|
رد: فوق هام السحب ( الشعر الشعبي) على متن القوافي
خوة عزيز الأصل تبقى كما الشيك
حتى لو انه عن ديارك تنحئ وخوة خبيثين الطبوع الصعاليك اقصر من مفلى الغنم فالمضحئ واللي عشان المصالح يخاويك اليا انتهاء منها بصحبتك ضحئ وياللي ابليس مفشخ بين أذانيك قلبك عليه ستار ماتنتصحئ بالهرج تقفاني وتنفخ علابيك هذي رجوله لعنبووو ذا الملحئ انا ليا مني بغيت الهرج فيك هرجت باللي فيك وأذنك تووحئ ..... |
رد: فوق هام السحب ( الشعر الشعبي) على متن القوافي
ياراكب اللي ركوبه يبرد الغلي
ايقرب البعد والنصاب ينصبه لكن أنا بس شاريه بلزومن لي ماني بناصب عليه ولا اتكسبه ماله حلي بالوصايف يوم ابحلي يعجبك وصفه وتحتار وتعجبه يأخذ من الصقر فوق الوكر ويخلي وإلا الفحل من هديره كل ماقبه مافيه مسمار متراخي ومنحلي ولا نيش بدية بشاكوش ومرزبه آليا تمعنت بخطوطه ايخلي صفة سنابل شعير فاخرن حبة صناعة اللي ماعمره قال ابصلي مازار مكة ولا عمرة طلب ربه آليا مسكت الفرامل ما درج ملئ يجمد على القار قبل يولع اصطبه واليا تكفف ظلام الليل متجلي البدر كنه سنا نار ن وراء تبه صليت لي ركعتينن مخلصن للي ينجي غريق البحر من حومة الغبه دقيت سلفه لاعل الله يسهل لي ومريت راع الوقود وقلت له عبه رح لطرمبه وشغلها وحط اللي ألين يرجع عليك الزود ويكبه إلى الرياض العجيب عيار عصملي ماني مطفئ اسويكه قبل ماطبه قعدت أغني وشكمانه ايمولي على مرادي تلحن صوته الدبة لاقام يطوي الخرايم طويت الزلي ودك ادنق على الطبلون واتحبه أبي رفيقن على الشدات صافنلي أكره معاديه وأعلن حب من حبه له منزلن في ظلام الليل يندلي ناره على العز والنوماس مشتبه ايناطح الضيف بالترحيب ويهلي من يوم يقبل على بيته ايرحبه قرمن برأيه ايعقد الحبل ويحلي يحسب حسابه ويحسب له ويحسبه لاعل يمناه ما تنعاق وتشلي مع طول الأيام ماتكواء على الصبة يا منيف عن وضعي اللي قلت لك قلي ابطيت يامنيف وأنت تقول ابتعبه واليوم هذا شهرنا العام قد هلي وأنا احسبنه يجئ ساعة اتطالبه لا كن كأنك عن الموضوع متخليالله يعافيك علمني وش السبة ..... |
رد: فوق هام السحب ( الشعر الشعبي) على متن القوافي
نسائـم ازهــار المــــودة تــناديك
تستأذنك لحظــة تـقبــل جفونك والورد تتمايــل غصونــه ويأتيك ويفوح عطره لجل خاطر عيونك والشعر يتــألــق بحضـرة معاليك والقلب يعزف بهجته من لحونك رب الخلايق يــا مهذب يخــليـك وفي حياتــك من بلاها يصــونك |
رد: فوق هام السحب ( الشعر الشعبي) على متن القوافي
والله ودي ولا ادري كيف ابطلبك ودِي
ودِي ولا ادري كيف ياصلك بوحي سدي فتح لك باب واعطاك سدي عقد انتثر لك والجـواهر تلووحي |
رد: فوق هام السحب ( الشعر الشعبي) على متن القوافي
صغر البيوت وكبرها .. مالها دور
من ناحية طيب الرجال ورداها كم بيت يا كبره .. من الناس مهجور من قل ما تلقى كرامة لحاها وكم بيت يا صغره .. وبالناس معمور اما غداها فيه .. والا عشاها لافي حمود الغيداني |
رد: فوق هام السحب ( الشعر الشعبي) على متن القوافي
لاصار طبعي يابيض الوجه ..دماح
لاتحسب اني ميت القلب والروح بعض الخطايا موجعه كنها رماح وبعض الخطايا تاخذ شوي وتروح |
رد: فوق هام السحب ( الشعر الشعبي) على متن القوافي
بينك وبين الخلق تكفيك الأخلاق
وبينك وبين الله صلاتك صلاتك الأوّلة تفتح لك آفاق وآفاق والثانية معنى لـقيمة حياتك |
رد: فوق هام السحب ( الشعر الشعبي) على متن القوافي
انا يا ولد رجال يقنيني المعروف
رعى الاوله يسلم من يدي ولساني ولو يخطي وكل اذن تسمع وعين تشوف هو الطيب الاول وانا الطيب الثاني ضعاف الروابع ما يخلون شي يطوف وانا اجنب امن الضايعة واتعداني صدفني من صدوف الزمان العنيد صدوف وعنز لي الي تسمعه يوم حاكاني فاذا قال لي كلمة تراها ثلاث حروف ولا نزلت قدري ولا قللت شاني عسى الوقت ينصفني واحط الجميل نصوف ويبشر لما حده زمانه وناداني انا الظاهر البين وانا الشاعر المعروف وهو الجاني الي عاده يزبن الجاني سمعناك واقطع واردك بس يا الملقوف هو الطيب الاول وانا الطيب الثاني عبدالله بن مجحود |
رد: فوق هام السحب ( الشعر الشعبي) على متن القوافي
ألا ياتل قلب تل من تل اليدا كلّه
تمادى يلقط المحّار في غبّات الأهوالي يتل السّيب وأمهل له ياليت السيب ما أمهل له على ماقيل يبغي المال وارخص عمره الغالي تعرض له بوسط القوع جرجورٍ ضفا ظلّه بغى عنه المراغ ولاحصل له حيل يحتالي تشقلَب وانقلب له ولهبه لاشك فطنٍ له اله ينظر المخلوق من سابع سماً عالي عجب له يوم صاح وْ ثالث الجرجور عن حلّه ونتل حبل السبق والسّيب جاب الغيص فالحالي وْشَهق عند الطلوع وْطاح من جرجور من ذله اخذ مقدار لايبصر ولايشعر ولايْسالي .... |
رد: فوق هام السحب ( الشعر الشعبي) على متن القوافي
انا تل قلبي تل شاصً مع المغباش
يتله عديمن باغين دار مضنونه حذف غترته من حر نارٍ بوسط الجاش حداه الغلا لين اوصل الجيب طبلونه سمع له طرف علمن هو عاته شواش ولو شاف موته دونها دونها مايردونه من اللي على شانه نبيع العمرببلاش لوان العرب عن نازح البعد يهونه .... |
رد: فوق هام السحب ( الشعر الشعبي) على متن القوافي
اخر لقى من بيننا شوق و هيام
في ذاكرة سمعي كلامه حفظته قلت الوعد قال الوعد معك قدام و كم وادي مظلم عشانه قطعته ارسلت كم طير على ديرته حام حتى بمراسيلي و فيت و رفعته مشيت لين العام عدى ورى عام ولا شفت قاعه ثمر ما زرعته |
رد: فوق هام السحب ( الشعر الشعبي) على متن القوافي
ماكنت اقصر فيك من كثر الاعجاب
يومك تساوي عندي الكون كله كنت القريب وكلهم كانوا أغراب حتى القمر لاغاب شفتك محله خلاص لاترجع ترا خاطري طاب الخاطر اللي كنت عايش بظله رح واعتبرني واحد أذنب وتاب ماني بثوب تلبسه ثم تمله مايجتمع بالحب صادق وكذاب رزقي على الله وانت رزقك على الله |
رد: فوق هام السحب ( الشعر الشعبي) على متن القوافي
ماكنت اتحرا الوجعه اللي عقب ماجات
تهشم لها قلب الشجاع ونفذ صبره مجيك ب ليل من ليالي الشتا بالذات مجي الحزين اللي كلت حاله العبره مثل جية اللي يوم قالو رفيقك مات درا ان اليالي توجع وتخلف الدبره يحاول يسج اوقات لكن بعض لاوقات الى اشتاق له مره ووقف على قبره |
رد: فوق هام السحب ( الشعر الشعبي) على متن القوافي
الحب يفنى لا تعرّض للاهمال
يقوله اللي شاااف منه الشماته لقيت فيه اللي مايخطر على البال وطلعت منه وقلبي اجمع شتاته صدّه و هجر و ضيقه و قلّة وصال و سهر و تفكير و تعب و التفااته من الحبيب اللي تركني ولا زاال معلّقه فـ الذاكره ذكرياته |
رد: فوق هام السحب ( الشعر الشعبي) على متن القوافي
المكابر بالهوى صعب تفسيره
بين ايه وبين كيفه ولا جاني كل ما لديت عيني على غيره استخرت وردني سلم جداني الوفا يا اهل الوفا رغم تقصيره لو ظروفي مع ظروفه تحداني |
رد: فوق هام السحب ( الشعر الشعبي) على متن القوافي
يا سنة مرت ويا عمر انطوى
ويا سنين مقبلة وش تحملين عام راح بكل ما فيه وطوى صفحة أيامه ولوعات السنين مدري الأيام تخلينا نبقى سوى يا المحبة الطاهرة أو ترحلين يا ترى منهو على الفرقى نوى ومن نويتي يا سنيني تسرقين |
رد: فوق هام السحب ( الشعر الشعبي) على متن القوافي
ماكنت اقصر فيك من كثر الاعجاب
يومك تساوي عندي الكون كله كنت القريب وكلهم كانوا أغراب حتى القمر لاغاب شفتك محله خلاص لاترجع ترا خاطري طاب الخاطر اللي كنت عايش بظله رح واعتبرني واحد أذنب وتاب ماني بثوب تلبسه ثم تمله مايجتمع بالحب صادق وكذاب رزقي على الله وانت رزقك على الله |
رد: فوق هام السحب ( الشعر الشعبي) على متن القوافي
مرات أقول الخطا مني وأنا السبه
ومرات أقول السبب قسوة مقاديري وياعيني الي تهل الدمع وتصبه على فراقٍ سرق فرحة تباشيري تقول سامح زمانك والحزن خبه وأقول منهو يعوضني مخاسيري وشلون أسامح زماني واللي أحبه خذاه غيري وأنا أولى فيه من غيري |
رد: فوق هام السحب ( الشعر الشعبي) على متن القوافي
هات الجروم وشب ضوّك يا بدر
فيني من الضيقات قومه واقعده من ليـلة الـبـآرح وانا راسي سدر فيـه الطواري بالحبال .. امعقده فوّح لـي الشااهي والا منّه خدر صـبّـه وخـل المهتني في مـرقده العبـره الي خايفً منـها اتـحدر قـامت تدفّ الرمش عنها وتبعده ان حـوّلت محوالها ضيقة صدر كـني بها معادهي .. ( بـ معوّده ) ادري بـها لا صار نـيّـتها .. هدر كنـها تقول الدمع يبشر بسعده قد رمششهاا طآيح ومحجرها كدر الـي نظرها من قـبل يا مبـعده ادري ان راسك يا بدر قدهو سدر مـالك ومال المـبتلي .. لا تسعده رح مرقدك وارتآح منـي يـابدر فيني من الضيقاآت قومه واقعده |
رد: فوق هام السحب ( الشعر الشعبي) على متن القوافي
ماعاد في روحي مقر لشي ..
لاضحك حاضر .. لاحزن ماضي ودعت كل حاجة .. شوي شوي البال فاضي ، والحشا فاضي كنت مْتغاضي .. كنت ميت حي تاكلني شكوكي ، و متغاضي وكان السهر ما بين ذي ، و ذي يحيي هقاويي على الفاضي .. وامسيت من حسيت منت بـ لي واصبحت لا زعلان لا راضي |
رد: فوق هام السحب ( الشعر الشعبي) على متن القوافي
يا قوّ حسراتك على مُر فرقاي
أنا الحظوظ النادرة والكبيرة صوت العتب جارح وواضح من غْناي نبرة وداعي من رضاها فقيرة اغفر لي غيابي وسامح خطاياي واذكر حناني كل ما جات سيرة ما ظنتي بنساك وإن قلت ! حكّاي أقول بنسى .. بس ما رحت ديرة |
رد: فوق هام السحب ( الشعر الشعبي) على متن القوافي
علمتك ان الحب دربه مغبّه
وعلمتك ان الشوق هذي سواياه لا تتركيني للهوى مع مهبّه والخاطر اللي لهفته جابت اقصاه ليل انتظارك ماكسَرْه المنبّه اللي عقارب ساعتي دوم تنعاه قلبي على نهْر الشعور ومصبّه كلْ شي منّك فـ الحياه ايتمناه مثل الطفَل لاشاف شيٍ يحبّه يصيح للي من حوالينه : ابغاه |
رد: فوق هام السحب ( الشعر الشعبي) على متن القوافي
انا اعْرفك من قبل لا تلبس عباه
من يوم كنا إصغار والدنيا بخير من يوم كانت بيننا حذفة حصاه ومن يوم كنا نلعب بحزة عصير لكّن سيف الهجرْ حدد الأتجاه والكل منا راح في دربٍ عسير ان ماجمعنا حبنا في ذا الحياه ابجتمع وياك في يوم المصير |
رد: فوق هام السحب ( الشعر الشعبي) على متن القوافي
اشوف صورتك و دموعي تسابقني
و ياكثر مَ جيت أبمسحها وأخليها فارقتني و ضحكتك عيت تفارقني و الله يلعن ؟ ابوالفرقا و طاريها |
رد: فوق هام السحب ( الشعر الشعبي) على متن القوافي
مره ذكرتك .. وطاح البال
من ثقل ذكراك ..ماشالك وانا اعرف الي مضى مازال عطر متعلق على شالك ياللي غيابك مداه ..اجيال زالت ..ولا صار متهالك جروحك الي تركت اطوال طالت فوادي..ولا طالك انا بدونك كلام انقال لو عاده الوقت ما قالك والله ما احسد كثير المال انا احسد اللي على بالك |
رد: فوق هام السحب ( الشعر الشعبي) على متن القوافي
ومدام باقي معاي أحلاّم
هات سنينك على سنيني حبيب العّمر والأعوام مو خايف أنساك صدقني خايف إذا دارت الأيّام أغيب .. ولا تلاقيني |
رد: فوق هام السحب ( الشعر الشعبي) على متن القوافي
ليتني أعرف ظروفه وتفكيره
كان وده جيّتي جيت له عاني المكابر بالهوى صعب تفسيره بين أبيه وبين كيفه ولا جاني كل ما لديت عيني على غيره إستخرت وردني سلم جداني الوفا يا اهل الوفا رغم تقصيره لو ظروفي مّع ظروفه تحداني اتصبّر كل ما ضاقت الديره وأتعزوى لابغى الضيق يقواني |
رد: فوق هام السحب ( الشعر الشعبي) على متن القوافي
اسمعي هالبيت من قبل تقفين
من قبل اقوله طالبك سامحيني يابنت والصورة وسط محجر العين ماتنمحي منها لو ابط عيني وأخر طلب مادام هالحين مقفين لامرك الطاري بخير مرني |
رد: فوق هام السحب ( الشعر الشعبي) على متن القوافي
رغم الظروف اللي تمرنا عايشين
و الوقت يمشي ما يطالع فايته ؟ ممتع شعور الصبر بكل الحالتين يعلمك كل شي .. بيوصل غايته ؟ نتصنع الضحكه وحناا ساكتين فالساكتين أشياء ماهي ساكته |
رد: فوق هام السحب ( الشعر الشعبي) على متن القوافي
رغم الظروف اللي تمرنا عايشين
و الوقت يمشي ما يطالع فايته ممتع شعور الصبر بكل الحالتين يعلمك كل شي .. بيوصل غايته نتصنع الضحكه وحناا ساكتين فالساكتين أشياء ماهي ساكته |
رد: فوق هام السحب ( الشعر الشعبي) على متن القوافي
و عن الاماني من كثر ما تخليت
احس ما كانت حياتي .. حياتي ابعدت عن نفسي بنفسي و ردّيت صحّحت بعض أخطائي و سيّئاتي كبّرت فـ مراح الاوادم و صليت عنهم ما عاد انشد ولا عاد احاتي انا تغيّرت و كبرت و تعاليت و اذا بغيت احب بـ احب ذاتي |
رد: فوق هام السحب ( الشعر الشعبي) على متن القوافي
الحب مايعرف قبيله ولا دين
نكّس حكوماتٍ وكسّر أشدّه جاووه عقّـالٍ وراحو مجانين وكم واحدٍ خاضه ولاهو بقدّه يقوله اللي جاحدٍ علتّه لين بارت محافيره وبيح بسدّه هذا كلامي وأنت بتشوف بعدين والله إن تميّز بين مزحه وجدّه |
رد: فوق هام السحب ( الشعر الشعبي) على متن القوافي
يا خاطري لو عليك الوقت كثّر و مال
تذكر إن التعاسة ماضيه .. ماضيه بدون الأعذار نفتح للتسامح مجال ترتاح لو نظرتك بـِ الناس متغاضيه من البساطه يفرحنا مسج و اتصال و من العتب و الظنون قلوبنا فاضيه وجيهنا مسفهله لو تشين الليال صدورنا لو كلاها حزنها راضيه |
رد: فوق هام السحب ( الشعر الشعبي) على متن القوافي
أختفي عن العالم وأنام عشرين ساعه
وأتواصل مع الشعر .. والناس ناسيها عندي هواجيس وبقلبي عالمٍ ملتاعه وماعندي كلام واللجّه بصدري راميها تصحصحني الدلّه وصوت عبادي وسماعّه وتهديني السجّه عن ناسٍ ماني مدانيها هذي أوضاعي وبالي مدري وش أوضاعه لكن الأكيد الناس هذي ما أدانيها |
رد: فوق هام السحب ( الشعر الشعبي) على متن القوافي
كم تمرّ ظروف .. وتعدّي ظروف
ما نزعل من أقدارنا لا ابتلينا تعدّي الأحلام .. وعيوننا تشوف وبما كتب ربّي علينا رضينا نطيب مانرجي من الطيب معروف ونتجاهل أخطاء الخلايق علينا واذا تجاهلنا ترى ماهو بـ خوف اللي منعنا .. " تربية والدينا " |
رد: فوق هام السحب ( الشعر الشعبي) على متن القوافي
صوتك مدام أنا وإنت حيّين
لاتقطعه عني بعد ماسمعته وإذا حصل شوفتك من حين لـ حين تـعال وأسق بداخلي مازرعته عطني وعد نبقى على الحب ماشين مهما حصل درب الغلا مارجعته عـشان لا منك تغيرت بعدين ؟ أذكرك في وعدك اللي قطعته |
رد: فوق هام السحب ( الشعر الشعبي) على متن القوافي
انا لي وليفٍ يا الجميل عجزت انساه
يجيني وانا فـ أحلى منامي يصحيني ماغير اتخيل صورته من بعد فرقاه تخفف علي لا توقف شراييني عسى من يلوم القلب في واحدٍ يبغاه يحطه زمانه في مكاني و يعفيني عشان يعرف راعي المحبه محد يشناه ويدري عن اللي داخل القلب كاويني |
رد: فوق هام السحب ( الشعر الشعبي) على متن القوافي
ليتك تعرف تخون واقول خني
عشان القى سبب واتناساك وليت الزمن ف محبتك م خذلني وليت الهجر من طيب خاطرك ورضاك لو ان قربك والوصل بالتمني م غبت عن عيني كثر م اتمناك خايف يطول البعد وتسج مني وياخذ مكانك شخص مهو بيسواك وش عاد اسوي يومك اقفيت عني لا نتبع المقفي ولا نحب فرقاك |
رد: فوق هام السحب ( الشعر الشعبي) على متن القوافي
فيني من الضيق مايخنق لي أحلامي
حدّ البكاء حسبي الله لا تضايقت هذا شهر راح وأيامي هي أيامي لو طحت من صدمتي / للحين مافقت هو زين منّي تشيل أوجاعي عظامي دامي من فعولها مبطي تعتّقت أدوج لكنّ أحاسيسي هي أقدامي أمشي على كيفها بالذات لـ إشتقت ! دنقت من دمعةٍ طاحت على عامي اللي مضى لي معاه وما توفقت الله عطاني ضميرٍ بالوفا سامي وحظٍ يوقّف بنحري لا تعلّقت كبرت لكن بعين الناس و آلامي لا غيّروني ولا علّمني الوقت وراي ذكراي والمجهول قدّامي كنّي بعين الجرح حلم وتحقّقت جميل وجهي وبهذلته بهندامي أشفق على حالتي من يوم فارقت |
رد: فوق هام السحب ( الشعر الشعبي) على متن القوافي
صافي الجو مير البال ما هو بصافي
کن باقصاه ريحٍ عاتيه مستبده فيه رجوغ وليف و فيه نخوة سنافي و فيه شيٍ جديد و شي من قبل مده كل ما جيت ابارمي بعض الاشيا خلافي استحي لا يقول الهم ماني بقده ما يهاب الثقال الا الرجال الضعافي لا تذكرت هذي قلت مافيه صده |
| الساعة الآن 06:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية