رد: فوق هام السحب ( الشعر الشعبي) على متن القوافي
 

ياحمام الدوح هيجت الغرام
ما سبب نوحك ومالك من مرام

أعطني عهدك وخذ مني ذمام
بيعني شوقك وخذ شوقي بديل

......

رد: فوق هام السحب ( الشعر الشعبي) على متن القوافي
 

‏لا تستفزك ذكريات الراحلين
ما فيه احد يبقى معك إلى الابد

تظاهر بضحكتك لو قلبك حزين
ملامحك فيها من الغربة بلد

حاول تعيش العمر بـ حساس السنين
عابر واذا مريت ما ترجع لـحد

واذا ذبحك الشوق واوجعك الحنين
تذكر إنك م انت وحدك من فقد

......

رد: فوق هام السحب ( الشعر الشعبي) على متن القوافي
 

‏قالو يحبك ، قلت لا تظلمونه
قالو يبيك ، وقلت ياناس تكفون

انا عرفته ، قبل لاتعرفونه
ماقال احبك ، انتم اللي تقولون

انا دخيل الله الحب ، لاتغصبونه
الغصب لا ريح لا طعم لا لون

ماهو بكيفه يعشق اللي تبونه
الحب اعمى طول عمره بلا عيون

قريت رده في محاجر عيونه
يقول انا هايم بغيرك ومفتون

......

رد: فوق هام السحب ( الشعر الشعبي) على متن القوافي
 

‏أنتم تحبوني وانا أحب ثاني
واللي احبه باغي ناس ثانين

هذا ابتلى فيني و هذا بلاني
واللي بلى مبلي وباليه مسكين

انا ترجـيـتـه وغـيـره رجـاني
والمشكله ما ينقل القلب حبين

......

رد: فوق هام السحب ( الشعر الشعبي) على متن القوافي
 

يشــتاق لك قلب العنا وين ماراح.
يلي غلاك اقرب من الروح للروح

لا تحســبنك بالهوى طيف سواح.
يحوم حول القلب لحظات و يروح

لاوالـــذي خلاك للقلب جراح.
إنــك معي ياغالي ويــن مااروح

......

رد: فوق هام السحب ( الشعر الشعبي) على متن القوافي
 

سألت ربي ياأبيض ااالقلـب يرعــاك
ويعطي العيـون اللـي تضرك عماها

عسـى السعاده دايم الــدوم ويـاك
وعسى الفرح يأتيك من سابع سماها

......

رد: فوق هام السحب ( الشعر الشعبي) على متن القوافي
 

‏للحب في الخافق رموز وعلامات
‏تعطي إشاره عن غلا شخص موجود

‏والصاحب الغالي على الـروح بالذات
‏يعرف تفاصيله . اذا كان مقصود

......

رد: فوق هام السحب ( الشعر الشعبي) على متن القوافي
 

أبعد عن اللي لازعل ينكر الطيب
اللي تقلب عشرته مع مزاجه

إن راق رقاها طوال المراقيب
وإن ضاق ضيقها على أدنات حاجه

خلك مع اللي ماذكر به عذاريب
اللي على الطولات طلقن حجاجه

ان راق قام يمس عكف الأشانيب
وان شان وقته ماتعكر مزاجه

......

رد: فوق هام السحب ( الشعر الشعبي) على متن القوافي
 

بعض البشر لا تقترب منه كثير
خل المسافه عن حدوده وافيه

لو نيتك زينه .. وقلبك فيه خير
اضبط حدودك والمساحه كافيه

احذر تسرّع .. ثم تندم بالاخير
البعد عن بعض الاوادم .. عافيه

......

رد: فوق هام السحب ( الشعر الشعبي) على متن القوافي
 

بعض البشر للجرح بلسم وتضميد
وبعض البشر للقلب هو مصدر الجرح

ناسٍ تجيب العيد وناسٍ كما العيد
العيد واحد لكن الفرق بالشرح

......