|
رد: فوق هام السحب ( الشعر الشعبي) على متن القوافي
يا وليف الـروح عـندي لك سؤال جـاوبـه بالله يا القلـب العـطوف القصـايد فيـك ما تعـرف محـال السبب فيـك أنت ولا فالحـروف .... |
رد: فوق هام السحب ( الشعر الشعبي) على متن القوافي
قانع من الدنيا مثل منت شايف
لو هي تجي وتقول طب وتخيّر مافيه حاجه تستحق الحسايف غير الرفيق الطيب إليا تغيّر بقلمي |
رد: فوق هام السحب ( الشعر الشعبي) على متن القوافي
لولا الخطا ماصار للصّح قيّمه
ولولا وجود الصح كان الخطا دام والصاحب اللي له معزه وشيّمه نحذف خطاه خلاف ونروح قدام .... |
رد: فوق هام السحب ( الشعر الشعبي) على متن القوافي
الصمت نعمه لكن البوح راحه
وياحظ من صمته يدله ويغويه وياحظ من جوفه يعيش الصراحه مايشغله هرج العرب والمشاريه .... |
رد: فوق هام السحب ( الشعر الشعبي) على متن القوافي
مابقى في بحة حروفي كلام
وما يھم إن قام حظي أو قعد من تعب صدر العنا ودي أنام نومة أهل الكھف أو أطول بعد .... |
رد: فوق هام السحب ( الشعر الشعبي) على متن القوافي
خذيت من مر الزمن ماكفاني
وعطيت غيري كثر ماكنت محتاج بغيت لي حاجه وحظي عصاني من عقبها صديت منعاً للأحراج .... |
رد: فوق هام السحب ( الشعر الشعبي) على متن القوافي
يامن يراقبني ترى الحرف لك إنت
تعال وإكتب وش شعورك تجاهي تعبت ألمح لك شعوري فلاهنت وأخاف تفهمها القلوب السواهي .... |
رد: فوق هام السحب ( الشعر الشعبي) على متن القوافي
مايرقد المشتاق ولا يعرف النوم
عطشان وصلك منتظر يزول همه كنه رضيعن ماله ايام مفطوم يبي حنان الام والصدر ضمه .... |
رد: فوق هام السحب ( الشعر الشعبي) على متن القوافي
بعض العرب لاحب بالحيل ينحب
وبعض العرب مايقتله غير حبه أعظم جروح الحب لاخانك محب وأكبر ذنوب الحب فرقا الاحبه .... |
رد: فوق هام السحب ( الشعر الشعبي) على متن القوافي
السوال اللي خفوقي له جواب
من سهم سلهامها صاب الهوى والعيون اللي لقت فيني صواب ذاب فيها خافق الذيب وعوى جامعه مالذ للعاشق وطاب قد تعدا الوصف حجم المحتوى .... |
رد: فوق هام السحب ( الشعر الشعبي) على متن القوافي
خل البشر تذكرك بالخير والطيب
السمعه الزينه رصيد وغنيمه إن جيت تلقى المسهلا والتراحيب وإن غبت تمدحك النفوس الكريمه .... |
رد: فوق هام السحب ( الشعر الشعبي) على متن القوافي
الصاحب اللي كل ماجيت احييه
رد التحايا فوق ماني متصور لاقبل علي وقلت لبيه لبيه يقول ياشمس الغوالي منور هذا اللذي شوفه لقلبي مناويه لانه يجوع لشوفتي ويتضور غيره من الخلان مانيب باغيه دامه معي ماني لغيره مدور .... |
رد: فوق هام السحب ( الشعر الشعبي) على متن القوافي
ماني موّكل على العالم ولا لي وكيل
الحلم في مزهبي والحمل في منكبي مابين وصلٍ جميل وبين هجرٍ جميل أختار منها وانا حاضر على ماتبي .... |
رد: فوق هام السحب ( الشعر الشعبي) على متن القوافي
إحرص على اللي كل ماقال يفعل
وابعد عن اللي كل فعله بالأقوال وخلك مع اللي كل ماغبت يسأل واترك رفيقن مايلقي لـك البال .... |
رد: فوق هام السحب ( الشعر الشعبي) على متن القوافي
لاتنكسر دامك على قيد الحياة
اللي مايذبح ينفعك لو يجرحك واخسر مدام إن الخسارة ربح ذات ولا تربح اللي مايحاول يربحك .... |
رد: فوق هام السحب ( الشعر الشعبي) على متن القوافي
ياصاحبي لاعاش من يتجاهلك
شرع القبائل تفتخر باصحابها والمجد والتاريخ لاصحابك ولك وانتم نشاما خصمها يهتابها لوالسماء تنهار وينهار الفلك والشمس كفّت وأشرقت من غابها ماينقص الحب الذي في القلب لك حتى تلاقي كل نفس ترابها .... |
رد: فوق هام السحب ( الشعر الشعبي) على متن القوافي
ياليت لو ترجع من العآم لحظاتّ
ولحظات كانت بالفرح تحتوينا وياليتها ترجع على الوجه بسماتّ بسمات تخفي لمحت الحزن فينا .... |
رد: فوق هام السحب ( الشعر الشعبي) على متن القوافي
على الهون يابرد شديد علينا اليوم
معالييق صدري كلبوها تجاريه ترا ليلي البارح قضيته سهر وهموم ولاني بقدك يالهبوب الشماليه .... |
رد: فوق هام السحب ( الشعر الشعبي) على متن القوافي
شابت الاحلام في عز الشباب
والصدر للذكريات اصبح قبر .... |
رد: فوق هام السحب ( الشعر الشعبي) على متن القوافي
خلّوه يحضن راحة القلب وينام
قــرا كـــلام الله ونـامت عيــونه خلَّى لكـم كلّ الدفــاتر والأقلام خلّـوا له القرآن لاتاخذونه سداح العتيبي |
رد: فوق هام السحب ( الشعر الشعبي) على متن القوافي
القوم قامت تحوف الريف
كود الرسايل توصّل له علمٍ وكادٍ بلا تحريف ياناقلٍ علمك افطن له جدعان مابه بلا ياخليف ماكان حول البلا كلّه مار السوالف سحابة صيف تناقلت علمها الشلّه مابه معزب ولا به ضيف بالنار مافاحت الدلّه ثامر الفاعوري |
رد: فوق هام السحب ( الشعر الشعبي) على متن القوافي
ياالله طلبتك وأنا مرتعش خافق الصوت
انت الكريم الغفور ورحيم بعباده أعطني ثلاث الى دنت سكرة الموت الصبر والقوه ونطق الشهاده بقلمي |
رد: فوق هام السحب ( الشعر الشعبي) على متن القوافي
ياقلب لاتتعب من هموم الايام
خابرك ياقلبي تشيل الثقيله ياما عطاك الوقت من همه اكوام محدن درى عن همك اللي تشيله .... |
رد: فوق هام السحب ( الشعر الشعبي) على متن القوافي
من ذاق مر الصبر مل العناوين
تلقاه من صدات الاحباب خايف ولو الجفى قدر دموع المحبين ما راحت ايام المولع حسايف .... |
رد: فوق هام السحب ( الشعر الشعبي) على متن القوافي
أحس روحي لحقها قلّ جهد وفتور
من كثر ما أحترت في أحلامي وحيرتها عودتها كل من يبعد بعيد معذور وعمرتها بالتسامح لين دمرتها أحيان أقول ليت الله خلقنا طيور حتى أقدر أتلاحق الفرصة لاطيرتها أو ياليت ربّ مكملني بقلبٍ صبور أن كان نفسي من الأوهام حررتها .... |
رد: فوق هام السحب ( الشعر الشعبي) على متن القوافي
من ابجديات المسار الجهادي
تدريس فن المعركه والقياده يستشهد القايد وتحيا المبادي يقتل ويبقى حي بعد الشهاده يعني القيادي فيه بعده قيادي كم جهدها اسرائيل تغتال قاده قام المنادي بعد يحيى ينادي نمضي على نهجه وسيرة جهاده الوضع في حاجة هجوم ارتدادي فعل نظام الحذف والاستعاده بقلمي |
رد: فوق هام السحب ( الشعر الشعبي) على متن القوافي
يوم خيرني الزمن فالناس سهلت إختياري
كنت أشوفك كل هالدنيا بعيني كل حزه ماعشقتك نزوه وعذّبتك بطول إنتظاري جيتك أسرع من جناح الطير لاعجّل مفزه لاتوقفني على خفة شموخي وإنكساري ولا تساومني على العزه مدام إن لي معزه أعتذر لي عن جروحك مره ورد إعتباري لاتدنس كل لحظه لي معك وأنت المنزه .... |
رد: فوق هام السحب ( الشعر الشعبي) على متن القوافي
جف صوت الحروف وشح فكر الكلام
وانعقد حبل فوقه عبرة جانيه كل ماقلت هانت بذكر الله وانام ناخ ركب الجروح اللي لفت عانيه كل ليلة بصدري مؤتمر لسلام وينقصف مايكمل بالفرح ثانيه الطف الكذب قولة بأن حالي تمام والمعارك بصدري طحن متفانيه بين خابت ظنوني بين كثر الملام ارجي الله جزانا ثمرة دانيه كيف بقنع عزومي تستمر ل الامام وانا حكمة حياتي فانيه فانيه .... |
رد: فوق هام السحب ( الشعر الشعبي) على متن القوافي
اذكرك ياقلبي قبل عده سنين
تعشق تفاصيل الحياة وصخبها عايش بدون قيود وبدون روتين تمشي ورا احلامك وتنسى تعبها هاذا وتوك ما وصلت الثلاثين موتت شغفك الغامضه وش سببها .... |
رد: فوق هام السحب ( الشعر الشعبي) على متن القوافي
ظروف الليالي تصنع من الرجال رجال
وتضعف ضعيف العزم لا مرّتـه مـرّه ظروف الليالي صنفره والقسا لاطال يبين لك المقـدام واللـي علـى الجـرّه ويظِهر لك الرجلي ويظِهر لك الخيّال ويظهِـر لك الحلوه ويظهِر لك المـرّه ويظِهر رجالٍ كان ماهم بلك فالبال ويصغِر رجالٍ فيهم الناس مغتـرّه مشعل |
رد: فوق هام السحب ( الشعر الشعبي) على متن القوافي
فقدنا وجيهٍ بالثرى جعلها الفردوس
معاها طراة العمر شدت ركايبها فقدنا زحازيحٍ تدوس النوايب دوس تشين المجالس لأنفقد صوت شايبها متعب البيد |
رد: فوق هام السحب ( الشعر الشعبي) على متن القوافي
لقيت فالتسبيح ساعه من الليل
مع ركعتين اعلاج همي وخوفي شفي من الدله ثلاثة فناجيل وشفي من الدنيا صلاتي وشوفي فلابد من فرقا الاهل والمداهيل وفرقا جماهيري وفرقا صفوفي ' زامل السبيعي |
رد: فوق هام السحب ( الشعر الشعبي) على متن القوافي
الفجر يسأل عن صفوف المصلّين
يامقاطعين الفجر ليش القطاعه إلى متىَ ياغافي القلب والعين ماكنّ عندك للصلاه استطاعه لو قيل لك موتك بعد يوم يومين ماظنّي بتغفي ولو ربع ساعه بتصلّي يامسلم أو بتنتظر لين تموت وتصّلي عليك الجماعه ابو فهد |
رد: فوق هام السحب ( الشعر الشعبي) على متن القوافي
لابد ماتصفي عدود المشاريب
ويبين من عقب السواد البياضي الرجل يركض مثل مايركض الذيب ويصير عنده للحياه آنتهاضي و لا ينسدح مثل البنات الرعابيب ويربض سوات الي تحب الرباضي محمد بن هضيب |
رد: فوق هام السحب ( الشعر الشعبي) على متن القوافي
لاقست سود الليالي على مستور حال
ينعزل بهموم وقته عن الخلق اجمعين العرب ماعاد فيهم على الصبر احتمال والليالي ماتقدّر ظروف الطيبين .... |
رد: فوق هام السحب ( الشعر الشعبي) على متن القوافي
انا ويش بـ ابدي من ضميري وويش اكن
ولي وجهٍ ابيض واحد ونيةٍ وحده اغيب ولا ادري وين اسج وادوي كن بي علة فـ الصدر ماهي بـ منجحده انا في رجا من قال للشي بإسمه كن من الانعزال وتكة الصدر والوحده .... |
رد: فوق هام السحب ( الشعر الشعبي) على متن القوافي
يامساء الشعر في حضرت جنابك
لاكتبته واعجبك حـبكه وسبكه يامساء الـشـوق دام الشوق جابك في خـفوق اللي لاشافك جته ربكه .... |
رد: فوق هام السحب ( الشعر الشعبي) على متن القوافي
تمهـل تمهـل ياحبيبي شـوي شـوي
على ويش مستعجل كذا هدئ السرعه تراني من البارح لامـيت ولا انا حـــي مابين الحياه والموت حـــالي كذا وضعه ومن قال لي وش بك اقل له ولا بي شـي أحـــاول أكابر مــير تفضـحــنـي الدمـعه .... |
رد: فوق هام السحب ( الشعر الشعبي) على متن القوافي
أضحك وأسـولف وآتواصل مع الناس
والناس ما تـدري عـن اللي بـ صـــدري وأخفـي حزن قلبي ولا أبيّن إحسـاس خـايف عـيون الناس بـ الضيــق تـدري بغيت افض الصمت هوجاس هوجاس وقلـت ياصــدري على البـوح بـدري ذاب الكـلام اللـي في الصـــدر والراس مـدري وش اللـي غــيّـر الوضــع مدري .... |
رد: فوق هام السحب ( الشعر الشعبي) على متن القوافي
لاينشغل بالك ولا تكون حـساس
هاذي حياتك ما لـ احد خص فيها عشها على كيفك ولا تجعل الناس تجبرك تفعل حـاجت (ن) ما تبيها .... |
| الساعة الآن 11:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية