رد: فوق هام السحب ( الشعر الشعبي) على متن القوافي
 

‏توادعت أنا واللي له القلب دار وخل
‏وداعٍ يجظ القلب والكبد ماسومه

‏الا ليت لو يرجع علينا زمانٍ زل
‏ماوالله عيوني تسهر الليل مهمومه

‏الا بيني وبين الهواجيس حط وشل
‏همومٍ توردني على الموت وسهومه

.....

رد: فوق هام السحب ( الشعر الشعبي) على متن القوافي
 

ماطابت خواطرنا لكن للظروف أحكام
‏ وأنا في رجا الله يوم أنا من ضحاياها

‏ لي الحين عن لذة وصالك ثلاث أعوام
‏ وعن الضحكة الي يوجع الصدر ذكراها

‏ من الحب ما أعاتب طواريك قبل أنام
‏لها الحق يوم أسهر لها وأتحفاها

‏ولك في الضلوع الي تشيلك غلا وهيام
‏ خذاك القدر منها ولا عشت وياها

.....

رد: فوق هام السحب ( الشعر الشعبي) على متن القوافي
 

يا اللي على درب المحبة تجافيت
وش غيرك عقب الغلا ياغلاتي

وشلون تجفاني وصدري تناهيت
ياجرح قلبي ياشقاي وسكاتي

اصبر واصبر في دموعي وانا ميت
واكذب على نفسي وباقول ياتي

لاشفت زولك ياحياتي ولا جيت
هلت دموعي واستباحت قواتي

الله حسيبك كان عني تخليت
والشكوى الله ياعذابي شكاتي

.....

رد: فوق هام السحب ( الشعر الشعبي) على متن القوافي
 

طرا الطاري اللي لاطرا طار حلو النوم
‏على الضايق اللي ينجرح لاكشف كبته

‏عليه الطواري لا أظلم الليل جات تحوم
‏تعيد الجروح وتنتج ابداع موهبته

‏لاشفته وهو يضحك ووجهه عليه وسوم
‏تقول أن صكات المقادير منجبته

‏مايدري هو الظالم أو أنه هو المظلوم
‏أو أنه وقع وياك في سوء عاقبته

‏هذا جرحك البارح وذا جرح ذاك اليوم
‏وذا جرح مدري وين الأيام جايبته*
‏
‏بعد طاحت دموعك علئ صدرك المكتوم
‏تأكد بأنك ذنب للحين ماتبته

‏قسم ربي الفرقا وعشنا مع المقسوم
‏وقنع قلبي بهمه والاحزان ناسبته

‏واذا مرتك ذكرا الهوا وانجرحت بيوم
‏تعلم من اللي ماتعلم بتجربته

‏لاتشره على نفسك عداك العتب واللوم
‏أنا العاشق اللي في يده سلم ارقبته

.....

رد: فوق هام السحب ( الشعر الشعبي) على متن القوافي
 

‏زاد محضار طيفه عقب ماغاب زوله
نادرٍ صيد مخلابه يطول جناحه

يوم شفت المخاطر والغرابيل حوله
مالي إلا أتجمل فيه وأطلق سراحه

.....

رد: فوق هام السحب ( الشعر الشعبي) على متن القوافي
 

مطيحي فالهوا ماهو مطيح الدارج المعتاد
‏مطيح الفارس اللي طيحته تحزن معادينه

‏جريحك مالجرحه في مشاوير الليال اضماد
‏لاخلته الدروب اللي بغاها لاتخلينه

.....

رد: فوق هام السحب ( الشعر الشعبي) على متن القوافي
 

الليالي تطلق عنان الحزن وتعنّه
‏والصدوف تحدّ بأسباب الفرح شلفاها

‏ماحداني للقصيد وللسهر والونّه
‏غير حزنٍ ماخذا روحي ولا خلّاها

.....

رد: فوق هام السحب ( الشعر الشعبي) على متن القوافي
 

اوجعتني صواديف الحياه الكئيبه
‏والعرب عوّدت مابين مرشد وناقد
‏
‏السعاده على الابواب صارت غريبه
‏والغبينه تقلّط والسعيره تواقد
‏
‏كيف ابسلى وانا من مشكله في مصيبه
‏كيف ابى ادله وانا لي سبعة سنين فاقد

.....

رد: فوق هام السحب ( الشعر الشعبي) على متن القوافي
 

عن اللي يكّن القلب يغني كلام العين
‏عيوني معاك أكثر صراحة من لساني

‏جهل قيمتي من يحسب إنّه عرفني زين
‏متى تِدرك إني غير ياباعث أشجاني

‏شعوري تجاهك فيه كيف أبتدي ومنين
‏عسى نبرتي تنبيك عن حجم حرماني

‏أنا مثل كلمة واضحة في عيون اثنين
‏من الشوق كلٍ ينتظرها من الثاني

.....

رد: فوق هام السحب ( الشعر الشعبي) على متن القوافي
 

يابريئه وانتي ابعد مايكون من البراءه
‏تفعلين اللي تبينه بالخفى وأنتي بريئه

‏كل عاقل يابريئه كان واثق من ذكائه
‏في ذهابة يفقد اللي كان ملكه في مجيئه

‏ينظرك والكون كلّه مايفكّر في نسائه
‏والصبايا في عيونه كالنطيحه والرديئه

‏ياغرامه يامرامه ياعذابه ياشفائه
‏ياسريعه فالصدود وفالمواصل يابطيئه

‏دام حبك من نصيبي والقدر والرب شائه
‏حب مثلك كيف ما ارضابه وهو قدر ومشيئه

‏يحفظك ربي من الحسّاد واصحاب الإسائه
‏صانك الله عن هوى الشيطان ودروب الخطيئه

‏يامرام القلب يادمّه وياصافي هوائه
‏يا أمل ياشمعةٍ بانت على دربه مضيئه

‏مانظرتي بأم عينك فيه وشلون امتلائه
‏بالغلا وأيضا الجوارح كلبوها به مليئه

‏مانظرتي واعترفتي في غلاه وفي وفائه
‏كيف ياتي لك بلا ميعاد والخطوه جريئه

‏انكسر واحتار في الجيّه ووقفّ من حيائه
‏والحيا شعبه من الأيمان والأيمان بيئه

‏فالنهايه أكتشفت انك دواء قلبي ودائه
‏والحقيقه والله اني كنت احسب انك بريئه

.....

رد: فوق هام السحب ( الشعر الشعبي) على متن القوافي
 

الحياة رحبة لاتكون عالق في مشهد نافذتك القديمة مهما كان بالغ الجمال لاتكُن أسيرًا

‏ومثل ما قال ناصر مناحي :
كل دربٍ تحسب ان مافيه غيره فيه غيره
‏لاتعلقها على شورٍ عطاك الله بداله

رد: فوق هام السحب ( الشعر الشعبي) على متن القوافي
 

‏ماعادني بالحشيم الهادي الليّن
‏أركى علي الزمان وثقلت متوني

‏يارب هذا الحزن بالوجه لايبيّن
‏وش عذري من الشموخ ليا أنخطف لوني
‏
‏وانا إن شكى لي صديقي همه الهيّن
‏بانت على حد رمشي دمعة عيوني

.....

رد: فوق هام السحب ( الشعر الشعبي) على متن القوافي
 

لا اندبل كبد البنادم ومل من القصيد
‏ما ازين من الغيبه الليل مايدرا وينها

‏الغياب ابرك من الحاجه اللي ماتفيد
‏والخواطر تنجبر لا انكسر روتينها

‏مابغيت اقاطع المجتمع واجلس وحيد
‏لين شفت النفس ما الله عليه يعينها

‏من تبع شف العرب من قريب ومن بعيد
‏ماقدر يملك رضاها ويملى عينها

.....

رد: فوق هام السحب ( الشعر الشعبي) على متن القوافي
 

اكتسى الحزن بيتٍ قفلو بابه
والشبابيك قامت تجذب عواها

يوم ضفى عليها الليل جلبابه
ان طرقها الهوى الشرقي وبكاها

الزمان المولي دار دولابه
واهجرت ضحكته هلها ومرباها

وقام بيت القصيد يثبت اطنابه
في دهر حزنها وبجرة خطاها

.....

رد: فوق هام السحب ( الشعر الشعبي) على متن القوافي
 

تلاشى مادام إن التلاشي هو آخر حلّ
‏وجودك ماعاد يفيد وغيابك إلزامي

‏فقدتك بما فيه الكفايه حبيب وخلّ
‏وأخذت أغلب أمالي معك وأغلب أحلامي

‏ويبدو لي إن تبع المقفي هوان وذلّ
‏عساني ما أضحي في مقام أسمي السامي

.....

رد: فوق هام السحب ( الشعر الشعبي) على متن القوافي
 

ياروح روحي وجرح القلب وعلاجه
الطف بحالٍ عليك الهم ساهجها

قلبٍ يناجيك بأسلوب الهواء ناجه
يشكي لك الحال داخلها وخارجها

اما التفت له وتم الوصل بامواجه
والا بلا عشرتٍ هذي نتايجها

وش ينفعك من حنين القلب وخلاجه
وجروحٍ أسبابها أنت ولا تعالجها

.....

رد: فوق هام السحب ( الشعر الشعبي) على متن القوافي
 

‏خلّ همك بصدرك مثل حبل الوكاد
‏مايشده شديدٍ لو بسيفٍ صقيل

‏من تردى لنفسه ما أشوفه جماد
‏ومن تغلى تخلى مانعده خليل

‏خلّ هيبة مقامك ماتجس الحياد
‏لايهزك كلامٍ من لسانٍ طويل

‏للأماني معالي وللمعالي عماد
‏وللمعزة مقامٍ مايحب المثيل

.....

رد: فوق هام السحب ( الشعر الشعبي) على متن القوافي
 

مداهيل صدري خيمتك والضلوع أطناب
‏ولو إن وضعي شي يصعب علي شرحه

‏عليك العتب يالغايب اللي بدون أسباب
‏بعدك أتصنعّ وسعة الصدر والفرحه

‏ترى مايطيب الجرح لو إن وقتي طاب
‏ضريبة غيابك خلّت الكبد منجرحه

‏وأنا ماني بناقص فراق ووداع أحباب
‏ترفّق علي والود لاينهدم صرحه

.....

رد: فوق هام السحب ( الشعر الشعبي) على متن القوافي
 

ايه طاوعت الصبر دامك تطاوع صبرك
‏من متى المجني عليه يشيل ذنب الجاني

‏اختبار الصبر اصعب حاجةٍ تختبرك
‏كان لوني واحد وصارت كثير الواني

‏نتجافى والثمن من عمري ومن عمرك
‏الجفا بين الاوادم فعل غير انساني

‏تنتظرني كل يوم وكل يوم انتظرك
‏غير ما الله عان احد منا يجي للثاني

.....

رد: فوق هام السحب ( الشعر الشعبي) على متن القوافي
 

انا العي كما يلعي من الورق مفجوعـه
‏على بيضها اللي شافته وخذ من عشه

‏على صاحب منه العلاقات مقطوعه
‏عراوي فؤادي عقب فرقاه منحشه

‏احبه محبه داخل الصدر مزروعه
‏تغذى على دم الشرايـن والمشّه

‏هروج العواذل فيه ماهيب مسموعه
‏وراع الهواء من ينصحه كنه يغشه

تبين حقايق راعي الحب بدموعه
وتظهر علومٍ بين الاضلاع منخشه

.....

رد: فوق هام السحب ( الشعر الشعبي) على متن القوافي
 

ليت الغرابيل جتني من عدوّ لي
اما تقاضيت ولا بيتقاضى لي

لكن من واحدٍ ذكرة غناةٍ لي
ولا زلت احبه وابا احبه ولا ابالي

لامر طرق بخدراته سلام لي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي

سعد بن جدلان

رد: فوق هام السحب ( الشعر الشعبي) على متن القوافي
 

الصبر حكمه والامل يطرد الياس
والجد والاخلاص قيمة وشيمة

والعز هيبة والشرف يرفع الراس
والكذب سلعة مالها اي قيمة

.....

رد: فوق هام السحب ( الشعر الشعبي) على متن القوافي
 

كلٍ أمام الزين يسعى لفتح الخط
وكلٍ يحاول أن يفوز بمرضاته

فَلَو قال حرف التاء يُكتَب بدون نقط
لقالوا بإن الياء سرق منه نقطاته

وأنت إذا حطيت في شيء ما ينحط
أعكسه وأقول للناس ذا من حسن ذاته

حجاب بن نحيت

رد: فوق هام السحب ( الشعر الشعبي) على متن القوافي
 

‏ماعلى الجاهل أخطر من مثقّف كذوب
‏يستخف النفوس ويفسد أخلاقها

بين غسل العقول وبين غسل القلوب
‏مثل مابين قتل النفس وإعتاقها

عبدالله الطلحي

رد: فوق هام السحب ( الشعر الشعبي) على متن القوافي
 

‏كل مايتعلّق بالبشر يظل ضعيفًا تجسّد ذلك موعظة البيت النبطي عند
بندر بن سرور:

‏احذر تخاف إلّا الذي كوّن الكون
‏رب السماء محيي العظام الهميدي

‏ويقين صالح بن سعود:
‏ماني بخايف بني جنس الإنسان
‏أقولها ماني من الناس خايف

‏خوفي من اللي كوّن الإنس والجان
‏عالِم خفيّات الضلوع النحايف

رد: فوق هام السحب ( الشعر الشعبي) على متن القوافي
 

وسامحني أنا وقلبي سهرنا الليل وأغتبناك
وتسامرنا بحكي واجد لعلّ الدمع كفّاره

ضحكنا من مواقفنا سكتنا شوي وعاتبناك
ياليت أن البدايه سجنْ مانطلع من أسواره

تصارحنا أنا ويّاه من اللي ماقدر ينساك
وطاح القلب من عيني وأنا طايح من أنظاره

كتبنا لك جداريّه على ضلوع الصدر تزهاك
شف الدنيا بلا حسك وطن يستفقد أنواره

تخيّل رغم طعناتك تلاقينا على ذكراك
يموت اللي صدق بالحب طريح وماحدٍ زاره

....

رد: فوق هام السحب ( الشعر الشعبي) على متن القوافي
 

تعالي يامدى حلم الغريب ودمعة الملهوف
‏ترى شمسي على باب إنتظار سنين موقوته

أنا صدري وطن مابه مواري للوجع والخوف
‏وملامح وجهك الطاهر على النسيان منحوته

تعالي والكلام أقدر أقوله لك بدون حروف
‏أنا اللي يقدر يترجم كلام العشق فـ سكوته

‏أمانينا على بال القصايد ترتمي وتطوف
‏وأنا اللي تاركٍ قلبه على السلسال ياقوته

....

رد: فوق هام السحب ( الشعر الشعبي) على متن القوافي
 

على روضة يدك هذا الفراش اللي يطير احتار
‏يحط مْنين ماحط بْجناحه يلمس الفيّه

‏لقا بك شي لو تدرين ماهو فـ اجمل الازهار
‏برادٍ كنه الارض ان غدت بالديم مرويه

‏لو انه ما تبلل له جناح ولا عليه امطار
‏كشف عن ساقه وكفك كشف للصبح عن ضيه

....

رد: فوق هام السحب ( الشعر الشعبي) على متن القوافي
 

يامن غرامك داخل الدم يسري
ووسط قلبي لك لحالك مساحه

بدري على بعد المحبين بدري
يامن خدوده ناعمه كالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابدر لانور ملا كل ساحه

رد: فوق هام السحب ( الشعر الشعبي) على متن القوافي
 

ماجاء ردى مني ولا جيت بقصور
‏طبعي كذا دايم مع الخلق كله

‏لي عزةٍ تطغى على كل دستور
‏من خلقتي والطيب عندي جبله

‏ياقلب من قفى عن العين معذور
‏نفسي عزيزة والمقفي تمله
‏
.....

رد: فوق هام السحب ( الشعر الشعبي) على متن القوافي
 

لاهب الهوى ليته على صدري المخنوق
‏انا فاقدٍ لي فرحة ٍ كيف ابلقاها

‏أنا والرجا مثل البدو يتبعون بروق
‏ورى ديمة ٍ غابت ولا حصلوا ماها

‏تلاعب بنا الأيام وأثر العمر مسروق
‏طردنا ورى الدنيا ولا جابت اقصاها

‏نجي من تحتها وانتوايق لها من فوق
‏نقول انعرفها واثرنا ماعرفناها

.....

رد: فوق هام السحب ( الشعر الشعبي) على متن القوافي
 

ردتك أنت وماردت غِيرك يحبني
ضمني گطرة ماي بيدك لا تذبني

شعر عراقي

رد: فوق هام السحب ( الشعر الشعبي) على متن القوافي
 

من عيني لمن رحت ضليت أنا مناطِر
كتلي انت باچر تجي وخلص الف باچر

شعر عراقي

رد: فوق هام السحب ( الشعر الشعبي) على متن القوافي
 

‏أحبك لو يموت الحُب وتصِير القلوب قبور
وأنا مهما منحتك من غلاي أشعَر بتقصيري

.....

رد: فوق هام السحب ( الشعر الشعبي) على متن القوافي
 

عيش عمرك ونا قد فات فيني الاوان
ونت ماتستحق اتعيش عمرك حزين

فاقد احباب واقراب وْشعور وْامان
ودي آرتب احلامي واعيد السنين

والكلام الثقيل اللي بقى في اللسان
طاح من ثقل ما فيني ومن كل عين

لاتسولف وتقهرني على شيّ كان
ما يكفّي ضياع العمر هذا لمين

لاتعلّق احاسيسك بقلبي عشان
مايجي يوم تندم خلّنا عابرين

شفت فيك الشعور اللي فقدته زمان
وش يفيد العزا مارجّع الميتين

جيت بالحيل متأخر وفات الاوان
كاره آحب خايف انخذل مرتين

ادري انك حبيب وممتلي بالحنان
ليتني من زمان اعرفْك بس كنت وين

مفتقد كل حاجه الزمان المكان
عايش ابقلب ميّت تحت ذل الحنين

لاحياتي حياه وْلا احس ابامان
شوف غيري انا والله جداً حزين

.....

رد: فوق هام السحب ( الشعر الشعبي) على متن القوافي
 

غيمه غلاك وسط قلبي لها رعود
لامن ذكرتك بلّ قلبي مطرها

.....

رد: فوق هام السحب ( الشعر الشعبي) على متن القوافي
 

طشيتهن وتلملمن

ولميتهن واطشَرَن

يوم الردتهِن مالفَن

يوم العفتهن چودرن

يمي وعلية تراشدن

شنو السبب بَس ماحچن

جروحي حيل استهترن

ركصن ركص مثل الغَچر

هَزن خصر مايستِحَن

شعر عراقي

رد: فوق هام السحب ( الشعر الشعبي) على متن القوافي
 

وحِيرة التهِي بطعنتَك
مِدري التهِي بثارَك

وشتگول أضُم الحَجي
لو أسولف أسرارَك

شعر عراقي

رد: فوق هام السحب ( الشعر الشعبي) على متن القوافي
 

يا عذب
صار التريده وعودتني
يا نبع على العطش بيدك
علمتني يا سما جناحي انكسر
وتلولحت كدامك وما
عاونتني بيك الغربه تهنوا
وانه شمسك سومرتني
بعينك الميته شفتني
وما شفتني وبرد كلبك
وانه كتلك لو برد كلبك تكلي
وانت لا انت المفتهم
روحك ولا من فهمتني

شعر عراقي

رد: فوق هام السحب ( الشعر الشعبي) على متن القوافي
 

كم عروسٍ بالفرح ماهي عروس
تبتسم لأجله وهي غيره تحب

وكم عريسٍ حبيبته ضمن الجلوس
حيل يعشقها وربك ماكتب

.....