|
رد: فوق هام السحب ( الشعر الشعبي) على متن القوافي
تدرون وش يعنـــــي كتابـــة قصيـده
يعنــي شعـور وبــوح يطلع من الروح يحكـــــي بها الشاعــــر بكل مايريده ويترجم اللـي داخــل القلب مطروح وانا كلامـــــــي لك اقـــــول وعيده واحكية من احساس طاغي ومفضوح كثــــر الغيـــاب امانتـك لاتزيـــده لاتتعب القلـب الذي فيــك مذبوح .... |
رد: فوق هام السحب ( الشعر الشعبي) على متن القوافي
جيتني مشتاق ولا الوقت جابك
ياهلا بك في غيابك لين جيت جابتك دنياك او وحشة غيابك المهم انك وصلت اللي بغيت .... |
رد: فوق هام السحب ( الشعر الشعبي) على متن القوافي
دائماً أقول الحب عنوان الإنسان
ماهو بقصدي حب نظـره وعلاقة الحب نصح وعطف وفاء واحسان هو تضحيه واجمل مثال الصداقه .... |
رد: فوق هام السحب ( الشعر الشعبي) على متن القوافي
رزة البرقع على عيونك هلاك
والهلاك إنك بلا برقع جميله اشهد انك يابعد روحي ملاك والجميله كلمه بحقك قليله .... |
رد: فوق هام السحب ( الشعر الشعبي) على متن القوافي
لاتجيني بعد مافات الأوان
انتهينا وانتهى الحب انتها لاتقلي وين ودك والحنان والعلاقه انت من دمرتها .... |
رد: فوق هام السحب ( الشعر الشعبي) على متن القوافي
رسالتي لك...
عندما تعجبنا الروح تعجبنا الملامح حتى لو لم تكن جمِيلة و كما قيل : لاترى العين عيبا إذا أحب القلب قلبا سعادة الأخرين لن تضرك وغناهم لن يقلل رزقك عش نقياً وتمنى للناس ماتتمناه لنفسك بقلمي |
رد: فوق هام السحب ( الشعر الشعبي) على متن القوافي
الله يـعين القلب لاساقه الشوق
صوب الـديار اللي سكنها وليفي الصدر من كثر الهواجيس مخنوق والوقت ماجاني على كيف كيفي .... |
رد: فوق هام السحب ( الشعر الشعبي) على متن القوافي
رسالتي لك...
ﻻتخبئ مشاعرك فلن يرثها أحد ليقولها ولا تؤجل الرسائل فقد تتغير العناوين وتموت حروفك عبّر عن مشاعرك الجميلة في حينها لاتؤجل لاتخجل لاتتكبر على شعورك امنح أحبابك صدق مشاعرك لاتنتظر للغد فقد لاتقودك قدماك للغد أو قد لاتجد من تُريده في الغد بقلمي |
رد: فوق هام السحب ( الشعر الشعبي) على متن القوافي
ياصباح الخير يالصبح الجميل
ياصباح الحرف وإحساس الشعر ياصباح الذوق يالوجه الأصيل ياهبوب الصبح غني له شعر .... |
رد: فوق هام السحب ( الشعر الشعبي) على متن القوافي
زار الحنين أسوار فكري بطرياك
وأوقد ظنون الشوق جمر انتظاري أبـعثرك في داخل الــقــلب والقاك حـرفٍ يـــمر الشوق في كل طاري .... |
رد: فوق هام السحب ( الشعر الشعبي) على متن القوافي
انا لي وليفه والله انهاح خفيفة ظل
كثر ماعشقت عيونها الاأستحي منها تقول اجمع شتاتي بقلبك حبيبي وقل عسى ما تفارق ضحكتك عن مواطنها .... |
رد: فوق هام السحب ( الشعر الشعبي) على متن القوافي
تدري وش اللي يجعل العشق ذباح
بنتٍ تحبك بارتياح وإثـاره وتدري وش اللي يجبر البنت ترتاح بسمة رجل فيها الوفا والطهاره .... |
رد: فوق هام السحب ( الشعر الشعبي) على متن القوافي
من يماشيني على الطيب يبشر بسعده
يعتبر روحي بروحه ولو راحت فدى ومن يماشيني بعكسه فيلزم مقعده والله انه لانزل من صعود ولا بدى لاعملت الطيب فاللي يعرفه يشهده والردي تعمل به الطيب ويعود ردى وكل من سويت به علم طيب وجحده كم جميل حط في غير موضعه وغدى اميره الورد |
رد: فوق هام السحب ( الشعر الشعبي) على متن القوافي
الكامل الله والخطا طبع الانسان
والدرب يفرق عن يساره يمينه والصاحب اللي له معزه وله شان ان جاني بشينه تذكرت زينه .... |
رد: فوق هام السحب ( الشعر الشعبي) على متن القوافي
تفداه عيني لو على شانه تذوب
ويفداه من مثله على الدنيا مشى عز الله ان القلب في شوفه طروب يصحى عليه شوي وشوي يغشى .... |
رد: فوق هام السحب ( الشعر الشعبي) على متن القوافي
حبيبي اللي عنه شعري مايتوب
حرفي على طاريه لين الله يشا غالي ولاهو من غلا نوبٍ ونوب لاوالله الا داخل الصدر احتشى .... |
رد: فوق هام السحب ( الشعر الشعبي) على متن القوافي
هذا المسا قلبي من الحب مخلوق
أشوف بك روح وحياة وحبايب أحس لي جنحـان وأرقى بها فـوق وأعانق نـجوم السما والسحايب .... |
رد: فوق هام السحب ( الشعر الشعبي) على متن القوافي
دام الغلا في القلـب مابقدر انسـاك
ودام الهـــوا بتنفســــه مانسيتـــك قلبـي اخذته والمشاعـــر بيمنـــــاك والنبض لك ياروح روحـي عطيتك كيف اتركك والقلب دارك ومـــأواك والروح منزل لك وقصـرك وبيتـــك ياجعل قلبــي ياغلا الروح يفـــداك وبكل غالــــي يا حياتـــي فديتـــك .... |
رد: فوق هام السحب ( الشعر الشعبي) على متن القوافي
ماجـور ياللي رهنت العمر لـ أحبابك
ومن الوفاء تستحي يدرون عن جرحك صارت دموعك تخاف تلامس اهدابك هذا انت فـ أمس حاجة للبكاء وتضحك .... |
رد: فوق هام السحب ( الشعر الشعبي) على متن القوافي
كل واحـد في حيـاته ذكريات
بالمواجـع والسـعـاده والالم واللـيالي كــلبــوهـا فـانيات والوجع ما احـدٍ ابد منه سلم .... |
رد: فوق هام السحب ( الشعر الشعبي) على متن القوافي
رح مراح اللي من كبار الخطايا معفي
لاتقول اخاف نظرات العرب وألسنها انت حبك والله انه مثل نقطة ضعفي حاجةٍ مهما حصل ماني مسولف عنها .... |
رد: فوق هام السحب ( الشعر الشعبي) على متن القوافي
جادلٍ لاشاقها البرق وأغراها الرفيف
السماء تقرأ عليها والأرض تزفّها إن تهادت يفهق الليل برّاق القنيف وإن مشت تمشي على الريح يوم تدفّها وش يعذرني من الشعر فالقدّ الرهيف كل مافلّت جعدها وحنّت كفّها .... |
رد: فوق هام السحب ( الشعر الشعبي) على متن القوافي
ســـود الليالي طغت يابيـــض الايامِِِ
عـــابت وخـــابت ولا بيضاء تنقيهــا مابين جـور السـنين وجرحها الدامـي الناس تعبـت عســى يالله تجـليهــا يسـعد مساء الوفــأ يا حزمه الضامي وأيامك البـيض يـــسعد لي لياليهـــا يا شــوق يا زهــرة أيامــي وأحــلامـي يا اعــــز عندي مــــن الدنيـا وما فيها ان عـاد في العمر باقي جاتـك اعـوامي العيــن ماتفقـد الا شـــوف غــاليهـا علوي الباشا |
رد: فوق هام السحب ( الشعر الشعبي) على متن القوافي
كل الخُطى عند رب العرش محسوبه
وكل لقمة ومكتوبة لآكلها والناس تؤمن بغيبيات محجوبه والسر في روحها لافي هياكلها والموت ميعادها فالتوبة التوبه كم كافحت ناس ماانحلت مشاكلها .... |
رد: فوق هام السحب ( الشعر الشعبي) على متن القوافي
عن سماحةمستشار اللاشعور
عن فضيلة لاشعور المستشار حدثتني فرشنر عن راف فور عن همرعن ريز عن Gاكس آر عن ابي رافال سوخو رابتور عن ابي كنـجـال باتريو قـطار عن ابي بويـنق دلفين الطيور مفتي الأجواء قديس البحار قال دام الله للـجـهل الـغرور والتعاسه والفشل والانكسار بشّر الـجاهـل بجـنّـة دار فـور والبنات العورMade inقندهار قله ان الجـهل جـنّه and نور واكتساب العلم ظلمه andنار والتطرف خير من خير الأمور والتطور طرطره والوعي عار والخرافه فاكـهة كـل العصور والتناحه نافـعه والفـهم ضار والفـضيله بين لـف وبين دور والرذيله فـخـر صـنّـاع الـقرار والحداثه زخرفة عـلم الدبور واحتـقار المـعـرفه والابتـكار واعتبار الظـاهره قـيد الظهور جاريه والـوضع قـيد الانتظار قلت هذا واقرأوا بين السطور والخطاء وارد ورود الاعـتذار ختمـها صـلوا عـلى بدر البدور الـخيار ابن الـخيـار ابن الخيار محمد الذياجي |
رد: فوق هام السحب ( الشعر الشعبي) على متن القوافي
أبيك تدري وانت بـ الفعل تدري
إنـي أحــبك بس انا فضـّل الصمت تدري احـبك بس في غـير شـعـري من دون تسمح لو امـوت ماتكلمت طعنتني بـ الحب من خلـف ظهري يالـــيت تدري يـ الغـلا كــم تألـمـت وآخـر رسـاله مـنك يابـعـد عـمري ياكم وكم منك ومنها تعلـمـت اقـــرا الرساله كلما ضـاق صدري وكلـمـا اقـرا الرســــاله تبسمت .... |
رد: فوق هام السحب ( الشعر الشعبي) على متن القوافي
يانجوم الليل هاتي لي خبر
من حبيبي ودي اطمن علية كلما صبرت قلبي ماصبر كل ساعه القلب يسالني علية وينسأل يوم القيامه لانكر عن حبيبا كان يطمن علية .... |
رد: فوق هام السحب ( الشعر الشعبي) على متن القوافي
لافقدنا شخص تكثر فالدروب أشباهه
كنّ وجهه في وجيـه العابرين يوزع .... |
رد: فوق هام السحب ( الشعر الشعبي) على متن القوافي
لايهمك كلّ نفسٍ لـ الجفا متجهه
القلوب الحانية وقت القسى معروفة والله انّ اللي يحبّك تعرفه من وجهه نظرته فيها حنان وبسمته مألوفة .... |
رد: فوق هام السحب ( الشعر الشعبي) على متن القوافي
خلك خفيف النفس راقي وجذاب
لاتصير بعيـون المخـاليـق علـه اضحك وفرفش لكن بحب وآداب اعرف حدود المزح واعرف محله .... |
رد: فوق هام السحب ( الشعر الشعبي) على متن القوافي
بشرّوا من يلزم الصبر ويردّه حياه
بالغنايم دام ربي معين الصابرين ينكسر ويهل دمعه بسجدات الصلاه وعند خلق الله شامخ يقول الله يعين .... |
رد: فوق هام السحب ( الشعر الشعبي) على متن القوافي
بشرّوا من يلزم الصبر ويردّه حياه
بالغنايم دام ربي معين الصابرين ينكسر ويهل دمعه بسجدات الصلاه وعند خلق الله شامخ يقول الله يعين بقلمي |
رد: فوق هام السحب ( الشعر الشعبي) على متن القوافي
كبار ماحنا من اهل التفاهات
ونفوسنا من بعض الاشياء عيوفه والحاجه اللي ننتظرها ولا جات ان جات ولا ماعليها حسوفه .... |
رد: فوق هام السحب ( الشعر الشعبي) على متن القوافي
ماقلت لك ياغايتي يومك اقفيت
انك بتجيني وقلت ياشيخ تبطي واليوم جيت وليتك اليوم ماجيت ولاهي غريبه جيّه لشخص مخطي وعجله بعد جيتك ياليتك ابطيت لقيت لي غيرك وابشرك مبطي انا وفيت بوعدي اما انت ماوفيت اللي مو قد الوعد ليه يعطي .... |
رد: فوق هام السحب ( الشعر الشعبي) على متن القوافي
إن دعآك الضيق فـ إحذر لآ تضيق
كم عطيت الوقت لكنّه جحد آختر من الوقت لـ درووبك صديق يستمع لك بسّ لآ تضمن أحد .... |
رد: فوق هام السحب ( الشعر الشعبي) على متن القوافي
شيهانةٍ متعليه بالمراقيب
حذرا من الصقار دايم لبيبه تمشي دروبٍ بالنقاء مابها ريب محشومةٍ عن الردى ماتجيبه .... |
رد: فوق هام السحب ( الشعر الشعبي) على متن القوافي
دايم اسولف للسما عن وصوفك
يا ملح خلق الله واجملهم اطباع الجو يوم انه درى اني بـ شوفك لبس سماه الغيم وامطرلك القاع .... |
رد: فوق هام السحب ( الشعر الشعبي) على متن القوافي
يالله بصبحٍ فيه رحمة وتوفيق
من عند ربٍ ما انقفل يوم بابه صبح السعه مافيه همٍ ولا ضيق فوق البشاير دعوّةٍ مستجابه .... |
رد: فوق هام السحب ( الشعر الشعبي) على متن القوافي
أحيان تاخذني عن الناس سجه
واقند القهـوه قرنفل مـع الهيل أحتاج انا في بعض لحيان هجه واقعد لحالي بين* شعر ومواويل .... |
رد: فوق هام السحب ( الشعر الشعبي) على متن القوافي
ابيك حبٍ ما إمتلك قلب أنسان
وأبيك قلبٍ مانبض غير فيني وأبيك شعر غامضٍ دون عنوان محد قراه إلا رموشي وعيني .... |
| الساعة الآن 03:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية