رد: فوق هام السحب ( الشعر الشعبي) على متن القوافي
 

بنت الرجال اللي كساها الحيا ثوب
تمشي على نهج الشريعة والايمان

مصيونةً بالدين من كل عذروب
مثل الجواهر ماتقدر بالاثمان

....

رد: فوق هام السحب ( الشعر الشعبي) على متن القوافي
 

ابوي رباني على مكسب الطيب
ومن قبلها جدي على الطيب رباه

نقصر عن دروب الردى والعذاريب
والطيب نلحق صاحبه ونتعداه

بقلمي

رد: فوق هام السحب ( الشعر الشعبي) على متن القوافي
 

لعيونك اكتب حرف وأصدّ عن حرف
‏من خوف لا تجرح حروفي شعورك

‏ما فيه احد يسواك يا ناعس الطّرف
‏ولا فيه احد عندي يساوي حضورك

....

رد: فوق هام السحب ( الشعر الشعبي) على متن القوافي
 

#مساء__الخيرِ

نمشي على النيات مانحمل الكيد
ونفوسنا من فضل ربي سليمه

ناخذ ونعطي دون نقصٍ وتحديد
عوايد نـ طـول اللـيالي مقيـمـه

....

رد: فوق هام السحب ( الشعر الشعبي) على متن القوافي
 

‏مالي مزاج ومعجبتني الصده
‏وسكرت عن كـل الكلام آذاني

‏مانيب مع هـذا ولاني ضـده
‏أنا معا نفسي ويامحلاني

....

رد: فوق هام السحب ( الشعر الشعبي) على متن القوافي
 

‏لاتشتري ميزان توزن به الناس
‏ الناس ما ميزانها الا الشدايد

‏عند الشدايد كل مخلوق ينقاس
‏ وترجح الكفات لأهل العوايد

....

رد: فوق هام السحب ( الشعر الشعبي) على متن القوافي
 

لاتسألوني عن سبب دمعة العين
والله مدري دمعتي وش سببها

يجوز تبكي من بعد ناس غالين
ويجوز تبكي حين ساعة غضبها

دنيا غريبه ماعرفنا لها زين
محدن على طيبه بيومن كسبـها

....

رد: فوق هام السحب ( الشعر الشعبي) على متن القوافي
 

‏لاشفت أحد طاح لاترمي سكاكينك
الوقت دوّار لاتشمت ولا تضحك

بكرة إذا طحت والدمعة ملت عينك
بتشوف منهو يجي يضحك على جرحك

....

رد: فوق هام السحب ( الشعر الشعبي) على متن القوافي
 

‏فـي ذمتي صمتي يوصف غلاتك
لولا الغلا والحب ما صرت ساكت

ولو اختفـى زولي وغبـت بحياتك
يكفي عروق القلب بـ إسمك تحاكت

....

رد: فوق هام السحب ( الشعر الشعبي) على متن القوافي
 

‏ياكــثر ماقلنا علـى الجـرح لا باس
والوقت يكـرب مـن شـقانا حـزامه

طابت خواطرنا من الوقت والناس
ما عـاد نبغـى الا السـتر والسـلامه

....

رد: فوق هام السحب ( الشعر الشعبي) على متن القوافي
 

الشتاء واليل موحش والشجر صوته حزين
من ورا الشباك عيني تعكس انوار المدينه

الـشـوارع والامـاكـن كلـها اكتضت حنين
لك شعوري لو وصفته فوق ماتتخيلينه

....

رد: فوق هام السحب ( الشعر الشعبي) على متن القوافي
 

‏ياقلبي ادري داخلك شي حساس
لاباس وان كانت جروحك كثيره

حزنك وضيقك وانعزالك عن الناس
صدقني انها بعض الاحيان خيره

....

رد: فوق هام السحب ( الشعر الشعبي) على متن القوافي
 

معك معك ياجناح الليل خذني معك
باسري معك طالما همي ملأ مخدعي

ليت انت ياليل تتكلم وانا باسمعك
عساك في حسرتي هذه تفضفض معي

احترت ياليل كيف احويك واستجمعك
لاطاب لونك ولا صمتك صفد مدمعي

....

رد: فوق هام السحب ( الشعر الشعبي) على متن القوافي
 

يا أخر الليل عطني العلم من بدري
‏وش انت ناوي ترجع لي من الذكرى
‏
‏ان كانها حزن فأنا ممتلى صدري
‏وان كانها خير يمكن ضيقتي تبرى

....

رد: فوق هام السحب ( الشعر الشعبي) على متن القوافي
 

ياليل خبرني لماذا انت عاتي
تفرض عليا ليش حضر التجول

وليش خاصم نوم عيني سباتي
وامسي على باب الكرى في تسول

لامدخلاتي قابله مخرجاتي
ولا امنياتي لاقيه من يمول

....

رد: فوق هام السحب ( الشعر الشعبي) على متن القوافي
 

واجه الخذلان بالصبر والبال الطويل
منت بـ أول من تجمل ولا أخر من خذل

بقلمي

رد: فوق هام السحب ( الشعر الشعبي) على متن القوافي
 

ياليت الايام في يديني وارجعها
واعدل اشياء ماكانت على بالي

...

رد: فوق هام السحب ( الشعر الشعبي) على متن القوافي
 

‏الله يمسي راعي الخير بالخير
الي بوسط القلب باقي محله

الصاحب الي له مكانه وتقدير
أغليه وأحبه وأعزه وأجله

كل مانشدته قالي منزلك غير
تمر السنين ولا لفى منه زله

أن ضاق بالي عاضني بالتياسير
ون ضاق باله جيت له فدوةٍ له

....

رد: فوق هام السحب ( الشعر الشعبي) على متن القوافي
 

‏يافاتنه والشوق ماله براهيين
مثل الحقوق الضايعه في زمنّا

ينشاف لامن طاحت العين بـ العين
وان مر بال مرّيح البال غنّا

خلوني أزبن قلب سيد المزايين
إلى متى وانا زبون المجنّا

محتاج لي فنجال من وجهك الزين
لونه مثل لون الذراع المحنّا*

....

رد: فوق هام السحب ( الشعر الشعبي) على متن القوافي
 

يقولون الزمن عايب وانا اقول الزمان ادوال
ولا دامــت لغيـــر الله ما دامت لاحد ثاني

زمانك لو صفالك فاحتزم له والرجال افعال
يجــي لك يوم وانك ما تجد قاصي ولا داني

يقولون العــرب الايـام عبرة والزمان احوال
تعلمــك الحياة الدرس والتعليم مجـــاني

صروف الدهر سنة تشمل الخمال والعقال
ودورات الزمـــان تســدد المظلوم والجاني

وفي عرف الكرام الطيب مكسب والغلط بطال
ومن طبـع الكبـار يراعوا المحبوب والشاني

وفي الاعراف والاسلاف والعادات والامثـال
يحل الكايـدات رجال تصبر والعمــر فانـي

....

رد: فوق هام السحب ( الشعر الشعبي) على متن القوافي
 

‏ياباقي العمر دنيا الناس خداعة
تجــري سفنها ولا نعرف مراسيها

تطوي من أعمارنا باليوم والساعة
والعالم الله كيف نعيش باقيها

يالله بحسن الختام وصادق الطاعة
وأعمال تبقى تبيض وجه راعيها

....

رد: فوق هام السحب ( الشعر الشعبي) على متن القوافي
 

‏اكتبيني شعر وانثرني حنين
لاتقولين الهوى والعمر فات

وارسميني في خيالك ياسمين
بعثري همسك ولميني فتات

افرحي فيني وقولي للسنين
توني جمّعت عمري من شتات

عانقيها يالسعادة كلّ حين
داعبي أحضان خلّي في سكات

حلّقي فيها لأحلى أكسجين
عطريها من نسيم انفس نبات

....

رد: فوق هام السحب ( الشعر الشعبي) على متن القوافي
 

الحب شاطيء والعواذل سفينة
والقلب عمره ماجمع حب شخصين

العشق دولة والمشاعر مدينه
والشوق جمره والجفا طعن سكين

....

رد: فوق هام السحب ( الشعر الشعبي) على متن القوافي
 

كل ماذكرتك يصبح القلب خفاق
ينبض بحبك فالدروب المعيقه

ارسلت لك قلبي مع كل الاشواق
والروح مايغلاك دامك رفيقه

ماطاق قلبي بعد الاحباب ماطاق
صعب الفراق يازين ماعاد اطيقه

....

رد: فوق هام السحب ( الشعر الشعبي) على متن القوافي
 

اليا بدالك حاجةٍ عند مخلوق
أطلب عساها من وليّك تيسّر

عسى الفرج ياتيك من واحدن فوق
اللي يهون كل شيٍ تعسّر

ولاهو صحيح أن كل مطرود ملحوق
والله جعل للناس دينه ميسّر

جاك الكلام الصح والعلم موثوق
أصبر على ماجاك واحذر* تحسّر

....

رد: فوق هام السحب ( الشعر الشعبي) على متن القوافي
 

لاتحرق أعصابك وتجرح مشاعرك
اللي مضى ماهو على الكيف راجع

هون على نفسك وريّح لخاطرك
ترى الهموم تزيد كثر المواجع

مافات فات وخل همّك بحاظرك
واصل طموحك وانتبه لا تراجع

وسارع لفعل الخير والرب ياجرك
والصبر وقت الضيق لك حل ناجع

....

رد: فوق هام السحب ( الشعر الشعبي) على متن القوافي
 

أحذر من اللي ينقل الهرج ويجيب
وشخصٍ حكالك عند غيرك حكى فيك

متعودن طبعه بشذب العراقيب
يبغاك تمشي في طريقه ويغويك

لاتسْمع اللي ماعرف قيمة الطيب
خلك على درب النشاما مماشيك

ورزقك على اللي يعلم السر والغيب
واللي خلقك من العدم مايخليك

....

رد: فوق هام السحب ( الشعر الشعبي) على متن القوافي
 

من عاش بالحيلات يرجع للافلاس
لابد من يومٍ يشوف الخساره

لاكاسبٍ طوله ولاجاب نوماس
ماشاف عند الناس كود أحتقاره

والصدق سمعة صاحبه ترفع الراس
عند العرب يبقى رفيعٍ وقاره

اللي كلامه دوم يبنى على ساس
دايم على درب النشاما مساره

....

رد: فوق هام السحب ( الشعر الشعبي) على متن القوافي
 

يالعبد مالك عن مقادير مولاك
واللي كتب باللوح ملزوم ياتيك

هو الذي هيًا لك الرزق وأعطاك
واللي خلقك من العدم مايخليك

سبحان من كون صفاتك وسواك
وفي رحمته من كيد الاشرار يحميك

اغناك عن منة هل الشح واعطاك
خلك شكور لنعمته وأرفع يديك

....

رد: فوق هام السحب ( الشعر الشعبي) على متن القوافي
 

بعض البشر لاشاف نعمة حسدها
حاسد ويحسد فالسماء حايم الطير

وبعض البشر لاشاف نعمة حمدها
من طيب قلبه وده الناس في خير

....

رد: فوق هام السحب ( الشعر الشعبي) على متن القوافي
 

‏رد الجميل لصاحبه لو بعد حين
مال الجماله كود رد الجماله

ماينكر المعروف كود الرديين
اللي بهم طبع الردى والنذاله

واهل الوفا يبقون دايم وفيين
تبقا طبايعهم علوم الشكاله

اللي مباديهم على العز والدين
طريقهم للخير في كل حاله

....

رد: فوق هام السحب ( الشعر الشعبي) على متن القوافي
 

مافيه مخلوقٍ من العيب سالم
الا النبي المصطفى منبع الجود

والله جعل بالناس جاهل وعالم
واسعد بشر من كان بالفعل محمود

ولاخير باللي للمخاليق ظالم
حبله قصير وعنده الحق مفقود

ليته قبل موته يرد المظالم
والعمر لو طالت لياليه محدود

....

رد: فوق هام السحب ( الشعر الشعبي) على متن القوافي
 

بعض العرب في زين الاخلاق فارق
والله عطاه من الخلايق محبه

مثل الصباح اللي به النور شارق
يعجبك في طبعه وكلٍ يحبه

وبعض العرب في جو الاوهام غارق
وقته يروح وغافلٍ ماتنبّه

مايدري أنه عن حياته مفارق
ولابد من فرقى لمن هو يحبه

....

رد: فوق هام السحب ( الشعر الشعبي) على متن القوافي
 

أن كان ودك بالحياة السعيده
وتبغى تعز النفس وتريح البال

خل اهتمامك بالأمورالمفيده
وابعد جنابك عن هل القيل والقال

سجل طموحك للأمور البعيده
اللي بها في عالي المجد منزال

وافتح لفعل الخير صفحه جديده
ترى الأمل باقي مع الوقت مازال

....

رد: فوق هام السحب ( الشعر الشعبي) على متن القوافي
 

والله لاوسع خاطري وتسلّى
ولا علي اخلاف مادامني حي

رزقي على اللي فوق عرشه تعلّى
منش السحاب اللي للاموات يحيي

هو الذي لرزاق خلقه تولّى
الرّازق المعطي ولايعجزه شي

لو كل خلقه تسأله مايملّى
المستجيب لكل سائل ويعطي

....

رد: فوق هام السحب ( الشعر الشعبي) على متن القوافي
 

عن الكلام اللي في القلــب مخفيه
يا اهل العيـــون اللي تناظر كلامي

برد الشتاء بالروح مـن هـو يدفيه
واللي احبــــه ما اشوفـــه امامي

فيني من الاشــواق يانبض مغليه
مايحرق اعصابي وينهش عظامي

بعُد المسافه والقـدر باعدت فيه
والحـــظ باعــــد بيننا والسلامي

....

رد: فوق هام السحب ( الشعر الشعبي) على متن القوافي
 

‏مملكة سحر الطبيعه والجمال
في عيوني انتي اجمل مملكه

تحتويني فا الغنج يام الدلال
وفالحنان اللي بداخلك املكه

....

رد: فوق هام السحب ( الشعر الشعبي) على متن القوافي
 

يامرحبا في طلتك يامسا الخير
والي سعى بالطيب ربي يدله

كلمتك مثل الغيم كله تباشير
لوما تحدر ماه يكفيك ظله

....

رد: فوق هام السحب ( الشعر الشعبي) على متن القوافي
 

ساس الرجوله كلها دين وأفعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كلآ يملكه حتئ الأنذال
والمرجله ماكل رجلآ يطوله

....

رد: فوق هام السحب ( الشعر الشعبي) على متن القوافي
 

والله اني ماتردى ولاحب القصور
واتجاهل كل منهو ضعيف ومبتلي

رافعتني عزة النفس الى حد الغرور
والثقه بالنفس لاعلى مكان معتلي

لادعو لي والديني بتيسير الأمور
ماعلي من باقي الناس لو تدعي علي

....