رد: فوق هام السحب ( الشعر الشعبي) على متن القوافي
 

نزلّت لي طليانللبيع بـ أعلان
وجاني عليه اللي بسومه فرقهن

قال أرسل الموقع وانا أرسلت فرحان
اثره عقبني للمراح وسرقهن

رد: فوق هام السحب ( الشعر الشعبي) على متن القوافي
 

اظن بعض المدح شتمٍ وتوبيخ
‏لاصار .. ماهو واردٍ في محله

‏المدح للمطنوخ نسل المطانيخ
‏اللي فعول الطيب عنده جبلّة

‏ماقال انا حـاتم ولاقال انا شيخ
‏لكن فعوله .. قالت العلـم كله

‏‌ عبدالله الطلحي

رد: فوق هام السحب ( الشعر الشعبي) على متن القوافي
 

‏‌ يارب تلبسني عن الشامـت لـبـاس
‏عبدك ويخطي والرجاء في سمايحك

‏يـاللي بـشِـعـرك تشـرح الناس للناس
‏والناس يعجبـها كـلامـك وتمـدحك

‏تـرى على مـاقـلـت يـاتيـك عسـاس
‏وفعلك هـو اللي للرياجيـل يشـرحك

‏‌بادي النفيعي

رد: فوق هام السحب ( الشعر الشعبي) على متن القوافي
 

‏دام راسي بخير ونجدتي من ذراعي
‏شرهتي بالضمير وصدتي عن قناعه

‏من يخوض المعارك لازم يكون واعي
‏الهزيمه سريعه والنصر صبر ساعه

‏والخزى والله اني عنه طاوٍ شراعي
‏ودي اني بسوقه ماتجي لي بضاعه

‏ماحتمل شرهة الطيب حميد المساعي
‏لاسمع مني اللي مايسره سماعه

‏خالد ماطر

رد: فوق هام السحب ( الشعر الشعبي) على متن القوافي
 

‏أعيش الغلا عَـفه و أكن العفاف أسرار
‏و أموت و مماتي حـاجـة ٍميت ٍمنها
‏
‏سترتك ورا طرف ٍعليه الرموش ستـار
‏و ضمنتك بعَيني و المقادير ماضمنها

......

رد: فوق هام السحب ( الشعر الشعبي) على متن القوافي
 

ياطيب النيات في هذا الزمـان المختلـف
لا ترتجي رد الجميل إن كنت ناوي تفعلـه

إسئل مجرب شاف ماعافه وعَود منصرف
يضرب بكفٍ كف من هذا الزمان ومن هله

الطّيب من الناس يصبح عملة ما تنصـرف
ماله قبول وخايـب النيـات كـلٍ يقبلـه

ما ينجح إلا إللي يسير مع الطريق المنحرف
إللي تقوده غايتـه لأي طريـق يوصلـه

وقت تغير وإختلف له وجهـةٍ ما تنعـرف
الله أعلم وش يخبـي فالليالـي المقبلـه

......

رد: فوق هام السحب ( الشعر الشعبي) على متن القوافي
 

حدثيني ربما... يرتاح قلبي من عــذابه
ربما والوصل قادم من مشقات العذاب

حـدثيني عـن لقـانا والأمــل مفتـوح بابـه
والأمل يطوي دروبه في مسارات الصواب

لا تقولي مر طيفه من سماء حبي سحابه
وأنتهاء موسم حصاده بعدما طال الغياب

والفرج كم لاح نجمه يوم طول في غيابه
وسئلي مرسال شوقي حين تشتاقي جواب

ربمـا لـو ضقت مني بعـدما تسمع جـوابه
والورود النرجسيه في سطوره والشذاب

ماترى غـير المحبـه لك وبك مغـرم صبابه
بعدما شليت روحي دونما تحسب حساب

يا حبيبي عـاد حلمي منتظر زهرة شبــابـه
يغتنم فـي دفئ حظنك طيش عمره والشباب

واعزف أوتاري واغني لحن في صوت الربابه
كون عمري في المحبه ما اكتمل فيه النصاب

......

رد: فوق هام السحب ( الشعر الشعبي) على متن القوافي
 

‏خفت اسألك ، ماخفت رد الاجابات
وانت اُمنيه .. تسوى جميع امنياتي

تشرق علي ابيات ، وتغرّب ابيات
لا مر طيفك .. قمت ادوّر ثباتي

جيتك من الا شيء مملي طموحات
لا تردني .. خايب وبيدك نجاتي

ذيك السنه عدّت وهذي سنه جات
وفي كل سنه .. قدرك يزيد بحياتي

......

رد: فوق هام السحب ( الشعر الشعبي) على متن القوافي
 

كلام مثل الجمر احرق وتيني
وذر فوق الجرح ملح ن وبسباس

وكل ماهوفيك قد صار فيتني
ماذا الذي سويت يا اطيب الناس

حنيت مثل الرعد اسمع حنيني
من بعدافرغت خمري من الكاس

صحيت من سكري لايحتويني
غير الاسى والحزن بعد التئناس

اقول لك كلمة هل ترتضيني
مادام لك وحشه والقلب حساس

......

رد: فوق هام السحب ( الشعر الشعبي) على متن القوافي
 

‏وشفيك ما تسأل ولا عاد تشتاق
وشفيك طولت الجفا ماتجيني

وين الغلا وين الوله وين الاشواق
وين الوفا اللي ..كان بينك وبيني

انا ادري ان .الوقت خاين وسراق
خليتك بعيني......وغمضت عيني

ياشين كلمة هجر والاصعب إفراق
احسها تخطفك.....من بين إيديني

......