|
رد: فوق هام السحب ( الشعر الشعبي) على متن القوافي
تمطر مشاعرنا من الود مالاق
لاهل النفوس الطيبة والانيقة اللي غلاهم في صميمي والأعماق ومكانهم وسط الخفوق العميقه صباحي يصلكم بالمحبه والاشواق واطيب ورد الكون واجمل رحيقه خطيتها من هاجسي فـوق الأوراق مني لكم يا اهل القلوب الرقيقه .... |
رد: فوق هام السحب ( الشعر الشعبي) على متن القوافي
شفتك ولا مليـــت من نظرتــي فيك
سبحـان من زيـــــن حلاتك وسواك من يوم شفتـك خافقي صـار بيديك والعقل عنـــدك ماقـدر يوم ينساك فيك الجمــال اللـي به الله محليك وفيك الوصوف اللي به الرب حلاك وفيك الدلع فارق على الكل يغنيك وتطغى عن اللي في جماله تحداك .... |
رد: فوق هام السحب ( الشعر الشعبي) على متن القوافي
ذرابتك واسلوبك وحسن ذوقك
وإحساسك المتفرّد الغير عادي مواصفات تخلي أبسط حقوقك إنك تكون المُنفرد في فؤادي .... |
رد: فوق هام السحب ( الشعر الشعبي) على متن القوافي
قلبـــي سجيـــــن الحيأ وطيبته زاده
لو شان وجه الزمـن ما شانت أخلاقي وانا تربيــــــت والطيبــــه لنـا عاده واخلاقـــــي العاليه واسلوبي الراقي قصــر المكارم مشيـد فيني امجاده وقصر الوفاوالشهامه ساكن اعماقي والطيب في داخلي مغروسه اوتاده ماحيل وابقـى على عهدي وميثاقي .... |
رد: فوق هام السحب ( الشعر الشعبي) على متن القوافي
اشكي لمن يارب من ضيق الأنفاس
طول العمر ضايق وفي وقت قاسي صابتني الدنيا بالإحباط واليأس ومرت على حالي جميع المأسي من باطل الدنيا وإبليس والناس اتلخبطت فيني جميع الحواسي ومن شراب المر خذيت لي كاس والحظ عاندني ولااشتد باسي ومن هموم الحظ قدشيب الراس وانا الفتى المارد مثيل الرواسي .... |
رد: فوق هام السحب ( الشعر الشعبي) على متن القوافي
والله انـي مابقـى فيني مشاعر
كامل اشعاري مــن اوهـام الخيال اكتـب ابياتـــي لقلبي جبـر خاطر رغم ان الحزن في صــدري جبال يا ظـروف العمــر كم نبقى نكابر ضاقــت انفاسي ولاعد بي مجال راحتي ساعـه وباق الوقت ضاجر والسعادةاصبحت صعب المنال .... |
رد: فوق هام السحب ( الشعر الشعبي) على متن القوافي
لاحــد يلوم القلــب لو جاله الضيق
لان السعــاده بيــن الايــام شاحت مـات الفــرح فينا مــع كل تشويق وافراحنا فـي العمــر ولت وراحت قهر الزمن والحال نشـف لنا الريق وهموم ياسه للقلـــوب استباحت واحلامنـــا ماتـت بــلا اي تحقيق وحظوظنا من جورالاوجاع طاحت .... |
رد: فوق هام السحب ( الشعر الشعبي) على متن القوافي
ليت المواجـع تبتعـــد عــن طريقي
وليت المأسي ماتجيني مــن الساس وليت الملل واليـاس ماهـــو رفيقي وليت الزهـق ماحـل قلبي والانفاس وليت الامل يملا الشعــور العميقي وليت الفرح يملاخفوقي والاحساس وليت ان حظـي ماتعلـــق بضيقي وليت ان قلبي ماعرف لحظة الياس .... |
رد: فوق هام السحب ( الشعر الشعبي) على متن القوافي
صـدري وطــن لو خانتك كل الاوطان
لو فارقـــوك الكــل عمــري مخونك انت الذي لك في حشا الروح بستان ووسط الكبد غارس ونابت غصونك والله لو ماضـــل في الكــون انسان انا معــك احفــظ مقامك واصونك ولو حــال فيمـا بيننا قهـــر الازمان يحــرم عليا العيــش لحظه بدونك .... |
رد: فوق هام السحب ( الشعر الشعبي) على متن القوافي
لاتسأل الشـــوق عنـي وانت أدرابي
نفسي تمنـاك وانـت أغلـى حبايبها أغلى من عيوني الثنتيـن وأصحابي وأغلى من الناس حاضـرها وغايبها ياراعي الحـب حبك ذوب اعصابي والهجـــر والبُعــــد ذابلها وذايبها والروح تشكي غلايا جــور الاغيابي بالله عليـــك يا غــلايا ليـه سايبها .... |
رد: فوق هام السحب ( الشعر الشعبي) على متن القوافي
قلبي سجين الحيأ وطيبته زاده
لو شان وجه الزمن ماشانت أخلاقي وانا تربيت والطيبه لنا عاده واخلاقي العاليه واسلوبي الراقي قصر المكارم مشيد فيني امجاده وقصر الوفا والشهامه ساكن اعماقي والطيب في داخلي مغروسه اوتاده مازلت وابقى على عهدي وميثاقي بقلمي |
رد: فوق هام السحب ( الشعر الشعبي) على متن القوافي
لاتربط احلامك مع ريح الاوهام
خليك في الواقع وعيش الحقيقه سر بالطموح اللي يوديك الاحلام وخلي امل خطوات دربك وثيقه ياصاحبي وإن ضاق بك عِسر الايام حاول تعديها بأيت طريقه وأمشي الى حلمك بعزمك والإقدام من شان تجعل كل حلمك حقيقه .... |
رد: فوق هام السحب ( الشعر الشعبي) على متن القوافي
لاحد يلوم القلب لو جاله الضيق
لان السعاده بين الايام شاحت مات الفرح فينا مع كل تشويق وافراحنا في العمر ولت وراحت قهر الزمن والحال نشف لنا الريق وهموم ياسه للقلوب استباحت واحلامنا ماتت بلا اي تحقيق وحظوظنا من جور الاوجاع طاحت .... |
رد: فوق هام السحب ( الشعر الشعبي) على متن القوافي
من كثر حُبـي وعشقي لك
ما اقوى على فُرقتك ساعه أصبحت مدمن على وصلك والروح لك حـــيل مـلـتـاعه تعال بـ الحال من فضـلك يابلـسم القلــب واوجـاعه .... |
رد: فوق هام السحب ( الشعر الشعبي) على متن القوافي
غلاه عندي يساوي الكون واوطانه
اللي خذا القلب باخلاقه وبسلوبه دامه تميّز عن* العربان* بالحانه هذي لحوني بحبه تتجه صوبه .... |
رد: فوق هام السحب ( الشعر الشعبي) على متن القوافي
اختار قلبي مابين قلوب كل العباد
وملا عيوني سهاد وسط قلبي غفى عن لاهب القيض يلقى فيه ظل وبراد وعن ليلة البرد يلقى فيه نور ودفى .... |
رد: فوق هام السحب ( الشعر الشعبي) على متن القوافي
دامك سكنت بداخل القلب يرعاك
هذا خفوقي و أنشده كيف يغليك قلبي و أعـرفه بالغـلا كـم تمناك مدري على كثـر الغلا ويـن أوديك .... |
رد: فوق هام السحب ( الشعر الشعبي) على متن القوافي
تدري وش اللي بالخلايق يمشيك
ويحط لك بـ الناس قيمه وشيمه طيبك واخـلاقك وصادق مباديك ونفسٍ بشوشه بـ التعامل حشيمه .... |
رد: فوق هام السحب ( الشعر الشعبي) على متن القوافي
الله الله يالدروب المستقيمه
كيف اجادل واحدٍ ماهوب قدّي شرهة العاقل على النفس الكريمه واحتفظ بالرد في مزحي وجدي يفرح الجاهل ويحسبها هزيمه مادرى عيني لمثله ماتلَّدي صدتي من بعض خلق الله غنيمه مايوالف قلبي القلب المصدّي .... |
رد: فوق هام السحب ( الشعر الشعبي) على متن القوافي
يالله يامسـوي النوايا والاعمال
تسوي لنا النية وتصلح عملنا الرزق والتوفيق بيدك والاجال والذنب والتقصير والجهل منا بقلمي |
رد: فوق هام السحب ( الشعر الشعبي) على متن القوافي
قديش تخدعني المظاهـر ولا اتـوب
ماكنهامـرّت عـلـيّ التجـاريـب كم واحدٍ يعطينـي الهـرج مقلـوب وانا إعتبرته من خيـار الأصاحيـب الفرق بين الناس في عقول وقلـوب واسرارهم يعلم بهـا عالـم الغيـب العين ماتكشف لك اللي ورى الثوب كلٍ يظن ويخطـي الظـن ويصيـب اللي يودّك مايـرى فيـك عـذروب واللي شناك يحـط فيـك العذاريـب إن كان ولينك من العقـل موهـوب لاتستمـع لمروّجـيـن الأكـاذيـب كم من حديثٍ قـد لقينـاه مكـذوب على النبي اللي منزّه عـن العيـب العبد فـي دنيـاه غالـب ومغلـوب والعمر جـاري والليالـي دواليـب يجمع مع الأيـام حسنـات وذنـوب والستر ظافـي والعِبَـر بالعواقيـب إصبر على الدنيا ترى الصبر مطلوب وإستخدم الحكمه وحسـن الأساليـب وإحذر تلجّ عواك في كـل عرقـوب محدٍ بقايـل وش مسرّيـك ياذيـب ولايعتريك الهـم والـرزق مكتـوب مضمون لك مافيـه شـكٍ ولاريـب كثر الطمع يدفعك راضي ومغصـوب للبخل والعزلـه وتـرك المواجيـب والنفس لاتارد على كـل مشـروب حتى تورّدهـا لصافـي المشاريـب لاتندفع معهـا ورى كـل محبـوب وتعلقك في حبـال الآمـال وتخيـب الناس قالوا كـل ممنـوع مرغـوب والعاقل اللي يشغل النفـس بالطيـب وإلياإمتطيت من الجهل كل مركـوب ضاعت سنين العمر من غير ترتيب إن كان ماتحسب ترى العمر محسوب في كل يومٍ تطلع الشمـس وتغيـب ولابد تطلع فيـك ميـزات وعيـوب واقبح عيوب الرجل عيبٍ على شيب عبدالله الطلحي |
رد: فوق هام السحب ( الشعر الشعبي) على متن القوافي
عند الفرج ماياخذ الضيق ساعه
دنيا تضيق وفزعة الله سريعه اجاهد الدنيا بعزم وشجاعه ما الين لو ضاقت فجوج الوسيعه عمّا يهين النفس عندي مناعه الله خلقها في ضميري طبيعه لو لازمي يقضيه بعض الجماعه الله ولا بعض الرجال ونفيعه فلاح بن مبرد |
رد: فوق هام السحب ( الشعر الشعبي) على متن القوافي
ياكثر الكلام اللي يدف الصدر بيديه
يبا الانصراف وعوج الاضلاع مانعته بلشنا فـ ابو وجهين مدري ثلاث وجيه وسمحنا من الفلم الطويل ومتَابعته يخيب الامل في واحدٍ كنت هاقي فيه ويطيب الامل في واحدٍ ماتوقعته سفر بريك |
رد: فوق هام السحب ( الشعر الشعبي) على متن القوافي
يقولون لاضاقت عليك الوسيعة غن
وانا اقول لاضاقت عليك اتجه لله لياضاق صدرك مايداويه شعر وفن يداويه ذكر اللي بيديه الفرج كله .... |
رد: فوق هام السحب ( الشعر الشعبي) على متن القوافي
اليا طلبتك حاجتي قلت بعدين
وبعدين عيا يومها لايتهيا ان كان ماهي ساعة تقضي الدين ماني على بعدين عايش كذيا خالد الحصني |
رد: فوق هام السحب ( الشعر الشعبي) على متن القوافي
من رضى يرخي مقامه للعرب ياويله
كل يوم معرّضينه هجمةٍ مرتده راس أبو قلب(ن) فضيخ تقول راس تريله إن زعل وإلا رضى كل(ن) ما غير يكدّه لاتصير اللي يقولون العرب ياحليله خلّك السيف الحديد اللي يروّع حدّه عناد الشيباني |
رد: فوق هام السحب ( الشعر الشعبي) على متن القوافي
اكثر مايضايق خاطري نشدة الملقوف
ليا شاف فيني من ظروف الزمن خله عساني ليا زليت مازل عند ضعوف عسى زلتي قدام من يدمح الزله .... |
رد: فوق هام السحب ( الشعر الشعبي) على متن القوافي
كم قست سود الليالي على روس الرجال
الظروف تمر والنار تسعر جوفها جعل من هو يجحد الكفو لاجاله مجال تاخذه صكات بقعا بروس سيوفها جمل الله وجه منصى كريمين السبال مدهل المحتاج والناس وقت ظروفها طلال ابن جسار |
رد: فوق هام السحب ( الشعر الشعبي) على متن القوافي
يالله تقديني لدرب الصالحين
اللي مافيهم لا نفاق ولا ريا وانا فوجهك من وجيه الكارهين ومْن الرخوم ومن قليلين الحيا م |
رد: فوق هام السحب ( الشعر الشعبي) على متن القوافي
صباح الورد يافال السعد مني صباح الخير
صباح النور ياوجه الصباح ونور تسبيحه صباح الفل والكادي صباح النبت والتزهير صباح المسك والعنبر صباحه لانتثر ريحه .... |
رد: فوق هام السحب ( الشعر الشعبي) على متن القوافي
مرحبا يانفحت الصبح ونسيمه
اشرقت الانوار من كل النواحي وجهك اللي يا عسا ربي يديمه مصدر البهجة وسر الانشراحي طلتك ياصاحبي لفته كريمه جعله ابرك طلةٍ وابرك صباحي .... |
رد: فوق هام السحب ( الشعر الشعبي) على متن القوافي
تدري وش اللي ماتغير ولا شي
ذاك الغلا اللي لك بقلبي دفنته تدري وش اللي في خفوقي بعد حي ذاك الشعور اللي ذبحني بصمته .... |
رد: فوق هام السحب ( الشعر الشعبي) على متن القوافي
يا هاجســــي اصبحت بالفكر محتار
واصبح خيالــــي فـي مراحل بعيده فـــزات عينـــي بالسهــر نومها طار واشـــواق قلبـي نابعـــه من وريده فكرت ايش ارسل للاصحاب واختار وايش الذي يسوى غلاهــم وازيده ماغيـــر أدون ذكرهـم بين الاشعار واكتب غلى الاحباب داخل قصيده .... |
رد: فوق هام السحب ( الشعر الشعبي) على متن القوافي
الصمت كافـي بالتعابير يا ناس
لاصار كثر الهرج ماله معاني كثر الأمل زود حياتي بالاتعاس واتعب خفوق الصدر بين المحاني ياناس هم الوقت شيب لي الراس والحظ عاثر مالحظي ضماني والوضع ياعالم رماني في الياس حتى اظلمت بالوجه كل الاماني .... |
رد: فوق هام السحب ( الشعر الشعبي) على متن القوافي
البرد لهفة شوق والليل ساكن
وانا تشفقت اللقاء وأحتريتك ما شفت قلبي والعيون يتشاكن أغير منهم من كثر ما هويتك سريت لك مشتاق والليل داكن يستر ظلامه وقفتي عند قلبك تقول حبك بين الأضلاع راكن وأقول هذا اللي ذبحني وجيتك .... |
رد: فوق هام السحب ( الشعر الشعبي) على متن القوافي
تجيني علومك من مسافات وابعاد
وارتاح يوم اسمع علومك بخيره واقول يامرسي في الارض الاوتاد تجعل حظوظه بالسعاده كثيره عِز الرفيق اللي له القلب ينقاد واللي بوسط الروح مابه نظيره ولوكان حولي غيرك اعداد واعداد انت الوحيد اللي غلاتك كبيره .... |
رد: فوق هام السحب ( الشعر الشعبي) على متن القوافي
أبيك مثل الورد في الروح مزروع
والروح والاحساس والنفس بيتك أبيك مثل النور في العين مطبوع وأنظرك يوم أشتاق شوفك فديتك أبيك مثل الطير له صوت مسموع صوتك يداعب مسمعي لو بغيتك .... |
رد: فوق هام السحب ( الشعر الشعبي) على متن القوافي
اليـــوم انا مرتاح والقلـــــب مرتاح
وفيني سعـــاده ماليـــه كل كوني اضحك ووجهي بالمسرات وضاح وسرالسعاده واضحه في عيوني يارب اسالك ديــم لي كل الافراح وديــم لي كـل السعـاده بكوني وابعد همومــي يا الهي والاجراح وفــي حياتــي لاتخيــب ظنوني .... |
رد: فوق هام السحب ( الشعر الشعبي) على متن القوافي
أنا أكثر السكّات وأكثر من يسولف بالعيون
سعيد لأن أكثر خساراتي ماكانت من يدي لولا الهقاوي ماعرفنا الصالحون السيئون عيب الليالي ماتشين الا على صدر أجودي صحيح من قال البشر ماهي على حسب الظنون كنت أحسبك طيّب وتحسبني على ظنّك ردي .... |
رد: فوق هام السحب ( الشعر الشعبي) على متن القوافي
لاتنشد الشوق عني ونت أدرابي
نفسي تمناك ونت أغلى حبايبها أغلى من عيوني الثنتين وأصحابي وأغلى من الناس حاضرها وغايبها .... |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية