رد: فوق هام السحب ( الشعر الشعبي) على متن القوافي
 

‏ما عاد لي في تـالي العمر حاجـه
إلا صـلاةٍ مع جـمـوع الـمصلـيـن

سـتـيــن عـام وكنـنـا في عجاجـه
نركض ورا الدنيا مع الناس لاهين

راح الشبـاب وراح وقت ابتـهاجـه
والشيب لاح بعارضي والكبر شين

وبان الظهر لا قمت فيه إعواججه
وصار النظر مهب بعيدٍ عن العين

بديوي الوقداني

رد: فوق هام السحب ( الشعر الشعبي) على متن القوافي
 

‏سمعت لي كلمةٍ مدري وش أقصاها
حزت بنفسي وأنا مانيب هارجها

ْلو كل كلمة اليا جتنا طردناها
بعنا الثمينه بسعرٍ ما يخارجها

ْلو مرت السمع ما كنا سمعناها
ونقفل الـراس عـنها لا يبرمجها

ومن يم هذا لهذا ما نقلناها
والناس واجد وتلقى من يروجها


عبدالله بن زويبن

رد: فوق هام السحب ( الشعر الشعبي) على متن القوافي
 

في خاطري شي ماظني حد حس فيه
البارحه عبرتي فالصدر كنيتها

ودي بواحد يسولف لي واسولف عليه
من دون ماحدد الحزه وتوقيتها

مندبلةٍ كبدي من الشعر من دون ليه
ياشلة اسلم ترى اسلم ذي مليتها

ودي بـ عزله عن الواقع وبعض الوجيه
مليت اجامل وجيه اضيق لاريتها


......

رد: فوق هام السحب ( الشعر الشعبي) على متن القوافي
 

تجي بعذرك المالح وهي جرحها مفتوح
تجنّبتها يوم الوفا ما تجنّبها

عليك السؤال الي من عيونها مطروح
وعليك الملامة من قبل لا تجاوبها

توّضح لك الواضح وتشرح لك المشروح
و على شي ماهو في يديها تحاسبها

بكت حر فقدك لو ضحك وجهها المملوح
لكَّن البقى فـ أيّامها مع قرايبها


......

رد: فوق هام السحب ( الشعر الشعبي) على متن القوافي
 

اعشق قصيده لاتهيض وغناه
واعشق تفاصيله واغني لحونه

هذاك لو يامرعلى القلب يفداه
اللي خذى قلبي وزلزل ركونه

اتخيله والقاه لو كنت مالقاه
واضمه بصدري واقبل عيونه


......

رد: فوق هام السحب ( الشعر الشعبي) على متن القوافي
 

تطمن يا حبيبي و الغلا ما يقبل التخمين
لا تنشدني عن أسباب المحبه وانت خابرها

بعد سجلتها باسمك و رسمك داخل القوسين
عسى القوسين عن نظرة عيون الناس تحصرها

صحيح قلوبنا ماهيب مصنوعه من الفلين
لكن ألين من الديباج الاملس في مشاعرها


......

رد: فوق هام السحب ( الشعر الشعبي) على متن القوافي
 

تباهي وغني واضحكي لا يهمك شي
لا مالت ظروفك فيك لك من يعدلها

بتلقين لك في جوف قلبي براد وفي
هنا منزلك والناس تعرف منازلها

ماتقدر تزعلك الليالي وراسي حي
لو تزعلك سود الليالي بزعلها

......

رد: فوق هام السحب ( الشعر الشعبي) على متن القوافي
 

‏يدور الشك بين الناس والأعمال بالنيّات

‏ويمر الواثق بنفسه عليهم ويتعداهم


بيت عن قصيدة

رد: فوق هام السحب ( الشعر الشعبي) على متن القوافي
 

اضحك مع الدنيا ترا العمر فاني
أن كان ماجاك الكبر جايك الموت

ونا أتمنا كأنها بتماني،،،
يارب جملني قبل فايت الفوت

......

رد: فوق هام السحب ( الشعر الشعبي) على متن القوافي
 

‏تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله نزاهة ضمير ورأي
يغيب الغياب اللي يخلّيه متواجد

لاتشره عليّ يوم أبتسم في وجيه عداي
محبّيني أكثر من معاديني بواجد

......