رد: ديوان الأمير بدر بن عبدالمحسن
 

أنا فدا اللي ما انتظر مني أعذار
وما لامني وأنا أستحق الملامة

ما غير ينشد عن علومي والأخبار
أخَّر عتابه لي وقدم سلامه

البدر

رد: ديوان الأمير بدر بن عبدالمحسن
 

اخاف انساك وتطلع منتظرني
واخاف انتظرك تطلع ناسيني

البدر

رد: ديوان الأمير بدر بن عبدالمحسن
 

استخرت الله وبرجع استخير
كان فيك الْخير ماتبعد ابد

وكان فيك الشّر يمحيه ويصير
فيك خير وماتفارقني أبد

البدر

رد: ديوان الأمير بدر بن عبدالمحسن
 

احتريته في صباح النايمين
ووجهي الذابل تعابيره أفا

ياعيوني لبه باقي تحترين
لو يحبك عن وصالك ما غفا

البدر

رد: ديوان الأمير بدر بن عبدالمحسن
 

يطيح جفن الليل واهز كتفه
يفز شمع وباقي الليل مطفي

واحاكي الجدران عن حلم غرفه
ما تشبه الجدران ويطول وصفي

وتملني الجدران واظهر لشرفه
تحت السما واسكر الباب خلفي

ليت الشوارع تجمع اثنين صدفه
لا صار شباك المواعيد مجفي

وليت الروابي تشرب دموع وطفه
ويصب لمع بروقها وسط طرفي

يا طاري الغدران والعمر رشفه
مع قلها ياليتها اليوم تصفى

الصبر واجد مير الأقدار صلفه
والأرض واجد لكن العزم منفي

اللي أعرفه راح ما نيب أعرفه
ولا اظن يذكرني إليا اقبلت مقفي

ما هو حبيبي مورد القلب حتفه
ولا هو حبيبي يفرح بوقت ضعفي

تهب ريح وتسكن العظم رجفه
وتغيب ريح وتسكن اغصان نزفي

مر ثمر ها الليل وأمر قطفه
ذقته قبل يلمس شفاهي بكفي

هذا وتو الليل ما راح نصفه
يا ليل بعض اللي مضى منك يكفي

البدر

رد: ديوان الأمير بدر بن عبدالمحسن
 

بـنلتقي واحضن كفوفك في يدي
واسولف لعينك كيف كانت لهـفتي

البدر

رد: ديوان الأمير بدر بن عبدالمحسن
 

القصايد ما تجيب أقصى جمالك
كل شي فيك يستاهل قصيده

البدر

رد: ديوان الأمير بدر بن عبدالمحسن
 

انا سجين الحال مهما تسليت
وانا الطليق وكل شي قبضني

البدر