رد: فوق هام السحب ( الشعر الشعبي) على متن القوافي
 

‏تفاصيل شخصيتي لو اخذ عليها زوم
‏يجوز اكتشف لغز التناقض ولا احلّه

‏غموضي يوضحني وصمتي سوالف قوم
‏ورحيلي بدون عتاب واسباب وادلّه

‏تكاثرت خذلاني وقفّلت باب اللوم
‏ملامي على روحي وصبري على حِله

‏من العمر كله ما اعرف كم باقا لي يوم
‏لكن جعل باقي يوم يسوى العمر كُله

.....

رد: فوق هام السحب ( الشعر الشعبي) على متن القوافي
 

‏من دافع الاهمال والا مراعاه
‏بديت احس ان الامل بالقطاعه

‏وعشان اعيش اللي بقالي بلياه
‏حطيت في نفسي بهجره قناعه

‏على الاقل اقنع ببعده وفرقاه
‏ولا اتشفق للوصل كل ساعه

.....

رد: فوق هام السحب ( الشعر الشعبي) على متن القوافي
 

‏عطاني علومه كلبوها ورحت وراح
‏ولا طحت من عينه ولا طاح من عيني

‏ياليته جرحني قبل يقفي عشان ارتاح
‏ولا قال عند موادعه لاتخليني

‏لكنها ظروفٍ محكمه والظروف شحاح
‏مصير القدر يرضيه قدام يرضيني

‏قطعت الرجا من يوم برق الموادع لاح
‏وغدت كل حاجه ماتبكي تبكيني

.....

رد: فوق هام السحب ( الشعر الشعبي) على متن القوافي
 

‏حبيبي مابقى عندي صبر يتحمّل التأخير
‏رحلت وعقبك الدنيا غلاها طاح من عيني

‏تصدّق والا ماتصدّق أنا عاجز عن التفكير
‏تعال وشوف في عينك غيابك وش عمل فيني
‏
‏أجاوب اللي يسألني عن أخباري وأقول بخير
‏وأنا لاخير بغيابك ولا حاجة تهنيني

.....

رد: فوق هام السحب ( الشعر الشعبي) على متن القوافي
 

عشقنا الطناخه وارتفعنا عن المنقود
‏رقينا على عرش الكرامة ولازلنا

‏طموحاتنا بعزومنا تبلغ المقصود
‏وعلوم القلوب الحاقده ماتنزلنا

.....

رد: فوق هام السحب ( الشعر الشعبي) على متن القوافي
 

‏عود لسانك في حياتك على قول
‏شي يفيدك في نهاية حياتك

‏سبح وكبر واذكر الله على طول
‏هذا الـرصيد اللي يفيد بمماتك

.....

رد: فوق هام السحب ( الشعر الشعبي) على متن القوافي
 

‏حاولت أداري خاطرك وأتبع رضاك
‏وهذا هو اللي زوَّد الطّين بلّه

‏تخطي واعدّيها واطوّف خطاياك
‏طوّفت لك تسعة وتسعين زلّة
‏
‏هذا وعد مني ليا رحت لأنساك
‏وامحي وجودك من على الكون كلّه

‏كنت متعلّق فيك وأخاف فرقاك
‏واليوم لا أحبك ولا قالها الله

.....

رد: فوق هام السحب ( الشعر الشعبي) على متن القوافي
 

‏تدور الليالي والمقادير خيل وجيش
‏ولولا الصبر ماكان رحنا ولا جينا

‏رمتنا الليالي في نعيم الطرب والطيش
‏وشلنا على ركب الهقاوي هقاوينا

‏طوينا سجلّاتٍ كثيره عشان نعيش
‏ماندري إن سجلّات المقادير تطوينا

.....

رد: فوق هام السحب ( الشعر الشعبي) على متن القوافي
 

‏الشجاع يشوف معنى الحياه مغامره
‏ان ربح وان ماربح حكمته بكره تزين

‏والجبان يشوف كل الحياه مؤامره
‏البشر فيها عِدا والفرح فيها كمين

.....

رد: فوق هام السحب ( الشعر الشعبي) على متن القوافي
 

صبرنا على ماجابه الوقت زين وشين
ولا حطمت صكات بقعا عزايمنا

نحشم الرفيق ولا طردنا ورى المقفين
وعلى نخوة الناخين نحذف عمايمنا

.....

رد: فوق هام السحب ( الشعر الشعبي) على متن القوافي
 

تحتار في وصفك قواميس الالقاب
بحر الكرم والا محيط الكرامه

اوصفك شمس تنتشر نور ماغاب
وإلا نجوم بوجنة الليل شامه

وإلا سحاب ابرق على الليل بإعجاب
خيم وعيا الكوس يطوي خيامه

أنتي بوجودك للزمن صرتي أسباب
يخذل بها من يعلنون اتهامه

.....

رد: فوق هام السحب ( الشعر الشعبي) على متن القوافي
 

‏تبي الصحيح أني بلياك مفقود
جسمي هنا والروح عندك وهايب

تفداك عين تنظرك وأنت موجود
ويفداك قلب يذكرك وأنت غايب

.....

رد: فوق هام السحب ( الشعر الشعبي) على متن القوافي
 

‏سرحت بخيالي فيك وأسهبت فالتفكير
وطلّعت كل اللي مخبّى ورى صدري

ماتمنعني حدود المسافة عن التعبير
أنا توّي مسولف معك وأنت ماتدري

.....

رد: فوق هام السحب ( الشعر الشعبي) على متن القوافي
 

ليلةٍ فيها على قلبي زبنتي
ليتني غايب هذاك اليوم عنها

كنت احبك واستلذك يوم كنتي
مهرةٍ ماضاع من كفّي رسنها

ان وزنتي منطقك وان ماوزنتي
مالعبرات العيون الا وطنها

الزمن وقّف على ذكراك وانتي
غلطةٍ عيّا العمر يدفع ثمنها

.....

رد: فوق هام السحب ( الشعر الشعبي) على متن القوافي
 

أن كنت لازلت يالغالي علي ممشاك
لاحن حبايب ولا الايام تجمعنا

لو كان ترعى وليفك مثل مايرعاك
كان الزعل ماحصل منكم ولا منا

اظاهر أني تركتك وأبتديت أنساك
لولا بقايا من الماضي تذكرنا

ياشين صدك وياشين الزعل وياك
الله علي نار هجرانك يصبرنا

.....

رد: فوق هام السحب ( الشعر الشعبي) على متن القوافي
 

لاتخليني نديم يشتكي فرقى نديمه
وانت حبّك قد وسمته في معاليق الحنايا

وين مالديت فكري شفت لك صوره قديمه
وين ماوجهت وجهي شفتك بكل الزوايا

جابر الربعي

رد: فوق هام السحب ( الشعر الشعبي) على متن القوافي
 

إن مزحنا لجل تخفيف الطعون
إبتلشنا بالصدور الضايقه

وإن سكتنا مامزحنا يزعلون
ماعرفنا كيف نرضي الذايقه

.....

رد: فوق هام السحب ( الشعر الشعبي) على متن القوافي
 

فيك طيش وفيك زمّه ولك عقلٍ رزين
‏ياشبيهة مهرة الشيخ في يوم الطراد
‏
‏مثل ماخذتي من الريم عنق ووسع عين
‏ماخذٍ رمشك من قلوب حسّادك سواد

.....

رد: فوق هام السحب ( الشعر الشعبي) على متن القوافي
 

‏الحلم له نافذه والرزق بابه كبير
‏لاتقفل الباب وتعوّد على النافذه

‏لايشغلك طير غيرك وانت طيرك يطير
‏ياتيك رزقك ورزق الناس ماتاخذه

.....

رد: فوق هام السحب ( الشعر الشعبي) على متن القوافي
 

‏ان تتحول العلاقه إلى الرسميه مع الشخص الذي كانت بينكم اقصى مراحل الميانه لايوجد اسوء منها وكانه شخص غريب
‏وعلى هذا السياق
يقول جابر النشيرا :

‏رغم الثقة تعتريني شكّة المستريب
‏واقول جعل الليالي بالجهل ماتدور

‏ياوجدي ان عود المألوف مثل الغريب
‏ذي والله الحاجة اللي تستفز الشعور

رد: فوق هام السحب ( الشعر الشعبي) على متن القوافي
 

قالوا حبيبك يسمع الشعر قلت إيه
يقراه بعيوني قبل تسمعونه

لولاه حتى طاري الشعر مابيه
مير اكتبه من شان خاطر عيونه

هو روح شعري وامنياته وماضيه
جذع الشجر وش كان لولا اغصونه

اكتب لغيره والقصايد تجي فيه
كن القصايد حالفه ماتخونه

هذاك لامنه زعل قمت اهاديه
حتى وهو مخطي تعذرت دونه

يمكن لو انه يلمس الجرح بيديه
يستغرب ان اللي لمسها طعونه

ابطى وهو غايب وزلت حراويه
وأنا من العام اتحرى مزونه

هو مادرى اني في غيابه محاتيه
ليته نشّد عن حالي ياللي يجونه

وقلبي اللي توه افلت عراويه
كيف انسرق وضلوع صدري حصونه

عجزت ارده كن ماني براعيه
يوم انتثر شوقه وهاضت اشجونه

يبسن عروقه لكن اللي يعزيه
ان اكثر العالم تردد لحونه

خافوا من الله لاتجيبون طاريه
لاصرت انا موجود لاتذكرونه

لو كل غالي جابه الله لغاليه
ماشفت لك مخلوق تبكي عيونه

.....

رد: فوق هام السحب ( الشعر الشعبي) على متن القوافي
 

ثنتين يعطونك معزه وتقدير
‏دينك وفعل البر في والدينك

‏وثنتين لو طال الزمن مابهن خير
‏هرج القفا ومجاملة من يهينك

.....

رد: فوق هام السحب ( الشعر الشعبي) على متن القوافي
 

على حالنا ماغير الوقت فينا شي
نعيش بكرامة نفس ونموت ماخنا

ندور بياض الوجه ياهل الضمير الحي
نعز الرفيق ولا يجيه الخطا منا

طموحاتنا هي هي وعزومنا هي هي
تلين الجبال الراسيه مابعد لنا

.....

رد: فوق هام السحب ( الشعر الشعبي) على متن القوافي
 

شي بقلبي واهجه مستمري
لولا ازرق الدخان يطفي لهيبه

سلط على الدخان لوهو مضري
له حزه عند احتكام المصيبه

وانا الذي مبدي على الناس سري
من خوف سودان الوجيه تحكيبه

.....

رد: فوق هام السحب ( الشعر الشعبي) على متن القوافي
 

يابنت انا جني طويلات الاشبار
حرٍ سلايل حر ماني بمجنون

يوم اسجد لربي خوفي من النار
اللي عيال البوم فيها يطيحون

.....

رد: فوق هام السحب ( الشعر الشعبي) على متن القوافي
 

لو جار فيك الزمن والوقت وأيامه
ماهي غريبه مادام الدنيا دواره

احدن يقوم الصباح يخطط احلامه
ويمسي وهو ف القبر سَرَت به اقداره

.....

رد: فوق هام السحب ( الشعر الشعبي) على متن القوافي
 

نكتم شعور قلوبنا من حيا الروح
دام الاماني بالمحاني كثيره

أحيان نطريها على البال وتروح
وأحيان تطغى بالخفوق وتثيره

.....

رد: فوق هام السحب ( الشعر الشعبي) على متن القوافي
 

خذ لك نصيحة واحد داج الاكوان
جرب غرابيل الدهر من نصيبه

من جاهد الدنيا بلا رووس جنحان
يصبر لصكّات الزمان الرهيبه

.....

رد: فوق هام السحب ( الشعر الشعبي) على متن القوافي
 

‏يادانة البيت لاتمشين زعلانه
ترى ظروف الزمن ماهيب بيديني

الود ودي اسج الرجل يا الدانه
اطرب على طرقةٍ فيها تخاويني

.....

رد: فوق هام السحب ( الشعر الشعبي) على متن القوافي
 

‏في زحمة العالم لو تمر لحظات
‏كنّ المكان اللي تجي فيه فاضي

‏بس أنت من يجعل من الهم بسمات
‏يمرك الزعلان و يروح راضي

.....

رد: فوق هام السحب ( الشعر الشعبي) على متن القوافي
 

‏عليك السلام الوافر اللي بدون قياس
ياشخص عليه معلق باقي مالي

يطل القمر ولا يغيب القمر لاباس
الأغلى تهون بحضرته قيمم الغالي

عن الطله اللي تنتظرها جميع الناس
أنا بأنتظار الطله اللي على بالي

.....

رد: فوق هام السحب ( الشعر الشعبي) على متن القوافي
 

فقدتك وقلبي من الفرقا يقول
ماعاد للدنيا بعد فقدك حلا

ياليتها شده مع الوقت وتزول
واقول همٍ فالمحاني وانجلا

ولكنها صارت في ذاكرتي تجول
والبال من كثر الطواري ماسلا

فقدت صوتك والرحابه والقبول
والإبتسامه والرضا والمسهلا

.....

رد: فوق هام السحب ( الشعر الشعبي) على متن القوافي
 

‏لو تشوف الكل عكس الإتجاه
‏لاتسوي شيء من غير إقتناع
‏
‏إختلاف الراي مفهوم الحياه
‏وإتباع الناس مفهوم الضياع

‏عبدالله النفيعي

رد: فوق هام السحب ( الشعر الشعبي) على متن القوافي
 

عقدٍ يليق بجيدك إللي فارقٍ عن كل جيد
والشفّه إلّلي هرجها معسول يخرب بيتها

مرة شقاها للشقي ولذة سعدها للسعيد
وألذ منها الجمره إللي في يدي ضميتها

.....

رد: فوق هام السحب ( الشعر الشعبي) على متن القوافي
 

اذا شفتو الشخص ماهو على عادته الأوله
لا تنشدونه خلوه في حاله

ومثل ماقال
الشاعر مبارك الحجيلان :

تجيه رايق وانت تجهل خفاياه
وتشيّن اخلاقه وتنبش اهمومه

ياخوي من صمته تبان المعاناه
يمكن لو إلحاله يشقق هدومه

رد: فوق هام السحب ( الشعر الشعبي) على متن القوافي
 

‏صدوف الليالي مدرسه والحياه ظروف
ولا فيه شي احلى من الطيب في حله

لاتندم على المعروف ياراعي المعروف
ليا ضاع عند الناس ماضاع عند الله

.....

رد: فوق هام السحب ( الشعر الشعبي) على متن القوافي
 

‏مايدوم الوقت ولا حالك يدوم
كل حاجه مسجله داخل كتاب

كان سترك فوق الدنيا هدوم
الستر أعمال في يوم الحساب

.....

رد: فوق هام السحب ( الشعر الشعبي) على متن القوافي
 

‏لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

رد: فوق هام السحب ( الشعر الشعبي) على متن القوافي
 

ياحزن ياريتُ اعِرفك چَنت
اسِويلك حديقِة يّاسمين

وممشِى مُن گاشيّ الفِرح
جدّام بيتكْ يّاحَزن ياريتُ

اعِرفك وين تسگُن چَنت
أگُلك لاتجينيّ وتمشِي

گُل هُاي المسِافة أنهَ
وحَدي چَان أجيتكْ

يّاحَزن وحيّاة حَزنك
مُاعرفتك چَنك مغيّر مشيتكْ

حاطِ ريحةٌ رخيصَة گلّش
يارخيصَ شكد بچيتكْ

شعر عراقي

رد: فوق هام السحب ( الشعر الشعبي) على متن القوافي
 

يوم اقبلت غنا لها القلب موال
فاعت لها خضر الجروح وسرتها

فيها من أوصاف الحلا الوان أشكال
حتى الدروب اليا مشت زينتها

.....