|
رد: فوق هام السحب ( الشعر الشعبي) على متن القوافي
تخطي وأجيك أعتذر كن الخطا منّي
متقمّص الدور وجروحي هي جروحي يهزمني الشوق لين أرضيك لو إني لاني براضي عليك ولا على روحي .... |
رد: فوق هام السحب ( الشعر الشعبي) على متن القوافي
حتى عشيري بعد ماراح مالدّ في
وانا احسب ان القصايد تاصل لمسمعه يوم الفراق استوى له قلت خلّه وعيّ لكنّه اختار باب البعد والله معه كنت احسب انّي بموت ان راح ماني بحي واثر الذهب ملمعه يبقى على ملمعه ماهو مخرّب مزاجي دامني ماعلي وموجّهٍ للحفر ومعقّب المجمعه .... |
رد: فوق هام السحب ( الشعر الشعبي) على متن القوافي
ياقمر لو تكتمل كل يوم وكل ليل
والله انك ماتسيّد على سيد الملاح الخليل اللي مابعده ولا قبله خليل هني من سجله معه في عقد النكاح والله ان جنسه وشكله مع العالم قليل ويش فيها من ذرابه وفيها من سماح ياجميله قدريني على رد الجميل وإقراء اذكار المساء واقرا اذكار الصباح .... |
رد: فوق هام السحب ( الشعر الشعبي) على متن القوافي
ياريم نجد العذيَّة للدروب الطوال
مسافةٍ يتعب الرحّال من طردها ماعلّمتك الأراضي والسماء والجبال عن صدفةٍ كم لي أرمي للمدى نردها لازلت أحبك وانا أحبك على كل حال وأخاف من ليلة الذكرى ومن بردها يومي بي الريح وإن هبّ الهوى من شمال ماعاد تعني لي القصة ولا سردها .... |
رد: فوق هام السحب ( الشعر الشعبي) على متن القوافي
ياوقت الفرح حتى لو انك وسيع بطان
اباخذ معك فنجــال واحد عن الشكه أنا والهموم اللــي تجيني ربع واخوان نسامر بعضنا مثل الاصحاب فالدكه ليا قال دجال السوالف يقول فلان عن اللي يقول خل صدرك حرم مكه .... |
رد: فوق هام السحب ( الشعر الشعبي) على متن القوافي
كل مانويت ابتعد واجزاء الغياب بغياب
ابلشني الشوق لين اشتقت وابلشتها اقرا رسايل غلا وارسل رسايل عْتاب وان وصلني رد طنّشته وطنّشتها بداية الحُب عذب ونصفه أعذب عذاب ونْهايته ودّك انك تموت ماعشتها .... |
رد: فوق هام السحب ( الشعر الشعبي) على متن القوافي
تسوق الطف أنسام الغلا ضحكة محياك
على روح من طالت عقوده وهو ضامي ياسبحان من خلاني أدورك والقاك وأشوف أبسط حقوقي معاك أكبر أحلامي لاتستغرب إن بعت الوجيه وشريت رضاك وأنا مرخص ليومٍ معك جملة أيامي تمثنى فجوج القلب وأسلى وسج خطاك على عين حاسد ضحكتي لك ولوّامي .... |
رد: فوق هام السحب ( الشعر الشعبي) على متن القوافي
أهَجر الساري ويوحشني قديم عْتابه
الغياب أسهل عليّ وأنا ما أعرْف أجادل وين أروح بْعيد يافجرٍ خذَا جلبابه من زمانٍ مِسدل مْن أسود عتيمه سادل وأنت تتعمَّد تراود غايبك فـ غْيابه مثل ماتتعمَّد إحراج الصغير الجادَل مايقصَّر عمر الإنسان أكثر مْن أحبابه والتشبّث والشعور اللي ماهو متبادل أوجَع مْن الشعر لانبَّش حزن كتَّابه وأكذب مْن الضحكة اللي في محيَّا النادل قلّ لطرفك لايناديني كسول أهدابه مبطي وما عادني بْـ داري أدلّ أو ما ادلّ ويش حبَّبني بـ فيضة موطنْك وتْرابه وأنت لاقاضي نزيه ولا أنت حاكم عادل .... |
رد: فوق هام السحب ( الشعر الشعبي) على متن القوافي
يجي الفرق مابين الرياجيل فـ الميراد
حدن يتبع الجره واحد يصنع الجره ترا أحياناً ضعيف الروابع حفيد أسياد يجي من ظهر حر ويجي من بطن حره لاكثرو معاديني أنا أستاهل الحساد لو أفشل ماعين لي معادين بالمره .... |
رد: فوق هام السحب ( الشعر الشعبي) على متن القوافي
طرقني غرامك ياجميل المزايا طرق
كما يطرق الحداد صيخٍ على جمره ترى الحب يسرق حال راع المحبه سرق خفايف خفايف لين يقضِي على عمره .... |
رد: فوق هام السحب ( الشعر الشعبي) على متن القوافي
انتِ المرباع والقايده والاتجاه
واخر الامال واكبر هدف واول طموح قبل اعرفك ماعرفت الوضيحي والمهاه ولا اعرف ورقاً تغني ولا ورقاً تنوح بايعً لـ اجلك حياتي وانا احب الحياه الحياه بدووونك اشر من روحٍ تروح .... |
رد: فوق هام السحب ( الشعر الشعبي) على متن القوافي
والله ان الغالي اللي صد وجهه عنا
لابغيت اروح صوبه نفسي الي عيّت كيف نركع للمقّفي في الحياة وحنا ماركعنا للمقفي في صلاة الميّت .... |
رد: فوق هام السحب ( الشعر الشعبي) على متن القوافي
عليك الغلا والشوق ينساق لك بإهدار
أساس المشاعر انت يا سيّد اشواقي فدا طلّتك قدامي الدار واهل الدار ابيع العمر كلّه فدا حْضورك الراقي أنا كلّما شفتك نبت فـ ضلوع ازهار دخيل العيون الناعسه ترخي وثاقي وش الحب لولا طلةٍ تخطف الانظار من المبسم الآسر مغيبي ومشراقي .... |
رد: فوق هام السحب ( الشعر الشعبي) على متن القوافي
انت عندي بدت العالم لحالك عالم
اتعايش فيه قدام الملا واعيشه والله إن عذرك سمين ورد عذرك والم وإن مواطيها على قلبي مواطي ريشه دامها ماهيب في الشكات راسك سالم اخير من الخوض في موضوعنا تطنيشه ماقدر اصخي بك سوا مظلوم ولا ظالم امحق ارضٍ تفقدك وامحق حياة وعيشه .... |
رد: فوق هام السحب ( الشعر الشعبي) على متن القوافي
تطول المساري مير راع الهوى مفضوح
عيون الطواري تنتبه له وهو سارح يصد الامان ويقبل الخوف والمجروح ماهو خايف من الجرح خايف من الجارح يقول الموادع بعض الاحيان طلعة روح واقول الحياة بكبرها ماتت البارح .... |
رد: فوق هام السحب ( الشعر الشعبي) على متن القوافي
ياسيّد الليل لاغابت مصابيحه
يمَّل بك انك على الهقوه ويمَّل بي والحب ماجض منه الا مجاريحه اللي هواهم عفيف وحظهم سلبي قد تبت منه وردّتني ملاويحه وانا على جرف وادنى مايميّل بي الله معك وان حداك الوقت للطيحه تحد كل الظروف وطح على قلبي .... |
رد: فوق هام السحب ( الشعر الشعبي) على متن القوافي
دام السماء لله ماضاقت الأرض
ماني من دروب المقادير جازع لي موعدٍ مع ليلةٍ نجمها الحظ أشوف فيها ماتمنيت واقع .... |
رد: فوق هام السحب ( الشعر الشعبي) على متن القوافي
الناس ماهم كل ابوهم مطانيخ
الله مقسمهم فصيلة فصيلة احيان تلقى لك قبيلة بلا شيخ واحيان تلقى شيخ يسوى قبيلة .... |
رد: فوق هام السحب ( الشعر الشعبي) على متن القوافي
ريح المطر ينعش صدورٍ مغاليق
والغيم يجعل كل مهموم رايق تباشروا بالخير كل المخاليق من يوم جاله في سمانا حقايق .... |
رد: فوق هام السحب ( الشعر الشعبي) على متن القوافي
صكوك الجمايل فـ النشاما مسن سيوف
مادام السنافي بين وقفة وترحيبة تقدم على درب القدا والعيون تشوف سهوم الليالي تخطي الكفو وتصيبه ترا شرهة اللي لاجمالة ولا معروف مثل منّة اللي ماعطى شي من جيبه .... |
رد: فوق هام السحب ( الشعر الشعبي) على متن القوافي
استانسو ترا الليالي زايله
ولا تكدركم تصاريف الحياه ماينفع المهموم همٍ شايله الرابح الي يعطي الدنيا قفاه وترا التشكي بالظروف المايله اتشين الرجال وتقلل حلاه حتى ولو عاين نجوم القايله يخلي الشكوى لربه في دعاه واللي يدور لدروب الطايله فلا يخلي طاعة الله والصلاه .... |
رد: فوق هام السحب ( الشعر الشعبي) على متن القوافي
ياصاحبي ضاق صدر الزمان وضقت
وانا اعتبر صدرك ملاذي وملجاي سحب الدياجي حيل ماتسقي النبت يعزف جفاف الحض في خافقي ناي الوقت هيبني وانا هبت وارتبت وحيد اصارع بين ناري ومركاي .... |
رد: فوق هام السحب ( الشعر الشعبي) على متن القوافي
رسالتك اقسى رساله وارده
كانت قليلة حس رغم اني كثير مايوجعك غير الردود البارده على الكلام اللي كتبته من ضمير بقلمي |
رد: فوق هام السحب ( الشعر الشعبي) على متن القوافي
جفت عروق الشوق ياسارق الروح
وانساب فـي صدر المواجع غيابك تعبت اخبي ما اهذريه وانوح والقلب ياقلبي حرق من عذابك لي نبض متعذب ولي قلب مذبوح ولي روح تسرح كل يومي صوابك ولي جفن مايغفي ولي دمع مسفوح ولي عين توله بالسهر في عتابك .... |
رد: فوق هام السحب ( الشعر الشعبي) على متن القوافي
طبعي كتوم ومن سمعني عذرني
ماحب احكي مابقلبي من اسرار انا كذا من يوم ربي خلقني اخفي بصدري ماجرا لي وماصار حال الزمن والوقت هذا جبرني خلاني اعشق وحدتي خلف الانظار اكتم شعوري داخلي غصب عني واضمد اوجاعي ومابي من اكسار .... |
رد: فوق هام السحب ( الشعر الشعبي) على متن القوافي
ياويــل قلبي منّـــك لاحــل طاريك
نفسي وهــي نفسي تشــك بـ غلاها أنسى اسامي الناس واغلط واناديك قلبي معــك كـل الاسامـــي نساها ياساكـن اعماقــي انا ميت ن فيك ومشاعــري بالقلــب حُبك خذاها وقلبي مولَـع بك وهايـــم بطاريك وروحي تحبـك حُــب لآخـر مداها .... |
رد: فوق هام السحب ( الشعر الشعبي) على متن القوافي
من ناحيـة قلبي قسمتـه لك أنصاف
النصـف لك والنصـف الآخر لاهلك اللي عطوني بنت ماشي لها اصناف ولا شاهـدت عيني بها الكون مثلك تحفه خلقها الله محمـود الالطاف سبحان مـن صّـور حلاتك وشكلك اعطاك ربي زين نادر بالاوصاف ومن اجمـل الاوصاف ربي وهبلك .... |
رد: فوق هام السحب ( الشعر الشعبي) على متن القوافي
يافاتني قلبي تمنــــى ملاقاك
مشتـاق لك بالحيل ودي اشوفك يا كـم سهــرت الليـل وانا تمناك ودي بضـم ايدك وضمة كفوفك قلبي غدا في نار من عُقب فرقاك والعقــل متلهف يعانـق طيوفك والروح مشتـاقــه لطلـه محياك والعيـــن ولهانــه تمنى تشوفك والعيـــن ولهانــه تمنى تشوفك .... |
رد: فوق هام السحب ( الشعر الشعبي) على متن القوافي
أعاهـــــدك باللي خلقنـا مـن الطين
تبقـــى بقلبــــــي ليــن تفنى حياتي عز الله اني تهــت في نظـــرة العين وعـز الله انك قـــــد تملكــت ذاتي هايم وحالي فيـــك حال المجانين لامرنـــي طيفـــك احاكــي شفاتي اقسم قسم حبك سكن فالشرايين واستوطـــن اعماقي وروحي وذاتي .... |
رد: فوق هام السحب ( الشعر الشعبي) على متن القوافي
ودي اضمــك ضمـة الشـوق للشوق
ضمــة مهاجــر بعـــد غيبــه طويله اسقي عروق القلــب ياحالـي الذوق واروي مشاعر مـــن فراقـــك عليله اشتقت لك وانا من الشوق محروق والشـــوق ولع في خفوقـــي فتيله والروح من فرقاك قد صابها العوق والنفـس شالـت فــوق مالا تشيله ..... |
رد: فوق هام السحب ( الشعر الشعبي) على متن القوافي
ليــت المسـاء قــدام عينك اعيشه
واقـــراء بعينـك عشقهـا والمعاني يكفي اضمــك بالحشا ضم ريشه حتى ولو مــــر المســاء في ثواني اتخيلك ساهر معـي في العريشه والنـــور نــورك يا منيـــر المكاني احلم معـي في حلم واقع نعيشه عل الزمــن يأتــي بطيب الاماني .... |
رد: فوق هام السحب ( الشعر الشعبي) على متن القوافي
قُل لي صباح الخير أو سلِّم بها
لـيظـل حُـبـك في دمي مُتوقِّدا هـذا غَرامك في عيونِك قد بدا قـل لـي أُحـبـك لا تـكـن مُتردِّدا كـل الـزهــور تـقـولـهـا بـعبيرهـا ويـقـولها العصفورُ إن هـو غـرَّدا .... |
رد: فوق هام السحب ( الشعر الشعبي) على متن القوافي
كـل مـافيني اقولــــــه لـك وعيده
ياوليـف الروح انا فاقــــــد شعور خافق اعماقي تجمـــد في وريده من كثر ماجاه من حبــك قصور ليت ماضي حبك الطاغي تعيده لجـل حبي لك في اعصابي يدور مثـل دور الدم في داخـل وريده ينعش القلــب الذي صابه فتور .... |
رد: فوق هام السحب ( الشعر الشعبي) على متن القوافي
تعال يا صاحـب الإحساس حاكيني
ماغيرصوتك دواء للقلب واجراحه افرح بصوتك واشوف انك تناديني واحـس قربـك معايا كامل الراحه يا راحة الروح والاحساس واسيني اظن طيفك ملك بالقلب مفتاحه ماهمني الناس وانت الي مكفيني وانت سـر السعـاده وانته افراحه .... |
رد: فوق هام السحب ( الشعر الشعبي) على متن القوافي
الناس نامــت مابقــي حد صاحي
ماغير انا واحساس قلبـي والافكار نمسي نقضـي الليل بين النواحي ونترجم اشواق المشاعر بالاشعار هذا شعور اللي في الهجـر طاحي واللي غدا قلبه من العشق منهار يمسي قلم شاعر الليل لين الصباحي والرووح مشتاقـه وقلبـه على نار .... |
رد: فوق هام السحب ( الشعر الشعبي) على متن القوافي
تصــدق كل ما غمضت اشوفك
واتخيـــــل حـلاتك فـي خيالي ولا لحظـه نسئ عقلي طيوفك ولا غيبــت مــن فكــري وبالي وطول الوقـت اتذكـر وصوفك واســرح فيك يازين الخصالي ومهما غبت واجبرتك ظروفك بتبقى طول وقتـي فـي خيالي وعينـي كل ماتغفـي تشوفك كأنك يا غـــلا روحــــي قبالي .... |
رد: فوق هام السحب ( الشعر الشعبي) على متن القوافي
يارب فــي وقـــت الاجابـه دعيتك
يارب سهـــــل ما لقلبـــــي تمناه إقضي برأفــــة رحمتـك ماطلبتك واقضي لعبــدك كل حاجه بدنياه يارب انا في باب عفـــوك نصيتك تسعد خفوقي من بلا هم قد جاه ماغيرك انت اللي نخيتك وجيتك يامن اذا ما اختـاره العبــــد لباه .... |
رد: فوق هام السحب ( الشعر الشعبي) على متن القوافي
اكبـــر سعــاده فـي حياتك ودنياك
انك تشـوف احباب قلبــك بخيرين تزورك افراحـــك وتملـــى محياك وتحس بالراحه في القلب ضعفين يا الله ياسامــع دعاء كل من جاك ياالله تسعد من على القلب غالين واحمي حبايبنا من الشـر بحماك واسعد جميع الخلق يارب آمين .... |
رد: فوق هام السحب ( الشعر الشعبي) على متن القوافي
يا الله يامن رحمتك مثل وصفك
يامستجيب لكل داعــي دعاويه حقق لنا كل الامانـــي بعطفك وجودك اللي مالجودك يجاريه يارب كل انسان طامـع بلطفك وكل من له حلم نفسه تساويه يامن امانـي كل واحـــد بكفك يارب حقق مـن دعا لك امانيه .... |
رد: فوق هام السحب ( الشعر الشعبي) على متن القوافي
ليــت الوجـــــع ماجاء على يد الاحباب
جرح الحبايب صعب نوصف علاجه لو هو غريب الناس مابحسب احساب امـا قريــــــب الناس يا الله خراجه جرح الحبايب داخـــل الصدر ماطاب اوجاع تفـــرق عـن وجع كل حاجه تبقــى معـي طول العمـر جرح لهاب واكسار قلبـي مثل كســر الزجاجه .... |
| الساعة الآن 09:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية