رد: فوق هام السحب ( الشعر الشعبي) على متن القوافي
 

يالله انك تعين .. و يالله انك تكافي
‏من شمامغ خلقك و الوجيه المصده

‏ افرج اللي عليك اليوم ما هو بخافي
‏و انصر اللي لحاله و اغبر الوقت ضده

‏رغم مر الليالي و السنين العجافي
‏ياخذ الوقت حقي و اعتزي و استرده

‏ما شكيت لهروج ولا ترجغ هافي
‏ الين صار الرخا عندي عواصيف شده

رد: فوق هام السحب ( الشعر الشعبي) على متن القوافي
 

كل ما طال ليلي و اشتكاني لحافي
‏ارتقص و الحق لحافي مصير المخده

‏ما خلقنا لنوم فوق دغباج دافي
‏دايم نفوسنا للكايده مستعده

‏شيّب الراس لكن ما بعد شاب قافي
‏كل يومٍ و سيف الشعر يزداد حده

‏لو غزتني همومي ما تراجع و اخافي
‏همٍ نطعن حشاه و همٍ اخر نقده

رد: فوق هام السحب ( الشعر الشعبي) على متن القوافي
 

لا تزيد الحسايف يا خلف جدي
‏خالق الخلق ما ينسى مخاليقه

‏هي مثل ما تقول ايام و تعدي
‏يا كثر ما تعودنا على الضيقه

‏لو تشوف الليالي وقفت ضدي
‏لذة الحلم في جمعه و تفريقه

رد: فوق هام السحب ( الشعر الشعبي) على متن القوافي
 

البارحه تحتريك النود
‏يامجسر النود للمسرى

‏عينت قلبى قليل الفود
‏مالي خبر فيه وانت ادرى

‏إليا تذكرك زاد لهود
‏وان سج في سيرتك هذرى

‏وان جيت يمي رقيت سنود
‏والساعه اللي ماهى قشرى

‏وان غبت ماكن احد موجود
‏لله ولا كن احد يطرى

‏هيّف على قلبي الملهود
‏ان مابرى منك مايبرى

رد: فوق هام السحب ( الشعر الشعبي) على متن القوافي
 

ريح الصبا وأن حملت رْضاي وأتعابي
‏لا تضوي ألّا ضرورة جيّتك قصوى

‏مسايفٍ عن تصدّع غرفتي؛ بابي !
‏خايف يكون لْشقوق جْدارها عدوى

‏الله يجمّل بقاي .. ويغفر غيابي !
‏أن صار لي فالقلوب الطيّبة مثوى
‏
‏تعمُّد الوقت يطوي سيرة أحبابي؛
‏أكّد لي أنّ فيه يوم لْسيرتي تِطوى

رد: فوق هام السحب ( الشعر الشعبي) على متن القوافي
 

يا دربٍ من طمأنينه مثل دعوة رضا وآمين
‏وقلب أشوف به ربعي وكل أصحابي والخوه
‏
‏جيت بوجهك الواحد ووقفاتك عن العشرين
‏وخابت ناسٍ بـ عيني ولا قد خيّبت لي هقوه
‏
‏ياعلّ يفدى تبسامك ردي القوم أبو وجهين
‏بوجه همومي بسماتك ذخيرة قلبي والعزوه

رد: فوق هام السحب ( الشعر الشعبي) على متن القوافي
 

لو جهلت بكل حاجه ما أجهلك
‏بـ المحبّه ما يصحّ إلا الصحيح
‏
‏ما وصلت لـ هالرضا قبل أوصلك
‏كنت أشوف العُمر من قبلك شحيح
‏
‏لو سمح لي صوتي إني اسألك
‏بسألك ليه العُمر جنبك فسيح ؟
‏
‏كل ما هبّت ظروفي .. مِلت لك
‏وكل مرّه استند بك قبل أطيح !

رد: فوق هام السحب ( الشعر الشعبي) على متن القوافي
 

ماخلقنا الله نزيد الطين بله
‏قل فرقنا عن عباد المستديره
‏
‏ولاتمرجلنا على شاهي ودله
‏ولاتهقوينا وهقوتنا قصيره
‏
‏والصراحه في بعض لاحيان عله
‏والكذوب امثال واحباله قصيره
‏
‏واحدن ماينفع اللي منه خله
‏خله ودور على رجال غيره
‏
‏من كثر ماسمجو والنعم والله
‏قمت احس ان ونعم كلمه حقيره

رد: فوق هام السحب ( الشعر الشعبي) على متن القوافي
 

قالوا حبيبك يسمع الشعر قلت إيه
‏يقراه بعيوني قبل تسمعونه

‏لولاه حتى طاري الشعر مابيه
‏مير اكتبه من شان خاطر عيونه

‏هو روح شعري وامنياته وماضيه
‏جذع الشجر وش كان لولا اغصونه

‏اكتب لغيره والقصايد تجي فيه
‏كن القصايد حالفه ماتخونه

رد: فوق هام السحب ( الشعر الشعبي) على متن القوافي
 

اخذي حياتي كلها وعمري الجاي
‏ومري مع كل الليالي وطوفي

‏لو اقدر افتح لك ضلوعي بيمناي
‏خليتك بعينك تشوفين جوفي

‏واقول وإحساسي يردد من اقصاي
‏هذا مكانك داخل القلب شوفي

رد: فوق هام السحب ( الشعر الشعبي) على متن القوافي
 

هاك القصايد لا تضايقت، و أقرا
‏شف وش كثر فيها لضحكاتك أشتقت

‏لا تنشغل فيني .. أنا بحالي أدرى
‏قلبٍ تعلّق فيك ينسى مع الوقت

‏أشوف لك من وين ما رحت ذكرى
‏ولا شفتها .. صدّيت عنها ودنّقت

‏ما كل جرحٍ لا خذ أيام .. يبرى
‏بعض الجروح يزيد شرّه مع الوقت

رد: فوق هام السحب ( الشعر الشعبي) على متن القوافي
 

مع إنك بعيد لكن بقى التذكار
‏ليا شافته عيني تتسابق مدامعها

‏دفنت الغرام بخافقي والقلوب أسرار
‏مشاعر هقت إن الليالي تضيعها

‏جحدت الغلا لين أمتلى بـ الخفوق وثار
‏قصايد عساها اليوم تطرق مسامعها

‏يقولون ما ودّعك؟ قلت الفراق وصار
‏والإنسان روحه تنسلب مايودّعها

رد: فوق هام السحب ( الشعر الشعبي) على متن القوافي
 

‏يالله ياللي عليك الضيق وفراجه
‏يارازق النفـس ياعالـم مواجعها
‏
‏ارزق عبادٍ مافي يديها ولا حـاجه
‏بيـديك الارزاق تعطيها وتمنعها

رد: فوق هام السحب ( الشعر الشعبي) على متن القوافي
 

يقولون جرح الحب حده سنه ويطيب
وانا اقول جرحي ينزف سنين ماطابي

وترى اللي يبكر بالذوايب طلوع الشيب
سهام الغياب اللي بها القلب منصابي



سلطان فيحان الركيبي

رد: فوق هام السحب ( الشعر الشعبي) على متن القوافي
 

يقطعك دنيا مالها اول وتالي
لو اضحكت للغبن تقرع بالاجراس

المستريح اللي ما العقل خالي
ما هو بلجات الهواجيس غطاس


محمد السديري

رد: فوق هام السحب ( الشعر الشعبي) على متن القوافي
 

‏عطوني علاجي لو انه عنزروت
ما هوب مـر المـر جـربت طعمه

ثنتين ورني مماتي قبل امــوت
يـوم الفراق وحـاجـةٍ عند رخمه

نجم الاسلمي

رد: فوق هام السحب ( الشعر الشعبي) على متن القوافي
 

محدن بكامل والبشر كله عيوب
لا تستمع للي حكو لك حكو بك

خلك مابين الناس غالي ومحبوب
وأستر عيوب الناس تستر عيوبك

رد: فوق هام السحب ( الشعر الشعبي) على متن القوافي
 

‏الصداقه مواقف والتجارب مراية
تكشف الوجه الابيض والوجيه السمر

لكن الصدمه الي حطمت كل غاية
لاغدربك صحيبك بعد عشرة عمر

رد: فوق هام السحب ( الشعر الشعبي) على متن القوافي
 

صدرك على خافي سرايرك زره
لاتصير سطح كل ماجا المطر خر

ولسانك أصحاب الفتن لاتجره
في كلمه عوجا يجي ردها مر

رد: فوق هام السحب ( الشعر الشعبي) على متن القوافي
 

‏إن بغيت تعيش مرتاح الضمير
الحسد والحقد لا يطـري عليك

وان بغيت العـز والمجد الكبير
طاعة الله ثم طـاعة والــديك

رد: فوق هام السحب ( الشعر الشعبي) على متن القوافي
 

‏لا تشيل هـم الوقت برده و حره
‏واحذر تصير بقسمة الناس مقهور
‏
‏وحكم القدر لاجاك خيره و شره
‏اشكر عـظيم الشان و الذنب مغفور

رد: فوق هام السحب ( الشعر الشعبي) على متن القوافي
 

قصيدة بعنوان: وكالة يقولون


سرى الليل والساري سرى قبل يسرون
وأنا من صلاة الصبح وانا اتحراه

اناديه بأعلى الصوت لو كان يوحون
عسى يا لعله يسمع العلم لو جاه

نبش عن كلامٍ من هكا الوقت مدفون
وجابه وجبنا اللي يعرفون دعواه

نجاسة كلامه ما يطهره صابون
لو إنه تطهر في أول الوقت واتلاه

كذوبٍ ربادي ينقل الهرج بفنون
تفنن في نقل الهرج لين إنه أعماه

له عيون بس ما تنفعه لو له عيون
وله سمع بس ما يسمعك لو ترجاه

يدودي مع اللي في الأوادم يدودون
يسب الخطايا والخطايا خطاياه

يقولون قالوا في وكالة يقولون
كلامٍ بعد ما قاله الناس قلناه

عن فلان قلنا قولة الحق موزون
وزناه بالحكمة على قدر بلواه

وأنا اقول من كثر ترى الهرج مغبون
هروجه حطب في النار بكره تغشاه

وحتيش لو اخطأ الخطأ الناس يخطون
وش اللي يبيح إنك تسبه وتشناه

ضعيف الروابع في آخر الوقت مدفون
بقبرٍ هيالٍ دون مالٍ ولا جاه

يحسبنها عدت بعد ما يقفون
وثاري كتابه كاتبه ما تخطاه

يجيك البعض من كثرة الهرج مديون
لسانه سباه وطيره عن سباياه

مثل من جمع له مال والمال مركون
على جال بيرٍ لا وردنا وطيناه

تركها وكل الناس للبير يردون
وحنا عذلنا ثم بعدها تركناه

عيون الأفاعي حول ماله يدورون
تدور الدواير في الدواير على ماه

وجوك النشامى بعدها حيل يعدون
يبونه يوقف عن بعض من سواياه

تبخرت يامالٍ به العبد مفتون
يدين الحرامي شالته شيلة الشاة

ولا كان في حرزٍ ولا كان مصيون
وروح كما روحت يا مقيط ورشاه

تجي صاحبه تلقاه بالحيل محزون
يعلمك وش جاء له على جال مركاه

ترى ذا مثل من ينقل الهرج بلحون
كلامه كثير ولا لحقنا على اقصاه

يغرك كلامه بالفصاحة وملسون
يعبر عن اللي باديٍ في محياه

وانا اشهد شهادة حق والناس يدرون
نداري بعضنا عن بعضها مداراه

نسوي لها فرجة على شان يمشون
ما دام إنها تمشي وعلومه مسواه

على شان تبقى لك محبة ويبقون
جماعة وقايدهم قوي لا عدمناه

وفي اختامها صلوا مع اللي يصلون
على الهادي اللي دلنا وإتبعناه

عدد ما يصوم الناس واللي يحجون
ومن قام للباري يحبه ويخشاه

يصلون فرضه وآخر الليل يدعون
ومن يطلب المولى على الخير مبداه

ويرقى المعالي مثل ما الناس يرقون
على سلم الأمجاد والعز مرقاه

رد: فوق هام السحب ( الشعر الشعبي) على متن القوافي
 

تبدي لك الشدات ماكان خافي
اللي بها يظهر حصان الأطاليب

ياكثرهم لاصار هون وعوافي
وياقلهم لاحل وقت المواجيب

ماينطح القالات كود السنافي
اللي مطاليعه على العز والطيب

لو شانت الايام صامل اوافي
ماهو من اللي لابدا اللازم إيغيب


سعود عايد العلوي الحربي

رد: فوق هام السحب ( الشعر الشعبي) على متن القوافي
 

يانفس ما باليد حيله ولا ميل
قد راحت أيام الزمان الجميلة

لاعاد تتمني ونا فاقد الحيل
بعض الأماني للأسف مستحيلة

عيشي على الحاصل في الخير والويل
لا يقهرك همي ولا ترخصي له

لا الهم فارس ممتطي صهوة الخيل
ف ابو علي رجال يسوا قبيلة

خاويت جرحي والمعاناه والليل
وأسهرت طرفي بالحروف الجزيلة

والحلم ذي كنت احلمه شله السيل
وغاب عن عيني مراحل طويلة

لا طعم للراحه وللبن والهيل
مع معانات الرجال الأصيلة

عزاز ما للهم من عزنا نيل
ومن خضع للهم يصبح قتيلة

....

رد: فوق هام السحب ( الشعر الشعبي) على متن القوافي
 

لاتسأل الساكت عن اشفيه مافيه
يغـني عن السكته ملامـح عيونه

مثل الشجر لحتاج لإنسان يسقيه
ساكت ونعرف حاجته من غصونه

رد: فوق هام السحب ( الشعر الشعبي) على متن القوافي
 

انا رفيقك وأبن عمك وأنا أخوك
وأنا عضيدك لو تجور اليالي

وأنا الوفا لو كل الاحباب خانوك
وأنا الوطن وأنا الديار الخوالي

رد: فوق هام السحب ( الشعر الشعبي) على متن القوافي
 

ياسعـود يامشكـاي ويـش التدابيـر
لاتشتكي جـور السنيـن وشطفهـا

جـور السنيـن يحـل ويـمـر ويصـيـر
راجـع حياتك واكثـر النـاس شفهـا

النـاس لاحقهـا مـن الوقـت تاثيـيـر
وتصبر على باس السنين وصلفهـا

تـمـيـل مـيــلات المـقـاديـر وتـغـيـر
وان وصفـت بتعـذب اللـي وصفـهـا

فحرص على قرب الرجال المناعير
الـلــي دروب المـرجـلـه تحتـرفـهـا

تـلـقـى بخـوتـهـم مـعــزه وتـقـديـر
ومجـالـسٍ مادنـسـت مــن عرفـهـا

تاقف معك لو همك اكبـر مـن النيـر
وبعزمهـا حتـى الصعـاب اتعسفهـا

ولا قــدر الله ثــم رمـتـك المقـاديـر
الـرجـل منـهـم وقـفـتـه لا وقـفـهـا

تسـوا لهـا فزعـة صفـوف وطوابيـر
ماهـوب لا شـاف الصمايـل حرفهـا

يقلط على الشده كما سالـم الزيـر
وتامن به الديـره وهـو فـي طرفهـا

لامازهمتـه قـام يشتـح كمـا الطيـر
لاضــف جنـحـانـه وكـفــه عكـفـهـا

واهـل الـردى مالـك وراهـا مداويـر
جـنـب مجالسـهـا وجـنــب ولـفـهـا

لو اضحكتلك في السنين المياسير
لابـد فـي وقـت القـسـا تكتشفـهـا

تفِرح بك الشمات لـو ذنبـك اصغيـر
وتحتـار فـي اصغـر غلطـةٍ تقترفهـا

ويصير همك كبر هضبـة شمنصيـر
لـكــن جـنــب معـرفـتـهـا وعـفـهــا

لانــذال رفقتـهـا مهـونـه وتقـصـيـر
وتِكثـر عنـا نفسـك وتكِثـر حسفهـا

فالرفقـه اللـي ماتدلـك علـى خيـر
آلــلّــه يلـعـنـهـا ويـلـعــن جـدفـهــا

ولا تـــرادع جاهـلـيـن المـحـاضـيـر
ولو تعترض لك كلمة اللاش طفهـا

واحفظ السانـك لـو بلـوك المعاثيـر
الكلـمـه الـلـي دون مـيـزان خفـهـا

يـجـوز تـرمـي كـلـمـة دون تفـكـيـر
والصبـح سـودان القلـوب اتخطفهـا

واصـدر ليامـا عفـت صـدارت ابعـيـر
لاترتجيـهـا واطـلـب الله خلفـهـا

وتـرا النصيـب يصيـب مافيـه تغييـر
لــو تجـبـد امــواج البـحـر وتغرفـهـا

وعـذر الرجـال الوافيـه خلـه ايصيـر
ابـيــك تـعـذرهـا وتـقـبـل وسـفـهـا

العـذر يقـبـل لاحـصـل فـيـه تبـريـر
امـن الرجـال اللـي صريـحٍ هدفـهـا

في كـل شـي قـد تجـوز المعاذيـر
الا علـى اعـراض الرجـال وشرفهـا

اقولهـا وانــا الــذي سلـوتـي غـيـر
البعـد عـن ضيـق البـيـوت وكنفـهـا

اسـج فـي خبـت كستـه النواويـر
حيثـه ظفـر روحـي وحيثـه نصفهـا

واسواق الاسهم والذهب والدنانير
لـو سلموهـا فـي يـديّ اصطرفـهـا

ينوبهـا ملـحـاٍ مــن ابــل المناصـيـر
ارعابـهـا زهــر الفـيـاض وقطـفـهـا








الشاعر عبدالرحمن بن بديع

رد: فوق هام السحب ( الشعر الشعبي) على متن القوافي
 

لوجيهنا قيمة ولصدورنا غيب
ما الله خلقنا ريشة في عجاجة

للطيب طيب وللمودة تراحيب
وللجد حد وللسماجة سماجة

ابعد عن اللي لا زعل ينكر الطيب
اللي تقلب عشرته مع مزاجه

ان راق رقاها طوال المراقيب
وان ضاق ضيقها على ادناة حاجة

ماهو صحيبن لي ولاني له صحيب
حتى لو انا كل يوم نتواجه

احرص على اللي خوته حوة الذيب
لماح دماح طليقن حجاجه

يفز لام نجت منك المناديب
ويجلي عمس عين الخوي وانزعاجه

يستر رفيقه عن كبار العذاريب
ويعرف مداخيله ويعرف خراجه

جربت في الاصحاب كل الأساليب
ولقيت معظمهم سواة الخواجه

اما لقى عندك متاع وملي جيب
ولا يبيعك بيع شاوي نعاجه

رفقة فلس ما من وراها مكاسيب
تبي لا حمية الأيام ساجه

في كل يوم كاسب له معازيب
واللي قضى من درب الاشغال ماجه

ولا حزامي في الليال المعاصيب
روس الرجال وعز راسي وتاجه

محازم مافي فشقها مكاذيب
ونار يشب الجار منها سراجه

افخر بهم ما تطلع الشمس وتغيب
واعينهم واسدهم في المواجه

ولاني على الزلة قريب محاضيب
حر على روس الطوال دراجه

اعامل العالم بحنكة وتهذيب
واشوم عن بعض الحكي واللجاجة

وان شفت عوج الاش صديت
ماني بمكلوف اعدل ميلته وانعواجه

وليا وردنا صافيات المشاريب
نشرب قراح الماء ونترك هماجه



ناصر الرزيني

رد: فوق هام السحب ( الشعر الشعبي) على متن القوافي
 

هكذا الإنسان عقله والشعور
الأماني حلم والواقع مخيف

من تحلى بالثقه قالوا غرور
ومن تواضع للبشر قالوا ضعيف

رد: فوق هام السحب ( الشعر الشعبي) على متن القوافي
 

كالطير فرقت الدموع بخفية
مثل المداد على القصيد فأوجعك

يا مسكني و سكينتي وسكوني
قد جف حبري في القصيد مطلعك

كيف الحديث عن العيون وعشقها
فاق الكلام بلاغة فأخضعك

عجز اللسان عن الكلام بوصفها
فالنور نور و النجوم ملمعك

كل الحروف لوصفك تترنم
ماذا فعلت لكي أنال مرجعك

فالليل أظلم في سواد عيونها
فأنارت القلب الضعيف و أخشعك

سبع عجاف بالليالي موجعة
فلرب وصل بالفؤاد أدمعك

كيف الفراق والعيون أدمعت
شوقا وحزنا فالقلب مودعك

كيف النجاة من العيون وسجنُها
قد ضمد الجرح العميق و أخضعك

يا ويلتي ليت الغرام يكفه
لكنه قتل الفؤاد مدمعك

أضغاث أيام أيا قمري أنا
فلرب وصل في الفؤاد مرجعك

رد: فوق هام السحب ( الشعر الشعبي) على متن القوافي
 

يارب تفرج هم من كان مهموم
وتشفي مريضٍ يسهر الليل مانام

وتلم شمل اللي من البعد مكلوم
وتعصم جوارحنا من ذنوب وآثام

رد: فوق هام السحب ( الشعر الشعبي) على متن القوافي
 

الـجـاهل احـذر لا تجـادلـه يـبلاك
في كـلـمة بين الـمخاليـق تعميك

والهرجة العوجا لو أنه تنصاك
حاول تجاهلها وخله تعديك

ولا تخيب هقوة اللي تـهقواك
مادام جاء بين المخاليق ناصيك

واحـذر تـهـزا يـافـتـى بخلق مولاك
تشوفها باقرب قريبٍ يوالـيك

ولاتفرح بزودٍ على الحق وإن جاك
زودك ترى نقصٍ على حق ذوليـك



أحمد العريفي

رد: فوق هام السحب ( الشعر الشعبي) على متن القوافي
 

ياليتني ماشفت زولك ولا جيت
دربك ولا شافت عيوني عيونك

ليتي معك بالمعرفة ما تماديت
ليت الظروف وسود الأيام دونك

من قبل أشوفك ليتني عنك صديت
قبل تمكن بالضماير طعونك

الوقت ما جالي على ما تمنيت
خلن بحالي ما ترجيت عونك

يا زين من طول المشاوير مليت
يا مشغل قلب شقا فيك هونك

وين أنت أنا لك تالي الليل ناديت
حتى السهر ماله حلاة بدونك



عبدالله العليوي

رد: فوق هام السحب ( الشعر الشعبي) على متن القوافي
 

‏يآ هلا ومية هلا يآ رحـب ومية رحب
الرحب تنقل رحب والهلا تـنقـل هلا

لين تاصل غاية امناك يا اغلى من نحب
ان سـلا قـلبك مـن الحــب ولّـا ! مـا ســلا

شوفتك عـندي بسـاتين واطــلـال وسحب
ووحشتك يوم ابتعد عنك يـا دافـع البلا



سعد بن جدلان

رد: فوق هام السحب ( الشعر الشعبي) على متن القوافي
 

‏لاتوصي الطيّب على ماقف الطيب
‏اللي على كبار المواقف تعود

‏ولا تخاوي اللي مايعرف المواجيب
‏يمشي معك وأن صمّل العلم عود

رد: فوق هام السحب ( الشعر الشعبي) على متن القوافي
 

‏مال الكسور بخاطر الوجد جابر
‏ومال الدموع بحاجر العين مرما

‏صدورنا لصكات بقعا .. مقابر
‏وافواهنا عن ذكر الاوجاع طرما

رد: فوق هام السحب ( الشعر الشعبي) على متن القوافي
 

ما يمدح الرجـال بالشكـل واللـون
ابحث معه لينك تعـرف القريحـة

تراك تعرف عنه وأنتـم تهرجـون
يبين لك من كـل جـودٍ نضيحـه

المستريح اللي من الشـك مأمـون
مع كل خلـق الله علومـه مليحـة

كم واحدٍ حيٍ لـه النـاس يثنـون
وإلى توفـى قـالـوا الله يبيـحـه

وكم واحد لو هو با الألحاد مدفـون
ذكراه عند الناس بيضـا صفيحـة

وكم واحدٍ يجمع ملاييـن وخـزون
مـالٍ تنميـه اليديـن الشحيـحـة

لا تشكره رملا ولا فـك مديـون
ولا حل مشكلة النطيـح ونطيحـة

ولا له على جاره من الفضل ماعون
لو إن جيرانـه تشـوف الذبيحـة

وكم واحدٍ جيران بيتـه يحمـدون
للجـار ريـف وللجماعـة منيحـة

وكم واحدٍ منه العـوادي يخافـون
زبن المخيف اللي كثيـر فحيحـه

ربعه نهار الضيـق فيـه يتـذرون
لاجا نهـارٍ فيـه لجـه وصيحـة

وبعض الرجال بهم شريفين وعفون
كل علـى ماقـال يرجـع لكيحـه

وبعض الرجال بضحكهم يستغلـون
يجيبها مـن نـوع زلقـة بطيحـة

هذاك بين له من الهـرج مدفـون
خلـه إلا شافـك يزيـن سميحـه

الهرج لـه نقـال والـرد للشـون
مزح الجزع يثـر بكبـدك جريحـه

هذا وأنا ماني من الناس ملسـون
لا شك أرفض مـن تزايـد جميحـه

قلته وكل الناس غيـري يقولـون
راع الظليمـة لا تباطـى مطيحـه


مرشد البذال

رد: فوق هام السحب ( الشعر الشعبي) على متن القوافي
 

لليل أحبك ما بقى في السما نور
وإلي ضواني الليل للصبح أحبك

واللحظة اللي كلها صد وغرور
أشوف قبري بين عينك وقلبك

في صدري اسراجٍ حزين ومكسور
رغم المطر والريح شلته افدربك

والله ما به غير لوعاتي قصور
وخوفي عليك الله ربي وربك

إلى متى ببني على صمتك جسور
لاحيرتني أسباب سلمك وحربك

العمر أحبك ما بقي فيني شعور
ومتى جفاني العمر وشلون أحبك


الأمير بدر بن عبدالمحسن

رد: فوق هام السحب ( الشعر الشعبي) على متن القوافي
 

الحقوق الي على الرجْل مافيها عَفو
ما يكفّر في خطاها .. صيام ولا فِدي

لايغرّك ضحكة أهل السنون ليا صِفو
ماهي بدايم سلامات وبِساط أحمدي

والله إن اللي يعاديك ويشوفك كفو ؟
أبرك من اللي يجاملْك ويشوفك ردي


فالح الغنامي

رد: فوق هام السحب ( الشعر الشعبي) على متن القوافي
 

القبور الي تجهز وحنا غافلين
والمنايا من ورانا سوات العاديات

مابنينا شي للآخره يالله تعيـن
لجل ذلك نكـره المـوت ونحب الحياة