رد: فوق هام السحب ( الشعر الشعبي) على متن القوافي
 

أحذر تهين النفس لو كنت محتاج
كرامتك ماهي بسلعه رخيصه

الناس لو تعطي مثل بير هداج
ماهي على بعض المشاعر حريصه

.....

رد: فوق هام السحب ( الشعر الشعبي) على متن القوافي
 

‏ليت حبك بأختياري وأستخير
وأترك الأحلام في مشوارها

جيتني صدفه وحبيتك كثير
والصدف مافيه أحد يختارها

.....

رد: فوق هام السحب ( الشعر الشعبي) على متن القوافي
 

رغم ابتعادي عن مراسيء تلاقيك
تبقى على ضفة فؤادي سفينه

أحيان اشوفك في خيالي واناجيك
وأحيان فصل الشوق يمطر حنينه

.....

رد: فوق هام السحب ( الشعر الشعبي) على متن القوافي
 

‏موج الغلا في داخلي حرك الشوق
‏وقلبي تحرك من يساره يمينه

‏ليت الغلا بالكون انسان مخلوق
‏في كل لحظة كنت اقبل جبينه

.....

رد: فوق هام السحب ( الشعر الشعبي) على متن القوافي
 

‏إن غاب يترك في غـيابه فراغات
‏وإذا حضر يحجب حضور البقيه

‏مثل القُمر لو غاب بالليل حزات
‏واذا حضر غطى النجوم المضيه

.....

رد: فوق هام السحب ( الشعر الشعبي) على متن القوافي
 

‏ماغيرت بعد المسافة غلاتك
‏لو تكثر الاميال مابيننا البين

‏حتى الحروف بشوقها اليوم جاتك
‏ياقربك لقلبي وبعدك عن العين

.....

رد: فوق هام السحب ( الشعر الشعبي) على متن القوافي
 

‏اخاوي اللي ماتغيّر مباديه
‏واسرارنا بالعمر بير وغطاها

‏ترا الخوي الصدق من طاب طاريه
‏له وقفتن جعل الخلايق فداها

.....

رد: فوق هام السحب ( الشعر الشعبي) على متن القوافي
 

شفت الغلا بين عشاق الهوى كله
لو تجمعه مايساوي عشقك لحالك

محبتك فارقه عن كل خلق الله
ارتاح لاقلت لي لاينشغل بالك

.....

رد: فوق هام السحب ( الشعر الشعبي) على متن القوافي
 

‏لك مكان لوعرفته ماهني نومك وطاب
ولك حنين في فؤادي من لهيبه احترق

إن بغيت اكتب شعوري انقفل للبوح باب
‌ولاذكرتك بين ناسي غاب فكري وآنسرق

.....

رد: فوق هام السحب ( الشعر الشعبي) على متن القوافي
 

‏بعض الفراق يمر فالقلب عادي
‏يطري على الخفاق لحظات ويفوت

‏وبعضه لو انه مر فالقلب هادي
‏يشبه ونين الروح في سكرة الموت

.....

رد: فوق هام السحب ( الشعر الشعبي) على متن القوافي
 

‏غاب لكن ذكرياته لها دبك وصهيل
‏اجعلتني أشعر أني أشوفه وأسمعه
‏
‏ودك أن اللي تحبه لاعزم بالرحيل
‏يجمع أجمل ذكرياته وياخذها معه

.....

رد: فوق هام السحب ( الشعر الشعبي) على متن القوافي
 

‏كيف اصيغ الكلام اللي من الشوق والف
‏وشوفتك بعد طعنات المفارق قويّه
‏
‏وش تبي بالكلام ووش تبي بالسوالف
‏دنيةٍ ما انت فيها مالها قابليّه

.....

رد: فوق هام السحب ( الشعر الشعبي) على متن القوافي
 

‏ياطير خذ مني سلام وتحايا
واقصد بها ناس على العز رابين

ناس لهم طبع المحبه سجايا
وفيهم من أصناف الكرامة عناوين

ماقول فيهم شعر أبغي جزايا
لنهم عن الأشعار ياناس عالين

.....

رد: فوق هام السحب ( الشعر الشعبي) على متن القوافي
 

خل مابيني وبينك مثل خط الطبيب
مايعرف قراية حروفه الا الصيدلي

.....

رد: فوق هام السحب ( الشعر الشعبي) على متن القوافي
 

ياعاشق الليل وش خليت لعيوني
لو هامت بالليل تنشد نظرة عيونك

ماهي عداله بحب اثنين مفتوني
امّا انا او سمو الليل مفتونك

.....

رد: فوق هام السحب ( الشعر الشعبي) على متن القوافي
 

ياما على وصلك ركضت وتعنيت
وفتحت لك قلبٍ من الحب تايب

وياما كسرت خاطري كل ماجيت
ارجع ودمعي فوق خدي سكايب

والحين عنك ياهوى البال صديت
حال الفراق وخاطري منك طايب

.....

رد: فوق هام السحب ( الشعر الشعبي) على متن القوافي
 

‏أنا البارحة ياطول ليلي غدا ليلين
‏تبيّن شعاع الشمس مارتحت برقادي

‏أعد النجوم الساريه والعرب ممسين
‏وأعد الأسامي وأرفع الصوت وانادي

‏سرى النوم من عيني مع هجعة التالين
‏وصارت هجوس القلب سرداد مردادي

.....

رد: فوق هام السحب ( الشعر الشعبي) على متن القوافي
 

القناعه كنز في وسط السطور
للسعاده والحياه الصافيه

لو ملكت المال وانواع القصور
كلها تنباع لأجل العافيه

.....

رد: فوق هام السحب ( الشعر الشعبي) على متن القوافي
 

‏لاتشتكي لي جرح مثلك أعانيه
‏لوكان بيدي شي داويت جرحي
‏
‏مادامني فاقد دوا كيف بعطيه
‏لافادني صمتي ولافاد شرحي

.....

رد: فوق هام السحب ( الشعر الشعبي) على متن القوافي
 

‏يارب يسّرها على كل ضايق
وارفع ستار الهم عن كل محزون

لو كان في درب السعاده عوايق
تهون مع رحمتك ياخالق الكون

....

رد: فوق هام السحب ( الشعر الشعبي) على متن القوافي
 

‏ابدع على كيفك ولا تجرح الناس
‏احفظ وقار الناس تحفظ وقارك
‏
‏واذا اعجبك ابداع غيرك فلا بأس
‏وجهة نظر مافيه مانع تشارك

.....

رد: فوق هام السحب ( الشعر الشعبي) على متن القوافي
 

المحبه والموده كلها له
لو يطول البعد ما ينقص وفانا

من غلاته لو بغى روحي حلاله
والله إن الشوق من عقبه طوانا

أتمنّى كل يوم إني قباله
والظروف من اللقا دوم اتحدانا

.....

رد: فوق هام السحب ( الشعر الشعبي) على متن القوافي
 

‏اجمل ثلاثه شفتهم في حياتي
الورد والبسمه وطيش المحبين

واسوى ثلاثه ياعساها ماتأتي
الضيق والدمعه وتفريق شخصين

.....

رد: فوق هام السحب ( الشعر الشعبي) على متن القوافي
 

‏لايفلت لسانك علي شين منطوق
ولا تشيل في قلبك من الحقد ذره

وقت السعه كل الأوادم تجي ذوق
وب الضيق تعرف منه خيره وشره

.....

رد: فوق هام السحب ( الشعر الشعبي) على متن القوافي
 

عشت قبلك فالمعاناة يالوجه السموح
والشعور الزين جاه الزمان وجمّده

جيت عندي كنّك البلسم اللي للجروح
كل جرحً من يدين الليال تضمّده

.....

رد: فوق هام السحب ( الشعر الشعبي) على متن القوافي
 

واحدً ربي من الزين والقبله اعطاه
يستلم عرش المحبه ويلبس تاجها

مثل مايحتاج الانسان للماء فالحياه
الدروب اللي تودي عليه احتاجها

.....

رد: فوق هام السحب ( الشعر الشعبي) على متن القوافي
 

يـامرحبا ياهلا واللّه يرضى عليك
مع إنك ابطيت لكن يامرحبا ياهلا

تصدّق إنّي نويت اسوق عمري وأجيك
لكن دفعك الغلا حتّى دفعت البلا

.....

رد: فوق هام السحب ( الشعر الشعبي) على متن القوافي
 

ياطير ياللي حايمن في سما نجد
بلغ سلامي للغضي في محله

بلغ تحيات المحبه بلا حد
للصاحب اللي شد قلبي وتله

.....

رد: فوق هام السحب ( الشعر الشعبي) على متن القوافي
 

ترا عزيز النفس لامن عاف عاف بلا كلام
والله لو أنه وطن ماعاد له حب وولا

ماينتهي كثر الغلا إلا بقل الأهتمام
وإن جيتني بعدين مالك لا حضور ولا غلا

.....

رد: فوق هام السحب ( الشعر الشعبي) على متن القوافي
 

لبيه لو كان برد الليل سوى سواه
ف الجادل اللي تكيّفني على مودها

واقول يابرد مالك في حشاها حياه
مادام نار المشاعر يصطلي عودها

.....

رد: فوق هام السحب ( الشعر الشعبي) على متن القوافي
 

خيّبوا ظنك هل الضعف ياراس المديح
‏أنت كبّرت الهقاوي فخلّك قدها

‏كان غرّتك الهواين وقومت الطريح
‏الهواين حتى حيّز فراغ يسدّها

‏لنَ ترى معادن الناس بالشكل الصحيح
‏لين تبلغ مجريات الظروف اشدّها

‏كان تبغى تعيش باقي حياتك مستريح
‏خل عنك الطيبة الزايدة عن حدّها

.....

رد: فوق هام السحب ( الشعر الشعبي) على متن القوافي
 

‏الاصحاب واجد كل واحد وراه علوم
على الفايت اللي فاتّ ماعاد يمدينا

بعضهم نعلمه الرمايه وينصى القو
وبعضهم نعلمه الرمايه ويرمينا

.....

رد: فوق هام السحب ( الشعر الشعبي) على متن القوافي
 

‏عامل الناس بالحسنى ولين الجناب
لاجل ترضى عليك وتكسب قلوبها

وقبل تفتح لذكر عيوب الأجواد باب
لد عينك لنفسك واصلح عيوبها

بقلمي

رد: فوق هام السحب ( الشعر الشعبي) على متن القوافي
 

‏سلم على اللي فاقده ولا فقدني
وقله كثر ماقلت لعيونه اشتقت

محلله عن گل وعدٍ وعدني
ومسامحه عن كل ليله تضايقت

.....

رد: فوق هام السحب ( الشعر الشعبي) على متن القوافي
 

احفظ لسانك لا بلوك المعاثير
‏والكلمة اللي دون ميزان خفها

‏يجوز ترمي كلمةٍ دون تفكير
‏والصبح سودان القلوب تخطفها

.....

رد: فوق هام السحب ( الشعر الشعبي) على متن القوافي
 

مؤسف إنّه على قلبي وقلبه يجور
ومحزن إنّه قريب وما قدرت اقربه

باروا الناس واللي ماهقيته يبور
سرّه البعد والصوت الحزين اطربه

.....

رد: فوق هام السحب ( الشعر الشعبي) على متن القوافي
 

‏خل عنكْ الكلام اللي يقولون عنه
البشر مايعرفوني ولا يعرفونك

ان بغيت الصحيح وهرج مافيه منّه
والله اني عجزت اعيش عمري بدونك

.....

رد: فوق هام السحب ( الشعر الشعبي) على متن القوافي
 

تكفون خلوني ترا منزله غير
خلوني اسلا لايجي له مجالي

قفى وعذره فوق كل المعاذير
عذره معه حتى والوغاب غالي

.....

رد: فوق هام السحب ( الشعر الشعبي) على متن القوافي
 

من البداية كنت اخاف النهايات
‏مستقبل الاوهام ماجف له ريق

‏حنا انخدعنا في جمال الّبدايات
‏واحلامنا تحتاج وقفة وتحقيق

.....

رد: فوق هام السحب ( الشعر الشعبي) على متن القوافي
 

‏عن نسيم البرد والليل روحِي في ذراك
كل ليله فالشتاء معك ليلة دافيّه

.....