|
رد: فوق هام السحب ( الشعر الشعبي) على متن القوافي
اوهبني احزانك وماضي زمانك
ووهبلك افراحي وحاضر زماني العمر لا اهدرته بتاليه خانك والموت ساعة والسعادة ثواني فاغنم شبابك قبل تخسر رهانك شباب عمرك ضيف والعمر فاني ليش كلما ناديك سديت اذانك يكفي غباء ماحد معه عمر ثاني يمكن تلاقي حيث خوفك امانك جرب وبيتجني من احلا المجاني اموت وانا حي لحظة جنانك حين انثرك والملمك بفتتاني اهيضك واروضك بحتضانك واحقق احلامك وكل الاماني ماقصدي الا يحتويني حنانك واسقيك من روعات صافي حناني جدلي من احسانك عسل من لسانك واعطرك من نرجسي وارجواني يامنيتي صن من يودك وصانك واحذر تكن فالحب عاشق اناني خلك معايا يامحني بنانك تظفر وتهنا ياأمير الغواني .... |
رد: فوق هام السحب ( الشعر الشعبي) على متن القوافي
قد قُلتها لك يازمن مالك أمان
من يأمنك يخسر ويندم بالأخير واللي طغى خلّيه يرجع بالزمان ينظُر إلى من كان قبله والمصير فرعون والنمرود كانـوا آيتان عِبرة وموعضه لمن قلبه منير بعض البشر قد يعتقد أنّه مصان في هذهِ الدنبا لهُ شأنٌ كبير وفي النهاية سوف يبقى هو مهان يلقى مصيره حينها صاغر كسير والحقّ واضح ياعديم الإتّزان لاترتجف تبقى معَ القوم الخسير خلّيك ثابت بالهدى عند الهوان واصبر على بلواك بالوقت العسير واللي صبر هو فاز بعد الأمتحان واللي كفر هو سوف يلظى بالسعير حدّد مسارك أين والله المستعان كل من عليها نحو حتفه بي يسير .... |
رد: فوق هام السحب ( الشعر الشعبي) على متن القوافي
ياعزة النفس !.. لاهنتي ولا ملتي
لو كان بعض الاوادم بان تقصيره انا مع العالم اعرف ويش مشكلتي عطيت بعض الأوادم فوق تقديره .... |
رد: فوق هام السحب ( الشعر الشعبي) على متن القوافي
يامن وجودك في حسابي ضروره
لولا وجودك في حسابي حذفته اشوف روحي فيك في كل صوره وليتك تشوف اللي انا فيك شفته .... |
رد: فوق هام السحب ( الشعر الشعبي) على متن القوافي
من ذاق حبك ياغلا الروح ماتاب
يبقي سنين العمر لاهي وعاصي وعن حب غيرك قافل كل الابواب يذوب في حبك بنوع اختصاصي .... |
رد: فوق هام السحب ( الشعر الشعبي) على متن القوافي
من الأدب الشَّعبي العراقي ...
قالتِ الأم تعاتبُ ابنها عبرتِ الشَّط على مودك وخليتك على راسي كل غطة أحس بالموت وبقوة أشهق أنفاسي كل هذا وقلت أمرك أحلى من العسل مُرك وين تروح أروح ويَّاك بس لا تجرح إحساسي عبرت شاطي أحلامك بتضحيتي وسهر ليلي ولا مرة قلت ممنون واني المنهدم حيلي قول إيش قصرت وياك وِش تطلب بعد اكثر على صدري تنام الليل أقول ارتاح وآني أسهر أمُرْ عيوني بعيونك وأنت عيونك لغيري فضَّلتك على روحي وضاع ويَّاك تقدري |
رد: فوق هام السحب ( الشعر الشعبي) على متن القوافي
رساله لي ولك...
يوسف أسرها في نفسه ويعقوب تولى عنهم ومريم قالت ( فلن أكلم اليوم إنسيا ) لاتبح لهم كل مافي نفسك فإنهم لن يفهموك وإن فهموك ... ففي الغالب لن يقفوا معك بقلمي |
رد: فوق هام السحب ( الشعر الشعبي) على متن القوافي
مجنون فـي حبك ومجنون طاريك
طيفك يزور الروح في كل لحظه أهوجس مع نفسي وكني أحاكيك لاشفت أسمك زاد فالقلب نبضه بالهجر قلي يالهلي كيف اجاريك وانته ملكت طول قلبي وعرضه سر المحبة يالغلا عند باريك حبك مسهرني ولا اغمضت غمضه ان قلت اداري وصلكم كيف اداريك وانته سماء حبي وبحره وأرضه .... |
رد: فوق هام السحب ( الشعر الشعبي) على متن القوافي
اثر العيون احيان تصبح كفيفه
من دافع الغيره ومن دافع الشوق قلوبنا مثل الغصون الخفيفه لاهب ذعذاع الغلا شالها فوق .... |
رد: فوق هام السحب ( الشعر الشعبي) على متن القوافي
من شالنا بالعين شلناه بالعين
وان ضاقت الدنيا لقانا رصيده ومن خصنا بالزين نكسيه بالزين غصب ٍ على خشم الامور العنيده بقلمي |
رد: فوق هام السحب ( الشعر الشعبي) على متن القوافي
لا تصغر كبير ولا تجادل غبي
والمثل قال ما كل بيضةً بشحمه النشاما تبي وحقوق ربي تبي واحسن الله عزا من يحتزم برخمه .... |
رد: فوق هام السحب ( الشعر الشعبي) على متن القوافي
من طاب طبنا فوق طيبه بعد طيب
واللي تردّى وش كسب وش خسرنا دنيا العنا فيها دروس وتعاجيب وعلى كثر صكاتها ما انكسرنا .... |
رد: فوق هام السحب ( الشعر الشعبي) على متن القوافي
ياربّ تبعدني عن الشين والعيب
وتزيحّ عن دربّ العفو كل عايق ياربّ قدّرني على ردّة الطيب وأحفظ لساني عنّ عيوب الخلايق .... |
رد: فوق هام السحب ( الشعر الشعبي) على متن القوافي
يقول وش زودي على الناس عندك
واقول كلك يا هوى خاطري زود نصيب قلبي قادني لين حدك مآكن غيرك ب المخاليق موجود .... |
رد: فوق هام السحب ( الشعر الشعبي) على متن القوافي
مانسيتك لو تحس إني نسيت
سيرتك للحين تملاني حضور أذكر إني يوم ودعتك بكيت من بعد هاليوم ما أملك شعور .... |
رد: فوق هام السحب ( الشعر الشعبي) على متن القوافي
محدن بكامل والبشر كله عيوب
لا تستمع للي حكو لك حكو بك خلك مابين الناس غالي ومحبوب وأستر عيوب الناس تستر عيوبك بقلمي |
رد: فوق هام السحب ( الشعر الشعبي) على متن القوافي
لاتامن العقرب ولاتامن الداب
السم واحد لارقا في متونك ياجاهل الدنيا ودورات الاسباب أعرف ترا من خان غيرك يخونك حقيقه |
رد: فوق هام السحب ( الشعر الشعبي) على متن القوافي
لاتلومين المشاعر يوم فاضت فيني
شاعرك يلعب بقافه لعبه بمسباحه العرب يانور عيني كلهم غـاديني جعلهم فدوة عيون بفعلها ذباحه لو تناديني وانا مبعد اجي من حيني لو أغوص البحر والا اقطعه بسباحه ولا يهمك هالعواذل ماهم بصاحيني ودهم نترك هوانا بعد عصف رياحه .... |
رد: فوق هام السحب ( الشعر الشعبي) على متن القوافي
لاتكره الدنيا على شان مخلوق
خان العهود وحط بالقلب حرقا قله تراك من المعاليق معتوق خله يروح ومثل شرواه فرقا والمحترم بداخل القلب مرفوق في سلم الترتيب يبقا ويرقا .... |
رد: فوق هام السحب ( الشعر الشعبي) على متن القوافي
العقل نعمه والتعامل ثقافه
وكلا على ماقيل عقله يدله وراعي التصنع والكبر والكلافه يجيه موقف يطرحه في محله .... |
رد: فوق هام السحب ( الشعر الشعبي) على متن القوافي
أخذ النصيحه لاتخلي صلاتك
احرص عليها قبل ينقال محروم أجمع حصيلك قبل موعد مماتك الموت لامن جاك ماعاد لك يوم .... |
رد: فوق هام السحب ( الشعر الشعبي) على متن القوافي
لاتشتكي للناس لاضاق بالك
الناس ماتملك مسره ولا ياس الناس مثلك حالهم مثل حالك والكل من مر الليالي شرب كاس .... |
رد: فوق هام السحب ( الشعر الشعبي) على متن القوافي
ان طالت الدنيا وجيناك زوار
احفظ عهود الود ياكامل الزين ٍ وان حالت الايام دونك والاقدار من عادة الدنيا فراق المحبين .... |
رد: فوق هام السحب ( الشعر الشعبي) على متن القوافي
ياطير في عالي سماك ايش الاخبار
هل من خبر ياطير للي عشقته ذاك الذي له داخل القلب مقدار بالله هل ناظرت زوله وشفته لامر لك قله انا حيل منهار من كثر غيباته ترى العيش عفته وقله انا عايش بدونه على نار وخايف اموت بيوم ماقد نظرته .... |
رد: فوق هام السحب ( الشعر الشعبي) على متن القوافي
الحب روعه بين عاشق ومعشوق
والصدق فوق الوصل نقطة نجاحه وانا اشهد ان العشق له لذه وذوق اذا اجتمع حبل الوفاء والصراحه .... |
رد: فوق هام السحب ( الشعر الشعبي) على متن القوافي
الجفا مثل الشتا برد وصقيع
والمواصل للقلوب أحلى دفاء إن شراك الخِل أبداً لاتبيع المحه عهد والدنيا وفاء .... |
رد: فوق هام السحب ( الشعر الشعبي) على متن القوافي
لو اشوف اشبـاهك بكل الدروب
انت واحد ماتكررك الحياة .... |
رد: فوق هام السحب ( الشعر الشعبي) على متن القوافي
كلن بهذا الزمان يقول أنا الطيب
والطيب اللي يفك الناس من شره بقلمي |
رد: فوق هام السحب ( الشعر الشعبي) على متن القوافي
الكلمة الصادقة لو تجرح المخطي
أحسن من الكذبة اللي تستر عيوبه .... |
رد: فوق هام السحب ( الشعر الشعبي) على متن القوافي
الذكريات اللي تميته وتحييه
تناوحت قلبه وهو في محله ايلين بانت في عيونه خوافيه كنّه يدور بينهم غايبٍ له .... |
رد: فوق هام السحب ( الشعر الشعبي) على متن القوافي
الطيب ماهو محتكر للرجاجيل
حتى بنات الجود فيهن حميا .... |
رد: فوق هام السحب ( الشعر الشعبي) على متن القوافي
الحب عذبني كما عذب الزير
يوم طاح قلبه في غرام الجليله يكابر وقلبه وسط الاعماق بيطير ومحبوبته صارت لـ وائل حَليله اصعب هوى ماكان مقسوم للغير واصعب فراق اللي يفارق خليله واكبر عذاب إذا انقطع منه السير وصار ماله في التلاقي وسيله .... |
رد: فوق هام السحب ( الشعر الشعبي) على متن القوافي
مشاعري مثل البحر يوم يجتاح
سواحـلك من فوق جزرك ومدك سلمت لك قلبي كذا دون مفتاح تدخل وتخرج يالغـلا من يردك اقول لك حاجه وتقنع وترتاح انا على حبـك وشـوفـك وعهـدك لاتطري الفرقـا وانا معك مرتـاح محدٍ ملا عيني من الناس اميره الورد |
رد: فوق هام السحب ( الشعر الشعبي) على متن القوافي
سيدة كل الحلا ريم الفلا وغزلانها
تثقب النضرات صيادة صقور صوبت سهم الهوى قناصها اعيانها خذ حذر من حسنها ذابة صخور صوبُ التحذير للشيـشة ع دخانها والبلا ف حسنها فتان وصّال القبور هاذي هـي التحذير وجـــن وديانهــا سطلة الادمان واعناب اـخمور لاتغزلت القصيد فاح شم ريحانها وانتثر هحسي تواريـد الزهـور كن طلسام الجـزل شيـطانها تنفث الاسحار حبرٍ من سـطور طلسمتني بالهـوى تنكت رانهـا وابتلاني حبها جوى الصدور صرت هايم متيم طرب الحانها ادعك اشعاري لفا جني الحضور اشرد الافكار انام باحضـانهـا وتلفي اطيافه لها اطيافي تزور اميره الورد |
رد: فوق هام السحب ( الشعر الشعبي) على متن القوافي
يافاتنه وجـهـك من النور مخلوق
وملامحك مضـرب مثل لـ الغنادير انتي مثل غيمه لـهـا رعـد وبروق واروت عـروقي واستهلّت علي خير الله عطاك الملح ، والكبر ، والذوق .... |
رد: فوق هام السحب ( الشعر الشعبي) على متن القوافي
رسالتك اقسى رساله وارده
كانت قليلة حس رغم اني كثير مايوجعك غير الردود البارده على الكلام اللي كتبته من ضمير .... |
رد: فوق هام السحب ( الشعر الشعبي) على متن القوافي
أنا عزيزه و هوى الأجواد يجذبني
وأحب ذرب اليمين لاشفته مذرّب ومجاملة راعي الوجهين تتعبني عسى الولي يقلعه عني اليّا قرّب .... |
رد: فوق هام السحب ( الشعر الشعبي) على متن القوافي
لاتاخذك كثر الحسايف على شي
الرزق بيد الله مثل منت شايف دامك بخير تشرب وتاكل وحي مافيه شيٍ يستحق الحسايف بقلمي |
رد: فوق هام السحب ( الشعر الشعبي) على متن القوافي
يامساء الخير والنور وانسام الزهـور
بالمحبـه والغلا من ضميري للجميـع لو يبـور الوقت معنــا ترانا ما نبـور نشتري قـرب القلوب النقيــه ما نبيع لكم مع التحية |
رد: فوق هام السحب ( الشعر الشعبي) على متن القوافي
لعيونك اكتب حرف واصد عن حرف
من خوف لاتجرح حروفي شعورك مافيّه احد يسواك ياناعس الطرف ولافيه احد عندي يساوي حضورك .... |
| الساعة الآن 10:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية