|
رد: فوق هام السحب ( الشعر الشعبي) على متن القوافي
ياراكب اللي بقلهن توَثنا
فج العضود مدمثات المحاصير لاهنَ لاقعس ولا هن بدنَا متيهات في ليالي المخاضير الصبح من وادي الرشا ينشرنا من بيت ابو خالد زبون المقاصير يلفن ابو تركي زبون المجنى ريف الهشالى في الليالي المعاسير الشيخ مثلك مانزل شعر عنا وادنى عتيبه حايلن دونه النير جانا الصعيري قال صولوا وصلنا صلنا نحسب انه على راي تدبير أثر الصعيري فزعته ماج عنا واقفن ظعونه عقب ما هن مناحير وجينا على ركب الحريب ونزلنا صرنا دواوير وصاروا دواوير ياكبر زبر جموعهم يوم جنا أرواحنا ترخص وهي للمقادير بإيماننا صوارمن يقطعنا سقى القنيدة من حقوق الشخاتير من عقب هذا لامطير وحنا لاصلب جدَ ولا بهم نية الخير لكنهم يوم انجلى السو عنا هذا طريح وذاك ذبَ المعابير لي لابتن تشلع مع السن سنا ان كان بالغارات والا الطوابير ناسن إليا حلوا على القحص جنا في منتهاه ننزح النمر والزير تركي بن حميد |
رد: فوق هام السحب ( الشعر الشعبي) على متن القوافي
ارسل تركي هذه القصيدة لآل هندي ابناء عمه واهل زوجته وكانوا ما يزالون في بوادي الحجاز يخبرهم بمعاركه في نجد وانتصاراته المتتاليه ويصف كرم القبيله وشجاعتها ويطلب منهم القدوم :
يار اكبن من عندنا نابية شط تشدي ظليمن بالخلا طايعه ذور وقم الرباع ونابها مابعد نط تكسر عصى الكور لو كان ماسور تشدي لكدري القطا حين قرط إنصف ريشه عقب ماهو بمنشور تلفى بني عمي ورا نجد بهبط أهل بيوت كنها شمخ القور اهل صحون بالمجاعه تقلط ذباحة مازاد نيه من الخور إن جيتهم ملزوم بالصوت تصعط وعطهم مكاتيبي قبل تجدع الكور واخبر بني عمي ترى الشيل بي غط والنفس ماتصبر على الضيم والجور عطوا كما عطت حصانن إليا عط خطو الاصيل اللي من الزاد مبرور لعينيك يا اللي بالعويدي تمشط دقيق رمش العين كنه من الحور ليته حضرنا يوم سو البلا شط نار الذليل وردَها كل مسطور شمالنا من مس الارسان تنفط وايماننا تطلق من السو مقدور وارخصت عمري عند جيش المخلط ماهمني ناسن يقولون حاذور الغوج رديته على غير يصفط على شنق كنه من القين مكسور كم فارسن من راس رمحي تفرشط مدح راسه حط في الحزم جافور عليه خفرات بالاسلاب تشعط خلَي عشا لمرهفل الذيب وطيور تركي بن حميد |
رد: فوق هام السحب ( الشعر الشعبي) على متن القوافي
ياسابقي صكوا عليك القبايل
الحضر والبدوان راحوا نحية قومن من العارض اليا سوق حايل لاقرب جد ولابهم مرحمية قامت تروجن بينهم بالشلايل تعاونوا عقب النقا بالحمية ياقومنا لاتكثرون العذايل اشوف لي شق توسع رفيه ياعنك جتنا من عزيز القبايل حكام نجد القطع الصيرمية لو انها من نازحين الحمايل ماسلت لو شرَه تلاحق ضوية العمر بيد الله منشي المخايل حق على الراعي صلاح الرعية نرد الخطر والعمر لابد زايل عقب الخطر نشرب ركايا عذيه إن كان مانرخي رقاب الاصايل والا منازلنا غدت جاهلية بدهم الفرنج مطوعة كل عايل فودن لنا ماقط جتنا حذيه ومصقلات تودع الراس مايل من صنع مفراص وساع هويه إن كان ماترَث يدينا فعايل يحرم علينا شربة ( الشاذلية ) والزعفران وحب سمر الجدايل وحط الشحم وسط البيوت الذرية الحرَ لاصكت عليه الحبايل يشهر وتاتي له من الله فضية عاداتنا نروي حدود السلايل بإيماننا في محتضر كل هيَـة حريبنا يسهر ونومه ملايل وألي نسى يوم نجدد كويَـة وصلاة ربي عـد مازال زايل على نبي الدين سيد البرية تركي بن حميد |
رد: فوق هام السحب ( الشعر الشعبي) على متن القوافي
البارحة بالنوم كني مورَا
جا حلم ليلٍ عبَـر ولا شيف أونست هاجوس على الصدر مرا منه الفواد معلقٍ بالمخاطيف وابدي كنين الروح داخل وبرا من نقض مايفتل وفتلٍ بتكليف يارازق اللي في رجاك يتحرا من مـدَ جودك ياوسيع المحاريف إن جت من الله ماعدوَ يضرا وليا ادبرت قـلَت دبور المصاريف مادون ربك واحدٍ لك يسرا للرب حكمه بالمعاني وتصريف قم يامحمد سوَ حلوٍ ومرا رسمٍ إليا جوك النشاما هل الكيف مع منسفٍ حل المنارة يجرَا واشناق حيلٍ صفوها له ذواريف واعمل بخير ولا تجازي بشرَا وأرج الفرج من عند والي المصاريف واجهد بتقوى الله لدار المقرا العبد طرقي ركابه مناكيف دنياك لو زانت تراها مغرَا دنيا خراب ولا عليها تحاسيف فيها لبيب العقل مايستغرَا لو امهلت لابد رحله وتخفيف إخشع تواضع لاتكبَـر تزرَا ماشفت ميلات الليالي مراديف ورفيقك الغالي منه لاتبرَا إدمح خطاه إليا تعبَـث عجاريف يشرب معك صافي وكدرٍ ومرَا ويارد معك حوض المنايا إليا عيف نوبٍ تذرَى به ونوب يتـذرَا عديل عمرك بالليالي الشفاشيف جر القلم واكتب لنا اللي تورا سلام احلى من حليب المشاغيف مـنَـي لمن تابع هوى كل غـرَا شيخٍ يروَي بالملاقى شبا السيف زيزوم غلبا كل يومٍ تجـرَا واطرافها تاطا الغبا والمشاريف ذولي يسرَحهن وذولي تسرَا وذولي مغيراتٍ وذولي مناكيف والي عدا باللي عدا فيه غـرَا بربعٍ على قحص المهار المزاغيف سلاحهم شغل العجم والمجرَا ودهم الفرنج مفرقات المواليف وصلوا على المختار والصحب طرَا ماهبَـت الانسام من رايح الصيف تركي بن حميد |
رد: فوق هام السحب ( الشعر الشعبي) على متن القوافي
يالله ياللي ماش حالن يكوده
رب لطيف صرف الريح تصريف ان ترحم اللي وحدوا به جنوده احد صلح وأحدن تحدر على السيف حنا اليا كلن تمصلح بقوده نصلح بقب كنهن الشواحيف طريحنا سحم الضواري تروده اليا ركبنا لينات المحاريف ماحدت الابرق لشرقي نفوده اصيح للغلبا بروس المشاريف اهل بلاد موثقين حدوده واهل مهار يلعبن العجاريف وانشد سعد من خالهم ويش فوده اللي يصرف له من الحكي تصريف ماجاب طهطام حصان يقوده ولا مهرة تبرى لجيش مناكيف ان خاف قرب جدهم من جدوده وهم على عامر عصاة مواليف وليا من ليم عليكم جروده جاهم مع الوادي جموعه مراديف يوم الحوية ما أمنتكم عهوده رمى وصبحكم جموعن مراديف تركي بن حميد |
رد: فوق هام السحب ( الشعر الشعبي) على متن القوافي
يا راكبن من عندنا فوق ضبيان
يلفي لنا شيخن عديم الوصايف قل بعدنا اشلا لك من القرب لو كان ترى قربنا موردات الرهايف اما نصيب دحيم والا ابن شبنان والا انت ياعيد الركاب النكايف إليا ركبنا فوق قرنات الاوذان عاداتنا قرن الاخوان الولايف مع لابتن سقم المعادي بالاكوان بسبر وجرد بين قرح وعسايف بن عضيب .. رد ع تركي بن حميد |
رد: فوق هام السحب ( الشعر الشعبي) على متن القوافي
ياراكبن من عندنا فوق شقران
يلفي على شيخ نزل بالحضايف يتلونه العاصم نجوع وسلفان وطرشن على رعي المخافة زهايف ياحيسفا يانزلته فوق بـبـان واليا بغى يندى بذيـك الندايف قطعاننا مابين كشب وفيحان مانشتحن لو حضبونا الحفايف تركي بن حميد |
رد: فوق هام السحب ( الشعر الشعبي) على متن القوافي
ان صاح صياح براس الغاره
وغارت على حص الوبر عدوانها الجيش زرفل والجموع انحازت عيت على المدب عصت عيانها وحنا لحقنا فوق قب قرح كله لعين البل وحلو ألبانها وش عذرنا من دون حلوات اللبن لاضيعت بالمعركة حيرانها لا من عج الخيل ثور دونها ورمت تواديها بحث اثـفانها انا على قبن قحوم قارح خطرن على الحنكان من ذرعانها إليا تلاقا ذيلها مع راسها تسمع ضريس ضروسها بعنانها كن المعارف يوم تنهض راسها ثليل عذرا كاسي أمتانها تثلث على رجلن تقول مكسورة حلية عيدان السلم سيقانها يا الصانع البيطار واسمع مني دع بالك المسمار يخطي شانها الله ياقاها نهار الهيـه من عين رماي حفظ علمانها مع سربتن يذهل لميع سيوفها وقصارها تلوذ في فرسانها الموت معهم واردن ومصدر والروح كنه واقفن ديانها كم واحدن بالقاع يسهج طايح عليه بيض حرقن اوجانها ياما طرحنا دونها من فارس عقب الشجاعه ياكله سرحانها ترعى بنا العرا ويكبر نيها وننزح العدوان عن حدانها وننزل بها في كل وادي مخضر ترعى وسو الموت عند اركانها في نجد نرعى مانعلق عاني بسيوف هندن ماضي برهانها يشهد لنا وادي الرشا بأفعالنا وتشهد لنا نجد وحصا ضلعانها قول بليا فعل فعيب واضح والصدق ما يمحاه طول ازمانها تركي بن حميد |
رد: فوق هام السحب ( الشعر الشعبي) على متن القوافي
ياراكبن من فوق بواجة الخلا
من البقل ما بانت مواري فطورها زعولن من الراكب جزوعن من العصا خطر على فزاتها قصم كورها ركابها من ربعنا خابرينه دليلة الظلما إليا غاب نورها انص (ابن هادي) ريف هشالة الخلا ريف الهجافا في ليالي عسورها في مجلسه تلقى علومن طرايف وحيل تطاها كل يوم قدورها قل له طلبنا الصلح منكم ولا حصل دنياك مايبقى بها الا صبورها ترى الحرب سقم العين ماهو بـ راحه تسهر ويقزي نومها عن حجورها وإليا حربتونا فحنا حريبه ماحن بشيان قصارن شبورها تضدوننا بالكثر ، وحنا نضدكم بأكوان منا ما تجبر كسورها نقفي وحنا عيننا في حريبنا نعقب لهم نمرا تعاقب سبورها ونرد سرحات الخلايع مشايع كبار القفاير نابيات ظهورها إما نوافق غرة تـتـفق لنا والا مقابيـس تقسـم شرورها يرجا لفزعتنا إليا جاء كميننا بدهم الفرنج اللي وساعن قرورها كرامة للي تشوق لحربنا لو انتحوا عنا بعيدن نزورها وما أذمكم ياربعنا نعمن بكم انتم سباع الهيش وحنا نمورها وانتم كما ضلعن صبور على الشقا وحنا حرار في مشاذيب قورها ساعة تجيكم خيلنا عارفينها معاريض والا معطيتكم نحورها وساعة تجينا خيلكم عارفينها نحد السبايا لين تركب وعورها (السبايا : الخيل) كم سربتن دهما دهوم نجرها تحاكوا بها غيابها مع حضورها إليا نسيتوها عليكم نجرها تموتون وانتم مانسيتوا حرورها تصبح مداس الخيل من غب كوننا تشبع حناديها وباقي نسورها ماينفع الا الصدق والفعل والنقا وباقي الحكايا بايهات أمورها عاداتنا لطم المعادي على النقا والا العميلة راتعه مانذورها تركي بن حميد |
رد: فوق هام السحب ( الشعر الشعبي) على متن القوافي
يازبن كرب فوق مايطرد النوم
حراير يازبن مثل الاهلة مرباعهم مابين ظلم والاكموم ومن السفايف يرمحن الاظلة ملفاك شيخن بالقسا يذبح الكوم شيخ وشيخان القبايل تدله تلقا محمد زبن من جاه مضيوم زبن الذليل اللي مخيفن محله وإليا لفيت الشيخ يازبن ملزوم تعطيه مرسومن بوسطه سجله وان كان جيت النضو يازبن ماسوم رد الخبر والنضو يازبن خله جانا من الشايب مكاتيب وعلوم حي الكتاب اللي لفا حشمتن له الشايب اللي ينقل الكبر والزوم باغي لحكمي مير انا عاصي له الله يغشك يوم غشيتنا اليوم تقرا الكتاب ولا تهاب المظلة جزاك من عندي من الخيل حثلوم مثل البرد من مزنتن مستهلة ان كان تذكر سابقن لك من اليوم فرس عتيبي ورد شاهدن له انا برمحي بأول الخيل ملحوم والا انت رمحك عند سارة تشله أديت انا اربع قحص والخامس التوم وقعود زبن اللي بغا ماحصل له لا والله الا راحوا اصحابنا قوم تنافضت من بينهم بالاجله والحرب شب وشبشبة كل شغموم من شبته ملح الفرنجي عصا له اعرف ترى من طاح ماهوب مرحوم ياكود من رب الملا شافع له شافي وجرمان غدوا باول القوم خلوا مطوعهم وانا شاهد له خلوا مطوعهم على غوجة التوم وعزي لمن حط الردى مسند له وانتم كما حوتن على الشط لاهوم وحنا خلقنا للواهيم عله وانتم كما ضلعن طويل ومزموم وحنا خلقنا الله نجومن تهله وانتم كما طير البحر ذاك ابا الحوم وطير البحر مايذبحه غير ظله تركي بن حميد |
رد: فوق هام السحب ( الشعر الشعبي) على متن القوافي
خط القلم واكتب لنا ياسليمان
اكتب لنا جعلك تطب الجناني جعلك تطوف البيت مع كل الاركان وتصلي الجمعة بها دور ثاني هذا محمد مانبيعه بالاثمان عبدٍ مطوع شاعرٍ مطرباني قم كيَـف الطبخه ترى بان لي شان مشتان في شانٍ وشانٍ عناني بريَـةٍ من سوق صنعا ونجران يعبا لها بالهيل والزعفراني نخسر لها لو كان تغلي بالاثمان لا هابها خطو الصبيَ الهداني بصينٍ يبـدَى فيه ذربين الايمان بكفوف ظفرانٍ قرومٍ ذهاني ياراكبٍ من فوق سلسات الاقران فجَ العضود وساسهن من عماني فجَ العضود فخوذهن تقل بيبان وساع الزغون موخَـرات الثفاني ملفاك من يروي شبا مقدم الزان عيد الركاب اللي بها الحيل واني شيخٍ نشا بالطيب من روس قحطان عاداتهم فكَ النشب والعواني مطلوبكم ياشيخ به زود حقران والذلَ مايرضي عريب المجاني لو أن مطلوبك على مثل ماكان خفَـت مداريجه علينا وهاني أدرا كلامي عن عـدو وسفهان لزَازة المجلس وجيه الحصاني للهرج ميدانٍ وللرمي نيشان ومفتاح صندوق الضمير اللساني تركي بن حميد |
رد: فوق هام السحب ( الشعر الشعبي) على متن القوافي
ياوقت لاتبحث خفايا المخاليق*
ماعاد نبغى منك غير السلامه* أنا السعيد إللي ملا صدره الضيق* وانا الحزين إللي بكى بابتسامه .... |
رد: فوق هام السحب ( الشعر الشعبي) على متن القوافي
ياطير ياللي بالفضا عيشتك غير
وش حيلة اللي ضايق البال قلي* ياليت لي مثلك جناحين واطير واشوف من هو بالغلا فاطنن لي .... |
رد: فوق هام السحب ( الشعر الشعبي) على متن القوافي
قلوب البشر ماني على ودها مكلوف
رضاها علي ماهو مدخلني الجنّه عسى الله يبيض وجه من يذكر المعروف يماري براع الطيب لامن حكو عنه بوقت أشوف الناس تخرج عن المألوف تكب الصحيح وتترك الفرض والسنّه نعاف المكان اللي حشم هرجة الملقوف ونعاف الجميل اللي يجي من ورا منّه .... |
رد: فوق هام السحب ( الشعر الشعبي) على متن القوافي
لاخافت النفس من ظلم البشر والسنين
بتعيش في خوفها وتموت في خوفها ولا صار حلمك كبير وصار عقلك فطين احسب حساب الليال السود وظروفها وسوالف الحاقدين وضحكة الشامتين بتمرها مع مرور الوقت وتطوفها .... |
رد: فوق هام السحب ( الشعر الشعبي) على متن القوافي
اسلم وسلم واخذ من شعوري ماتبيه
مابقى بسماء المعاذير شمـس ولا قمر ودي اني ما اخسرك بـس يالله ماعليه خاسرٍ قبل اخسرك هقوه وفرصة عمر .... |
رد: فوق هام السحب ( الشعر الشعبي) على متن القوافي
يانبـض قلبي يالعيون وهدبها
ياروح روحي ياشرايين دمي تدري وجودك في حياتي طربها وكني ملكت الكون لاصرت يمي .... |
رد: فوق هام السحب ( الشعر الشعبي) على متن القوافي
يسعد مسائك يابعد كل مخلوق
ويسعد مسائي دامني وسط قلبك أشتاق لك واللي ذبح قلبي الشوق أقسم برب الكون أني أحبك .... |
رد: فوق هام السحب ( الشعر الشعبي) على متن القوافي
لانفسي ارتاحت ولاقلبي ارتاح
ولا معانا فالحياه أي راحه راح السلاء والفرح من عندنا راح والحزن خيم وامتطي كل ساحه ضاق الفواد اليوم من كثر الاجراح ولالقبنا من يدواي جراحه .... |
رد: فوق هام السحب ( الشعر الشعبي) على متن القوافي
قلبك اللي من عذابي ما استحى
قلّه اني قد تجاوزت الجروح وقلّه ان الحب ولّى وانمحى وفي امان الجرح لويبغى يروح .... |
رد: فوق هام السحب ( الشعر الشعبي) على متن القوافي
يوم الوفاء يجمع شتات المخاليق
يطري على قلبي من الخلق مخلوق فكري معك ي صاحبي له طواريق منت برخيصٍ ي بعد كل مخلوق .... |
رد: فوق هام السحب ( الشعر الشعبي) على متن القوافي
هذي فياض المحبّه يوم صارت هجير
معاد فيها نعيم وعيشةٍ هانيه ليتك قبل لاتوادعني الوداع الأخير ماقلت لي خلّ أشوفك مرّةٍ ثانيه .... |
رد: فوق هام السحب ( الشعر الشعبي) على متن القوافي
بعض البشر يعجبك حتى احترامه
وتحب فيه تجمل صفاته وترتاح ان غاب تشفق في لقاه وسلامه واليا حضر همك من القلب ينزاح .... |
رد: فوق هام السحب ( الشعر الشعبي) على متن القوافي
انت يالي تدور من ورى الناس حاجه
عزة النفس عنك اتسكر ابواب منه صل وارفع كفوفك واطلب الله وناجه ماوراء الناس نار ولا وراء الناس جنه .... |
رد: فوق هام السحب ( الشعر الشعبي) على متن القوافي
على سبيل الصمت يامكبر البوح
والعين تحكي بوح قد طال صمته بعض الكلام يعانق الروح ويروح وبعض الكلام يموت بك مانطقته .... |
رد: فوق هام السحب ( الشعر الشعبي) على متن القوافي
أعترض لي الحظ وانا من الواقع رضيت
داري انها ماتجيبك لعَل ويا عسى انت ياللي تحسب إني نسيتك وانتهيت عاد زولك في عييُوني وقلبي مانسى .... |
رد: فوق هام السحب ( الشعر الشعبي) على متن القوافي
في عزة النفس خلك سيد الساده
وحاول تقيس المسافات وتقربها خل الثقه واحترام الذات لك عاده ماتمشي الساعه الا بامر صاحبها .... |
رد: فوق هام السحب ( الشعر الشعبي) على متن القوافي
اقرب وواصلني من الروح للروح
الشوق للقلب الرهيف استباحي لاتطري الفرقى ولايطري النوح طريا الجفى ياخل سم ذحاحي .... |
رد: فوق هام السحب ( الشعر الشعبي) على متن القوافي
تعال سولف علي بأسلوبك الساخر
خلّ الحزن ذاك تِضحكني تفاصيله الليلة أن كان عندك للمطاف آخر وصّلني آخر مطاف أحزانك الليلة .... |
رد: فوق هام السحب ( الشعر الشعبي) على متن القوافي
رسالتي لك...
احترام الذات هي المحرك الرئيسي لكل الأنشطة البشرية الشخص الواثق بنفسه حقا لايوقفه أو يحزنه الفشل بل يستمر في تقدير نفسه مهما حدث الوثوق في النفس وفي الأخرين يشكل جزءاً كبيراً من الثقة بقلمي |
رد: فوق هام السحب ( الشعر الشعبي) على متن القوافي
من جهل خافي ضميرك لاتلومه
كل رايق يحسب ان الكل رايق حط نفسك موقفه تعذر علومه آلبشر ماهي على صدرك توايق .... |
رد: فوق هام السحب ( الشعر الشعبي) على متن القوافي
رساله لي ولك...
في جوف الليل عطايا تسر الخاشعين الله جل وعلا يقول [ هل من سائل فاعطيه ] سهامُ الليل تبدّل الحزن فرحاً والشقاء سعادة والظلم عدلاً والفقـر غِنى والمرض شفـاءً والضيق فرجاً والأماني واقعاً فالله منان كريم قريب مُجيب بقلمي |
رد: فوق هام السحب ( الشعر الشعبي) على متن القوافي
غيرك يشين بناظري وانت به زنت
والقلب حافظ منزلك ويتحراك كم واحدٍ وده بقربي ولا لنت واقول في قلبي عساهم فداياك .... |
رد: فوق هام السحب ( الشعر الشعبي) على متن القوافي
الله يصبح صادق القلب بالخير
صدره نظيف ومايعرف النذاله اهل النفوس الصافيه قربهم غير متبادلين الطيب في كل حاله .... |
رد: فوق هام السحب ( الشعر الشعبي) على متن القوافي
الفرق بين من يملك عذب الكلام
ومن يملك عذب الشعور ... الأول : كنسيم مر خلسة بك أنعش روحك لوهلة ومضى أما الثاني كأنفاسك التي تلازمك يمنحك الستر والدفء دون حتى أن تشعر به العذوبة في جميع احوالها جميلة بقلمي |
رد: فوق هام السحب ( الشعر الشعبي) على متن القوافي
ضحيت في كل حاجه في رجا حاجه
والحاجه اللي لها ضحّيت ضحّت بي .... |
رد: فوق هام السحب ( الشعر الشعبي) على متن القوافي
مادام أنا وأنتي على الأرض حيين
ياسعد عينك لو بكيتي شويّه والله لا أنسيك الزعل لين ترضين وأمهد لك الدنيا فجوجٍ فضيّه وأحماك مثل حماية الجفن للعين وكلش فداك إليا بغيتي شريّه .... |
رد: فوق هام السحب ( الشعر الشعبي) على متن القوافي
لاغبت تتعذر معك كل الاشعار
عيت توازن يالغلا في لحنها ياللي لك بقلبي حشيمه ومقدار جتك المشاعر صادقه في علنها .... |
رد: فوق هام السحب ( الشعر الشعبي) على متن القوافي
عود لسانك في حياتك على قول
شي يفيدك في نهاية حياتك سبح وكبر واذكر الله على طول هذا الـرصيد اللي يفيد بوفاتك .... |
رد: فوق هام السحب ( الشعر الشعبي) على متن القوافي
عندي من الصبر مايكسر ظهور الجمال
وفيني من العز مايسند مقام وقدر احداث الأيام مقبوله على كل حال إليا اقبلت خير وإن قفّت قضاء وقدر .... |
| الساعة الآن 07:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية