رد: فوق هام السحب ( الشعر الشعبي) على متن القوافي
 

وصفي لها في كل مشهد حقيقه
اغلب تفاصيل الشعَر تنحكي عنْه

من كثر ماهي في عيوني رقيقه
حتى طرف خلخالها تنزعج منْه

.....

رد: فوق هام السحب ( الشعر الشعبي) على متن القوافي
 

عسى الفرح دايم يغرد بدنياك
وعسى الحزن يمك يضيع طريقه

جعل السعادة ماتفارق محياك
وعسى طريقك دوم محدن يعيقه

.....

رد: فوق هام السحب ( الشعر الشعبي) على متن القوافي
 

بعض البشر محتاج للذوق خبره
عندي نصيحه له على مر الازمان

المرء بأخلاقه وذوقه وفكره
وبروعة أسلوبه يصير أجمل انسان

رد: فوق هام السحب ( الشعر الشعبي) على متن القوافي
 

الرّدي ⁩ يطيح بالدرب معثور
‏وخالص النيّه يسير ولا يهاب

‏ولا يشوّه وردتي نظرة حسود
‏ولا يجرّح لحظتي تايه صواب

‏.....

رد: فوق هام السحب ( الشعر الشعبي) على متن القوافي
 

أنت ضحكه ساندتني رغم الأوقات العنيده
مثل ماني بالوُجود وفُوق هالدّنيا سندها

أنت غيمة مرّت بقاعٍ شكت للغيم بيده
وأرتوت فيك الصّحاري من جفافٍ قد حصَدها

أنت حبٌ مع مرور الوقت يتزايد وأزيده
وحدك اللي مكتفي بك والبشر ينقص عددها

.....

رد: فوق هام السحب ( الشعر الشعبي) على متن القوافي
 

افرح عشانك معي فرحه ومن دون ليه
‏يكفيني اعيش في طرفك وانا اتأمله

‏العالم تشوف وجهك مثل كل الوجيه
‏واشوف وجهك بعيني عالم بأكمله

.....

رد: فوق هام السحب ( الشعر الشعبي) على متن القوافي
 

‏أنت ياللي في حنان كفوفك البيضا وشاحي
‏أرتمي له لاحداني جور وقتي بالحساير

‏والله اني ما أخاف الغدر دام أنّك سلاحي
‏جنبك أعد الحياة أرباح لو كانت خساير

....

رد: فوق هام السحب ( الشعر الشعبي) على متن القوافي
 

‏غياب الاموات تؤمن به جميع البشر
‏وغياب الاحياء كثير الناس منه اجزعوا

‏يالغالي اللي غيابك فوق عام وشهر
‏انت اصدق الراحلين اللي ماعاد ارجعوا


.....

رد: فوق هام السحب ( الشعر الشعبي) على متن القوافي
 

ترا كان قلبك يارفيقي عليه اخلاف
‏ اخذ نصف قلبي لين تسلم اكراميه

‏وانا ماعطيتك نصف قلبي ياكون إسعاف
‏وإلى من طلعت من الخطر رجعه ليّه

.....

رد: فوق هام السحب ( الشعر الشعبي) على متن القوافي
 

لبيه لبيه من روحي الى روحي
لبيه يا اغلى من الدنيا ومافيها

لبيه احبك كثر ماتعشق جروحي
لبى حياتك من اولها لتاليها

.....

رد: فوق هام السحب ( الشعر الشعبي) على متن القوافي
 

عذابي من عيونك ومن رمشك المسلول
‏ومن الثنتين اللي سنا الشوق محرقها

‏لاتبخل علي بشوفتك يافريع الطول
‏مواعيد حبك قمت احسب دقايقها

‏غزتني طيوفك غزوة اللي سلب له شول
‏عديمِ عليه القوم تلحم بنادقها

‏سهوم المحبه توجع الخاطر المذهول
‏رمتني وانا اللي في هوى الحب سايقها


.....

رد: فوق هام السحب ( الشعر الشعبي) على متن القوافي
 

‏حاجتي فالحب حاجه منطقيه
‏والمحبه ما تجينا بالوراثه

‏أبتسامه وأهتمام وطيب نيه
‏وين أحصل ناس تجمع هالكلام


.....

رد: فوق هام السحب ( الشعر الشعبي) على متن القوافي
 

‏عودتني لاضاق حالي نصيتك
واليوم جيتك مالقيتك ولاريت

بعدت عني ماعرفت اين بيتك
وبجيتك من شوف عيني تواريت

ياحظ مـن فرقا حبيبي نخيتك
يكفي من الهجران ماقد تلقيت

حاول تجمع شملنا به فديتك
ياحظ لانا حي دونه ولا ميت


.....

رد: فوق هام السحب ( الشعر الشعبي) على متن القوافي
 

لاتوصيني على حفظ السراير وانت غالي
‏والله اني حافظك وادرى عليك وكلني لك

‏لاكتبت اسمك وانا فالبر لو اني لحالي
‏ألتفت وامحيه من خوفي عليك وحبني لك

.....

رد: فوق هام السحب ( الشعر الشعبي) على متن القوافي
 

‏حاول توازن بين عقلك والإحساس
وعيش الحياة اللي تبيها لذاتك

إن كنت بتوّقف حياتك على الناس
بتموت ماسويت شي بحياتك

بقلمي

رد: فوق هام السحب ( الشعر الشعبي) على متن القوافي
 

‏سبحانه اللي يزرع بذور المحبة فالقلوب
‏واليا عطى عبده قبول الناس جاته مقبلة

‏بعض الآوادم تقبله لو فيه شي من العيوب
‏وبعض الآوادم لو تحاول تقبله ماتقبله

....

رد: فوق هام السحب ( الشعر الشعبي) على متن القوافي
 

‏نبضي يدق بداخل الصدر لبيك
مدري احتويت القلب ولااحتويتك

اسمع معي دقات قلبي تناديك
حتى عروق القلب تصرخ فديتك

....

رد: فوق هام السحب ( الشعر الشعبي) على متن القوافي
 

الجو غيم وفيه رذاذ هتان
‏يمطر شوي ويمطر أحيان قوَّه

‏صوت المطر يشبه تعاليل خلان
‏في حبهم صدق وعفاف ومروَّه


....

رد: فوق هام السحب ( الشعر الشعبي) على متن القوافي
 

ماوطى راسي على الدنيا لأحد
رغم ضيق الوقت واتعاب السنين

عزتي مقياس وشموخي بلد
والمواقف درسها عندي ثمين

....

رد: فوق هام السحب ( الشعر الشعبي) على متن القوافي
 

‏عن الكلام اللي في القلب مخفيه
يا اهل العيون اللي تناظر كلامي

برد الشتاء بالروح من هو يدفيه
واللي احبه ما اشوفه امامي

فيني من الاشواق يانبض مغليه
مايحرق اعصابي وينهش عظامي

بعُد المسافه والقـدر باعدت فيه
والحظ باعد بيننا والسلامي


....

رد: فوق هام السحب ( الشعر الشعبي) على متن القوافي
 

يبين الغلا في ناظري لابغيت اخفيه
‏واصدّ النظر من عاذلي واحقر اسألته
‏
‏واكرّم من الفنجال والبن عاده فيه
‏إلا جابوا اسمه حمل ذكراه ما احتلته
‏
‏واخلي العرب والقلب جور الوجع يفريه
‏والى صرت مبعد دمع الأعيان حوّلته

‏جريحٍ وقلبي يندب الصوت من خافيه
‏على اللي ليا ذلحين في القلب منزلته


....

رد: فوق هام السحب ( الشعر الشعبي) على متن القوافي
 

آثر العيون احيان تصبح كفيفه
من دافع الغيره ومن دافع الشوق

قلوبنا مثل الغصون الخفيفه
لاهب ذعذاع الغلا شالها فوق

....

رد: فوق هام السحب ( الشعر الشعبي) على متن القوافي
 

ياخدينة روح الإدهاش وكبار العروش
‏فيك للعطشان مارد وللعاشق هوى

‏عينك اللي تسلب الروح والوجه البشوش
‏أجمل بواجد من الغيد وأعلى مستوى

....

رد: فوق هام السحب ( الشعر الشعبي) على متن القوافي
 

‏ماكنت أغبط الحكومات بممالكها
‏وصرت أغبط الحاشي المفرود والناقة

‏صفرٍ لاشافتك دكّت من مباركها
‏تبادلك بالمشاعر ولف وعشاقة

‏على شماغك تعبّر عن مداركها
‏وعلى طرف متنك تقول لْك مشتاقة

.....

رد: فوق هام السحب ( الشعر الشعبي) على متن القوافي
 

القصايد سلوة النفس والابداع ذوق
وكل بيتٍ يلفت النظر يسلم شاعره

سفر الدغيلبي

رد: فوق هام السحب ( الشعر الشعبي) على متن القوافي
 

الوصل مرهم كبد وإلا الجفا حرق
‏والصبر ينفض في غيابك جيوبه

‏كسرت كل أبواب وصلك من الطرق
‏وغيرك طرق قلبي ولاني بصوبه

‏واللي يريد الوصل يامكثر الطرق
‏لو وقفوا كل العرب في دروبه

.....

رد: فوق هام السحب ( الشعر الشعبي) على متن القوافي
 

والله ان صدري معافى وخفاقي نظيف
لو أشوف الحزن في عين حسادي زعلت

الملامح بعض الاحيان تظهرني عنيف
ولا انا بالكلمه الطيبه ماقد بخلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

اتعدا عن عيوب البشر كني كفيف
ولا تبيّن شي للعين جنّبت وغفلت

.....

رد: فوق هام السحب ( الشعر الشعبي) على متن القوافي
 

‏وإن زعلتي مابقى للعمر والتاريخ قيمه
‏والأسف سكة طويلة لين يركع باتجاهك

‏أذكريني نار بدوٍ في لياليك العتيمه
‏وقبل أشد ركاب جرحي كنت أبشد أنتباهك

‏يا أنتصاري في طريق الفقد ودروب الهزيمه
‏حالف إني لا أرسم البسمه على طارف شفاهك

.....

رد: فوق هام السحب ( الشعر الشعبي) على متن القوافي
 

وهبتك قلبي اللي غير قلبك محدٍ ينوله
‏ودمعٍ كم ذرفته بالهوى في راحه يديني

‏حبيبي مابقى لك وسط صدري شيً اقوله
‏فمان اللي رعى قلبٍ جروحه قد عثت فيني

‏تذكرني معك ياما مشيت دروب مجهولة
‏ولا ملت دروبي من ظلامٍ معك يسريني

.....

رد: فوق هام السحب ( الشعر الشعبي) على متن القوافي
 

للسوالف معك لذة وطربه وانتعاش
‏لو تخربط فالسوالف أحب السالفه

‏في عيون اللي يحبك فهاوه واندهاش
‏والجوارح في وجودك غدت متخالفه

‏من غلاك أشوف ذا الناس في عيني بلاش
‏وكل من جاني يوالف عجزت اوالفه

.....

رد: فوق هام السحب ( الشعر الشعبي) على متن القوافي
 

ناسن تذمك وبالمجامل تجاريك
وناسن تدور خوتك واشتروها

وناسنء تجيك والبلا ماتدانيك
وناسنء تغيب وخوتك مانسوها

.....

رد: فوق هام السحب ( الشعر الشعبي) على متن القوافي
 

‏هذي قوانين الصدف والأماكن
‏وهذي مقادير الزمان وظروفه

‏تشوف ناس كثار صدفه ولكن
‏اللي تمنى شوفته ماتشوفه

.....

رد: فوق هام السحب ( الشعر الشعبي) على متن القوافي
 

‏فالعمر بين التراجع والتمادي
‏عقلك احذر لاتنقّص من مقامه

‏اعتذر عن كلّ شيّ الّا المبادي
‏واعتدل في كلّ شيّ الا الكرامه

‏.....

رد: فوق هام السحب ( الشعر الشعبي) على متن القوافي
 

ياوردة البستان ياريح ريحان
‏يشمّك الصاحي ويسكر على الريح

‏الخشم سلة سيف والرمش فتّان
‏والعين عين اللي كسر للملاويح

‏وشعرٍ حرير لانزل فوق الأمتان
‏أرجعه بأصابعي فوق ويطيح

‏وكتف وردف وجسم وعود ريّان
‏ياجرح ياطب القلوب المجاريح

‏حرام مامثلك رأت عيني إنسان
‏ياقاهر الزينات سيد المماليح

.....

رد: فوق هام السحب ( الشعر الشعبي) على متن القوافي
 

لازاد التغلي وانقطع طاري الاعذار
يقل الغلا ويغادر بشكل تدريجي

عليك السلام المعتبر والسلام الحار
على الشامة اللي في مكان استراتيجي

.....

رد: فوق هام السحب ( الشعر الشعبي) على متن القوافي
 

حضورها يشبه حضور السحابه
لحضورها هيبه ولغيابها شوق

في وصفهادايم شموخ ومهابه
اميرةالاخلاق والزين والذوق

.....

رد: فوق هام السحب ( الشعر الشعبي) على متن القوافي
 

‏لو المسافة عاندتني بدربي
‏من وين بلقى لي مسافة وأكونّك

‏كل يوم أسولف عن عيونك لقلبي
‏مافيه طاري عندي إلا عيونك

.....

رد: فوق هام السحب ( الشعر الشعبي) على متن القوافي
 

‏ليت المساء قدام عينك اعيشه
واقراء بعينك عشقها والمعاني

يكفي اضمك بالحشا ضم ريشه
حتى ولو مر المساء في ثواني

اتخيلك ساهر معي في العريشه
والنور نورك يامنير المكاني

احلم معـي في حلم واقع نعيشه
عل الزمن يأتي بطيب الاماني

.....

رد: فوق هام السحب ( الشعر الشعبي) على متن القوافي
 

‏ليت المساء قدام عينك اعيشه
واقراء بعينك عشقها والمعاني

يكفي اضمك بالحشا ضم ريشه
حتى ولو مر المساء في ثواني

اتخيلك ساهر معي في العريشه
والنور نورك يامنير المكاني

احلم معـي في حلم واقع نعيشه
عل الزمن يأتي بطيب الاماني

.....

رد: فوق هام السحب ( الشعر الشعبي) على متن القوافي
 

‏القلوب اللي على الفطره تودك
‏إزرع الخيرات والمعروف فيها

‏والقلوب اللي على الصعبه تحدك
‏ لاتخاويها ولا تشره عليها


.....