رد: فوق هام السحب ( الشعر الشعبي) على متن القوافي
 

الخطوة اللي ماتعزك بممشاك
لاتهتويها واقصر المشي عنها

لاصار ماترفع مقامك بدنياك
احذر تجاملها وترخص ثمنها

.....

رد: فوق هام السحب ( الشعر الشعبي) على متن القوافي
 

‏ياكثر ماقلنا على الجرح لاباس
والوقت يكرب مـن شقانا حزامه

طابت خواطرنا من الوقت والناس
ماعاد نبغى الا الستر والسلامه

.....

رد: فوق هام السحب ( الشعر الشعبي) على متن القوافي
 

يرقآ شعوري في سما عينك غْيوم
‏ويطيح من عين السما ألف شاعر

‏واليا إنهمر شعري على قاع ديموم
تنبت بشر تنبت ورود ومشاعر‏

.....

رد: فوق هام السحب ( الشعر الشعبي) على متن القوافي
 

أبتسم للناس وأضحك للحياه
‏ولو تضيق اليوم قل بكره تزين

‏أعرف ان الله وحده لاسواه
‏قادر إنه يبهج الصدر الحزين

.....

رد: فوق هام السحب ( الشعر الشعبي) على متن القوافي
 

ان جابها الله والمشاعر سليمه
يبغى لها حمد وشكر وتسبيح

وان ماكتبها الله فلا به هزيمه
حنا بشر نحتاج ونقوم ونطيح

.....

رد: فوق هام السحب ( الشعر الشعبي) على متن القوافي
 

بين زيف الوجيه وطول بال السنين
ضاق صدر الفضيله بين حرّاسها

كل ماقال واحد راحوا الطيبين
أشعر أن الصداقه تلفظ أنفاسها

.....

رد: فوق هام السحب ( الشعر الشعبي) على متن القوافي
 

الحاجه تدور المحتاج وتهينه
كم من كريم وطيب ماهو بخالي

ظروف الايام مثل السمعه الشينه
ماودك تشوفها في واحدا غالي

.....

رد: فوق هام السحب ( الشعر الشعبي) على متن القوافي
 

والله اني بعض الأحيان ابتلش في حالي
‏من خطايا غاليٍ مايستحق اسبّه
‏
‏ودك أن الغالي اللي يدري انه غالي
‏مايقوم يكرر الغلطات وأنت تحبه

.....

رد: فوق هام السحب ( الشعر الشعبي) على متن القوافي
 

‏عرفتك وسلمتك غلا ماعليه غبار
وشعور كثر مابطيت عنه تباطاني

تلاعب وفن وشي فاخر ولعب كبار
على شان عينك ماكتبته على شاني

طغيت بقصيد يطغي بساحة الشعار
مثل ماطغو في ساحة الحرب جداني

.....

رد: فوق هام السحب ( الشعر الشعبي) على متن القوافي
 

اللي يعزك مايشوف الردا فيك
ومن يكرهك حتى بخيرك يذمك

ترضيه ماترضيه ماهو براضيك
لو هو من اقرابك ولحمك ودمك

.....

رد: فوق هام السحب ( الشعر الشعبي) على متن القوافي
 

‏ابدع على كيفك ولا تجرح الناس
‏احفظ وقار الناس تحفظ وقارك
‏
‏واذا اعجبك ابداع غيرك فلا باس
‏وجهة نظر مافيه مانع تشارك

.....

رد: فوق هام السحب ( الشعر الشعبي) على متن القوافي
 

خلك مثل فضل السحابه على القاع
تعطي ولا تاخذ من القاع حاجه

.....

رد: فوق هام السحب ( الشعر الشعبي) على متن القوافي
 

لاصار اعز الناس يجرح مشاعرك
اجل عدوك طالبك لاتلومه

ومن لايقدر رفقتك لاجل خاطرك
كلمة فمان الله تقضي لزومه

.....

رد: فوق هام السحب ( الشعر الشعبي) على متن القوافي
 

ماعاد باقي بالمجالس تعاليل
راحت سنين الفرفشه والوناسة

أن قلت هاتوسالفة يارجاجيل
كلن على الجوال دنق براسه

.....

رد: فوق هام السحب ( الشعر الشعبي) على متن القوافي
 

وان بغيت تعيش في راحه وخيرات ومسره
أخذ لك نصيحتين ان طعتني واعمل عليها

المكان اللي تكز النفس منّه لاتمره
والوجيه اللي تشين النفس منها لاتجيها

.....

رد: فوق هام السحب ( الشعر الشعبي) على متن القوافي
 

انتَ هَم حِس بأذيتي
بشوغَة كليبي عليَك

‏ضُعفي خوفَي إرتباكي
مايهَزن شعرة بيك

شعر عراقي

رد: فوق هام السحب ( الشعر الشعبي) على متن القوافي
 

الحب دولة عظيمه ماوصفها لسان
ياقاضي الحب دون بالهوى عشقتي

احب وعشق ولي بالحب كل الحنان
وغيب واعود ماراح تختلف كلمتي

ليت الهوى ياحبيب الروح فينا زمان
وليت الأيام والعشاق من دولتي

لكي تبوح المشاعر من رياض الجنان
وتنقل الشوق قصة حب من دمعتي

ياللي تقولون هذا الحب ماله مكان
مكانه القلب والشريان له وحدتي

القلب بيته وعرشه فوق رمش العيان
والروح والدم له مرسا وسط مهجتي

الحب جنه ولاكن البشر بمتحان
وجنة الحب من بين الوفاء لوعتي

ان جيت وافي على حبك وصادق مصان
بتشوف الأحباب لك نظره ولك دعوتي

تعال ياللي نويت الهجر مني ثمان
القلب ينطق بأسمك انت ياقصتي

.....

رد: فوق هام السحب ( الشعر الشعبي) على متن القوافي
 

تعاهدت أنا وياه لكن ياعزاه
تفاجأت من فرقاه وأقفى وخلاني

صويب من طعونه وحال القدر دونه
وقلت به ضعونه تركني وخلاني

هلي كيف أنا بنساه وأدله بعد ذكراه
وصبري وصل لقصاه وروح وخلاني

.....

رد: فوق هام السحب ( الشعر الشعبي) على متن القوافي
 

جادك الغيث يادارٍ ربا فيك خلّي
‏كثر مَافشيت سرّك للهبايب وابحته

‏رحت كلّك بلا رجعه وانا رحت كلّي
‏يمكن الموت لوْ قدمي يعرّض نطحته

‏عايشٍ في رجا وصلٍ ماهو حاصلٍ لي
‏مابقى باب ماطقّيته ولا فتحته

‏الغلا بيننا ماهوب حاجة تغلّي
‏كم خطا من قبل لاتعتذر لي دمحته

‏الأكيد انّي كنت اشعر برفض وتخلّي
‏من كِذا رحت عنْك وموقفي ماشرحته

‏ليت لي حيلةٍ واحتال في طيفك اللي
‏وين مالدّت عْيوني بدربي لمحته

‏ودّي انساك بس شلون ابنساك قلّي
‏وانت من وين مايونس خفوقي جرحته

‏هاك قلبي تقاضى منّه ولا تخلّي
‏حاجةٍ في ضميرك باقيه لو ذبحته

‏لاتحنّه ولا تاويه واخذه تسلّي
‏اضرم النار في جوفه وفوقه وتحته

‏انت لـ اشفيت غلّك كنّك اشفيت غلّي
‏استبيح الخفوق وعاذرك لـ استبحته

.....

رد: فوق هام السحب ( الشعر الشعبي) على متن القوافي
 

العذاري جلدها غضّ وشفيف
‏يستثير الشعر بعروق الورق

‏خفرة ٍ لو تلبس الثوب الرهيف
‏شفت وجه البرد يتصبب عرق

.....

رد: فوق هام السحب ( الشعر الشعبي) على متن القوافي
 

مثل من يحجب بيده عن عيونه شعاع النور
‏انا وشلون بنفي فقدك وتأثيره وجوره

‏فقدتك كني أول من فقد غالي وعاش الدور
‏ولا احد قد فقد غالي قبله ويفهم شعوره

‏عبث تحضن خطاوي الدروب ودمعي المنثور
‏تطلعه ابتسامات الرضا والحب من طوره

‏كأني وان عرفت سرور قبلك ماعرفت سرور
‏او إن القلب زهّده الحزن واستكثر سروره
‏
‏اشوفك كل ماغنى على غصن الشجر عصفور
‏ولا عاد الشجر نفسه ولا غصنه وعصفوره
‏
‏يمر بعيني اشهی ماخلق ربي بدون شعور
‏صحيح إن القلوب جنود منهيّه ومأمورة

‏حبيبي مابقی دافع وسط بالي ولا لي دور
‏والارض اصلا كذا ولا كذا بالناس معموره

‏انا لو ذكرياتك ماتعمّر بالي المهجور
‏تعدّته الطواري من فزعها وانهدم سوره

‏على وجهك تحاسيف الزمان وصوتي المكسور
‏ياضيعة جرة انسامه من الصدر ومن كسوره

‏تركت من الجفا قلب يحبك راضي ومجبور
‏ولا ملله طول البعد منك ولا معي شوره

‏عسی الله لا يضيع لي سنين وجعلني مأجور
‏ولو ماتدمل اعذارك جروح القلب معذوره

‏احسك اقرب من اني اقول انّا ظلال وسور
‏واحس الأرض مادارت بعد عينك ولا دوره

‏ على صوره موقفني حنيني لي ثلاث شهور
‏وعيت لاتدور الأرض مادري عيت الصوره

.....

رد: فوق هام السحب ( الشعر الشعبي) على متن القوافي
 

الاكتفاء من اركان الحُب حين تبلغ مرحلة من الاكتفاء حيث أن جميع من يمُر لايلفت الانتباه أعلم إن قلبك ليس مُلكك

‏يقول محمد المقحم :
‏تمر المره من عقبها كنّها رجال
‏ماوالله تحرّك شعرةٍ من شعر راسي

‏
وتقول ميلاف :
‏انت خليت الرياجيل في عيوني حريم
‏كن مافيهم مراجل ولا فيّ شهوه

رد: فوق هام السحب ( الشعر الشعبي) على متن القوافي
 

في سكون الليل ناجيت علّام الغيوب
أسأله يربط على قلبي أسري في رضاه

ياتسابيح الدُجى ترجمي نبض القلوب
قد عزمت أسري مع الله وألبي ندائه

انطلقت أفزع مع الله في عز الدروب
واحتزم عونه وأواليه وأعادي عداه

......

رد: فوق هام السحب ( الشعر الشعبي) على متن القوافي
 

ماحسبنا للزلايب ولا هرج الرخوم
خشمٍ نقدر جنابه وخشمٍ نلطمه

ومن علينا يحمل سلاح ويحرش خصوم
والله ان نسلب سلاحه ونخلع محزمه

.....

رد: فوق هام السحب ( الشعر الشعبي) على متن القوافي
 

الناس تظهرها المواقف والأيام
والرجل تعرف قيمته من كلامه

رجلٍ يكفي فالمواقف ليا قام
ورجل جلوسه خير له من مقامه

.....

رد: فوق هام السحب ( الشعر الشعبي) على متن القوافي
 

انا لك في نهار الشان درع وسيف ابوحدين
علينا الهقوه العاليا ولاخابت هقاوينا

.....

رد: فوق هام السحب ( الشعر الشعبي) على متن القوافي
 

نضد الجمع ونضيم العدا ونخاصم الغاوين
ونتحدا الخطر وندوُس خشم الي يعادينا

.....

رد: فوق هام السحب ( الشعر الشعبي) على متن القوافي
 

مافيه شيٍ يصير الا وله سـبه
‏والذيب عينٍ خلاف وعين قدامه

‏كم واحدٍ مـن رصاص القوم متنبه
‏ولاصابه الا الرصاص اللي من حزامه

.....

رد: فوق هام السحب ( الشعر الشعبي) على متن القوافي
 

نبقى كبار وبيرق العز مرفوع
مهما يثيرون الصغار الزوابع

اهل السوالف كثار بكل موضوع
واهل الفعول تعدهم بالأصابع

.....

رد: فوق هام السحب ( الشعر الشعبي) على متن القوافي
 

يالله ياللي فزعتك تكشف الضيق
في بحر عفوك ماتضيق المراسي

انا فوجهك من قليل التوافيق
ومن موقفٍ مايرتفع فيه راسي

بقلمي

رد: فوق هام السحب ( الشعر الشعبي) على متن القوافي
 

مرّه نهالجها ومرّه بدون علاج
ومرّه نسبرها ومرات معتاجه

وليلة تسلينا وليله كدر واحراج
وليلة ظلام وليلة انوار وهاجه ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌
.....

رد: فوق هام السحب ( الشعر الشعبي) على متن القوافي
 

على الشوق الملامه لاعليك ولا علي اخلاف
‏جماهير الجفا ماهمّها الجافي من المجفي
‏
وداعي معذره يالرحلين وللوداع اعراف
‏اعرف اشتاق ما اعرف اتمسك في يد المقفي

.....

رد: فوق هام السحب ( الشعر الشعبي) على متن القوافي
 

‏ياشين الغياب إللي بلا سبّه وتبرير
‏غياب إللي مافكر بقلبي ولا حنه

‏يموت الغلا من قلة الوصل والتقدير
‏مثل موتة المعروف لاصار به منه

‏أنا مدري هو بخير ولا ماهو ببخير
‏عسى دورة الأيام ماغيرت ظنه

‏قولوله لاعاد يطاول البعد والتقصير
‏ترا البعد والتقصير مايدخل الجنه

.....

رد: فوق هام السحب ( الشعر الشعبي) على متن القوافي
 

مع أنك رحلت بعيد لكن بقى التذكار
‏ليا شافته عيني تسابقً مدامعها
‏
‏دفنت الغرام بخافقي والقلوب أسرار
‏مشاعر هقيت إن الليالي تضيعها
‏
‏جحدت الغلا لين أمتلى بالخفوق وثار
‏قصايد عساها اليوم تطرق مسامعها
‏
‏يقولون ماودعك قلت الفراق وصار
‏والانسان روحه تنسلبٍ مايودعها

.....

رد: فوق هام السحب ( الشعر الشعبي) على متن القوافي
 

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لاتناسيته

عن البال ما قد غاب واشغلت فيه البال
احس اني اشوفه كثر ماتهييته

شعور التفاؤل يجعل الحلم طيب فال
ياكم ذاق حلمي سكرة الموت واحييته

.....

رد: فوق هام السحب ( الشعر الشعبي) على متن القوافي
 

مانقدر نسوي مثل ماتسوون
‏تردنا عن فعلكم تربيتنا

‏انتم على مهونة النفس ترضون
‏وحنا لو اقفت عزة النفس متنا

.....

رد: فوق هام السحب ( الشعر الشعبي) على متن القوافي
 

تعالي واتركي جرحٍ عليه من الدهور عتاب
أنا الواقف على درب اللقا ومعاند الفرقى

بعيدة يا هقاوينا العزيزة والجروح قراب
تهل دموعنا صمت وعزيمتنا معه ترقى

وش أقسى من مشاعرنا نمثل كننا أغراب
رغم هذا الجفاف اللي ذبحنا كلنا غرقى

.....

رد: فوق هام السحب ( الشعر الشعبي) على متن القوافي
 

ليه أعاتب وأتضايق وأنقهر
‏وانت قلبك في غيابي مستريح

‏كنت أشوفك في ملذات العمر
‏شخص تفداه القصايد والمديح

‏وإنك واحد بس تكفي عن عشر
‏وأن غيرك لي خطا وانت الصحيح

‏جيت لك صادق بدربك مستمر
‏مندفع لك مهتوي واضح صريح

‏ليت قلبي عن هوى قلبك نفر
‏مارجعت من الهوى ضايقٍ جريح

.....

رد: فوق هام السحب ( الشعر الشعبي) على متن القوافي
 

وانا احسب اني في فراقه تعافيت
‏وان عبرتي من مدخل الزاد زاحت

‏اللي يحسب اني على البعد سجيت
‏والا ان عيوني للرقاد استباحت

‏ياليتني من قبل لا احبه اقفيت
‏والا ان دروبي عن دروبه تناحت

‏اهون عليّ من البكا والتناهيت
‏واشلا من سدودٍ على الناس باحت

‏عرفت كيف الحي يفرق عن الميت
‏وعرفت قيمة نعمتي يوم راحت

.....

رد: فوق هام السحب ( الشعر الشعبي) على متن القوافي
 

يوم الوفاء طبعك وانا عند ظنك
اعاتبك واشره ولارحت عودت

واليوم لاتشره لو ابطيت عنك
على كثر مافي وصالك تجودت

لاعاد تنشدني عن الشوق لانك
عودتني على الفراق وتعودت

.....