رد: فوق هام السحب ( الشعر الشعبي) على متن القوافي
 

ليت السفر بين المحبين ممنوع
تحجز جوازات المحبين بالذات

حتى لوأن السفر حق مشروع
المشكله لأهل الهوى حزن وآهات

لاغاب خلّك والرجاء فيه مقطوع
لابه رسايل توصلك وأتصالات

الخط مغلق كنّه الكرت منزوع
من ضيقتك تلعن جميع أشتراكات

تضرب على الكفّين والقلب مفجوع
تضيق بك عقبه جميع المساحات

في ليل دامس ضايعٍ مابه شموع
الفكر تايه فـي دروب المتاهات

العين تذرف بالدقايق له أدموع
والقلب عايش بين حسره وونـات

لو انك تجر الصوت ماهوب مسموع
ياطول مابينك وبينه مسافات

يمكن ظروفه مامشت له على طوع
ويمكن سلا فكره بروحه وجيّات

سايح بدار المغرب والأجر مدفوع
يسرح ويمرح بين سجّه ولذات

.....

رد: فوق هام السحب ( الشعر الشعبي) على متن القوافي
 

لله درّي على الصبر و على الاعتياد
‏أواجه الوقت صلب وخاطري ماحكى

‏انا أكثر إنسان تشكي له قلوب العباد
‏وعلى كثر مايواسيهم ماعمره شكى

.....

رد: فوق هام السحب ( الشعر الشعبي) على متن القوافي
 

حلمي كبير ورغبتي كنها طير
‏مايطوي الجنحان لاشاف قمه

‏ان قالها الله والليالي مداوير
‏لارقى سنام طويق والحلم اتمّه

.....

رد: فوق هام السحب ( الشعر الشعبي) على متن القوافي
 

ليل الشتاء لاجاك يوقض مواجعك
‏ويحرّك اللي في دواخلك ساكن

‏لشتد برده لفحة الشوق توجعك
‏وتطري عليك دروب ذيك الاماكن

.....

رد: فوق هام السحب ( الشعر الشعبي) على متن القوافي
 

في عيونك حزن واسرار وكلام
‏حزن قلبك كون وعيونك بكون

‏مستحيل يكون ذا برد وسلام
‏اصعب انواع الحزن حزن العيون

.....

رد: فوق هام السحب ( الشعر الشعبي) على متن القوافي
 

ذاب الكلام وضاع حلم التعابير
‏وتزاحمت بالشعر كل الحناجر

‏بعض القصايد لانثرته نواوير
‏وبعض القصايد مثل طعن الخناجر

.....

رد: فوق هام السحب ( الشعر الشعبي) على متن القوافي
 

‏القلب مجلس والمحبه تقهويك
‏فنجال ماتستاهله غير يمناك
‏
‏من قبل لاآشوفك عيوني تحييك
‏وشلون لو آشوف طلّت محياك

.....

رد: فوق هام السحب ( الشعر الشعبي) على متن القوافي
 

دنىظ° الفجر وعيون المفارق على ماهي
سهيره وفيها من لظىظ° الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

.....

رد: فوق هام السحب ( الشعر الشعبي) على متن القوافي
 

لاتراقب ما أقوله من بعيد
وانت في كل القصايد مقصدي

كان تبغى مني اعطيك الجديد
إقترب مني ويا الدنيا اشهدي

إن حُـبك صار يجري فالوريد
من فؤادي لى دماغي لى يدي

وانك الحُب الحقيقي الوحيد
وان جُرحك لايزال فيني نَدي

أيه احبك بس يا الحظ العنيد
عاشقك ماهو سفيه ولا ردي

.....

رد: فوق هام السحب ( الشعر الشعبي) على متن القوافي
 

لو فيه شيء بخاطرك قلي عليه
لو صرت غامض لاتحـسبنـي غبي

في ذمتك وشلون اعرف اللي تبيه
دام انت نفسك ما انت عارف وش تبي

.....

رد: فوق هام السحب ( الشعر الشعبي) على متن القوافي
 

ليه صديت عني حسبي الله عليك
شـوف انا ما تركتك يوم ناديتني

بيض الله وجهي يوم فزيت فيك
وسود الله وجهك يوم خليتني

.....

رد: فوق هام السحب ( الشعر الشعبي) على متن القوافي
 

خل عنك السوالف وارخ جفنك ونام
أسهرك كثر خـوفك لين ليلك سرى

التعب في عيونٍ مثل عـينك حرام
وانت لا ابطيت عني كل طاري طرى

يفضـحك دمع عينك لو منعت الكلام
وما تطيعك جفونك لو بغيت الكرى

كان قصدك محبتنا علي الحرام
وحدك اللي تعيش من الظلوع وورى

.....

رد: فوق هام السحب ( الشعر الشعبي) على متن القوافي
 

لاتجحد الماضي ولا تامن الجاي
يحفظ لك الله نعمته لىٰ حمدته

يمكن تقدر صحبتي عقب فرقاي
لاجاك ليلٍ سرمدي مارقدته

ماراح تعرف قيمتي وانت وياي
الماء تحس بقيمته لافقدته

.....

رد: فوق هام السحب ( الشعر الشعبي) على متن القوافي
 

خذني على قد عقلي في طريق الغرام
‏إن كانك أعمى بصيرة خذني أعمى بصر

‏من كثر ما نرتحل بين الديّر والأنام
‏ماعاد ندري نصلي جمع ولا قصر

‏إن كان حبك هزيمة فالهمام الهمام
‏يامرحبا بالهـزيمة في طريق النصر

‏انا اغرب إنسان فالدنيا عليّ الحرام
‏عجزوا على ذبحي اعداي وذبحني خصر

.....

رد: فوق هام السحب ( الشعر الشعبي) على متن القوافي
 

جئنا نؤَدّي دورَنا ونُغادِرُ
والكُلّ لو طال الزمانُ مسافرُ

لاشيءَ يبقى غير ذِكرٍ طَيِّبٍ
تُحكَى بهِ بعد الرحيل مآثرُ

تاريخُ عمرك أنت مَن يُعنَى به
إن شئتَ فاجعلْ مَن يراهُ يُفاخِرُ

أيامنا كتُبٌ ونحنُ سطورُها
تَمحي وتُثبتُ ماتشاء دفاتِرُ

.....

رد: فوق هام السحب ( الشعر الشعبي) على متن القوافي
 

اللي يبيك يجيك لو دونك قيود
‏يكسر على شانك خشوم الصعايب

‏واللي يبي فرقاك لو دربك ورود
‏ماجاك لو انك من ادنى القرايب

مساعد الرشيدي

رد: فوق هام السحب ( الشعر الشعبي) على متن القوافي
 

ياقلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
ياكنز في دنيا المواجع لقيته

انت الذي للقلب دكتور شافي
وانت الهوا والحب منك طريته

وانت النشيد المنبهر والقوافي
وانت الشرف ذا يلمع اليوم صيته

وانت الوفا في يوم ماعاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتفيته

ماهما تشوف القلب لوا وطافي
يعود لك مادمت له كل بيته

حلق خيالاتك معي في ضفافي
ياللي نصع قلبي بطلقه رميته

ماعاد من دنيا المواجع نخافي
مادام قلبي وسط قلبك حميته

راحت سنين القهر راح الجفافي
من مثل حبك فا الهوا لاسقيته

حبو وعيشو الحب دامت عوافي
ومن يحبك فا الخفوق احتريته

.....

رد: فوق هام السحب ( الشعر الشعبي) على متن القوافي
 

‏الناس والدنيا منازل بلا ساس
رحيلها وان طولت مقتفيها

هذي هي الدنيا وهذي هي الناس
خسران من علق هقاويه فيها

.....

رد: فوق هام السحب ( الشعر الشعبي) على متن القوافي
 

اقلط تسيد في ايسر الصدر من فوق
هذا مقرك وانت تعرف مقرك

الا ان مالك في الغلا شف وطروق
قلها واغادر عنك بحرك وبرك

انا الرفيق ولا ارخص القدر وابوق
وتغيب مايقفاك وان جيت سرك

.....

رد: فوق هام السحب ( الشعر الشعبي) على متن القوافي
 

هذاك كل الخطاوي تِتجه صوبه
لو غاب عني أحسه في شراييني

هذاك حتى كلامه غير وأسلوبه
مدري على وين لاسولف يودّيني

.....

رد: فوق هام السحب ( الشعر الشعبي) على متن القوافي
 

نفسي عزيزه مارضت بالمعاذير
ولا ني معودها على الذل مره

امشي عزيز محسبت المخاسير
وأثمن المشروه لو مااتشره

م تنثني ساقي بدرب المعاسير
و لاينحني راسي ولا يموت حره

على النقا ما ننحدر بالمحادير
نظراتنا صوب الجدى والمجره

نشوم عن درب الخطا والمحاذير
وما نلتفت للي عزوومه تغره

عالوفاء نمشي سوات المداوير
ممشا شجاعن فاقد اليوم حره

يمشي ولايحسب حساب المخاطير
ويفرح اليا بانت مع القاع جره

صامل ونفسه متعف المشاوير
ودرب المراجل بالوازم يسره

مطنوخ راس وممتلي بسعاطير
وظربه بعدونه عطيبن مقره

وانا عزيز وراضين بالمقادير
ونفسي تعف ومنت الناس مره

ومتوكلن بالي يسوق التباشير
ومن يتكل بالله يلقا المسره

.....

رد: فوق هام السحب ( الشعر الشعبي) على متن القوافي
 

ياصباح السعاده والرضا والسرور
وياصباح التفائل بالهنا والعطا

فيك يا أجمل صباح نعيش اجمل شعور
وفيك دايم نجدد حلمنا لو بطا

من توكل على الله في جميع الأمور
ماتعرقل طموحه لو زمانه سطا

كل طيرن وقسمه منذكر بالعصور
دام ربي معاك رزقك بيبسطا

.....

رد: فوق هام السحب ( الشعر الشعبي) على متن القوافي
 

قلبي لامنه شراء قلب ما باع
وانت الله الله فيه والعمر موقوت

لا للفراق ولا تجديد الاوجاع
ونعم نعم للوصل لو كان بالصوت

.....

رد: فوق هام السحب ( الشعر الشعبي) على متن القوافي
 

علمتنا الليالي واختلاف السنين
‏لين شفنا الصحيح وبانت الخافيه

‏تكتشف معدن الانسان في حاجتين
‏لاتولى الفلوس ولا اونس العافيه

بقلمي

رد: فوق هام السحب ( الشعر الشعبي) على متن القوافي
 

حتى ليالي الشتاء جابت طواريك
بين القمر والغيم ترسم طيوفك

.....

رد: فوق هام السحب ( الشعر الشعبي) على متن القوافي
 

أنت في قلبي رفيعٍ مستواك
في صميم القلب ماتملك شريك

والله أنك فارض فيني غلاك
خطوتي تمشي وتجبرني عليك

.....

رد: فوق هام السحب ( الشعر الشعبي) على متن القوافي
 

غرقت لي في بحر مافيه ساحل
‏وأنا بحور أهل الهوى محترفها

‏الحب أعرفه وأعرف إنه مراحل
‏لكن وصلت لمرحله ما أعرفها


.....

رد: فوق هام السحب ( الشعر الشعبي) على متن القوافي
 

‏شوقي يسافر بي على غير ميعاد
وخوفي يعـود بي على غير عاده

نعيش في الدنيا جماعات وافراد
وكلن على الغبراء يروم السعادة

وياهل المواقف بين صادر ووراد
ماكل من هو يسرج المهر قـاده

ويا مدور الهين ترى الموت حصاد
ماحد على الدنيا يحصل مراده


.....

رد: فوق هام السحب ( الشعر الشعبي) على متن القوافي
 

‏أنا ياحلوةَ العينينِ
بعدكِ فاقدٌ وطني

هدمتُ مدينتي سهوًا
فهل أهتمُّ بالمدنِ

بلادي كلها فوضى
بلا امرأةٍ تُرتبُني

بدونكِ لستُ أُشبهُني
أنا المنفيُّ في بدني


.....

رد: فوق هام السحب ( الشعر الشعبي) على متن القوافي
 

أهل الشهامه دوم تاخذ وتعطي
افكارها متجدده من عطاها

واهل الملامه دوم تخطي وتخطي
يعني طبيعي لو تجدد خطاها

إذا الوعا مفتوش كم حد يغطي
النار ماتأسف على من وطاها

من احتكم للصبر فالصبر يبطي
وكل حجه ماعذر من غطاها

صالح الاحمدي

رد: فوق هام السحب ( الشعر الشعبي) على متن القوافي
 

‏على مذهب الخيال قود الرسن شمال
وعلى عادة الجمال يمناه للجمل

ومن لايرد الفال للحق والعدال
تسحب به الخمال في العيب والزلل

تظل الحياة اثقال ماتكسر الرجال
وتبقى الرجال افعال في السهل والجبل

‎.....

رد: فوق هام السحب ( الشعر الشعبي) على متن القوافي
 

ياسحايب شوق ودي للحبيب
السلام وبلغيه احلى مساء

غيرهم ماله في الطيب نصيب
مايطيب ولو قسي زدنا قسى

هو غريب وانا في عينه غريب
مفلسآ مني وانا منه افلسا

مثل صايح في الخلاء ماله مجيب
في عجاج الصيف ورمال الحسا

‎.....

رد: فوق هام السحب ( الشعر الشعبي) على متن القوافي
 

ياحاكم الشوق قلبي يطلب انصافه
بكرة انا وانت موعدنا مع القاضي

‌اما تجيني بطب القلب واسعافه
والا نخلي المشاعر والهوى ماضي

.....

رد: فوق هام السحب ( الشعر الشعبي) على متن القوافي
 

بفضل الله دخلنا في حماه
وحررنا حلب والبنت درعا

ومن حارب معانا زاد غناه
ومثلك ياحلب حنجيب صنعاء

.....

رد: فوق هام السحب ( الشعر الشعبي) على متن القوافي
 

ياواثقه في مشيتك كنك الخيل
‏انتي شموخ العز وانتي سنامه


‏نفرح بشوفك فرحة البدو للسيل
‏عشق بدوي يافرحتة ياغرامه

‏
نظرة عيونك تجذب الليل وسهيل
‏والفارس اللي ملك وانتي مرامه

.....

رد: فوق هام السحب ( الشعر الشعبي) على متن القوافي
 

لاشفت رقمه متصل انبسط وروق
ولاغاب عني صارت النفس مزنوقه

برفوق ياروحي على القلب برفوق
كبدي على شوفتك يازين محروقه

.....

رد: فوق هام السحب ( الشعر الشعبي) على متن القوافي
 

هيه ياللي غرك الليل واغراك النديم​
هيه ياللي هزك الشوق والمسرى ضياع​

وقفي بين الخطا والصراط المستقيم​
والهبي بين التراحيب وكفوف الوداع​

وسولفي مثل المشاريه في صوت الحشيم​
واسكتي مثل الشفايف لاطاح القناع​

واضحكي مثل النواوير في روضة خريم​
واغرقي مثل المزاجات في غرب الرفاع​

وابعدي مثل المتاهات في حلم اليتيم​
واضربي بين السوالف وكتفي والذراع​

وانظري لي نظره الشوق والشي القديم​
واغرقي بالدمع الازرق مظاليلٍ وساع​

واصبري مثل المسافات في صدر الحليم​
واسمعي صوت الهوى يوم فليت الشراع​

يوم صرتي عود ريحان ورضاي النسيم​
واصبري يانجمه الصبح مال الصبح داع​

قد طلبت الله وانا بين زمزم والحطيم​
شوفتك ياغلى ثنيه الى صرتي رباع​

العيون تجوع لك جوع والله العظيم​
والعشا في عيونك السود وعيوني جياع​

ان عطيتي قلت مايرد الكريم الا اللئيم​
وان بخلتي قلت تكفين والدنيا متاع​

اقبلي مثل التباشير في وجه الكريم​
وارحلي مثل التعازي على موت الشجاع​


ضيدان بن قضعان​

رد: فوق هام السحب ( الشعر الشعبي) على متن القوافي
 

‏جعل القلوب اللى له القلب يشتاق
‏تصبح وتمسي بالهنا والسعاده

.....

رد: فوق هام السحب ( الشعر الشعبي) على متن القوافي
 

اتابعك في صمت واكره غيابك
وارتاح وستانس ليا صرت موجود

ودايم على بالي اراقب حسابك
واقرا كلامك ذوق واشتاق لك زود

.....

رد: فوق هام السحب ( الشعر الشعبي) على متن القوافي
 

لاتكسر قلوب الأوادم على شان
تكسر بها غيرك وترضي طموحك

خذها ترى لو تجرح بعمرك إنسان
بكره جروحه راح تصبح جروحك

.....