|
رد: فوق هام السحب ( الشعر الشعبي) على متن القوافي
ابشرك ماعـاد لك عندي عتاب
ولاعاد عندي بالزمن شي اخافه اسلم وسلم لي على كل من غاب الخاطر إليا عاف له شي عافه .... |
رد: فوق هام السحب ( الشعر الشعبي) على متن القوافي
أبكي لأنك كنت نازل بصدري
وشلون تنزل في مكان وتضرّه ليت النهاية كانت شوي بدري يمكن قدرت أسامحك وأتشرّه وبتدوّر من بين النسا لين تدري إنك خسرت أندر نساء المجرّه .... |
رد: فوق هام السحب ( الشعر الشعبي) على متن القوافي
رسالتي لك....
من تمارض مَرِض ومن تفاقر افتقر ومن تذلل ذُل ومن تهاون هان ومن اعتزَّ عز ومن استحصن حُصن ومن استعصم عُصم أنت حصيلة ماتمليه على نفسك بقلمي |
رد: فوق هام السحب ( الشعر الشعبي) على متن القوافي
إييه أحبك لعنبو ابليس الهيام
كثر شوق العين لطيوف اللقى رحت من عندي وفي قلبي كلام ويوه ي كثر الكلام اللي بقى .... |
رد: فوق هام السحب ( الشعر الشعبي) على متن القوافي
الله خلقها حشيمه من سلالة حشام
ماتطاوع النفس في حاجه وتحتالها كريمة شعور لو ما دبعض الأوادم كرام لو طالوا الغيم محدٍ منهم طالها تسكت مثل نظرةٍ تسوى جميع الكلام تأخذ من الصمت عزو من الكبر فالها كن وجهها العذر من شافه يطيح الملام حظيظ منهو على الدنيا يمر بالها .... |
رد: فوق هام السحب ( الشعر الشعبي) على متن القوافي
أكبر هموم القلب تركك للصلاه
والا ترى الـدنيا مشاكلها تهون ماتستريح النفس وتزين الحياه الا مع اللي يركعون ويسجدون .... |
رد: فوق هام السحب ( الشعر الشعبي) على متن القوافي
شبّ ضوّك في حنايا الصدر لابرد زماني
واحرق الفرقا بنار الوصل واشبعني سكينه غايتي ومناي وأحلامي وذكراي وكياني كلها تفداك ويفداك العمر واغلى سنينه من خذا ربع اهتمامك في حياته لو ثواني ينجلي همّه ويضحك خاطره وتجفّ عينه .... |
رد: فوق هام السحب ( الشعر الشعبي) على متن القوافي
ماكل فعل ٍ تنضرب فيه الأمثال
الفعل كايد والكلام بسهوله فعل ٍ يموت وفعل يبقى للأجيال وفعل ٍ تبيه الناس ماحد يطوله .... |
رد: فوق هام السحب ( الشعر الشعبي) على متن القوافي
انا ماني بني عم الرخوم الضعوف
الي كل منحكى بضهري صفقوله بني عمي رجال مايعرفون الخوف عزوتي لاغزاني الضيق وقفوله .... |
رد: فوق هام السحب ( الشعر الشعبي) على متن القوافي
غير الوفاء والطيب لا ماتخيّرت
لو مالت الأيام ماني بمايل باقي على ساق الوفاء ماتغيّرت تسوقني الشيمة وأسوق الجمايل .... |
رد: فوق هام السحب ( الشعر الشعبي) على متن القوافي
حنا ربينا في مرابي اهل الطيب
اللي تميزهم وصوف وعلامه وان كان لبيوت المعزه معازيب حنا معازيب الوفا والعھرامه .... |
رد: فوق هام السحب ( الشعر الشعبي) على متن القوافي
يعجبني الواثق سليم النوايا
نهجه على وضح النقا مايهمه واكره من المرتاب كل السوايا مهما مدح نفسه سواته تذمه .... |
رد: فوق هام السحب ( الشعر الشعبي) على متن القوافي
ياخوي انت السند حزة الضيق
وانت الذي يغني عن الناس ظله الطيب يرفع من مقام المخاليق وانت بمقامك ترفع الطيب كله .... |
رد: فوق هام السحب ( الشعر الشعبي) على متن القوافي
لاتوصيني على حفظ السراير وانت غالي
والله اني حافظك وادرى عليك وكلني لك لاكتبت اسمك وانا فالبر لو اني لحالي ألتفت وامحيه من خوفي عليك وحبني لك .... |
رد: فوق هام السحب ( الشعر الشعبي) على متن القوافي
اللي اليا شافني قصّرت كمّلني
ياكيف أجازيه ولا أرد له طيبه واللي على أصغر عيوبي ماتحمّلني يامرحبا بالضروف اللي تقفي به .... |
رد: فوق هام السحب ( الشعر الشعبي) على متن القوافي
فدا عينك زمانٍ فات من لوعه ومن هوجاس
ومن ضحكة سراب سافرت في بحر أوهامي .... |
رد: فوق هام السحب ( الشعر الشعبي) على متن القوافي
من نفسك أصنع لذاتك حشمه وقيمه
صنيعة الناس لاودت ولا جابت .... |
رد: فوق هام السحب ( الشعر الشعبي) على متن القوافي
صرت أوالف جوي الهادي وأحب العزله
والنفوس اللي تشل الحقد ما أواطنها بقلمي |
رد: فوق هام السحب ( الشعر الشعبي) على متن القوافي
من سمو المهابه اخذت طبع العلو
ما التفت لغياب ولا انتظرت الوعود وما يسد بمكاني ناس مهما علو في سما عزتي ماللكبر اي وجود .... |
رد: فوق هام السحب ( الشعر الشعبي) على متن القوافي
عن مايشد الاخرين اغض عيني باعتزاز
العين شرهه والضمير اللي ورا العوج استراح واللي مُتاح من الفرص مهوب يسوا الانتهاز انا احب الكايد اللي مستحيل انه يُتاح .... |
رد: فوق هام السحب ( الشعر الشعبي) على متن القوافي
انا ادري انك تمر وتدخل حسابي
واحيان تقرى الشعر واحيان ماتقرى حتى ولو ماتحط لشعري اعجابي يكفيني اني أمر البال وانت ادرى .... |
رد: فوق هام السحب ( الشعر الشعبي) على متن القوافي
كبريائي فالغلا ماهو تسلي
ندرة الأشياء تغريني وابيها ما اداني إمتلاك الحاجه اللي كل واحد يقدر يحصل عليها .... |
رد: فوق هام السحب ( الشعر الشعبي) على متن القوافي
مع نفسي اعاتب نفسي واتأسّف
انا استاهل وإلا جد مَاستاهل اجي كلّي مع العالم واتحسّف على وجه الردي وضحكة الجاهل .... |
رد: فوق هام السحب ( الشعر الشعبي) على متن القوافي
كنت اشوفك كل ماغنو الاماكن
وجيت قبل العطر يبرد مالقيتك للامانه ماقدرت انساك لكن كبريائي حدني غصب ونسيتك .... |
رد: فوق هام السحب ( الشعر الشعبي) على متن القوافي
ماعلمك طول الغياب إني كبير
وإني على كثر اشتياقي ما أتبعك ماقلت لك قبل التمادي استخير خل العناد اللي غدابك ينفعك .... |
رد: فوق هام السحب ( الشعر الشعبي) على متن القوافي
قل للفخر معاد له عندي حدود
وقل للكرامة دايم الدوم ترقى وقل للشموخ اللي ورثته من جدود يبقون فيني دام هالنفس تبقى .... |
رد: فوق هام السحب ( الشعر الشعبي) على متن القوافي
عندي يقين إن الليالي المقبله ماهي بسود
أنقى من قنوف السحاب اللي تلوح بروقها .... |
رد: فوق هام السحب ( الشعر الشعبي) على متن القوافي
ماعلمك صمتي شكثر فيني كلام
والا انا اللي بس احسك واسمعك ما اذكرك مُر الجفا بحلو الغرام والا انت بالثنتين ماتفرق معك .... |
رد: فوق هام السحب ( الشعر الشعبي) على متن القوافي
الغيم يشبه خافقك لامتلا شوق
يمطر غلا ويسقي ثراي وخيالي .... |
رد: فوق هام السحب ( الشعر الشعبي) على متن القوافي
ماكل خاطر نبي نتبع مراعاته
بعض الخواطر حرام انك تراعيها اللي يقدمك عن كل اهتماماته حاول تقدم له الدنيا بما فيها .... |
رد: فوق هام السحب ( الشعر الشعبي) على متن القوافي
حزمت في قلبي تفاصيل ذكراك
وحدّدت للفرقا من العام ميعاد واخترت تاريخٍ تحبّه ويزهاك تاريخ فرقا كل ماراح ينعاد في يوم ميلادك تعمّدت فرقاك أبغيك تذكرني مع كل ميلاد .... |
رد: فوق هام السحب ( الشعر الشعبي) على متن القوافي
عمر العنب ماشال هم العناقيد
ولا درت عن ضيقة الأرض غيمة ولا شكى كثر الوطى واسع البيد ولا جرح وجهه الحيا قِل شيمة العقل نعمة والقناعات تجديد وأفكارنا ماهي بدايم حكيمة بعض الوضوح أحيان يحتاج تعقيد لأن الحياة أصلاً ماهي مستقيمة .... |
رد: فوق هام السحب ( الشعر الشعبي) على متن القوافي
يكفي وفاك وطيبتك في نواياك
ويكفي ليا من زاد همي نصيتك حياك في وسط الحشا لاعدمناك القلب قلبك والشرايين بيتك .... |
رد: فوق هام السحب ( الشعر الشعبي) على متن القوافي
أنا ببعد عن دروبك وأكمل باقي سنيني
لأن البعد يتعبني وفرقى من تحبّ تلوع فمان الله أنا آسف ترى ماهو بيديني لأن درب العشق واضح وأشوف إن الأمل مقطوع .... |
رد: فوق هام السحب ( الشعر الشعبي) على متن القوافي
ذخرتك للشقى صدرٍ يكفيني عن الباقين
و ذخرتك للمدى هقوه تشتت كل ضيقاتي انا ياضحكة سنين الزمان وكل علمٍ زين تركت الناس متعمد وعليك اسوق هقواتي .... |
رد: فوق هام السحب ( الشعر الشعبي) على متن القوافي
ايه أحبه كثر حبي للمعاني والقصيد
وكثر ماهلّت دموعي يوم حل موادعه أحتاج له كثر إحتياج القلب للدّم والوريد وأنفعه مثل العشير الي عشيره ينفعه آه لو أملك ربع ماتملكه ايد الوليد لأجل أحقق أمنياته ولأجل ألبي مطمعه .... |
رد: فوق هام السحب ( الشعر الشعبي) على متن القوافي
من يعز النفس مايصبح ذليل
والردي الوقت يكشف لك رداه ماتحسفنا على فعل الجميل نعتبرها في الردي مثل الزكاه .... |
رد: فوق هام السحب ( الشعر الشعبي) على متن القوافي
ماجاء ردى مني ولا جيت بقصور
طبعي كذا دايم مع الخلق كله لي عزةٍ تطغى على كل دستور من خلقتي والطيب عندي جبله ياقلب من قفى عن العين معذور نفسي عزيزة والمقفي تمله .... |
رد: فوق هام السحب ( الشعر الشعبي) على متن القوافي
بعض البشر محتاج للذوق خبره
عندي نصيحه له على مَرّ الازمان المرء بأخلاقه وذوقه وفكره وبروعة أسلوبه يصيرأجمل انسان .... |
رد: فوق هام السحب ( الشعر الشعبي) على متن القوافي
سلام الله لمن يقرأ سلامي
ويسلم من يبادلني سلامه سلام يرتوي به كل ضامي وفي الوجدان تبقاله علامه ويشفي من بقلبه جرح دامي ويزرع فالوجوه الابتسامه بتقديري وودي واحترامي إليكم ود قلبي واحترامي بقلمي |
| الساعة الآن 04:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية