنه تزيد

نورت بيتك ونورت البلد ياعلي

يارب تمهل لنا بالعمر حتى نشوف

علي مع ابوه وأعمامه وجده وقوف

يقلون هذا علي دكتور والاعميد

نورت بيتك ونورت البلد ياعلي

رد: ديوان شعراء السعودية في العصر الحديث (متجدد)☘️☘️
 

قصيدة ياقمرنور بنورك
الشاعر: عيسي المحبي عيسي المحبي
#العصر الحديث
#المملكة العربية السعودية
0
80 مشاهدة

ياقمر نور بنورك ياقمر

يا قمرنا ماتغطيك المزون

ياقمر ياحلو يانور البصر

طلعتك تجلى من القلب الحزون

ياقمر يابدر ولا ياشهر

هي قريبه شوفتك ولا ظنون؟

لاتخبا ياقمر خمسة عشر

خل عشاقك لنورك ينظرون

حين تظهر نورغيرك ماظهر

يحفظك ربي من اللي يحسدون

يامعيض أشغلت بالي والفكر

ليش قلبت المواجع والشجون؟

كم كتمت الحب وأظهرت الصبر

لجل ماودي عداتي يشمتون

يامعيض العشق ودروبه خطر

أعرف أفعاله وغيري يعرفون

الحذر ثم الحذر ثم الحذر

الخطر والموت في بحر العيون

قبلنامجنون ليلى ماقدر

يخفي أحواله عن اللي يعذلون

رد: ديوان شعراء السعودية في العصر الحديث (متجدد)☘️☘️
 

قصيدة إن كان ماعن قرارك يالحبيبه رجوع
الشاعر: عيسي المحبي عيسي المحبي
#العصر الحديث
#المملكة العربية السعودية
0
80 مشاهدة

ان كان ماعن قرارك يالحبيبه رجوع

باعلمك واش قراري بس لاتزعلين

وان كان في بالك إعلان الولاء والخضوع

باقول لك قبل تنصدمين لا تحلمين

وان كان تبغين مقضى مثل ذا فالربوع

بارضيك واعطيك مطلوبك وتستاهلين

من شان عينيك مابغاها تهل الدموع

مهماحصل خاطرك غالي وقدرك ثمين

رد: ديوان شعراء السعودية في العصر الحديث (متجدد)☘️☘️
 

قصيدة الأمرعاتي
الشاعر: عيسي المحبي عيسي المحبي
#العصر الحديث
#المملكة العربية السعودية
0
79 مشاهدة

جيتها زعلان منفوخه شفاتي

والغضب والبهذله باين عليه

قلت يابنت أسمعي والعلم ياتي

أفهمي والسالفه ماهي شويه

طالعت قالت تفضل لا تحاتي

خير يارجال قل وأيش القضيه

قلت أناقررت أعيش مع حياتي

بأتفرغ وأعتزل كل البريه

باعتزل واقعد مع روحي وذاتي

صارت العيشه مع العالم شقيه

بس باوصيك وانتبهي وصاتي

نفذيها لاتخلين الوصيه

احذفي بني وجوالي وكاتي

والبرامج كلها وأنتي ذكيه

والقصايد والصور ومحادثاتي

امسحيها مسح لايبقى بقيه

وانا باغير جميع معرفاتي

ودي أصبح شخص مجهول الهويه

وان جتك أخبارتنقل لك وفاتي

أحفظي مابيننا وأنتي وفيه

ضحكت وقالت من الله الثباتي

أدري إن الضحك من شرالبليه

وأيش عندك ياكثير الموعظاتي

يامطوع لاتكن ناوي بنيه

عش حياتك وإعتزل والامر عاتي

لاتفلسف وانت عند العبقريه

قلت يعني ما زعلتي يافتاتي

وأنا خفت تجيك جلطه يا بنيه

ردك القاسي تري كسر عصاتي

كلمتك يا حلوتي كلمه قويه

قالت اسكت بس يازين السكاتي

وانت تعرفني ترى ماني غبيه

أعتبرت السالفه ضحك ونكاتي

تتهمني بالقسا وانا بريه

عش حياتك يعني ادخل في عباتي

الحياه أنا وأنا الدنيا الهنيه

فز قلبي واني اصحى من سباتي

والمشاعر بعد قسوتها نديه

اي نعم والله ياسكر نباتي

الحياه أنتي نعم ميه بميه

رد: ديوان شعراء السعودية في العصر الحديث (متجدد)☘️☘️
 

قصيدة يامملكتنا
الشاعر: عيسي المحبي عيسي المحبي
#العصر الحديث
#المملكة العربية السعودية
0
78 مشاهدة

يامملكتنا وصلتي كوكب المشتري

وأنتي على قمة الأمجاد متربعه

مادام سلمان قادك فأفرحي وأفخري

قائد مظفر وكل الطيب من منبعه

والأمن في يد أمينه يابلدنا ابشري

وغير صوت الهدي والحق مانسمعه

ماهمنا من يخالفنا ومن يفتري

الضربة اللي ضربها بوفهد موجعه

لاولد صالح ولاالحوثي ولاالمسعري

الشعب واعي وماقال الملك نتبعه

ولانتابع سفاهة غانم الدوسري

أيران وأذنابها تكثر من الطرطعه