|
رد: فوق هام السحب ( الشعر الشعبي) على متن القوافي
قالت بروح وقلت يابنت الحلال
الصبر قالت من عرفتك صابره قلت الوصل قالت مللت امن الوصال قلت الغلا قالت غلاك وخابره لكن انا بروح مافيها جدال مريت قلبك واعتبرني عابره .... |
رد: فوق هام السحب ( الشعر الشعبي) على متن القوافي
قد قُلتها لك يازمن مالك أمان
من يأمنك يخسر ويندم بالأخير واللي طغىٰ خلّيه يرجع بالزمان ينظر إلىٰ من كان قبله والمصير فرعون والنمرود كانوا آيتان عِبرة وموعضه لمن قلبه منير بعض البشر قد يعتقد أنّه مصان فـي هذهِ الدنيا لهُ شأنٌ كبير وفي النهاية سوف يبقىٰ هو مهان يلقىٰ مصيره حينها صاغر كسير والحقّ واضح ياعديم الإتّزان لاترتجف تبقىٰ معَ القوم الخسير خلّيك ثابت بالهدىٰ عند الهوان واصبر علىٰ بلواك بالوقت العسير واللي صبر هو فاز بعد الأمتحان واللي كفر هو سوف يلظىٰ بالسعير حدّد مسارك أين والله المستعان كل من عليها نحو حتفه بيسير .... |
رد: فوق هام السحب ( الشعر الشعبي) على متن القوافي
يامن وجودك في حسابي ضروره
لولا وجودك في حسابي حذفته اشـوف روحي فيك في كل صوره وليتك تشوف اللي انا فيك شفته .... |
رد: فوق هام السحب ( الشعر الشعبي) على متن القوافي
كيف بالله بنسى والجروح جداد
وذكرياتٍ مازال يمر مقطعها ليت كل الكلام اللي تقول يعاد وليتها دايم تسولف وأنا أسمعها مدة الوقت ماكانت على المعتاد ليه وارف غصون الوصل تقطعها علموه إني أراوي على المعواد وفرصة العمر جعله مايضيعها .... |
رد: فوق هام السحب ( الشعر الشعبي) على متن القوافي
ثاريها الضنون تخيب وتخيب
ايد على الصور والثانيه تعيب وبس الماي يكسر جنح الرماد نفرض شگگتهن خاف ماطيب شگ الثوب فوگ الميت شفاد شعر عراقي |
رد: فوق هام السحب ( الشعر الشعبي) على متن القوافي
وش حيلة اللي شاف بعيونك بلد
ولو غابت عيونك يحس انه غريب مافوق قدرك يا بعد عمري احد ومابعد حبك ياضيا عيني حبيب .... |
رد: فوق هام السحب ( الشعر الشعبي) على متن القوافي
اذا غدرت من كل فج ونهج واسناع
فطنب خيام الرأي باوتاد مشروعة على مذهب البدوان ماشي ذياب جياع ولا الذيب يعدي في مراعيه وأربوعه زمانك اذا حدك على البيع لاتنباع ولا تنحني دام السماوات مرفوعة وعش بالعزيمة والوفاء والرجال طباع والاجال بيد الله ماهي بمقطوعه بقلمي |
رد: فوق هام السحب ( الشعر الشعبي) على متن القوافي
ياباقي العمر دنيا الناس خداعة
تجري سفنها ولا نعرف مراسيها تطوي من أعمارنا باليوم والساعة والعالم الله كيف نعيش باقيها يالله بحسن الختام وصادق الطاعة وأعمال تبقى تبيض وجه راعيها .... |
رد: فوق هام السحب ( الشعر الشعبي) على متن القوافي
بالنور والسجده ومريم والفلق
والحشر والدخان ثم الواقعه والنجم والطارق وعزة من خلق ونون والفرقان ثم القارعه الحق مثل الشمس واللي ما نطق بالحق ما عنده كرامه نابعه عز الرجال اخلاقها والحق حق وفرق ما بين القرون الرادعه هل يستوي أهل الشهامه والدنق وشم النواصي والنفوس الخانعه وهل يستوي أهل التعفف والسرق واهل الوجيه المسفره والناصعه اقسم بمن شق الحيود السود شق العز في عز النفوس القانعه واحنا على عهد الوفاء لاخر رمق حتى تقوم الراجفه والنازعه .... |
رد: فوق هام السحب ( الشعر الشعبي) على متن القوافي
لك من مسائي سحابة بالغلا تمطر
ولَك من حياتي دروب الورد تمشيها يافزّة القلب وأحلا من حلا السكر اي والله إنك عروقي ومن يغذِّيها .... |
رد: فوق هام السحب ( الشعر الشعبي) على متن القوافي
اغيب لاكني مع الناس موجود
وعلاقتي بالناس جداً لطيفه غضيت طرف العين عن كل منقود وخاويت بيضان القلوب النظيفه بقلمي |
رد: فوق هام السحب ( الشعر الشعبي) على متن القوافي
مؤمن بالقدر والصبر اتخاذي
مابعد ضيق الصدور إلا سعتها وش يحزن خاطري والأرض هذي كل حي ٍفوقها يرجع تحتها .... |
رد: فوق هام السحب ( الشعر الشعبي) على متن القوافي
جيت المكان اللي لنا فيه ذكرى
قلت اتسلا عن غيابك بذكراك ماني لحالي فاقدك واتحرى حتى المكان اللي جمعنا تحراك .... |
رد: فوق هام السحب ( الشعر الشعبي) على متن القوافي
ياحلو عز النفس لو كان يفقرك
ويامر ذل النفس لو كان يغنيك احذر تواضع عند من لايوقرك واحذر تكبر عند من كان يغليك بقلمي |
رد: فوق هام السحب ( الشعر الشعبي) على متن القوافي
يالله ياللي بك مواثيق الآمال
ياخالق الدنيا ومحصي عددها يامن سجد وجهي لوجهك ولا زال يجني ثمار السجدة اللي سجدها أنا بوجهك من عنى الوقت لامال وشر القلوب المبغضات وحسدها .... |
رد: فوق هام السحب ( الشعر الشعبي) على متن القوافي
يارب وأنت بكل مافيني عليّم
سخر لي أصحاب النفوس الصافية لو شحت ظروفي فلا غيرك كريم وان جارت ذنوبي عساها خافيه عن كل ذنب أستغفر الله العظيم عن كل كسرة نفس أجر وعافية .... |
رد: فوق هام السحب ( الشعر الشعبي) على متن القوافي
لا تترك ضلوعي ويآكلني البرد
وأنت الدفا من ضمتك يحتويني عطني يدينك عطر وأنفاسك الورد وأعطيك قلبي يادفاي وحنيني ... |
رد: فوق هام السحب ( الشعر الشعبي) على متن القوافي
املا المكان بجمر شوقي و ادفيه
وأحس بإحساس الغلا مع طيوفه من كثر ماحبه ومن كثر ماغليه أحضن خياله واتلمس كفوفه .... |
رد: فوق هام السحب ( الشعر الشعبي) على متن القوافي
ياوجدحالي كل ماصحت لبيه
لبيه ياسارق غلا القلب كله ماغيرك اللي شرع القلب بيديه ولا غيرك اللي شد قلبي وتله .... |
رد: فوق هام السحب ( الشعر الشعبي) على متن القوافي
رسالتي لك...
لاتقهر أحد لتسعد نفسك ولا تظلم شخص لتبرر اخطائك حاول دائماً بناء سعادتك بعيد عن الم الناس بقلمي |
رد: فوق هام السحب ( الشعر الشعبي) على متن القوافي
لاجيت تقرا في قصيدي عبارات
لاتفسر المعنى على شي تبغيه ترا المهم انك تمعن بالابيات تقرا قصيدي ثم تفهم معانيه واعرف ترا مابين الابيات شارات قليل من يفهم من الناس خافيه .... |
رد: فوق هام السحب ( الشعر الشعبي) على متن القوافي
أبتسم للوقت واضحك للحياة
لايروح العمر في هم ونكد عيش يومك واحتسب للي وراه من يعد الوقت يبلش في العدد .... |
رد: فوق هام السحب ( الشعر الشعبي) على متن القوافي
القول والفعل غير الشوف والمنظر
ماكل من جاء بثوب الصدق صدّقته مايظهر الفرق بين الملح والسكر وتعرف الحالي الا ... لاتذوقته .... |
رد: فوق هام السحب ( الشعر الشعبي) على متن القوافي
تدري وش اجمل شي بعيون الانسان
انه يشوف انسان يسوى عيونه يعني تشوف الناس في كل الاحيان وتحس كل الكون غايب بدونه .... |
رد: فوق هام السحب ( الشعر الشعبي) على متن القوافي
لك الله ياقلبٍ تعاين بك الجراح
حداك الزمان وغير الوقت دقاتك عقب منت خالي من هموم الشقا مرتاح تمايل بك ايامك على عكس مشهاتك تصبرت لين الجرح عمّر وزاد اجراح وحظك تردى في طموحك وهقواتك سلامات والايام ماترجع اللي راح تصبّر ولو زيفت واقع معاناتك .... |
رد: فوق هام السحب ( الشعر الشعبي) على متن القوافي
كل البشَر مافيهمِ انسان كامل
الكل منا عنده أخطاه و ذنوب واكبر خَطأ فيّ الـناس سوءْ التعامل واكبر ذنوب الناس تذنبْ ولا تتوب بقلمي |
رد: فوق هام السحب ( الشعر الشعبي) على متن القوافي
القلب وش خلاه مخنوق الانفاس
بين الضلوع العوج ينزف وريده الا الفراق وغربة الناس للناس وبعض السوالف والعلوم المكيده .... |
رد: فوق هام السحب ( الشعر الشعبي) على متن القوافي
ياصاحبي لايضايقك الزمان وغثاه
الامر لامن قسى لابد بانه يلين اصبر على ما ابتلاك الله واشكر عطاه بشارة الله لنا .. { وبشر الصّابرين } بقلمي |
رد: فوق هام السحب ( الشعر الشعبي) على متن القوافي
سولف عساني ما افقدك في حياتي
سولف وبادلني شعورك و الاشواق سولف وريح خاطري ياغناتي سولف وطفي ناري اللي بالاعماق سولف ورب البيت هرجك هواتي سولف كلامك ذوق مابعده اذواق سولف واسعدني واجمـع شتاتي سولف انا لك يالغلا حيل مشتاق .... |
رد: فوق هام السحب ( الشعر الشعبي) على متن القوافي
أربع تسر النفس وتجيـب ارتياح
صوت المطر والثانيه شوف الربيع والثالثه لاقيل حيّ للفلاح والرابعه خوّة هل الصدر الوسيع ذائقة |
رد: فوق هام السحب ( الشعر الشعبي) على متن القوافي
حنا كذا صافين دايم ووافين
ما عندنا فالناس نية خباثه الطيب والمعروف والصدق والدين والجود والاخلاق فينا وراثه اصحابنا سبعين مدري ثمانين والصادقين ثنين مدري ثلاثه .... |
رد: فوق هام السحب ( الشعر الشعبي) على متن القوافي
طيب اذا قلبي انا مو مكفيك
وش ودك اكثر طيب الله فالك وش ودك اكثر من محب يداريك قلبٍ سفطته فوق راحت دلالك قلبٍ وطا جمر البطا لاجل يرضيك قلبٍ مولع في سواد برا لك .... |
رد: فوق هام السحب ( الشعر الشعبي) على متن القوافي
ماكل من طاب في رأيه بطبعه يطيب
ولا كل من يدّعي حق التساوي سوي ولا كل من تعتزي به لانخيته يجيب ياقل من هو لحمل الكايدة يحتوي من عسرالأيام شاب الرأس قبل المشيب ومن حر جور الليالي عارضي مشتوي لقيت لي في غناة النفس وصفة طبيب ولقيت فالمكتفي بالذات دافع قوي .... |
رد: فوق هام السحب ( الشعر الشعبي) على متن القوافي
لاحـد يكلمني تـــرى خاطـــري شين
ونفسي من الضيقات تعبت وتاهت واوجـاع فينــي مختبيه وراء العين من جورها ماعاد لي العيــن نامت لاوين ياحـــظ الشقاء بــس لاوين لاوين تاخــذنا قـــد الروس شابت كل ما أنتظرنا للامــــل بيننا البين حظـي تعثــــر بـي والآمـال خابت .... |
رد: فوق هام السحب ( الشعر الشعبي) على متن القوافي
ليت الهـوى ياشـوق يسمحلي القاك
وآخفيك من شوف البشر في عروقي وآروي ضمــاَ قلبـــــي بطلة محياك واذوب فـي لقياك ياشــــوق شوقي والله انـــــي كــل لحظــــــه تمناك والشوق لك فالروح محرق خفوقي ودايم على بالي وطيفـــك وذكراك يسـري بدمـــي يا الغــلا في عروقي .... |
رد: فوق هام السحب ( الشعر الشعبي) على متن القوافي
انـا مـدينه بـاالغلا والـوفا اســـوار
فـيها معـالم قيــمتك مــع غـــلاتك انت الغـلا والحـب واشـواقي امـطار وكـل الوصـوف النـادره مـن صـفاتك وانـت ربـيع القـلب لاعــاد تحـتـار ولا عـاد يـاروحــي تشـك بـــغلاتك انت الوحيد اللـي لـه الجـوف مـقدار وانـت الوحيد اللـي حيــاتي حـياتـك تـعال بـمزونك عسـى تنـبت ازهـار وينـبت نـباته مـثل منــبت نبــاتــك انـت وقـلبك وسـط ذاتـي لكـم كـار وانـا وقلـبي يـاالغلا وسـط ذاتـــك زفـيت لـك كـل المشـاعر بالاشـعار لاعــاد تجــهل عطـرها يـوم جــاتك .... |
رد: فوق هام السحب ( الشعر الشعبي) على متن القوافي
حيّ العــيون اللي بـكـتني وانا حـيّ
سـبة غيـاب وحين فرحـة حضـوري ماهي من اللي دربـها الزيـف والـغيّ ولا هي مـن الـلي للـولايـف غــدوري اللي بصـدق احسـاس للولـف تـرهيّ وتفتـح له ابـواب الفَـرَح والسـروري يا فـرحــة الظـميـان اذا لـقي الـميّ حي الحضــور اللي يـداهـم غـروري .... |
رد: فوق هام السحب ( الشعر الشعبي) على متن القوافي
مقباس نار الوفاء مضمون من زندي
والا الـفـتن نـارهـا صمـتـي يطفيها الكلمه اللي في وجهي ردهـا عـنـدي والكلمه اللي وراي في وجــه راعيها بقلمي |
رد: فوق هام السحب ( الشعر الشعبي) على متن القوافي
سلام والمنطق من الله وهايب
لاتقوللي والله من الناس عانيت الناس دايم بين مخطي وصايب فيهم حكيم الرآي وفيهم عفاريت خلك على ماقيل فوق السحايب واترك طمان القاع ياطيب الصيت عيش الحياه وفالك اليوم طايب ماينفعك ياصاحبي قول ياليت .... |
رد: فوق هام السحب ( الشعر الشعبي) على متن القوافي
اتخيّل وجهك الزين وامسّي عليه
كل وجه غير وجهك مايغري ناظري انت من حبّه خذاني من العالم اليه وانت من شوفة محياه سلوة خاطري .... |
| الساعة الآن 03:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية