رد: اخترنا لكم
 

‏أحيان تاخذني عن الناس سجه
واقند القهـوه قرنفل مـع الهيل

أحتاج انا في بعض لحيان هجه
واقعد لحالي بين شعر ومواويل

.....

رد: اخترنا لكم
 

‏الصاحب اللي فاللوازم مايغيب
‏حطه على يمناك وابشر بالسعد

.....

رد: اخترنا لكم
 

‏لا تحاول تبهر الناس وتدور قبول
‏القبول ان جاك ربك هو اللي نزّله

.....

رد: اخترنا لكم
 

‏نوفي مع الوافي بكل المطاليب
‏ونشـدّ ظهر الكفوو لاضاق حالة

‏وكلـن على عرقه يدق المواجيب
‏وكلـن على مربـاه ينطـق لسانه

.....

رد: اخترنا لكم
 

الحب مايعرف سلوم وقـبيله
مثل النسيم العذب يدخل بالانفاس

واللي شعر بالحب قلبه دليـله
ماينشد العالم ولا ينشد الناس

.....

رد: اخترنا لكم
 

‏حبك لفاني ضيف وأسرفت برضاه
قدمت لـه طيـبـي وصفـيت جـوّه

على يسار القلـب حطيـت مركـاه
وعلى يميـن القلـب شبيت ضــوّه

.....

رد: اخترنا لكم
 

من الوفا نلبس على روسنا تاج
ومن يبذل المعروف بالناس يلقاه

ولاتقول الوقت به ميل وإزعاج
بيت الوفا كل الأجاويد تنصاه

.....

رد: اخترنا لكم
 

حيَّ الله اللي يتابعني غلا واحترام
وحيَّ الله اللي بعد معهم يتابع كذا

وأقول من خاطري يامرحبا بالكرام
ترحيبةٍ كلبـوها ريح عود وشـــذا

بقلمي

رد: اخترنا لكم
 

الملح عمره ما اجتمع وسط سكّـر
‏إلا معك شفت الحلا ممتلي ملح

‏يا أقصى طموحات المـزاج المعكّـر
‏يقتل تفاصيل الغضب وجهك السمح

.....

رد: اخترنا لكم
 

‏الزين فتنه والحيا زادها زين
وليا مشت سبحان ربي خلقها

ما كنها إلا مهره بـالمياديـن
الله عن الخيل الأصيله فرقها

.....

رد: اخترنا لكم
 

‏لواجمع الدنياجواهر وياقوت
ولو افهق ظلعي واقول سمي

مانا بوافي حقها لين ماموت
غاليه وغلاها ساكن وسط دمي

الام بس....

.....

رد: اخترنا لكم
 

‏على النقا نبقى ولو عاقنا عوق
ويبقى الوفا منّا وفينا وإلينا

ووجيهنا بيضا وهاماتنا فوق
وان ضاقت الدنيا ما ضاقت علينا

.....

رد: اخترنا لكم
 

‏ياطير تبكي ضما وإلا بعد جايع
‏وإلا وليفك ھجرك وفارق غصونك

‏بقيت وحدك على أوراق الشجر ضايع
‏تبكي وليفك وأنـا تبكيني لحونك

.....

رد: اخترنا لكم
 

فَمن صبَ ليِ من دلته ربع فنجان
صَببتُ له من خافق الروح دله

من ساق لي بالطيب أقوال وأفعال
أسوق له الروح والعمر كُله

.....

رد: اخترنا لكم
 

لا طابت النفس ما للهوى داعي
‏حتى المشاعر تموت ونارها حيّه

.....

رد: اخترنا لكم
 

سيفي ولد عمي ودرعي شقيقي
وصاحبي من ينتقدني اذا اخطيت

وبيتي الصح المره ياصديقي
لو مامعا بيتي مره مامعي بيت

هي سور بيتي والسراج الحقيقي
والقفل والمفتاح لاغبت واقفيت

أحس معها بالسعه في مضيقي
لافارقتني يوم بالضيق حسيت

ذي رافقتني من بداية طريقي
ياخزوتي لو عن رفيقي تخليت

هي في ظلام الليل الاسود رفيقي
هي الرفيق اللي إلفته وحبيت

.....

رد: اخترنا لكم
 

عـلـيك قلـبـي يغنـي باعـذب الحانه
تعال شـوف نبض قلبي كيف لك يعزف

والروح عليك ياحـبيب الروح ضـمـيانه
تعزف مع القلب لك لحن الغرام وتزُف

ياخُضــرة القلـب ياخــوخه ورُمانه
لا تترك إحساس شاعـر في هواك ينزف

.....

رد: اخترنا لكم
 

اما عن الي رضي من يومها نفترق
الهجر قتال والرجعه تفض القصيب

اما الذي دللو قلبي إلى أن غرق
لامن بعيد ابغي القاهم ولا من قريب

وصلت لا مرحله عادي حنق من حنق
وافعل لمن غادرو حفله وفيديو كليب

ماني بفاضي اداريهم ولا انا شبق
داريت حتى بدا راسي ودقني يشيب

.....

رد: اخترنا لكم
 

انا ملاحـــظ شيء يـلحقـــنا مـلام
‏لكـــن عسى الســـيه تبدل بالأجر

‏نحـــط توقيـــت المنــبه للدوام
‏ما هو من أجل انقوم ونصل الفجر

.....

رد: اخترنا لكم
 

‏بادري بالعذر وانا ببادر بالقبول
‏ المحبة وجهها ادناة عذر يبيّضه

‏ولا نويتي بشريني متى عاد الوصول
‏أنا مستعجل على الوصل وأنتي ريّضه

.....

رد: اخترنا لكم
 

‏من حسنها غنّى لها الأبكم على وصف الكفيف
‏ما بالكم في مبصرن يدرك جمال اوصافها

.....

رد: اخترنا لكم
 

‏البارحة ما هملج الطرف بنعاس
‏وما فاض من نجمٍ عيوني تخيله

‏لا باس يا عيني على السهر لا باس
‏على وليفٍ فات ما القى مثيله

‏يا ونّتي منها المعاليق يبّاس
‏صبري قضى ما باقي الا قليله

‏صبرت صبرٍ صابني منه وسواس
‏صبرٍ له النفس العزيزة ذليله

.....

رد: اخترنا لكم
 

‏من راح جعله مايعوّد إليا راح
‏خلّ الغشيم يلاعب الريح خلّه

‏دام القلوب صحاح والخطّر صحاح
‏ماني على ما قيل طرّاد زلّه

‏ياعنْك صدري ما تضايق ولا فاح
‏من جا محلّه سدّ فرجة محلّه

‏من راح تومي به على خفّ وجْناح
‏إكسر على فرقاه فنجال دلّه

.....

رد: اخترنا لكم
 

‏ياحبيبي لا تخاف من السحَايب
‏لا تروّعك المزون المستهّله

‏المطر ما يعشقه غير الحبايب
‏وابله لا هلّ يبري كلّ علّه

.....

رد: اخترنا لكم
 

خليني شوي مع نفسي ومع همي
‏يمكن مع العزله القى ما يداويني

‏وان كان طوّلت بغيابي ولا جيتك
‏تكفين تكفين لا تروحي وتخليني

‏وان كان ماعاد لي قيمة في عيونك
‏في بالك أرجوك خليني لا تنسيني

.....

رد: اخترنا لكم
 

‏سامرت طيفك على ضوٍ تواقد سناه
‏وثنتين لا جات مع طاريك يازينها

‏النار ملح الشتا والبرد ملح الحياه
‏وأنتي حياة القلوب اللي تمرينها

.....

رد: اخترنا لكم
 

‏ما للزمن في حزنك وفرحتك راي
‏عش يومك وقلبك بالاقدار راضي

‏واللي يقول الماضي احلى من الجاي
‏قل له مصير الجاي بيكون ماضي

.....

رد: اخترنا لكم
 

لا تضيق مْن الهموم ولا تعسّر
‏راحة المسلم برفعة راحتينه

‏أفتح القرآن واقرا ما تيَسّر
‏لين تنزل لك من الرحمه سكينه

.....

رد: اخترنا لكم
 

من ناتج الدنيا ومن واقع الناس
‏تدري وش اللي عن قناعه طرالي

‏شطرٍ مدون للسديري بالألماس
‏المستريح اللي من العقل خالي

.....

رد: اخترنا لكم
 

‏لا بغيت الطيب يالطيب يطيب
‏لا تدور بالعطايا الحاسبه

‏ولا بغيت العلم ماراسك يشيب
‏دور الخال العيال وناسبه

.....

رد: اخترنا لكم
 

ودي أسوي قصيدة فيك يا أمي
‏مير ما أدري ويش أقول ويش أمجد

‏لو كتبت 2000 بيت ابخطّ دمي
‏ما تساوي دعوتك وقت التهجـد

.....

رد: اخترنا لكم
 

خذيت من جور الليالي تجاريب
‏ولقيت مال الادمي كود صبره

‏يصبر ولو زادت عليه الاصاعيب
‏ولو كان يقضي بالصبر كل عمره

.....

رد: اخترنا لكم
 

اشوف حاجات واجد خاطري فيها
‏والنفس تبغالها عزم ٍ يروضها

‏كم خلّت النفس شيٍ من مشاهيها
‏لله وانا واثق ان الله يعوضها

.....

رد: اخترنا لكم
 

‏كنتي ارق واحلى واجمل الحاضرين
‏فيك زين ودلال وكبرياء وخجل

‏يوم شفتك وقفتي والعرب جالسين
‏قلت فديت كبد ام العيون النجـل

‏طالعيني وشوفي العالم بنص عين
‏انتي أجمل بنات الارض وانا رجل

رد: اخترنا لكم
 

‏الوجيه اللي تمر تمر ماتغريني
‏ماتحرك غافية صدري ولا سمّاره

‏غير وجهن ضحكته تلزمني وتعنيني
‏فاقده ومعلّق الضحكه على مسياره

‏يبتدي فيه الشعور وينتهي به فيني
‏كنه يمر الشعور فقلبي ويختاره

.....

رد: اخترنا لكم
 

يستاهل الحب من⁩ ⁦ ⁦ صحّح عشانك خطاه
‏واثمر معاه التعب من غير ما يسألك

‏اللي رمى لأجل عينك كل حاجة وراه
‏ترقب عيونه رضاك وينكسر لزعلك

.....

رد: اخترنا لكم
 

لعنبوها حاجه ترخصك وانت محسوب
في عيون القوم ويطيح قدرك عندها

كبها لو هي ثمينه وعرضها الهبوب
وانسها لارحم ابوها على ابو جدها

.....

رد: اخترنا لكم
 

لا تخلي الوصل من حزه لحزه
ثم تجي بأسلوب مطرود وسارق

يا تواصلني على عز ومعزه
يا تسلم راية الحب وتفارق

.....

رد: اخترنا لكم
 

قدام ياقومي على العز قدام
في حلنا ترحالنا في سفرنا

على النقاء من عام لا عام لاعام
لا ما توردنا المنايا حفرنا

كم من صميدع قاسي ضرغام
نغيب لكن لا حضرنا حضرنا

واهل الردا الي بين شاني ولوام
تعمى بصايرهم متها جاء بصرنا

فتش علينا ،في مكاتيب الأقلام
واسأل علينا الارض تلقاء خبرنا

العز فينا مثل ما دين الاسلام
والمرجله ماتعشق الا صورنا

بقلمي

رد: اخترنا لكم
 

‏ماكل مهره ترتخي بيد خيال
ولا كل خيالٍ يقيد رسنها

بعض النساء تسوا ثمانين رجال
من طيبها ترقى وغالي ثمنها

.....