رد: اخترنا لكم
 

تربينا على العز وكـلن عـلى مـرباه
عشقنا المباديء ماعشقنا مصالحنا

.....

رد: اخترنا لكم
 

ياشين طعم الصبر لا صرتَ مجبور
تصبر ولا تدريْ وش الايـام تعطيكُ

.....

رد: اخترنا لكم
 

لا تتعب ورى اللي ماورى عرفهم نوماس
ولا تستحي من ناس مهيب مستحيه

لو أن الحيا مثل الشعر في وجيه الناس
لقيت أكثر العالم لا شارب ولا لحيه

.....

رد: اخترنا لكم
 

ماتنشري روس الرياجيل بفلوس
ماينشرى بالمال غيــــر البهايــم

لا قوه امريكا ولا قــوه الـــروس
تقـــدر علي اللي يملكون العزايم

.....

رد: اخترنا لكم
 

تغريك حاجه وتلقى من وراها ضما
‏بعض التسرع يحط الناس في مشكله

‏ماكل من ضاع فالدنيا فعينه عما
‏بعض العيون السليمه دربها تجهله

.....

رد: اخترنا لكم
 

كلنـا جينا على تسعه شھور
‏وكلنا في الملتقى يوم الحساب
‏
‏لا تكابر ما على الدنيا غرور
‏الكبير الله ومرجعنا تـراب

.....

رد: اخترنا لكم
 

أحر من وقع السيوف وأشد من طعن الرماح
لاصار فيك الهم باين وانت صامل تنكره

.....

رد: اخترنا لكم
 

انت لي في صبح الأشواق تعديلة مزاج
كن صوتك لصبح الصبح فنجال اقهوه

.....

رد: اخترنا لكم
 

مالك من ايامك الا صالح اعمالك
‏والا انت جثهّ واعز الناس يدفنها

.....

رد: اخترنا لكم
 

صبرك على الدنيا ولا منة الناس
خلك سما ومن القدر لا تضيق

من طاح في الدنيا وهو رافع الراس
ماطاح قدره من ععيون الخلايق

.....

رد: اخترنا لكم
 

متسيده وسط القلوبُ النظيفات
شيخه وبنت شيوخ عفا حشيمة

ماني من اللي يلتفت للتفاهات
أنا على روس العذارى عظيمة

.....

رد: اخترنا لكم
 

تغريك حاجه وتلقى من وراها ضما
‏بعض التسرع يحط الناس في مشكله

‏ماكل من ضاع فالدنيا فعينه عما
‏بعض العيون السليمه دربها تجهله

.....

رد: اخترنا لكم
 

ماهو بكفو الوقت حبك يمحيّه
‏ياللي تخاف صروف الأيام تمحاه

‏إرتاح دام إن المواصل يقويه
‏أنت أنت وأنا أنا وقلبي هو إياه

حتى ولو بتغيب ذكراك تكفيه
يا واحدٍ تكفي عن الناس ذكراه

وصلك يخيط الصدر والبعد يفريه
ويابري حالي كان صديت برياه

.....

رد: اخترنا لكم
 

‏انت حبك كنّه الحكم السعودي
‏ثبّته عبدالعزيز ولا تغيّر 🇸🇦

.....

رد: اخترنا لكم
 

دنياك ماتمشي على الكيف دايم
بين الفرح والضيق حلوه ومرّه

مرٍ تذوقك العناء والهزريم
ومرٍ تعيشك الهناء والمسسرّه

.....

رد: اخترنا لكم
 

الترفـه اللي ملامحها خيـاليـه
لا سولفـت لـي بديت أحن لسكوتي

إن زعلت خلت اللهجـه محليـه
وإن روقـت سولفت شامي وبيروتي

.....

رد: اخترنا لكم
 

خُلِقنا مؤنساتٍ لا نكدَ فينا
والنكدُ تهمةٌ فيها ابتُلينا

.....

رد: اخترنا لكم
 

‏في زمان العولمه خلك حيادي
‏لا تطيع اللي مباديهم وضيعه

‏شرع ربي حكّمه لا شفت غادي
‏لا تهاون فِي الحدود اللي منيعه

.....

رد: اخترنا لكم
 

الطيب للإنسان مثل الوداعه
يستخدمه لمكافحة بعض الامراض

واكبر مرض واجب عليه انتزاعه
الحقد والغيبه وتشويه الاعراض

.....

رد: اخترنا لكم
 

رَأيتُ بِحُلمي إنّنا إلتَقينا
مُصَادَفةً حُلوةً فِي الزِّحَامْ

حَديثٌ قَصيرٌ جَرى بَينَّنا
سُؤالٌ عَنِ الحَالِ ثُمَّ سَلامْ

وإمّا العُيونُ فَقالَت كَثيرًا
وَأزهَرَ قَلبي لِوِقعِ الكَلامْ

فَليتَ اللِقاءَ يَكونُ يَقينًا
وَليتَ الفِراقَ حَديثُ المَنامْ

.....

رد: اخترنا لكم
 

‏لولا الحياء ما أسلم ألا باليسار
على وجيةٍ لاتصان ولا تصون

.....

رد: اخترنا لكم
 

‏الوقوف اللي مابين التراجع والرحيل
‏أكرهـه كره اليتامى لسور المقبره

.....

رد: اخترنا لكم
 

اخذ مابقى ويّاك وارحَل عساك تحَس
‏تخيلني اني حلَم لو مت ماطلته

‏انا ودّي اسامح واراضي غروري بسَ
‏عفى الله عنّك مابقى شيَ ما قلته

.....

رد: اخترنا لكم
 

‏أنتي من أعطيتي أسراب الحمام الهديل
‏وأنتي من أهديتي الليل العتيم القمر
‏‌ ㅤ
‏رفيقة الدرب لاشان الطريق الطويل
‏وصديقة الليل لاطابت ليال السمر

.....

رد: اخترنا لكم
 

كنت أقول إن المشاعر عنك توبتها نصوحه
‏وأثرها عمرٍ مايعطى فيه عهد ولا ضمانه

‏الغلا في كل يوم يطيح صرحٍ من صروحه
‏إدرك اللي باقي من الحب قبل يفوت أوانه

‏لا تحملك الخطايا هم عذر ولا سموحه
‏أرجع انت وكل شيٍ فات يرجع في مكانه

.....

رد: اخترنا لكم
 

وجيه العابرين تمرّني ما تلفت الانظار
‏مدامك لافت انظار القصيد ولافت انظاري

‏انا كل اللي اعرفه احبك حُب باستمرار
‏واشوفك راحة ايامي واشوفك اجمل اقداري

.....

رد: اخترنا لكم
 

‏عليه من الملامة مايصحح غلطة المخطين
‏وأنا بسقي نوابت ضيقتي بأسوء قراراتي

‏بصد وبشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏ابشبع رغبة الهجران فيني واتمادی لین
‏احس اني على كثر ابتعادي مرضي ٍذاتي

.....

رد: اخترنا لكم
 

الهبايب وجّهت ذعذاعها والشوق ذعذع
‏ليت ياقلبي معك قدره لذعذاع الهبايب

‏لايهمك ياقفص صدري لو ان الهم يجذع
‏كل ضلعٍ من جذوره مع عدم ذكر السبايب

‏المحبه شي فطري ومعطيات الحب تلذع
‏والمحب بمنتصف عمره تشوفه كنه شايب

.....

رد: اخترنا لكم
 

رغم مفهومي للأرض وديرتي وترابي
‏الوطن يمكن يكون انسان والا انسانة

‏في محطات القطار اخر فصول كتابي
‏ماحسبت حساب عمري لين فات اوانه

‏وينه اللي كل ما ضاقت علي رحابي
‏أترك الدنيا وأهلها وأرتمي فأحضانه

.....

رد: اخترنا لكم
 

‏بعض الغياب يعلمك كيف تشتاق
وبعض الغياب يعلمك من يودك

وانا ترى قلبي من الشوق خفاق
والبال سارح طول الاوقات عندك

وينك حبيبي هدني كثر الافراق
وكثر البعاد وكثر هجرك وصدك

ليتك تحس بناري اللي بالاعماق
والله ما تبخل عليا بردك

.....

رد: اخترنا لكم
 

‏ما اشوف في دنياي غيرك ضروري
‏لقيت بك عقب الشقى زود الأوناس

‏يضيق بالي يوم افكر بأموري
‏وانسى الشقى لامن ذكرتك والاتعاس

‏لارضـاك يا نوار عمري ونـوري
‏هرجت عذولي تحت الأقدام تنداس

.....

رد: اخترنا لكم
 

والله إني زاهدٍ في غير وجهك لو تباعد
‏بيني وبينك سهوم الحظ ورماح المنيّه

.....

رد: اخترنا لكم
 

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظً قلبي من العابثين وصاينه

.....

رد: اخترنا لكم
 

‏لا تلوم اللي لقى فيك السرور
‏لا قصر صوته وطوّل في النظر

‏في عيونك لمعة احساس وشعور
‏تشبه الشارع بعد رش المطر 🌧️

.....

رد: اخترنا لكم
 

‏سواليفك ونظراتك وضحكة محيّاك
‏يا ليت الزمان ابطى بها والفرص واتت

‏محبتّك في قلبي مثل لحظة الإدراك
‏ليا فاتت وحسيت فيها بعد فاتت

.....

رد: اخترنا لكم
 

عسى مدهال ملهوف الحشا للرايح الصباب
‏ يصب من الوله ويعانق المحبوب محبوبه

‏كلام الحب وعيون القصيد ونظرة الإعجاب
‏تناقلها القلوب الخالية وتروح مجلوبه

‏ونور الشمس والماء والظمأ والريح والترحاب
‏فدا للجادل اللي من زلال الغيم مصبوبه

‏تقول الآدمي قلبه رهيف إن حب حن وذاب
‏وأقول القلب راح قلادةٍ في عنق رعبوبه

‏عنودٍ كل يوم أقرأ عليها صفحتين كتاب
‏وهي سطرٍ من سطور الكتاب وثامن إعجوبه

‏مضى عمري على طرد الهوى وأثر الهوى غلاب
‏وأنا راضي أعيد حكايته وأعاود ذنوبه

‏ما عندي للقصيد الا الجروح اللي من الأحباب
‏ ولا عندي جديد الا الغرام وتالي دروبه

‏حديثي في تفاصيل الحياة وكل فصل وباب
‏والأجدر بالحديث إن نعمة النسيان مسلوبه

‏يا كثري يوم أوزع بسمتي في شارع الغياب
‏ويا قلي يوم أحاول حاجةٍ ماهيب مكتوبه

‏الأحداث الأخيرة كلها حيرة وحرب أعصاب
‏وقلبٍ ما يرجعه لحياته غير مطلوبه

‏أوقف كل ما هب الهوى في عالي المرقاب
‏وأغني مثل من عدى الرقيبه راس مشذوبه

‏وش يطمنك من بعد الجفا يا قلبي المرتاب
‏وأنا شاعر يشوف البيد بيته والقلق ثوبه

.....

رد: اخترنا لكم
 

صعب نسيان الملامح ونسيان الصفات
‏أصعب من الليلة اللي خذتك أقدارها

‏مثل مالك في عيوني طيوفٍ ماتبات
‏لك ورى صدري مدينة تشع أنوارها

‏روحي اللي كانت تشوف فيك الأمنيات
‏كل ما هبّ الهوى الصلف ثار غبارها

‏لو تطيح أركانها الواقفة . . وقفة ثبات
‏ما تطيح الصورة العالقة فجدارها

.....

رد: اخترنا لكم
 

الجادل اللي تربيتها وافية عند الرجال
تشربت كل العوايد والسلوم الغالية

العمر كله شامخة ونايفة مثل الجبال
ما اهتز منها ركن ما دامت منيفة عالية

نجود الفيصل

رد: اخترنا لكم
 

هات الحطب ما عاد لأوجاعنا نوم
بدا يطول الليل ويضيق صدري

شفني اشيل حمول واطيح واقوم
الأرض فوقي والسماوات حدري

أثر الزمن فتاك وعزومي عزوم
توك تلاحظ كيف أصاليه بدري

البارحة راحت هواجيس وهموم
من رجع إحساس المعاناه مدري

.....

رد: اخترنا لكم
 

‏تبعـد على عيني وباقـي في القلب
وسط الخفوق اللي ذبحها التنهات

غالي ومايعلـم غلاتك سوى الرب
اللي زرع حبك معي داخـل الذات

مهما افترقنا يا حياتـي في الدرب
ذكرك مساير خافقي كل الاوقات

واتذكرك دايم ولا انساك ياحب
وطيفك بروحي ما فارقني ولامات

.....