منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   فوق هام السحب ( الشعر الشعبي) على متن القوافي (http://vb.shmran.net/showthread.php?t=46693)

الحمدان 10-31-2024 08:36 PM

رد: فوق هام السحب ( الشعر الشعبي) على متن القوافي
 
تدري وش الي يكسر الظَهر حزات
‏لامِن عَطيت إحساس ماهو مَحّله

‏وتدريْ متى تستاهل الطعن مرات
‏لآمن ْخَطيتّ الدرب وإنتَه تدله

....

الحمدان 10-31-2024 08:38 PM

رد: فوق هام السحب ( الشعر الشعبي) على متن القوافي
 
ترى البساطه مالها بالمقامات
‏وهبه من الله للقلوب الرضيه

‏في تالي الهجّره لفتنا شعارات
‏ناسٍ ركبها الكبر والعنجهيه

....

الحمدان 10-31-2024 08:40 PM

رد: فوق هام السحب ( الشعر الشعبي) على متن القوافي
 
سمعت لي بيت وراعيه مهموم
‏فتح جروحي جعل ربي يعينه

‏من يفقد الغالين ف الصبر ملزوم
‏يكتب حروف الشوق بدموع عينه

....

الحمدان 10-31-2024 08:49 PM

رد: فوق هام السحب ( الشعر الشعبي) على متن القوافي
 
ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك وأنا ملتجي بحماك
تفرج هموم القلب يافارج الكربه

إليا ذعذع الغربي وحرك غصون الراك
وناح الحمام بعالي الصوت يجهربه

أجاوب حمام الدار يا لايمي عساك
يحدك زمانك يم من لا تبي تقربه

رشيد الزلامي

الحمدان 10-31-2024 08:50 PM

رد: فوق هام السحب ( الشعر الشعبي) على متن القوافي
 
جديد التجارب لايعاتب ولا ينلام
يغره سراب القيض ويعد طبلونه

على اول نهاره يغلب المشي بالدرهام
وعلى اخر نهاره جاي يمشي على هونه


عبدالعزيز الوذيناني

الحمدان 10-31-2024 08:50 PM

رد: فوق هام السحب ( الشعر الشعبي) على متن القوافي
 
جديد التجارب لايعاتب ولا ينلام
يغره سراب القيض ويعد طبلونه

على اول نهاره يغلب المشي بالدرهام
وعلى اخر نهاره جاي يمشي على هونه


عبدالعزيز الوذيناني

الحمدان 10-31-2024 08:50 PM

رد: فوق هام السحب ( الشعر الشعبي) على متن القوافي
 
وما هُوَ إِلاّ أَنْ أَراها فُجاءَةً
فَأُبْهَتُ حتى ما أَكادُ أُجِيبُ
-عروة بن حزام.

أجمّع له سْمان الهَرْج خوفٍ من التقصير
وإلى جيت بْشرح له كلامي تهيزلته

يجيني منْه هيبة معزَّة سحى تقدير
أقابله عندي علم وأروح ما قلته
-ابن جدلان.

لا اوحيت طاريه ضيّعت التصرّافي
حتّى اللسان الفصيح يْضيع منطوقه
-ابن نوطان

لا شفتها جاني عن الهَرْج صادوف
ماغير أهزّ الراس مثل الخواجه
-لافي الغيداني

الحمدان 10-31-2024 08:54 PM

رد: فوق هام السحب ( الشعر الشعبي) على متن القوافي
 
راس مالي فالحياه الطيبين
اللي على وضح النقا دستورها

النهج واضح لا يسار ولا يمين
والوجه واحد لو تشين امورها

....

الحمدان 10-31-2024 09:51 PM

رد: فوق هام السحب ( الشعر الشعبي) على متن القوافي
 
دنى الفجر وعيون المفارق على ماهي
سهيره وفيها من لظى الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

....

الحمدان 10-31-2024 10:11 PM

رد: فوق هام السحب ( الشعر الشعبي) على متن القوافي
 
خل عنك السوالف وارخ جفنك ونام
أسهرك كثر خوفك لين ليلك سرى

التعب في عيونٍ مثل عينك حرام
وانت لا ابطيت عنـي كل طاري طرى

يفضحك دمع عينك لو منعت الكلام
وما تطيعك جفونك لو بغيت الكرى

كان قصدك محبتنا علي الحرام
وحدك اللي تعيش من الظلوع وورى

....

الحمدان 10-31-2024 10:13 PM

رد: فوق هام السحب ( الشعر الشعبي) على متن القوافي
 
لاتجحد الماضي ولا تامن الجاي
يحفظ لك الله نعمته لا حمدته

يمكن تقدر صحبتي عقب فرقاي
لاجاك ليلٍ سرمدي مارقدته

ماراح تعرف قيمتي وانت وياي
الماء تحس بقيمته لافقدته

الحمدان 10-31-2024 10:15 PM

رد: فوق هام السحب ( الشعر الشعبي) على متن القوافي
 
حتى لو انك تعتذر ما انت معذور
دامك بليد إحساس ما اني بشكاي

مارحت عنك وخاطري منك مكسور
مقفي ولكن مقفياً عنك برضاي

بإرادتي ماني على شيء مجبور
وابشرك عندي مثل شربة الماي

....

الحمدان 11-01-2024 09:09 PM

رد: فوق هام السحب ( الشعر الشعبي) على متن القوافي
 
‏إقتنعت إن الليالي متاحف ذكريات
يوم تبطي سجة البال بين أسوارها

اللي ظاهرها سعادة وباطنها شتات
وحشةٍ ما ملّت النفس من تكرارها

ما لفقدك غير نعمه وحيدة فالحياة
باحت الدنيا بعَدْك بجميع أسرارها

العيون تداري الدمع من كل الجهات
مثل الأم اللي تداري شعور صغارها

....

الحمدان 11-01-2024 09:13 PM

رد: فوق هام السحب ( الشعر الشعبي) على متن القوافي
 
‏ياليل لي موعد مع النوم ياليل
لاكن عيوني ساهره ماتوده

راح المساء ماعاد لي بالسهر حيل
وكثر السهر للجسم ياليل هده

ياشوق سابق بالحشا صهوة الخيل
هدي على الاضلاع ياشوق هده

انت السبب في سهرتي لاخر الليل
والي وقف نوم الهناء عند حده

....

الحمدان 11-01-2024 09:19 PM

رد: فوق هام السحب ( الشعر الشعبي) على متن القوافي
 
‏يا كثر حبك بقلبي والغرام أكثر
تخيل وش كثر أحبك وأنت غربالي

رح قد ما تشتهي رح قد ما تقدر
أنا أول الناس في قلبك وأنا التالي

....


الحمدان 11-01-2024 09:21 PM

رد: فوق هام السحب ( الشعر الشعبي) على متن القوافي
 
‏ياليت لي فانوس في داخله جان
يخرج يقول ابشر وشبيك لبيك

أأمر تدلل ويـش انفـذ لك الان
ياشاعر اطلب وأمرالعبد بيديك

اقـول يامارد انا شخص قنعان
ماريد انانقدي ولاريد انا شيك

ولا اريد طياره ولا اريد نيسان
ولاسافرالنمسا ولازور بلجيك

كل الي اتمناه مدعوج الاعيان
اللي تملك حبه القلب تمليك

....

الحمدان 11-01-2024 09:23 PM

رد: فوق هام السحب ( الشعر الشعبي) على متن القوافي
 
‏يا خاطـري لا باح صبـرك وملِيــت
ما لك عـن المقسوم صده وحِيله

إن زان حظك جاب لك ما تمنيت
وإن شان خـّــلا الهينـه مستحيلة

ياخاطر ادري في الحياه ماتهنيت
بس ايش اسوي مافي اليـد حيله

لو بقدر اسعد خاطــري ماتونيت
بس السبب في الحـظ ربي وكيله

....

الحمدان 11-01-2024 09:25 PM

رد: فوق هام السحب ( الشعر الشعبي) على متن القوافي
 
‏يا غلاي الروووح ولهـانـه عليك
ياغلاي النفس وشعوري معاك

ياغلاي القلب في قبضة يديك
ياغلاي ارحـم متيـم في هواك

ياغلاي العيــن دايـم تحتريك
ياغلاي العيـــــن تتمنى لقاك

ياغلاي الشـوق ذابحني عليك
ياغلاي الروح ذابحهـــا غلاك

ياغلاي اقسم انااحبك وابيك
ياغلاي شاعر ميت في هواك

....

الحمدان 11-01-2024 09:29 PM

رد: فوق هام السحب ( الشعر الشعبي) على متن القوافي
 
‏لاشفت أحد طاح لاترمي سكاكينك
الوقت دوّار لاتشمت ولا تضحك

بكرة إذا طحت والدمعة ملت عينك
بتشوف منهو يجي يضحك على جرحك

ذائقة

الحمدان 11-01-2024 09:33 PM

رد: فوق هام السحب ( الشعر الشعبي) على متن القوافي
 
‏يا فقــــر قلبي للمحـبـــه والاشواق
وياشــــوق روحــي لليالي الجميله

اللي بهــا كنــا حبايـــــب وعشاق
واليــوم صـــرنا كل حد في سبيله

غيب كما غاب القمر عند الاشراق
من دون ياخـــذ اذن له في رحيله

من يومهـا والنار تشعـل بالاعماق
والقلــب نايـــح بالجروح العليله


....

الحمدان 11-01-2024 09:35 PM

رد: فوق هام السحب ( الشعر الشعبي) على متن القوافي
 
الوقت يمضي والعمر رحلة أسفار
رحلة عمر فيها الليالي محطات

والأيام تأخذنا على غير الأقدار
ويمضي بنا العمر ونقول لحظات

....

الحمدان 11-01-2024 09:37 PM

رد: فوق هام السحب ( الشعر الشعبي) على متن القوافي
 
‏إن غبت يبقى الشوق جالـس محلك
وإن جيت حل الحب في موقع الشوق
.
غـلاك عنـدي فــوق ولا أحـدٍ وصــلك
ولك منزل في القلب ماجاه مخلوق

....

الحمدان 11-01-2024 09:38 PM

رد: فوق هام السحب ( الشعر الشعبي) على متن القوافي
 
‏يا وحشــة الدنيا إذا صـرت مشتاق
كن البشــر ماهي علـى الكون حيّه

هذا الذي مخفيـه مابـين الاعماق
ماهمنــي غيـــرك جميـــع البريه

مشتاق لك والشـوق غارق ودفاق
شــوق السواحــل للبحـور العتيه

شوقي معك يازيــن وافي وصداق
ودقــــات قلبـي لـك قويـه قويه

....

الحمدان 11-01-2024 09:39 PM

رد: فوق هام السحب ( الشعر الشعبي) على متن القوافي
 
‏عن الكلام اللي في القلــب مخفيه
يا اهل العيـــون اللي تناظر كلامي

برد الشتاء بالروح مـن هـو يدفيه
واللي احبــــه ما اشوفـــه امامي

فيني من الاشــواق يانبض مغليه
مايحرق اعصابي وينهش عظامي

بعُد المسافه والقـدر باعدت فيه
والحـــظ باعــــد بيننا والسلامي

....

الحمدان 11-01-2024 09:41 PM

رد: فوق هام السحب ( الشعر الشعبي) على متن القوافي
 
يسعد مساكم ياسلاطين الحروف
ياعز من ينظم حروف القافية

يسعد مساكم كلما عيني تشوف
جميع الاعضاء في أتم العافية

فخري تواجدكم وترتيب الصفوف
ما نفرح إلا بالعلوم الشافية

إن كنت أنى رمح الأدب فأنتم سيوف
والود باقي والنواياء صافية

بقلمي .. لكم مع التحية

الحمدان 11-01-2024 11:45 PM

رد: فوق هام السحب ( الشعر الشعبي) على متن القوافي
 
خـذني على قـد عقلي في طريق الغرام
‏إن كانك أعمى بصيرة خذني أعمى بصر

‏من كثر مانرتحل بين الديّر والأنام
‏ماعاد ندري نصلي جمع ولا قصر

‏إن كان حبك هزيمة فالهمام الهمام
‏يا مرحـبا بالهزيمة في طريق النصر

‏انا اغرب إنسان في الدنيا عليّ الحرام
‏عجزوا على ذبحي اعداي وذبحني خصر

....

الحمدان 11-01-2024 11:50 PM

رد: فوق هام السحب ( الشعر الشعبي) على متن القوافي
 
ليت الاماني لاتمنيت تنساق
ياليتها بالحب توفي وتبقى

ليت الوليف اللي له القلب يشتاق
يبقى على طول الزمن دون فرقا

....

الحمدان 11-02-2024 12:00 AM

رد: فوق هام السحب ( الشعر الشعبي) على متن القوافي
 
مسائك سعاده غامره ياحبيب الروح
مسائك زهور وعطور وبخور ووناسه

معاك المساء يحلا عليك العطور تفوح
بقربك يذوب احساس شاعر بإحساسه

....

الحمدان 11-02-2024 12:04 AM

رد: فوق هام السحب ( الشعر الشعبي) على متن القوافي
 
ياحبيبـي دخيلك لاتزيد الفراق
إقترب من حبيبك جعل روحي فداك

الفراق ياحبيبي والله ان مايُطاق
كل هذي القطيعه والجفاء ماكفاك

نار الاشوق ماتطفى بغير العناق
وانت تدري بحُبي لك وكثرة غلاك

تدري انك عسل صافي وحلو المذاق
الحلا في خدودك والعسل من شِفاك

....

الحمدان 11-02-2024 12:06 AM

رد: فوق هام السحب ( الشعر الشعبي) على متن القوافي
 
‏ياصاحبي وش بك علينا تغيرت
حتى الرسايل من طرفكم قليله

مدري الزمن قساك ولا تكبرت
ولا الزمن نساك ذكرى جميله

....

الحمدان 11-02-2024 12:08 AM

رد: فوق هام السحب ( الشعر الشعبي) على متن القوافي
 
جيتك على طيفك وهمسك وذكراك
جيتك مشاعر خافيه تحتويني

جيتك على لهفه خفوقي وطرياك
اللي على نبض المشاعر يجيني

....

الحمدان 11-02-2024 02:24 PM

رد: فوق هام السحب ( الشعر الشعبي) على متن القوافي
 
في طلتك تدري صباحي أنا غير
‏والشمس تشرق من جميع النواحي

‏لأنّك صباح السعد والنور والخير
‏وأنت الوحـيد اللي يحلي صباحي

....

الحمدان 11-02-2024 04:35 PM

رد: فوق هام السحب ( الشعر الشعبي) على متن القوافي
 
الردي لامن خدمته وموضوعه كبير
‏لاهو بذاكر جميلك ويمكن يجحده

‏والسنافي لو خدمته وموضوعه صغير*
‏شفت معروفك يبّين على وجه اولده

....

الحمدان 11-02-2024 04:37 PM

رد: فوق هام السحب ( الشعر الشعبي) على متن القوافي
 
كني بديت اخاف عمر الثلاثين
‏خايفً لا اجيه بدون حلم وهواية

‏بفقد شعور القادم افضل وبعدين
‏بفقد امان التجربه والغوايه

‏وبتغيب عني الوان وابقى بلونين
‏ويبدأ يناظرني القلق فالمرايه

‏وبشوف في عيوني شعور المسنين
‏والمنتصف مابعده الا النهاية

....

الحمدان 11-02-2024 04:39 PM

رد: فوق هام السحب ( الشعر الشعبي) على متن القوافي
 
وأبشر بعقلٍ لاتباطيت ينساك
‏وأبشر بروح ماتعبر طيوفك

‏ان بعتنا برخيص بتراب بعناك
‏والله وحلفي مايشابه حلوفك

....

الحمدان 11-02-2024 04:41 PM

رد: فوق هام السحب ( الشعر الشعبي) على متن القوافي
 
تعال يا كل الوطن مع شعوبه
‏أنا بدونك ديرةً مابها حيّ

‏من أجمل النداءات

الحمدان 11-02-2024 04:42 PM

رد: فوق هام السحب ( الشعر الشعبي) على متن القوافي
 
الصدر ضايق يارفيقي له ايام
ولاعاد تنشد عن خفايا علومي

حتى منامي كدره سود الاحلام
وقامت تردى يارفيقي عزومي

....

الحمدان 11-02-2024 04:56 PM

رد: فوق هام السحب ( الشعر الشعبي) على متن القوافي
 
درب القدر غامض وفوقه مشينا
وكلن على ماقيل همه يكنه

يالله ترحمنا وترضى علينا
واكتب لنا في يوم لقياك جنه

....

الحمدان 11-02-2024 05:03 PM

رد: فوق هام السحب ( الشعر الشعبي) على متن القوافي
 
نمشي على النيات مانحمل الكيد
ونفوسنا من فضل ربي سليمه

ناخذ ونعطي دون نقصٍ وتحديد
عوايد بطول الليالي مقيمه

....

الحمدان 11-02-2024 05:08 PM

رد: فوق هام السحب ( الشعر الشعبي) على متن القوافي
 
يازين قدجيت اسالك وانت قلي
قلبي معك هل تكرهه اوتحبه

اما انا فانا احسب ان انت خلي
اموت من فرقاه واحيا بقربه

مشتيك تاخذني علا قدر عقلي
خذني بقدر الشوق ليجيت لك به

ياما رحمت انسان بك صار مبلي
والا فرجع له خفوقه وقلبه

جيتك متيم فيك مشتاق كلي
ياجرح قلبي فالمحبة وطبه

لاتختبر صبري ولا رد فعلي
كاساً مليته بالولة لاتكبه

مازال نار الشوق فالقلب تغلي
وكاس وصلك ماتهنيت شربه

....


الساعة الآن 12:42 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية