رد: فوق هام السحب ( الشعر الشعبي) على متن القوافي
 

مايدور الزلات غير ابتر الصيت
‏اللي علومه ماتعدى محله

.....

رد: فوق هام السحب ( الشعر الشعبي) على متن القوافي
 

‏اقلطي وسط الضلوع اللي تهلي مرحبا بك
والمكان اللي جمعنا قبل مدّه عارفينه

قبل نبدأ بالسلام بنظرة عيونك عتابك
والطهر والحزن واللوعات وانتي والسكينه

جابك الماضي المعتّق بالشعر والليل جابك
والحزن في كل مره يلمسك تبّت يدينه

.....

رد: فوق هام السحب ( الشعر الشعبي) على متن القوافي
 

يسعد مساكم بالقصايد والابيات
‏واجمل حروف الشعرواجمل قوافي

‏لكل غالي مسكنه داخل الذات
‏ومكانته وسط الضلوع الخوافي

‏مني سلام الود واجمل تحيات
‏مخصوص توصل كل انسان وافي

‏بالورد والنرجس على شكل باقات
‏من قلب صافي للقلوب النظافي

.....

رد: فوق هام السحب ( الشعر الشعبي) على متن القوافي
 

‏ترى الكرامة سلعة مالهاسوق
‏مايشتريها المال ياصاحب المال

‏لاصرت ماذليت نفسك لمخلوق
‏أنت الغني لو كان ماتملك ريال

.....

رد: فوق هام السحب ( الشعر الشعبي) على متن القوافي
 

‏لاشفت برق الخيانه في عيون الصديق
‏فارق ضعونه فراقٍ ماش عقبه لقا

‏خله يهف بطريق وشف لنفسك طريق
‏أخير من صحبةٍ ماهي بصحبة نقا

.....

رد: فوق هام السحب ( الشعر الشعبي) على متن القوافي
 

‏تبغى تصير إنسان عايش براحه
‏لاتشغل التفكير بأوضاع غيرك

‏واصنع لنفسك في حياتك مساحه
‏وابعد عن العالم وريح ضميرك

.....

رد: فوق هام السحب ( الشعر الشعبي) على متن القوافي
 

‏جيتك ورق مكشوف مافيه تمثيل
‏ حفظت حبك مثل حفظ الأمانه

‏ مارحت أسولف فيك للقال والقيل
‏حتى ولو بيني وبينه ميانه

.....

رد: فوق هام السحب ( الشعر الشعبي) على متن القوافي
 

‏ياليل لي مخلوق غالي على البال
دايم مع صمتك خيالي يراعيه

هـو يسهرك مثلي قصايد وموال
سلم على قلبه وداعب امانيه

.....

رد: فوق هام السحب ( الشعر الشعبي) على متن القوافي
 

‏دفنت الهوى في داخلي والقلوب أسرار
‏مقادير حظي واقفه ضده وضدي

‏عليه الغلا والود لو شانت الأقدار
‏وعليه المدامع بالخفا بيحت سدّي

.....

رد: فوق هام السحب ( الشعر الشعبي) على متن القوافي
 

‏لاتلوم اللي رفع صوته يهلي
‏يوم شافك مادرا بالناس حوله

‏عقب فزّ القلب كيف ابقى محلّي
‏واتجاهل فرحة القلب وذهوله

‏اتجاهل وانت شمسي وانت ظلّي
‏من يقوله ياحبيبي من يقوله

‏خلّهم يدرون بإنك كل كلّي
‏من متى خلّك يفكّر في عذوله

.....

رد: فوق هام السحب ( الشعر الشعبي) على متن القوافي
 

‏انا ادري ان المظهر احيان مطلوب
‏لكن مهوب مطلوب في كل الأحوال

‏علامة الرجال ماهيب في الثوب
‏اهم شي يكون في الثوب رجال

.....

رد: فوق هام السحب ( الشعر الشعبي) على متن القوافي
 

يسعد مساء من هو كما معدن الماس
‏اعشقك واعشق ضحكتك مع مزوحك

‏ويسعد مساك الممتلي برد واحساس
‏ويسعد مساء قلبك وعمرك وروحك

.....

رد: فوق هام السحب ( الشعر الشعبي) على متن القوافي
 

تلعب طرب وانا بنومي هواجيس
ماسهرك بالليل كثر الهمومي

أسهر إلى نامت عيون الهداريس
بالليل اراعي ساهرت النجومي

أونس بقلبي مثل صلو المحاميس
الله يلوم اللي لحالي يلومي


من قصيدة الشيخ والشاعر تركي بن حميد

رد: فوق هام السحب ( الشعر الشعبي) على متن القوافي
 

مابين جشة حصان وبين هدرة جمل
‏وفِي وجه سبع يحوف الركب والدرب شوك

‏مامال متن عليه من الليالي حمل
‏لوقصرت من الثقال ايدين عوج الحنوك

‏ياحادي العيس مال المفردات مهمل
‏لاقالو اختار بين وقوفها والبروك

‏علاقة الوقت ذا كنها علاقة عمل
‏ان جيتهم رحبوا وان غبت منهم نسوك

.....

رد: فوق هام السحب ( الشعر الشعبي) على متن القوافي
 

‏قالت أنت تموت فيني وقلبك مايخون
‏والتفت لها من اعماقي وصارحتها

‏قلت انا ميّت وميت وميت ومغبون
‏يعني فوق الارض احبك واحبك تحتها
‏‌
علي الدعية⁩

رد: فوق هام السحب ( الشعر الشعبي) على متن القوافي
 

موت الأنسان فالأنسان هو المطمّه
‏وأنا ماني بميت فيك ميّت قليلة

‏أبتعدنا ولا زلتي للإحساس يمّه
‏مُلهمة كل يوم وسالفة كل ليلة
‏‌
فهد قطنان

رد: فوق هام السحب ( الشعر الشعبي) على متن القوافي
 

‏انشد اللي على الدنيا قديم وخبير
‏ثاقبٍ ماخذا الدنيا على شكلها

‏في الملذّات لاتستعجلون الأخير
‏اصطياد الفريسة أجمل من أكلها

‏‌سعد علوش⁩

رد: فوق هام السحب ( الشعر الشعبي) على متن القوافي
 

‏تمرد الليل واحتاج الضمير النزيه
‏للحظة اللي تخفف همه المنتشر

‏كم له وهو يحتريها مير عيّت تجيه
‏الحظ تعبان وظروف الليالي قشر

‏تخفي كلامٍ يفكر راعي العقل فيه
‏وتنشر مواضيع ليست قابلة للنشر

.....

رد: فوق هام السحب ( الشعر الشعبي) على متن القوافي
 

‏مرحبا من سبب والّا بليَّا سبايب
‏ياسبب كل جرح ويا دوا كل علّة

‏ياحبيبي بدون أدنى شكوك وطلايب
‏والله وبالله اللي كوَّن الكون كلّه
‏
‏إنك الحاضر اللي كن ماهوب غايب
‏وإنك الغايب اللي ماتغير محلّه

‏وأنك أغلى من أغليته وسيد الحبايب
‏دام قلبي يحب وربي وربك الله

.....

رد: فوق هام السحب ( الشعر الشعبي) على متن القوافي
 

‏يامبعد عن شوف عيني مسافات
‏لاتحسب أنه يخلف البعد ظني

‏حبك بقلبي شامخ مابعد مات
‏وماهزته بُعد المسافات عني

‏لو نبتعد روحي وروحك قريبات
‏حب جمعهن غصب عنك وعني

.....

رد: فوق هام السحب ( الشعر الشعبي) على متن القوافي
 

‏علاقة العربي بالقهوة علاقة سرمديّة وثيقة يتقهواها كيف ويكتبها شعور

يقول مدغم أبو شيبة :
‏أما أني أنساها نسى الله من نسى ذاك القبال
‏ياصبّ روحي صب دلتها على فنجالها

‏ويقول ضيدان بن قضعان :
‏ ‏لو بقى للهيل صبرٍ على فوح الدلال
‏مابقى للقلب صبرٍ على شيء يرتجيه

رد: فوق هام السحب ( الشعر الشعبي) على متن القوافي
 

اللي يبيك يجيك لو دونك قيود
يكسر على شانك خشوم الصعايب

‏واللي يبي فرقاك لو دربك ورود
‏ماجاك لو أنك من أدنى القرايب

.....

رد: فوق هام السحب ( الشعر الشعبي) على متن القوافي
 

انا مشتاق اي والله انا مشتاق
وهذا الشوق متماكن ومتلازم

وانا لاشتقت نفسي تشين والاخلاق
تصير اضيق من الرجعه على الجازم

بدونك مرت أيامي تعب وارهاق
ويلاوعني حنين غث مترازم

يارب شوف لي صرفه مع الأشواق
انا قاعد احن اكثر من اللازم

.....

رد: فوق هام السحب ( الشعر الشعبي) على متن القوافي
 

‏لاتبدي أسرار قلبك عند هذا وذاك
‏لو كان بين الضلوع العوج نار ولهب

‏متى مابينت سرك للأوادم تراك
‏سلمت نفسك لهم على طبق من ذهب

.....

رد: فوق هام السحب ( الشعر الشعبي) على متن القوافي
 

‏طاب ليل القصيد وخاطري منك طاب
لاعرفت ابتديك ولا قدرت انتهيك

بين سين السؤال وبين جيم الجواب
لحظه ازعل عليك ولحظه ارضا عليك

ذيك فيها ملام وذيك فيها عتاب
وذيك فيها مايطعن في تفاصيل ذيك

واكثر اللي من عيونك يجيب العذاب
نظرة اللي ابيك ونظرة اللي ما ابيك

.....

رد: فوق هام السحب ( الشعر الشعبي) على متن القوافي
 

تكتب عيون الشوق والقلب يقرا
من غالي الابيات حس ومشاعر

قصايد المشتاق من كل سطرا
ويترجم احساس الغلا كل شاعر

.....

رد: فوق هام السحب ( الشعر الشعبي) على متن القوافي
 

وده يصارحني وأنا ودي ابوح
والكل منا يذبح الخوف شوقه

إلى متى يبقى الحيا مالك الروح
والصمت يحرم كل واحد حقوقه

.....

رد: فوق هام السحب ( الشعر الشعبي) على متن القوافي
 

‏إليا زعلتوا فأزعلوا لين ترضون
‏وإن مارضيتو جعل فالأمر خيره

‏مايلحق الواثق مشاريه وظنون
‏ولا به كبيرٍ يلتفت للصغيرة

.....

رد: فوق هام السحب ( الشعر الشعبي) على متن القوافي
 

‏غلاك مايحتاج توثيق وحلوف
‏والله خلق حبك من الحب فيني
‏
‏وعزفت نغمة عشق عن كل معزوف
‏وسكنت في قلبي وروحي وعيني
‏
‏واغلى المشاعر جتك في شعر وحروف
‏قلبي كتبها قبل تكتب يميني
‏
.....

رد: فوق هام السحب ( الشعر الشعبي) على متن القوافي
 

‏لاتلتفت لاضاق صدرك لمخلوق
‏ناج الذي يعلم خفايا ضميرك

‏الله على سبع السماوات من فوق
‏يقدر برمشة عين يقلب مصيرك

.....

رد: فوق هام السحب ( الشعر الشعبي) على متن القوافي
 

‏حبيبي والسوالف بيننا لوم وزعل وعتاب
‏أنا ساکت غلا ماودّي أندم في تواليها

‏أنا مدري بعينك هو أنا الصادق أو الكذّاب
‏لكنّي جيت لك والناس مالي غايةٍ فيها

‏معي عمر وبقايا أمنيات وضحكتين وباب
‏معك مفتاحه لحلو الحياة اللي أنا أرجيها

.....

رد: فوق هام السحب ( الشعر الشعبي) على متن القوافي
 

مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لاتقرب اللي يجيك الشك من صوبها

.....

رد: فوق هام السحب ( الشعر الشعبي) على متن القوافي
 

‏لاشفت من يزعل بليّا خطا منك
‏حاول عن اسباب الزعل لاتقصّى

‏أمّا لقى نمّام مسولف عنك
‏والّا على ماقيل خبلٍ موصّى

.....

رد: فوق هام السحب ( الشعر الشعبي) على متن القوافي
 

يابو ضحكةٍ ماتعترف في وطن وحدود
تمر القلوب الصادقه دون تأشيره

وانا واحدٍ قلبه نظيفٍ وعِرفه زود
مهو بلاحقك شرّه إذا ما الحقك خيره

يشوف السنين اللي معك هي عمر ووجود
وباقي السنين اللي بليّاك تقزيره

جعل وجهك أبيض من كثر مايديك تْجود
ياويش الشعور اللي معي منك تأثيره

.....

رد: فوق هام السحب ( الشعر الشعبي) على متن القوافي
 

استفدت من الذيابه ومن نبح الكلاب
واستفدت من الرغا واستفدت من الهدير

ولا كسبت الا معرفة عزيزين الجناب
ولا خسرت الا معرفة عديمين الضمير

.....

رد: فوق هام السحب ( الشعر الشعبي) على متن القوافي
 

الطيب فطرة والمجالس أمانات
يستامن الرجال وش دار فيها

ماينقل علوم العرب والإشاعات
غير الرخوم اللي قصيرة يديها

.....

رد: فوق هام السحب ( الشعر الشعبي) على متن القوافي
 

يالله بدعوة مالها دونك حجاب
يالي بوجه العبد ماصك بابه

تفتح لها ياخالق الكون الابواب
في ساعه يالله فيها اجابه

العبد في رجواك يارب ماخاب
ادعيك وانا موقنن بالاجابه

اسألك يارحمن ياخير وهاب
يالله عساها دعوتن مستجابه

.....

رد: فوق هام السحب ( الشعر الشعبي) على متن القوافي
 

جميلك يشوفه من يشوف الجمايل دين
يحفظ الجمايل وفعل طيبك نصب عينه

وتضيع الجمايل في ردي الوفاء والدين
لو أنك تصب السمن في راحة يدينه

.....

رد: فوق هام السحب ( الشعر الشعبي) على متن القوافي
 

مدري من الرابح ومن فينا خسر
‏حتى عجزت أشرح لنفسي موقفي

‏ياخيبة ظنوني ويا كبر القهر
‏ودي اقول لدورة الارض اوقفي

‏لاتبدأ اعذارك انا اللي بعتذر
‏واستسمحك باقي سنيني واختفي

‏من عادة الدنيا ومن طبع البشر
‏ضريبة الخذلان يدفعها الوفي

.....

رد: فوق هام السحب ( الشعر الشعبي) على متن القوافي
 

‏الاشتياق اللي يجي الانسان من حين لحين
‏خلاني اترك حاضر ايامي واعوّد لك ورى

‏كأنه سرى ليلك بدون شعور واحساس وحنين
‏انـا على الاشياء القديمه بيننا ليلي سرى

‏افتّش الذكرى وادور لك وانـا جرحي دفين
‏كني اصحي ممسي اوجاعي وجرح مابرى

.....