رد: فوق هام السحب ( الشعر الشعبي) على متن القوافي
 

حنـا لنا صدات في بعض الاحـوال
مانطلق الساقـيـن مـن دون داعي

الـمـجـتـمع تلقابه الوان واشكـال
لاتصـيـر في كـل الامـور اجـتماعي

رد السلام ونـاشـد الحـال بالحـال
وسـلم لـيـا مـريـت تسليم سـاعي

اذنـك لاترخيها على القيل والقال
وشوفك على الغرات خله ضباعي

رد: فوق هام السحب ( الشعر الشعبي) على متن القوافي
 

والله انا في زمان (ن) مـايطمّــن
فـيـه ذيب وفـيـه داب وفـيـه حـيّه

لو تـروح لصاحبك تـبغى تـطمّن!!
قال مدري ويش عنده فـي مجيّه؟

رد: فوق هام السحب ( الشعر الشعبي) على متن القوافي
 

تبسّم ترى الدنيا مثل آلة التصوير
تصورك في غفلتك وتوزع الصورة

وجوه البشر وجهين وجهٍ بشارة خير
ووجهٍ يجيب الهم شوفته وحضوره



عبدالله الطلحي

رد: فوق هام السحب ( الشعر الشعبي) على متن القوافي
 

‏مع العزله اللي تكتم الصدر والانفاس
ولا الجمعه الي لا مزاجي ولا شفّي !

انا العاقل الي كل ما ضايقوه الناس
يوقف دقيقة صمت ويصد ويقفي

رد: فوق هام السحب ( الشعر الشعبي) على متن القوافي
 

لا اله الا الله الواحد الفرد المعين
العظيم الخالق المقتدر جل وعلا

نطلبك ياكافل ارزاق خلقك كل حين
يالله التوفيق و العفو يارب الملا

رد: فوق هام السحب ( الشعر الشعبي) على متن القوافي
 

تضحك الدنيا لهلها وتاليها الزوال
والغنا في عزة النفس والعرض النزيه

لاتغبط اهل الطمايع وعبّاد الريال
حظ من قام بصلاته وبر بوالديه

رد: فوق هام السحب ( الشعر الشعبي) على متن القوافي
 

الناس شتى بالمظـاهـر والافعـال
وكلٍ يشوف الناس في عين طبعه

كم واحدٍ في ظاهره خوش رجال
وخافيـه قرد ولابسٍ ثـوب ضبعه

كذاب خايـن له دغايـل ومحتـال
صديـق هو وبليس واهداه قبعـه

وكم واحدٍ عادي ولاهو على البال
لكـنـّـه بـالأمجـاد مقــدام ربـعـه

رد: فوق هام السحب ( الشعر الشعبي) على متن القوافي
 

أصحابك اللي بالسوالف سلاطين
وان حدت الحاجه ماتلقى بعضهم

حاول تصفيهم على واحد اثنين
ودور من اعيال النشاما عوضهم

رد: فوق هام السحب ( الشعر الشعبي) على متن القوافي
 

يارب أنا في رجاء رحمتك لاصرت عود
في ساعةٍ ماعرف جوري من الجوهره

لامن جسمي بدا ينقص وعمري يزود
والشخص ماميزه رجال وإلا مره

وأسمع بذان الصلاه اللي ماعنها صدود
وتهوم نفسي على الممشى ولاتقدره

وأعضاي ماعاد تتحمل ركوع سجود
من دون في دون لكن يالله المغفره

رد: فوق هام السحب ( الشعر الشعبي) على متن القوافي
 

ظروف الزمان المر تمشي على المقلوب
ودروب الصبر صارت طويلة ومنعاجة

صبرنا على سـود الليالي صـبر أيوب
لكـن صبـرنا عـيًا يسـوي لـنا حاجـة

بنـادم يحـاول بـس مالة عن المكتوب
وكلن حسب قسمة و حظة و منهاجة

احـد جاتـة الدنيا على غاية المطلوب
واحد مثل ماقالو ظروفه على الصاجة

رد: فوق هام السحب ( الشعر الشعبي) على متن القوافي
 

من يفصل ثيابه علشان عيد الدار
لا من الشدايد بينتّ قيّف بداله

وطنا عليه من اي نسمة هبوب نغار
ولا نستلذ الا بشمسه وبظلاله

وطنا رياله عندنا اغلا من الدولار
على شان حب الصوره اللي على رياله

وطنا نشوف ارضه رياضٍ خضر وانهار
نحتنا محبتنا العظيمه على اجباله

وطنا اليا صبت على ترابه الأمطار
نخاف المطر من حبه ايجرح اطلاله

هذا اطهر بلد يستاهل الحمد والاذكار
يطهر خفوق اللي تيمم من رماله

وطنا وطنا ما دخل فيه الاستعمار
ولا وقف اللي طامعٍ به على جاله

رد: فوق هام السحب ( الشعر الشعبي) على متن القوافي
 

خلك مع اللي لا قسى الوقت ما مال
مركـــاك لا مــالت عليــك الليـــالي

وإلا تــرى وقــت الـرخــا فـيه الانــذال
كــلاً يـقـول انــا الرفـيق المـــوالي


الهاب بدر

رد: فوق هام السحب ( الشعر الشعبي) على متن القوافي
 

‏مانلتفت للحـذفة اللي من اخلاف
ولا ننشد اللـي شافها من حذفّها

وان جـاء يعـلّمنا بـها واحـد شـاف
نقول حـذفـة جنّبت عـن هـدفّها

نغضي عن الزلات من كل الاطياف
واصدورنا يتعب بها من وصـفّها

ونهتـم بعـلوم المطاليـق الاشـراف
والا سوالـيـف الـرخـوم انعـرفّها

رد: فوق هام السحب ( الشعر الشعبي) على متن القوافي
 

‏ركعة وتـر في تالي الليل تغنيك
عن ما جمعته في حياتك من أموال

من فضلها يمكن من النار تنجيك
يوم الحساب وتصفيت كل الأعمال


جازع الرياحي

رد: فوق هام السحب ( الشعر الشعبي) على متن القوافي
 

أنا لي أيام وأنا أوجس براسي صداع
والعالم الله من الخيبه وقل الوفوق

الله مشين الجميل لابذرته وضاع
والله من شين الثقة فالخاين والسروق

بعض الأوادم رداهم راضعينه رضاع
وأبوانهم قبلهم مافيهم اللي يشوق

واعرف ترا الحذفه اللي في يدين الشجاع
أنفع من البندق اللي في يدين الذروق

محمد المقحم

رد: فوق هام السحب ( الشعر الشعبي) على متن القوافي
 

أبدا باسم من خضوعي له وتوحيدي
والسبحنه والتشهد والتحياتي

كرسي جلاله على عرشه مدا الميدي
في وسع سبع الاراضي والسمواتي

عسى عراه الوثق طوق على جيدي
ولا يفرّح حساسيدي وشمّاتي

إللي كتب في عبيده شقي واسعيدي
ورفع بعضهم على بعضٍ درجاتي

ويد ل منطق لساني في الأ ناشيدي
ويزيدني مع هل العرف إعتباراتي

إن ناشني من رجال العرف تأييدي
حبّيت نشرالجرايد والمجلاتي

وإذاجذ بني كلامي للمناقيدي
قبل مآسي كلامي ياجب إسكاتي

شرّد إبكار النشيد أجفل من الصيدي
ومن القنانيص قدها مستذيراتي

يقنص لهابالمحازم والبواريدي
تنصاد مرّه وتسلم عشر مراتي

الشعرصدقه على الأفعال تأكيدي
وتقبل إشهوده دون صكوك واثباتي

مجده يخلد إبيوتٍ للأجاويدي
تبقى إضويه بعد الاسلاف حياتي

وأكد بطبع العروبه والتقاليدي
من لا نفع حيٍ مايفقد إليا ماتي

ماهوب شعر المظاهر والمقاصيدي
ياصاحبي رش خبزك من لبن شاتي

الحر ياقع مع الحقب المجاليدي
و يقول طيري وراي وسويّ سواتي

قريحتي ميلت شعري وتمجيدي
لمعانق الشرد في روس المنيفاتي

حذرات الاشعارفي روضه مقاييدي
إلشرد اللي مطاردهن عسيراتي

إلقلّط إلمترفات إلعنس الغيدي
إللي عدمهن على إلشعارحسراتي

شيخٍ قصيده قداوه للقواصيدي
وشخصه قداوه واساليبه قداواتي

إمخلدٍ في سنام المجد تخليدي
أرسى من إطويق وجبال السراواتي

ياحق الإنصاف لطّام الأضاديدي
يالهيلع إللي تطيع له الصعيباتي

ياسيدي خالد الفيصل ولد سيدي
ياسيدي سيد قومي وسيد ساداتي

كل الشكاوي على مجدك مسانيدي
إلليا حداه من الايام صكّاتي

يامحقق أهداف شرهين المقاصيدي
في جانبك تكبر إشروهي وهقواتي

عزمي يحط الثريا والقمر في يدي
واسعى وعجزت جهودي عن طموحاتي

أرهي على جمع زرع ٍ حصده بعيدي
ولا أتحسف على الفايت إليافاتي

عسى السعاده تجدد معك تجديدي
وعطال سيري إمهندسه أنت بالذاتي

ياسيدي خالد الفيصل ولد سيدي
أهديك ياخالد الفيصل تحياتي



سعد بن جدلان

رد: فوق هام السحب ( الشعر الشعبي) على متن القوافي
 

يامجمول مابه واحدٍ ماعليه هموم
اللّي جاك من فوح الدهر لحقنا غلْوه

انا والله اني خابرٍ من وراك علوم
ولذات الهوى يازين فالمبتدى حلوه

تسلا وانا قلبي من التسليه مفطوم
ولي مدةٍ وانا اتغصب على السلوه


سعد بن جدلان

رد: فوق هام السحب ( الشعر الشعبي) على متن القوافي
 

اكبر فخر للناس انك من الناس
واكبر فخر للارض ممشاك فيها

بي من غلاك احساس ما يحده قياس
اغلى من الدنيا ومنهو عليها

اسمك مع الانفاس به نرفع الراس
نفس بكل نفوسنا نفتديها

انت بشر او انت فرد من الاجناس
يا شمسة شدت الكواكب اليها

وتبهر من يشوفك ولك قلب حساس
منك السعادة للقلوب تعطيها

يا طيب منهو بطيب يشرب بلا كاس
يا مبتدت الدنيا ويا مبتديها

اغلى من الالماس واقطع من الالماس
نظراتك ما حد يوم يعصيها

كل القلوب جنود حولك وحراس
تبدلك باحلى المشاعر ايديها


محمد بن راشد

رد: فوق هام السحب ( الشعر الشعبي) على متن القوافي
 

تهيج المشاعر في غرام العيون السود
وأجر القوافي في عيونك و أغنيها

يا مسك المحبه والتلاقي و ريح العود
فدتك المعاني و القصايد وقاريها

أنا من كثر ما أشتاق لك يا نعيم العود
أسابق طيوفك في خيالي و أناديها

رد: فوق هام السحب ( الشعر الشعبي) على متن القوافي
 

اُمك ما غير اُمك وطن يابن الاجواد
فرصة حياتك ( بــرها ) واُغـتنمها

في حضنها رحمه و قصه و ميلاد
و يكفيك بالجنه مـواطي قدمها

رد: فوق هام السحب ( الشعر الشعبي) على متن القوافي
 

سلم على المحترم واسلوبه الراقي
وجنب عن اللي علومه ما يثمنها

أعامل الناس باسلوبي وباخلاقي
والناس باسلوبها تعرف معادنها

رد: فوق هام السحب ( الشعر الشعبي) على متن القوافي
 

والله لو تملك من المال مليار
وانته قليل الدين مالك سعاده

أن كـان تبغالك معزه ومقدار
خـل أجتهادك في كثر العباده

رد: فوق هام السحب ( الشعر الشعبي) على متن القوافي
 

أمر مراً مـر فـي دنيتـي لـي
وأمر مرٍ مـر لـي فـي حياتـي

لاجاني العانـي وانـا مامعـي شـي
ودي تجينـي قبـل ياتـي وفاتـي

ان اعتذرته ظن ظن الرداء بـي
وانا الرداء ماهو صفة من صفاتـي

أضحك واهليبه وانـا منكـوي كـي
من خوفي التقصيـر فـي واجباتـي

ومن لا أشتهر بالطيب صيته وهو حي
ماطالع له صيـت عقـب المماتـي


منصور الرمالي

رد: فوق هام السحب ( الشعر الشعبي) على متن القوافي
 

خلٍ صناديق صَدري منه مختلّه
بطّل علـي الهـوى مع كل بيبانه

لين احترق زرع قلبي وانصرم كُله
والقلب وش خانته لا راح بستَـانه

قلبٍ شعاه الغرام وصـادفه علـه
ماله علاجٍ يلين يشوف خلانـه

رد: فوق هام السحب ( الشعر الشعبي) على متن القوافي
 

أنا والله المجنون والناس ما يدرون
و حي المجنن تنتداوا . . . ولا جني

تجننت من خمرة لسانٍ وسحر عيون
ولا لي جدا غير أرفع الصوت وأغني

ولاصدت منها الا اربعٍ تبحث المكنون
يا وجدي ، وياليته ، ويمكن ، ولو أني ؟

سعد ابن جدلان

رد: فوق هام السحب ( الشعر الشعبي) على متن القوافي
 

أبو علي قال.. لا انته لي ولانا لك
يامن نسيت الوفاء والطيب والمعروف

لا خير في غيبتك عني ولا إقبالك
يكفي مظاهر قد اللي داخلك مكشوف

تهرج ب الاقوال لكن ويني أفعالك
ياذي تشدقته إنك بالكرم موصوف

ماكنت أظن الجفاء يأتي من أمثالك
خذلتني يوم شفته معصمي مكتوف

لو انت مقدام كان الصحبه أبقاء لك
باتسندك يوم ظهرك للوراء مدهوف

أما من أطماع بقعاء ياتعب حالك
درب الطمع ياصديقي بالخطر محفوف

والله لا فقرنا دايم ولا أموالك
ولا على العيش في دنيا النكد مأسوف

راسي يقل لي شموخ العز يهنا لك
وذي بلا عز راسه للقدم معطوف

رد: فوق هام السحب ( الشعر الشعبي) على متن القوافي
 

‏ما فيه ناسٍ من الاوجاع مرتاحه
‏والصبر في مثلها من ربنا منحه
‏
‏لولا التعب مـا عرفنا قيمة الراحه
‏ولولا المرض ما عرفنا قيمة الصحه

رد: فوق هام السحب ( الشعر الشعبي) على متن القوافي
 

في هواها راح عمري و لا ألحقته حسوف
مستحيل اعدد اللي فعلتْ من اولا

دايم المنّه الى جات من عقب امعروف
لا غدا مكسب جمالة ولا دفعة بلا

القلوب تشوف و أنا احسب انها ماتشوف
والعيون تمييييل وتحب قدام الملا

اطهر مْن المحرم اللي على الكعبه يطوف
و اصدق مْن الموت و اذير من ريوم الفلا

لو تمارس كبرياها على بعض الحروف
‏كل حرفٍ ماتقوله مجنبه الحلا

‏قالت انت اللي يجمل لاجا بين الصفوف
‏قلت انا اللي ماتشالا ولا حوله شلا

شاهرٍ سيف الهلالي على حدب السيوف
‏من كفله الله جعل له من الناس كفلا

تبشر بوقفة شجاع ما يربكه الوقوف
بين تأنيب الضمير ومشاريه زملا

رد: فوق هام السحب ( الشعر الشعبي) على متن القوافي
 

دون وجهك ماحسبت حساب غالي
‏والعسيره لانصت مثلك بسيطه

‏ياحزامي لاعبس وجه الليالي
‏واستفاق الهم والدنيا شطيطه

‏والله إنّي مالتفت في ضيق بالي
‏لاذكرت إنك على وَجه البسيطه

رد: فوق هام السحب ( الشعر الشعبي) على متن القوافي
 

‏يقولون من لاخاف درب الخطايا زل
‏وتمام العقل من خاف من وجه خلاّقه
‏َ
‏تذكر رقابة خالق الكون .. عز وجل
‏وتذكر عطاه وستره وفايض آرزاقه
‏َ
‏وتذكر وقوفك يوم تاقف ماعندك حل
‏في يومٍ يشيب الراس من شدة آرهاقه
‏

رد: فوق هام السحب ( الشعر الشعبي) على متن القوافي
 

اشتقت لعيونك وزايد بي الشوق
‏نظراتك اللي تشلع القلب والروح

‏فارق بزين الوصف عن كل مخلوق
‏شعر الغزل لجلك نجيبه مع البوحًً

رد: فوق هام السحب ( الشعر الشعبي) على متن القوافي
 

بعض البشر مثل العسل والجواهر
مهما وصفته بالطيب ماله أوصاف ..

وبعض البشر طيبه على الناس ظاهر
ما يختفي مثل القمر دووم ينشاف

رد: فوق هام السحب ( الشعر الشعبي) على متن القوافي
 

على الهون ياسود الليالي تراني ماش
ونفسي من ظروف الزمن باح خافيها

عيوني على حظي وحظي طريح فراش
والامال والله مندرى ويش تاليها

رد: فوق هام السحب ( الشعر الشعبي) على متن القوافي
 

السنين معجزه والعرب متغيرين
والديار من الاجاويد شبه الخاليه

عزتي للي يـدور سلوم...الأوليين
العرب جاها بلا فـ السنين التاليه

رد: فوق هام السحب ( الشعر الشعبي) على متن القوافي
 

‏اثر الشـدايـد تكـشـف الناس للناس
ويبيـن فيها اهـل الحكي والصمايل

كم واحدٍ وقـت الرخا تحسبـه راس
ولا هبّـتـه هـــوج العــواصف تمايل

رد: فوق هام السحب ( الشعر الشعبي) على متن القوافي
 

لـيـتـك تفاجئني بصــوت اتصــالك
عشان اسج من التعب والتعب غير

على الاقل : لو قلت وشلون حالك
آقول طيّب حتــى لو ماني بخير

رد: فوق هام السحب ( الشعر الشعبي) على متن القوافي
 

فيها تمرد وعنفوان وقووووه
وشموخ نظراتها يعانق الغيم

ياعاشقين الخيل شوفوا علوه
سبحان ربي خالق الخيل والريم

فيها أختلاط من صفات المرووه
وفيها جمال العين والشكل تصميم

رد: فوق هام السحب ( الشعر الشعبي) على متن القوافي
 

‏من لا يحس بقيمتك وانت موجود
ماهو بناشد عنك لا صرت غايب .

حاول تفرق بيض الأيام والسود
ياقلب ماكل الحبايب .. حبايب

اللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك .. ورود !
ما جاك لو إنك من أدني القرايب

رد: فوق هام السحب ( الشعر الشعبي) على متن القوافي
 

انتي قوافي الشعر وسجعي ونثري
وانتي لقلبي نبض ولجسمي الروح

أنتي زهور فلي ومسكي وعطري
همسات فمك تجعل الصدر مشروح

شيدت* لك مسكن.. سقفته بصدري
وأقفلت عليك قلبي الذي كان مفتوح

رد: فوق هام السحب ( الشعر الشعبي) على متن القوافي
 

‏مثل الوسم طلة حروفك ومبداك
‏يـروي عرووقٍ يابســه لاغمرهــا


‏عنيـت لك قـافي على حدّ يمناك
‏وارخيت لك هدب العيون ونظرها