رد: فوق هام السحب ( الشعر الشعبي) على متن القوافي
 

تعَبت وروحي جزعت من العتاب
كُل ما أريد أسولف تغرك العين

انا بيّة سوالف تشتهي الموت
ويكلي الموت لامو هسه بَعدين

يسألوني وأگلهم عايش بخير
انا چذاب عِشت العُمر مو زين

هاي الناس تضحَك واني مَهموم
عشت حُر بَس شلت ضيم المساجين

بَعدني بعِز شَبابي وبيّن الشيب
ويني ووين شيبي وعُمري عشرين

بَعدني صغير مو مالت حِزن دوم
ماشابِع لعِب ويه الجوارين

ياروحي اصبري سنين وتهون
واذا ما هانَت اكطَعها الشَرايين

شعر عراقي

رد: فوق هام السحب ( الشعر الشعبي) على متن القوافي
 

تستانس الروح لاجتني مراسيلك
والنفس ترتاح يانبض الغلا كله

والقلب يافرحته لحظة مواصيلك
ينسا التعب والوجع والضيق والعله

.....

رد: فوق هام السحب ( الشعر الشعبي) على متن القوافي
 

‏اشتاق واسكت ولا ودي على ازعاجك
وانت لهالحين عذرك حيل مشغول

جيتك لأني احس بصدق محتاجك
ليتك بتفهم شعوري قبل ما اقوله

.....

رد: فوق هام السحب ( الشعر الشعبي) على متن القوافي
 

‏لك من عطور الشعر ماينعش الروح
ولك من مواجيب الغلا نبض واحساس

ولك في خفوقي بيت مازال مفتوح
مايسكنه غير انت يانقوة الناس

.....

رد: فوق هام السحب ( الشعر الشعبي) على متن القوافي
 

‏تكفون ماكل البشر يجذبوني
‏اللي جذبني واحد يعشق الروح

‏ليا كتبت الشعر لاتعذلوني
‏مانيب شاعر لكن القلب له بوح

.....

رد: فوق هام السحب ( الشعر الشعبي) على متن القوافي
 

‏تدري وش اللي يملك الروح لروح
ليا صفا قلبين في صادق الشوق

على الوفاء كلاً عطى خافي البوح
وإخلاصهم في وصل الاشواق موثوق

.....

رد: فوق هام السحب ( الشعر الشعبي) على متن القوافي
 

حاولت اعبر مابقلبي من الشوق
‏مير الكلام يضيع حزة وجودك

‏ايه اعشقك واغليك يامنبع الذوق
‏انشد وتلقى بالمشاعر شهودك

.....

رد: فوق هام السحب ( الشعر الشعبي) على متن القوافي
 

‏تغاضي ياعيوني والسنين قصار
‏مادام الوقت لا أنصفني ولا أنصفته

‏أحب إللي مضالي وأكره التكرار
‏وأشوف إللي يخوفني ولا خفته

‏غريب شعور والواقع غريب أطوار
‏كثر ماكنت راضي كثر ماعفته

‏ياكثر إللي تحاشيته يصير وصار
‏وياكثر إللي تمنيته ولا شفته
ِ
.....

رد: فوق هام السحب ( الشعر الشعبي) على متن القوافي
 

‏على سور دارك صرت أشوف الورود أشواك
‏ولاعاد جيّاتي عليها تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني
ِ
.....

رد: فوق هام السحب ( الشعر الشعبي) على متن القوافي
 

‏يوم الأيام السعيده علي متتاليه
‏حيّها مزين ظماها ومزين جوعها

‏راحت أيامٍ ومرّت علينا غاليه
‏عاد حنا في رجاها يعود رجوعها

‏تايهٍ في مجتمع ذا السنين التاليه
‏عالمٍ متغيرٍ سلمها وطبوعها
ِ
.....

رد: فوق هام السحب ( الشعر الشعبي) على متن القوافي
 

جف صوت الحروف وشح فكر الكلام
‏وانعقد حبل فوقه عبرة جانيه

‏كل ماقلت هانت بذكر الله وانام
‏ناخ ركب الجروح اللي لفت عانيه

‏كل ليلة بصدري مؤتمر للسلام
‏وينقصف مايكمل بالفرح ثانيه

‏الطف الكذب قولة بأن حالي تمام
‏والمعارك بصدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر للامام
وانا حكمة حياتي فانيه فانيه

.....

رد: فوق هام السحب ( الشعر الشعبي) على متن القوافي
 

اذكرك ياقلبي قبل عده سنين
‏تعشق تفاصيل الحياة وصخبها

عايش بدون قيود وبدون روتين
‏تمشي ورا احلامك وتنسى تعبها

هاذا وتوك ماوصلت الثلاثين
‏موتت شغفك الغامضه وش سببها

.....

رد: فوق هام السحب ( الشعر الشعبي) على متن القوافي
 

يسعد مساكم ياجميلين الأطباع
ويسعد مساء برنامج اللي جمعنا
‏
‏الموقع اللي فيه من كل الأنواع
ياما حفرتو فيه وياما حفرنا

بقلمي

رد: فوق هام السحب ( الشعر الشعبي) على متن القوافي
 

احرص على وقتك ترى الوقت غالي
مافات من وقتك مقدّر ومحسوب

.....

رد: فوق هام السحب ( الشعر الشعبي) على متن القوافي
 

‏في وقتنا اختلت جميع الموازين
والود بين الناس قصرت حباله

ليت الرداء يرسم بوجه الرديين
ونميز أهل الطيب وأهل النذاله

.....

رد: فوق هام السحب ( الشعر الشعبي) على متن القوافي
 

‏لاصار لك شخص تحبه وتغليه
‏لاتدخله في كل طاري وسيره
‏
‏سكر عيون الناس لاصرت شاريه
‏محد في هذا الوقت يعطيك خيره

.....

رد: فوق هام السحب ( الشعر الشعبي) على متن القوافي
 

‏ماعاد صدري على الطعنات يملك مجال
وماعدت ابي عذر يشفع له عشان اقبله

بنساه ولا اتناسى لكن باي حال
بتجاهله لو يذبحني عليه الوله

ماكنت اود الجفا بالعكس اود الوصال
لكن ابي حل يرضينا عجزت اصله

واقفيت باخر لقى يوم ازرق الدمع سال
وسلكت درب البعاد وكان يامطوله

.....

رد: فوق هام السحب ( الشعر الشعبي) على متن القوافي
 

‏انا ما اعرف ليه انتظاري عليه يزود
‏مع انه عنيد وقاسي القلب ومكوبر

‏يواعد على انه في اكتوبر علي يعود
‏ياكذبة ابريل تنافسك كذبة اكتوبر

.....

رد: فوق هام السحب ( الشعر الشعبي) على متن القوافي
 

افا يصدري ضقت من جاير الوقت
‏خابرك يا صدري تشيل الثقايل

‏وش فيك علمني لك ايام مارقت
‏ضايق وفيك الهم صايل وجايل

‏خابرك ماعمرك للأحزان رافقت
‏واليوم كنك شايل جبال حايل

.....

رد: فوق هام السحب ( الشعر الشعبي) على متن القوافي
 

‏ياغايب عن عيوني خاطري يطريك
‏في كل لحظة عيونك كيف بانساها

‏لو غبت ماغاب طيفك عني وطاريك
‏كنك معي في خفايا الروح واقصاها

.....

رد: فوق هام السحب ( الشعر الشعبي) على متن القوافي
 

أسترح في خافق اللي يعشقك وامرح به
‏واخذ ماتبغي بصدري كل مايحلا َلك
‏
‏كان قلبي يقنعك يفدا يمينك رح به
‏ماخلقه الله من بين الضلوع الاّ لك

.....

رد: فوق هام السحب ( الشعر الشعبي) على متن القوافي
 

‏الناس عادات وقناعات وطبوع
وأنا ما أحب أزيد معهم كلامي

لاصرت أجاريهم في كل موضوع
لاشك بفقد هيبتي وأحترامي

.....

رد: فوق هام السحب ( الشعر الشعبي) على متن القوافي
 

لاتبرر وترخص قيمتك وانت غالي
اجمع اللي لقيت من المعاذير وافنه

ماقدرت اتجاوز كلمةٍ قلتها لي
وزنها وزن ريش ومسها مس ثفنه

.....

رد: فوق هام السحب ( الشعر الشعبي) على متن القوافي
 

تظاهرت بالراحه وأنا خاطري مكبوت
اسولف مع سالم واهون على هادي

ياجابر ياشين البكيه إللي مافيها صوت
هذي والله اللي يمكن تطلع فؤادي

له العهد فاللي عاد من عمري الموقوت
لاأسولف من أسمه لين يرثونه احفادي

لو ابسط حقوقه كلمةٍ كنها الياقوت
يسولف به التاريخ هجري وميلادي

.....

رد: فوق هام السحب ( الشعر الشعبي) على متن القوافي
 

انا عيوني سود من قل الرقاد
وانتي عيونك سود من زود الحلا

صحيح بعيوني وبعيونك سواد
لكّن انتي من نعمه وانا من بلا

.....

رد: فوق هام السحب ( الشعر الشعبي) على متن القوافي
 

طلّي علي من شرفه القصر من فوق
‏وتبسّمي لي وأضحكي في وداعي

‏أومي بكفين الغلا وأشعلي الشوق
‏في قلب شيخٍ جاك في ثوب راعي

‏حده غلاك يجيك ياشيخة الذوق
‏لو كان ماللحب والذوق داعي

‏وأقفى يتل القلب معلوق معلوق
‏في درب فرقاً ماوراها إجتماعي

مايتبع المقفين ياكود مطفوق
‏وأنا رصيدي ماتحوشه ذراعي

‏لو كنت ضايع كل مطرود ملحوق
‏يكفيني إنك كنت سبة ضياعي

.....

رد: فوق هام السحب ( الشعر الشعبي) على متن القوافي
 

احيان ودك تكون بكلمتك واعي
‏ترا السوالف مع الجلاس منقوله

‏لاتذكر اشياء قيلت مالها داعي
‏ماكل شيٍ سمعته لازم تقوله

.....

رد: فوق هام السحب ( الشعر الشعبي) على متن القوافي
 

‏دمعة ألم طاحت على نص الابيات
منها خجل قلبي ودفتر قصيدي

معها عزف قلبي على لحن آهات
كنه يقول لدمعة العين زيدي

.....

رد: فوق هام السحب ( الشعر الشعبي) على متن القوافي
 

‏الكلمه اللي ماورى نطقها خير
الخير والله دفنها بالحناجر

العقل ميزانك وللوضع تقدير
بعض الكلام احيان مثل الخناجر

.....

رد: فوق هام السحب ( الشعر الشعبي) على متن القوافي
 

يامحللين الهرج للهرج نقاد
‏وافضل مكانه للمودب سكوته

‏بعض الاوادم باول الهرج ينقاد
‏واصبح كما الكوره وكلاً يشوته

.....

رد: فوق هام السحب ( الشعر الشعبي) على متن القوافي
 

خلك عزيز النفس لو همومك جبال
لاتشتكي للناس من حر مافيك

هذا الزمن ياصاحبي كله اهوال
يهدي لك البسمه ويرجع يبكيك

.....

رد: فوق هام السحب ( الشعر الشعبي) على متن القوافي
 

‏مروعني الوقت لو ياخذ طموحاتي
‏وتروعني الناس في صدمة مباديها

‏بارد ولا شي يلفت انتباهي
‏تمرني أشياء ماتمشي وامشيّها

‏مسكر اذني ومقلل علاقاتي
‏تتساقط الناس من عيني واخليها

.....

رد: فوق هام السحب ( الشعر الشعبي) على متن القوافي
 

راسٍ يبادلك الوفا حب خشمه
‏حطه علي يمناك وارفع مقامه

‏وراسٍ يقلل قيمتك لاتحشمه
‏لو زان في وجهك لقاه وكلامه

.....

رد: فوق هام السحب ( الشعر الشعبي) على متن القوافي
 

الحاجه اللي دونها منة الناس
‏خليتها وأرجي من الله عوضها

‏الناس لو تقدر على كتم الأنفاس
‏كان امنعت حتى الهواء من بعضها

.....

رد: فوق هام السحب ( الشعر الشعبي) على متن القوافي
 

قالت ثواني واتصل احذر تنام
تكفى حبيبي لازم تكون رايق

كانت ثوانيها قبل أربع اعوام
وشلون لو قالت حبيبي دقايق

.....

رد: فوق هام السحب ( الشعر الشعبي) على متن القوافي
 

‏وان مر يوم ومابكيتك بصدري
‏ابكيك مره وارجع ابكيك ثنتين

‏يافقد عمرٍ راحت خطاه بدري
‏راحت وانا اسأل عنه واطالعه وين

‏هزيت بغيابك وانا اشوف قدري
‏وبكيتني لين انعمى للفرح عين

.....

رد: فوق هام السحب ( الشعر الشعبي) على متن القوافي
 

‏ماحزنت الا على هقواتي وطيبي وظنيي
‏يوم كنت اظنه اطيب من على الدنيا لقيته

‏كنت اشوفه قطعة من قلبي وروحي ومني
‏وكنت اشوفه كل حلم وكل شي قد بغيته

‏ماهقيت انه بيحزني وعاده بيغبني
‏في وفاي الي وفيت وفي غلاي الي عطيته

‏ابتعد عني وهو ناذر نذر مايغيب عني
‏يقطع الله كل عهد وكل طيب قد هقيته

.....

رد: فوق هام السحب ( الشعر الشعبي) على متن القوافي
 

ياليتني طفل وأجي له وأسلمَ
‏وأجلس بجنبه وأنشده عن علوُمه

‏محدنً علي ناقد ولا حدنً معلم
‏طفل يسلمَ لعنبوُ من يلِومه

.....

رد: فوق هام السحب ( الشعر الشعبي) على متن القوافي
 

‏ولا تدوّر مثل قلبي ما أنت لاقي
القلوب اللي مثل قلبي قليله
عبدالعزيز العبلان


أنا ماني مثل غيري يجي ويروح
أنا مثل العمر لا راح مايرجع
عساف بن سعد

رد: فوق هام السحب ( الشعر الشعبي) على متن القوافي
 

‏مرّ الخميس ولا سمعنا طواريك
ودخلنا الجمعه واصبح الوضع مربك

أبسالك بالله ومن دون تشكيك
هل انت تعشقني مثل ما أحبك

.....