|
رد: فوق هام السحب ( الشعر الشعبي) على متن القوافي
الله يمسيكم على ماتحبون
والله يقويكم لطاعته ورضاه ياجعل من عسرت مطاليبه تهون وياجعل من له منوةٍ يلحق مناه مني لكم مع التحية |
رد: فوق هام السحب ( الشعر الشعبي) على متن القوافي
ياكم فقدنا ناس أغلى من الروح
ولكن عشنا بعدهم غصب عنّا وهكذا هي الدنيا مسرات وجروح ماحد يحقق كل ماهو تمنّى .... |
رد: فوق هام السحب ( الشعر الشعبي) على متن القوافي
ماشبعت من التغلي والغياب
يكفي اللي طاح من دمعي عليك ضاع عمري بالغياب وبالعتاب حس فيني يرحم الله والديك .... |
رد: فوق هام السحب ( الشعر الشعبي) على متن القوافي
الله يسعد مساء الزين الي بَكَر
نَوَّر صباحي بطلت وجـهه الباهي أنا اشهد انه يشابه قطعة السُكر اللي نحي بها القهوه أو الشاهي إذا حضر في حضوره ينهي المُنكر باسلوب راقي رُقيه غير متناهي .... |
رد: فوق هام السحب ( الشعر الشعبي) على متن القوافي
عساك في خير ياللي غبت لك مدّه
ماعاد شـفناك علمنا عن اخبارك حتى لو أبعدت لد الشوف لي لدّه بتشوف كيف الشعور الفارق اختارك .... |
رد: فوق هام السحب ( الشعر الشعبي) على متن القوافي
ياجوهر العشق يانبضه ويا روحه
يسعد مساء الغلا والشوق وعيونك دامك مساء القصيد إللي لك أبوحه يسعد مساء الوله في قلب محبوبك .... |
رد: فوق هام السحب ( الشعر الشعبي) على متن القوافي
عيون المحب يبين فيها حنين الشوق
ولو حاول يداري عن الناس نظراته يكابر بضحكة سن ويزين المنطوق ويبلاه ربي لاحكى بالتنهاته .... |
رد: فوق هام السحب ( الشعر الشعبي) على متن القوافي
ياساكن القلب دوبك ياغلا دوبك
بشويش قلبي جريح الحب وفنونك دايم غرامي وروحي ياغلا صوبك اموت في بسمتك واموت بعيونك .... |
رد: فوق هام السحب ( الشعر الشعبي) على متن القوافي
الحب يبقى لو انه من طرف واحد
ويموت هالحب لاشحيت بعتابك لاتحاسب اللي على شانك خسر واجد ان كان ودك تحاسب حاسب غيابك .... |
رد: فوق هام السحب ( الشعر الشعبي) على متن القوافي
اكبر هموم القلب تركك للصلاه
والا ترى الدنيا مشاكلها تهون ماتستريح النفس وتزين الحياه الا مع اللي يركعون ويسجدون بقلمي |
رد: فوق هام السحب ( الشعر الشعبي) على متن القوافي
ياعايش الدنيا ترى الحظ مقسوم
مثل الهبوب اللي بلا دار وديار نجري ورى الدنيا مع الليل واليوم وياما وطت الأقدام عجلات الأقدار .... |
رد: فوق هام السحب ( الشعر الشعبي) على متن القوافي
واعلم بأن العمر ينقص مايزود
واللي يفوتك منْه صعْب ترجّعه ولا تنْظر لماضيك لأنّه مايعود فكر بحاضِرك الجديد وسنّعه وأبذل عشان أحلامك أضعاف الجهود وباب الأمل بين المَحَاني شَرّعه سعد بن جدلان الله يرحمه |
رد: فوق هام السحب ( الشعر الشعبي) على متن القوافي
والله انّه ماعلى قلبي ملامه
لانوى عنّك عقب حبّك يفارق وانت لك يومٍ تعذبك الندامه لافقدت اللي بعشقك كان غارق .... |
رد: فوق هام السحب ( الشعر الشعبي) على متن القوافي
يا أهل المحبه نور عيني علامه
ماشفته يغرد من الشعر وش فيه أنا ليا شفت القصيده وكلامه يرتاح بالي والتهي في معانيه .... |
رد: فوق هام السحب ( الشعر الشعبي) على متن القوافي
محدن يمشينا على رغبته غصب
ولا نزعل على غيرنا بليا سبايب وثنتين فالدنيا ترى مالها طب خيانة الصحبه وظلم القرايب .... |
رد: فوق هام السحب ( الشعر الشعبي) على متن القوافي
لو الرسالة تقتل ابعاد وفراق
لأرسلت لك في كل لحظة عبارة حبك جريمة والجزا سجن الأشواق سجني مؤبد بس صوتك زيارة لكن لي قلب للأحباب تواق لو غاب محبوبه بقى في انتظار .... |
رد: فوق هام السحب ( الشعر الشعبي) على متن القوافي
اقفيت عني والتناهيت تختال
واعلنت لسيوف المفارق خضوعي طعنتني وادميت قلبي ولا زال خنجر فراقك ناشبٍ في ضلوعي يالحب لوعة فراقك عذبت روحي وشلون ترحل وانا من قلبي احبك تعال عيد الغرام وعالج جروحي قلبي تعود عليك وهام في قربك .... |
رد: فوق هام السحب ( الشعر الشعبي) على متن القوافي
إن قلت لك أقدر على البعد كذّابه
الموت هو فرقاك الله يجيرك مهره |
رد: فوق هام السحب ( الشعر الشعبي) على متن القوافي
في برد الشتاء ماتدفينا الجواكيت
البرد قارس والاجسام حساسه لاشبه النار تنفع ولا عود الكباريت ماينفع الا حضن الوليف ورمساسه .... |
رد: فوق هام السحب ( الشعر الشعبي) على متن القوافي
ياصاحبي صاحبك مايعرف البوح
صعبه يسولف لك عن آخر جروحه صاحبك يضحك لو غدى كله جروح وإليا تضايق شال ضيقه بروحه .... |
رد: فوق هام السحب ( الشعر الشعبي) على متن القوافي
لحظه قبل لاتجمع الوصل وتروح
قبل الموادع يطلق ايديك وايدي البارحه قامت على صوتك جروح عقب البطا ماوسّع طعونها في كم لي وانا اقول الخطا منك مسموح واسامحك والزله تشيلها لي ابسألك وان قلت لي بعدها روح صحيح مايسوى غيابي ولا شي .... |
رد: فوق هام السحب ( الشعر الشعبي) على متن القوافي
اضحك ولو خاطرك ضايق وصدرك حزين
ترا ايامك بتخلّص وانت فيها ماقد ارتحت خلك مثلي مقنّف ثقيل في طبعك رزين لك مقام عالي فوق ليس اسفل وتحت .... |
رد: فوق هام السحب ( الشعر الشعبي) على متن القوافي
مابين شوق الوله وانفاس تغريدك
يطيب جو القصيد وينتعش جوه على دروب الوصل تزهر مواعيدك يامرحبا والغلا شبيت لك ضوه .... |
رد: فوق هام السحب ( الشعر الشعبي) على متن القوافي
الجو روعه والسماء هل غيثه
واليوم جمعة والدعاء مستجابي صلو على اللي ماجهلنا حديثه وشفيعنا يوم الحشر والحسابي اللهم صل وسلم وبارك على نبينا محمد |
رد: فوق هام السحب ( الشعر الشعبي) على متن القوافي
وإن كانهاَ بالزينٌ ويش عاد خلتّ
وإن كانهاَ بصّيتٌ شوف صيتٌ بوهاَ بقلمي |
رد: فوق هام السحب ( الشعر الشعبي) على متن القوافي
ينتابني شي مايعلم به الا الله
يجعلني اصد وجهي واجلس لحالي من ضيقة الصدر اخاف تخوني زله وتجرح لها واحدٍ في خاطري غالي عرش الهوى اللي تولّى فيه واحتله لاطاح منه وش اللي عاد يبقى لي بتعّم في صدري الفوضى و تحتلّه واعيش في حزني وفي خيبت امالي نادر ابن علي |
رد: فوق هام السحب ( الشعر الشعبي) على متن القوافي
رساله ليولك...
سُئِلَ الإمامُ أحمد بن حنبل حاتم الأصم وكان من الحكماء : كيف السبيلُ الى السَّلامةِ من النَّاسِ فأجابه حاتم : تعطيهم ولا تأخذ منهم ويؤذونك ولا تُؤذِهم وتقضِي مصالحهم ولا تكلفهم بقضاءِ مصالحك قال أحمد : انها صعبة يا حاتم قال : وليتك تسلم بقلمي |
رد: فوق هام السحب ( الشعر الشعبي) على متن القوافي
بعض الغياب يعلمك كيف تشتاق
وبعض الغياب يعلمك من يودك وانا ترى قلبي من الشوق خفاق والبال سارح طول الاوقات عندك وينك حبيبي هدني كثر الافراق وكثر البعاد وكثر هجرك وصدك ليتك تحس بناري اللي بالاعماق والله ماتبخل عليا بردك .... |
رد: فوق هام السحب ( الشعر الشعبي) على متن القوافي
ما نسيتك لو تغيّبك السنين
والليالـي عنك ماردت خبر والله إني كل ما يقسى الحنين رحت افتش فالرسايل والصور .... |
رد: فوق هام السحب ( الشعر الشعبي) على متن القوافي
تعلموا ي هل الردى من هل الطيب
وإن م عرفتوا شي كفو غثاكم .... |
رد: فوق هام السحب ( الشعر الشعبي) على متن القوافي
الصاحب اللي علومه كلها ذربه
ماهوب من قوم قبل أنفعك تنفعني أطرب على شوفته وأشفق على قربه وأطريه بالخير لو ماكان يسمعني .... |
رد: فوق هام السحب ( الشعر الشعبي) على متن القوافي
يقـولـون متغير وانا ماتغيرت
من جيت للدنيا وهـذا مسيري من عادتي لاضقت والا تحيرت أصد وأكفي الناس شري وخيري .... |
رد: فوق هام السحب ( الشعر الشعبي) على متن القوافي
نفوسنا الطيبه ماتترك الطيبه
نبغى نخالف هواها غير تمنعنا الله خلقنا كذا في خير تركيبه على تطباعنا تطغى طبايعنا اثاري الطيبه اللي مالها هيبه تروح ف الناس لاقيمه ولامعنى .... |
رد: فوق هام السحب ( الشعر الشعبي) على متن القوافي
قالوا علامك ب البداوه تولعت
قلت البداوه اكسجين لـ حيآتي البر احبه حب مخلص ولا بعت حبه وشوف الذود عندي غناتي .... |
رد: فوق هام السحب ( الشعر الشعبي) على متن القوافي
التعمّق بعض الاحيان مامنْه ثمره
خلك السطحي لو انك تعيش بلا شعور تضعف الجوده لاسوّيت زوم الكيمره وانت قسها في حياتك على كل الامور .... |
رد: فوق هام السحب ( الشعر الشعبي) على متن القوافي
انا حسبت الارض بالطول والعرض
الين اكتشفت ان المسافه خديعه لو الوسيعه اسم يطلق على الارض انا من عيونك عرفت الوسيعه .... |
رد: فوق هام السحب ( الشعر الشعبي) على متن القوافي
ماني رديه نفس ياولد الاجواد
امك وابوك اجواد ولا انت غادي دور على مثلك مفاليس وزهاد واترك نفيس الناس لا صرت صادي ماني من الي تشفق لساقط الزاد ولاني من اللي تلتفت للمنادي مليانه عيوني مطاليق واسياد مابه محل لبايعين المبادي .... |
رد: فوق هام السحب ( الشعر الشعبي) على متن القوافي
ماعاد يرضيني وِفاء ولا يزعّلني جِفا
متساويٍ في خاطري ظلم العرب وانصافها ولا تاقف الدنيا على شمع الغرام اللي طفى بعض الشموع أنا أتعمد كسرها واتلافها .... |
رد: فوق هام السحب ( الشعر الشعبي) على متن القوافي
كم حي مايسوى وجوده ولاشي
يضيق صدر الارض من ثقل دمه وكم ميتٍ يسوى وجوده مية حي ميت ويخدم صيته عيال عمه .... |
رد: فوق هام السحب ( الشعر الشعبي) على متن القوافي
لي صاحبٍ جعل يفدا مواطيه العذول
الله اللي حط حبه فـ قلبي وفرضه كل فجر ومغرب ارفع يدي لله واقول جعلني ما اذوق حزنه ولا ذوق مرضه .... |
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية