|
رد: فوق هام السحب ( الشعر الشعبي) على متن القوافي
الصاحب إلي بالـمـوده مصافيك
إلي مـعـك فـي كـل حلـوه ومُرّه لاتخذله فالوقت دامه وثق فيك وإن كـان مـا أنـت نافعه لاتضره |
رد: فوق هام السحب ( الشعر الشعبي) على متن القوافي
لا تستمع لاهل الحكا والتخاريف
هراجة المجلس بليا صمايل ما يظهر الحرمة كثر السواليف وما يظهر الرجال غير الفعايل |
رد: فوق هام السحب ( الشعر الشعبي) على متن القوافي
يالله بنصراََ منك ينصـــر فلسطـــين
نصـــراََ عــــظيماََ منه تجبر وجعــــها يالواحــــد اللـــي تبدل العســر بالين فــرق اهـل الطاغـوت واللــي جمعها طالبــــك انا يالله قــــولــــو امــــين تقضي على أهل الشرك واللي تبعها |
رد: فوق هام السحب ( الشعر الشعبي) على متن القوافي
غنيت لك من مدى ضيقي وش اخباري
وما رد الا صدى صوتي على صوتي لا تقول وش ذكرك ولا وش الطاري ما غبت عن خاطري ولا عن بيوتي |
رد: فوق هام السحب ( الشعر الشعبي) على متن القوافي
عساك ماتفقد محبك ومغليك
ولا تشتكي من جايرات الليالي دعوه محب من ضميره مصافيك قلبه من الأحقاد والكذب خالي |
رد: فوق هام السحب ( الشعر الشعبي) على متن القوافي
إحذر تصك الباب في وجه من جاك
وأحذر تبيع إنـسان بالوقت شاريـك ولا تحقّر اللـي بالليالـي يبي رضاك ولا تشتـري اللـي بالـزمن مـا يدانيك |
رد: فوق هام السحب ( الشعر الشعبي) على متن القوافي
مني لاعز الناس حلو التراحيب؛؛
مضمونها تقدير من قلب صافي سلام ياراعي الوفا والمواجيب سلام يازين مع الناس وافي لك منزل بين الضلوع المحاديب عساك دايم بالوجود متعافي |
رد: فوق هام السحب ( الشعر الشعبي) على متن القوافي
لاجل الغلا برسل مع الشـوق ورده
أرويتها من ماي عيني غلاها أمنتك الله ضمّهـا كـل مـده حتى أحس ضمّيت قلبـي معاها |
رد: فوق هام السحب ( الشعر الشعبي) على متن القوافي
اجلس مع اللي راسه الشيب ماليه
واللي تجاعيد الزمن في جفونه يعطيك من خبرة حياته وماضيه درس كثير من البشر يجهلون |
رد: فوق هام السحب ( الشعر الشعبي) على متن القوافي
القلـب صافي والنواياا توديـه
على دروب الطيب والرب شااهـد والي نسـاني يرحم الله لياليـه أقـول له مسموح والحال واحـد |
رد: فوق هام السحب ( الشعر الشعبي) على متن القوافي
كــلٍ علـى هـمـه يســجل حضــوره
وأنــا على همي أدور لـه أبـيــات يمــكن ذكرني أمــس لحـظه مروره يمكن ونفسي داخلي تقول هـيـهـات |
رد: فوق هام السحب ( الشعر الشعبي) على متن القوافي
تدري من اللي عاش بالوقت مرتاح
ولاشال من حمل الليالي ولا طن طول العمر مرتاح من وين ماراح اللي ضميره بالبشر يحسن الظن |
رد: فوق هام السحب ( الشعر الشعبي) على متن القوافي
لاتحسب ان الناس بالناس تهتم
مهما بلــغ حــد الغـــلا والميانه كم واحــد تجري غلاته مع الدم واليــوم تجري في عروقه خيانه |
رد: فوق هام السحب ( الشعر الشعبي) على متن القوافي
يا مركبي لو ضايقـك دف الأمـواج
أثبت ..على متنك حمـول الأمانـي الموج لو صوتـه مريـع ٍ و لجّـاج خل الصدى منك الصبر و التفانـي |
رد: فوق هام السحب ( الشعر الشعبي) على متن القوافي
من لا يـداري خاطـرك لا تداريـہ
بـعض المدارى لـلخواطر مـذلـہ كم واحدٍ تتعب عـ شان ترضـيـہ ويصير ظنك فيه ما هو بـمحلـہ |
رد: فوق هام السحب ( الشعر الشعبي) على متن القوافي
من صغرنا مَ اثـر القول فينا
نعرف مقام نفوسنا و نحشمها من لا يعجبہ طبعنا .... لا يجينا ومن هو يطب حدودنا يحترمها |
رد: فوق هام السحب ( الشعر الشعبي) على متن القوافي
الصبح ماهو بس شمس وعصافير
الصبح بسماتك ، وصوتك ، ونورك يعني صباح الورد ، والنور ، والخير مفروض ماتنقال ..غير بـ حضورك |
رد: فوق هام السحب ( الشعر الشعبي) على متن القوافي
آلصدق والثقه والشوق والخوف
مَاهيب في عيُون المحبيـن لعبه الحب كَلمه تنكَتـب بَأربع حرُوف لكنهـآ في كل الأحوال~ صعبه |
رد: فوق هام السحب ( الشعر الشعبي) على متن القوافي
آقول لـهہ: مسيت بـآلخير ي خير
ويـقول: آنـآا مسآائـك ونـور دربـك آي وآللـہ آنــك ي مـسآئي مسآ غير شمآلـك ، وشرقـك ، وجنوبـك ، وغربـك |
رد: فوق هام السحب ( الشعر الشعبي) على متن القوافي
تدللّي يا شيخة الزين دامك
مثل المهار النايفآت الآصايل حتى صهيل الخيل شآيل وسآمك لآمن ضحتكي يعتدل كل مآيل |
رد: فوق هام السحب ( الشعر الشعبي) على متن القوافي
هي شيخة الترفات هي منبع الذوق
هي الاصل بالزيـن والباقي اشباه منطــوقها بالشعر غيــر اي منطوق مهــره اصيـــله بالجزايـــل مـــرباه |
رد: فوق هام السحب ( الشعر الشعبي) على متن القوافي
أن كانها مهره فـ أنا خير خيّال
هذي سواياها وهذا رسنها عنها لو تسولف هل القيل والقال بموت وأنا .. ماتخليت عنها |
رد: فوق هام السحب ( الشعر الشعبي) على متن القوافي
أسمـع مـن العقّـال حتـى تستفيـد
وابعد عـن الجهّال قـدر المستطاع يدلّك العاقل ...على الراي السديد ويـدلّك الجاهل على درب الضياع |
رد: فوق هام السحب ( الشعر الشعبي) على متن القوافي
الذكريـات بـكـل الأحـوال تشقيك
مافيه روح من الحنين استراحت تحـزن على ذكـرى حـزينه تبكيك وتضيق من ذكرى جميله وراحت |
رد: فوق هام السحب ( الشعر الشعبي) على متن القوافي
الشـوق ماله وقـت يا ساكـــن الروح
ما دام طيفـــــك ما يفــــارق خيالي اتذكـــرك والقلـــب يشتــاق وينوح ويصيــح فــي الاعمـاق يابعد حالي كابرت شوقي لاكن الشوق مفضوح والشوق مالـــي في سكوته مجالي. |
رد: فوق هام السحب ( الشعر الشعبي) على متن القوافي
عين الردي يقصر نظرها من الطيب
لو كان شوفه شوف زرقا اليمامه يغويه شور قريـّبين المحاضيب ويعميه من كسب الجميل الرخامه |
رد: فوق هام السحب ( الشعر الشعبي) على متن القوافي
لو يركض العبد بيدينه ورجلينه
الصفقه الخاسرة ماهو برابحها إن كان مالله معاه.. ولا الله معينه بيخرّب اللي يحسب إنه يصلحها والعمر مهما يطول بتقضي سنينه وأول ما يشهد على نفسك جوارحها يالله ،،،،، بقلبٍ سليم ونيةٍ زينه تفتح لنا أبواب ما نقدر نفتّحها |
رد: فوق هام السحب ( الشعر الشعبي) على متن القوافي
البارحه دمعي على الخد همال
والحزن في صدري يجر معزوفه صدري لصكات المقادير مدهال ودمعي اخاف ان الاودام تشوفه اغيب وادور على راحة البال عن حاجةٍ فالقلب قامت تلوفه العيب فالوافين والا فالانذال هو فيه باقي ظلم يمكن نشوفه هاذي بدايات العمر كيف لو طال انشهد اني ي عرب قمت اعوفه لاصار مابه خير في جمع الاعمال باقي حياتي ماعليها حسوفه وضحاء العتيبي |
رد: فوق هام السحب ( الشعر الشعبي) على متن القوافي
راح الجـهـل والطـيـش والشـيـب جانا
وصرنا نحسب حساب وش يخفي الغيب حتى الأمـاني يــوم شــابـت لـحـانـا ماهـيـب امـانينا قبل يطلع الشيب |
رد: فوق هام السحب ( الشعر الشعبي) على متن القوافي
لايخدَعَك صاحب الوجهين
بكـل يـوم ومعـه صاحـب يلبـس علـى وجهـه قناعين وجهه يالو ينكشف شاحب يتظاهر بطيب وِهْـوَه شَين ولاتصدق لنَـوحِه الناحـب |
رد: فوق هام السحب ( الشعر الشعبي) على متن القوافي
النفس لاشامت مثل عاصي الخيل
يصعب على الخيال قبضة رسنها لاشامت النفس العزيزه عـن الميل مـــن عقبها الشــرهات يطـوا كفنها شــرهتك سـندهـا لــروس الـمشاكي ولا عـــن الــرديان شــرهــتك صـنها |
رد: فوق هام السحب ( الشعر الشعبي) على متن القوافي
لا تنكر المعروف لا جاله مجال
واليافعلت الطيب لا تقفّيه صوت جمايل الرّجال فـ ظهور الرِجال تسجيلةً ماهيب تسجيلة بلوت |
رد: فوق هام السحب ( الشعر الشعبي) على متن القوافي
اركدي يالوهوم وجـرهدي يالطموح
وانفضي الضيق عنك واشعليها أمـل زلزل الهم تكسب من وراء الروح روح عيشة الذل شينة والمراحل دول ما يرد المـانيا كل وجه صبـوح ولا تجيـك السلامة من خبيث العمـل خــل قلبك جنــوبي يهتـويه الــوضوح وخـل صدرك شمـالي ما يحب العجل وخذ من الشـرق عزمك لا تعد الجروح وخذ من الغـرب عـادات المثل بالمثل واكسر الصمـت لو ما عاد غيرك يبـوح وان حكوا الغير يكفوا وانت خلك وسل وارفــع الــرأس وقت الجـد ولا المزوح لا تــوطي جبينــك لو حصـل ما حصل |
رد: فوق هام السحب ( الشعر الشعبي) على متن القوافي
ياربّ غفرانك ورحمتك وارضاك
وعطفك ولطفك ياعزيز الجلالي اعوذبك و الوذبك واترجاك رحماك يارحمن تلطف بحالي يارب انا عبدك ضعيفأً بلياك وعفوك تراه اكبرطموحي وآمالي الفضل فضلك والعطاياعطاياك مكاسب الدنياماهي راس مالي!! |
رد: فوق هام السحب ( الشعر الشعبي) على متن القوافي
نكتب ويحفظ ماكتبته ايدينا
لو نمسحه يبقى على اللوح مكتوب لكن عسسساه النا ولا هو علينا في يوم يوزن فيه حسنات وذنوب ويعر ض علينا ماكتبنا وقرينا في يوم ما ينفعك لو قلت ابتوب |
رد: فوق هام السحب ( الشعر الشعبي) على متن القوافي
يا ربي وأنا عبدك وكلي ندم وذنوب
خطاي اكبر من طويق والنفس لوامه ما بين الهوى والنفس والغي والمكثوب يقف ثابت الخطوة ولا تثبت أقدامه أجرني من ذنوبي وعفوك هو المطلوب ياعالم بما وسوس به الصدر و وهامه |
رد: فوق هام السحب ( الشعر الشعبي) على متن القوافي
والله مـايـذبـحــك يــاكـــود حــاجـــه
لاصار في وجهك حيا وانـت محتـاج بالعـسـر يـسـر وللهمــوم انـفـراجـه يجيلهـا مـن والـي الـعـرش مـخـراج ارفـــع ايـديـنـك للـسـمـا ثـــم نـاجــه يظهـرك لودونـك شرابيـك واسـيـاج |
رد: فوق هام السحب ( الشعر الشعبي) على متن القوافي
تواصل مع اللي في وصاله مطر وغيوم
ومن صد جعله للتساهيل في صده وتركّد على قلبك ،، ولاتثقله بهموم ، كثير الزعل يتعب لك القلب ويهده |
رد: فوق هام السحب ( الشعر الشعبي) على متن القوافي
من حبـه الله يحبـونه مخاليقه
ركز على السطر هذا وأفتح عيونك لاتقول هجر العرب يسبب الضيقه زين عـلاقتك مع ربــك يحبونك |
رد: فوق هام السحب ( الشعر الشعبي) على متن القوافي
في هالزمن ياصآحبي عيش دنيآك
لا لا تـحـآول تـفهم اللي حوآليــك تكشف لـك الأيآم مـن كـآن يهوآاك ومن هو يـمثل دور إنــسآن يغليك |
| الساعة الآن 01:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية