رد: فوق هام السحب ( الشعر الشعبي) على متن القوافي
 

سقى الله ليالٍ فايته مالها مردود
يوم ان الوصل ممدود ماصابته خِله

ليا من تباطيته يقول الفرح مفقود
ولا من تباطاني غدا القلب به عله

ولا من طلبني قلتله يانحيل العود
حبيبك فداك وما ملك والعمر كله

نظمت الشعر لجله وهو دايم المقصود
عسى شعري المرسول يُنشر وياصلّه

.....

رد: فوق هام السحب ( الشعر الشعبي) على متن القوافي
 

يهب البراد وتالي الليل صبري طال
على الهون ياليل الشتاء قلت الحيلة

دخيلك من الذكرى ترى الحال مابه حال
ترفق علي وضيقة البال وش هـي له

.....

رد: فوق هام السحب ( الشعر الشعبي) على متن القوافي
 

ياسعود عيني قاطعت لذة النوم
واليا غفت تطري عليها طواري

يملي المحاجر دمعها دايم الدوم
وبين الهدب ياسعود جاله مواري

.....

رد: فوق هام السحب ( الشعر الشعبي) على متن القوافي
 

تزم المعنق والخصر كنه مجوّد
ولا تحته إلا طوبةٍ جنبها طوبه

اغض البصر والقلب لاصد متكوّد
اعيد البصر واقول ياقابل التوبه

ياويل الخفوق اللي من البيض ماهوّد
ليا سج منهم مر فالدرب رعبوبه

.....

رد: فوق هام السحب ( الشعر الشعبي) على متن القوافي
 

أنا حبيبي لارمى الصيد ما أخطاه
أكحل له عيوني وأفك الجدايل

خلي عفيف ويعشق اربعه بدنياه
انا وذوده و القنص والجمايل


.....

رد: فوق هام السحب ( الشعر الشعبي) على متن القوافي
 

لايخدعك هذا الفتور الوقتي
بكره تثور اشواقك الوقاده

ولا هيّضك صوت المطر واشتقتي
تلقينني مشتاق لك وزيادة

.....

رد: فوق هام السحب ( الشعر الشعبي) على متن القوافي
 

في رحاب عيونك الحور ينقال القصيد
من عشق مثلك يْعشق القصيد ويكتبه

كنتي أنتي مُعجبة لين صرتي في الوريد
القصايد فيك صارت هي اللي مُعجبه

اهداء لكل مزيونه

رد: فوق هام السحب ( الشعر الشعبي) على متن القوافي
 

ياما وقفت بوجه الأيام ماطحت
وياما وثقت بناس والناس طاحوا
ٰ
مشيت بالدنيا وتعلمت وارتحت
اهل المصالح لاخذوا شي راحوا

.....

رد: فوق هام السحب ( الشعر الشعبي) على متن القوافي
 

بعض المواقف مالها أي تبرير
تراكمت وأنا عدوي عتابي

أعاتبك مره على شأن تقدير
عنواني يمكن ماوضح من كتابي

وأعاتبك مره كأسلوب تحذير
إما اعتدل والا خصيمك غيابي

والثالثة لو توقع النفس وتطير
لي عزة تفرض عليّه صوابي

اللي يحب رضاه برضاه بيصير
إلا الكرامة جرحها من عذابي

.....

رد: فوق هام السحب ( الشعر الشعبي) على متن القوافي
 

لاتضايق لو يصير اللي يصير
‏كل قلبٍ من همومه مرتوي

‏دام لك ربٍ على همك كبير
‏خل قلبك في مواقيفه قوي

.....

رد: فوق هام السحب ( الشعر الشعبي) على متن القوافي
 

‏هذي السعوديه ذرى عز وفخر
‏نحيا بظل الله وتحت ظلالها🇸🇦

بقلمي

رد: فوق هام السحب ( الشعر الشعبي) على متن القوافي
 

‏يا الله يامن رحمتك مثل وصفك
يامستجيب لكل داعي دعاويه

حقق لنا كل الاماني بعطفك
وجودك اللي مال جودك يجاريه

يارب كل انسان طامع بلطفك
وكل من له حلم نفسه تساويه

يامن اماني كل واحد بكفك
يارب حقق من دعا لك امانيه

بقلمي

رد: فوق هام السحب ( الشعر الشعبي) على متن القوافي
 

‏ليت الهموم اللي تجينا تولي
وليت الحزن يطري علا القلب ويروح

وليت المواجع بالحشا ماتضلي
وليت الزعل ياصاح مايسكن الروح

وليت السعاده في سمانا تِحلي
وليت الفرح يملا سكنا والاصروح

وليت الاماني بالبشاير تهلي
وليت الحظوظ تهب لنا كل مملوح

.....

رد: فوق هام السحب ( الشعر الشعبي) على متن القوافي
 

‏الشوق مثل الموت نزاع للروح
ياخذ من اجساد البشر عافيتها

كنه شعور الطير لاصار مذبوح
يرقص ألم للروح بمفارقتها

وانا من الاشواق عايش بلا روح
والروح طارت في سما عاشقتها

حتى عيوني تشكي الشوق وتنوح
ودموع شوقي للجفون اغرقتها

.....

رد: فوق هام السحب ( الشعر الشعبي) على متن القوافي
 

‏في ذمتي اغليك واغليك واغليك
وحبك سكن مابين قلبي والاحساس

ماشفت غيرك لجل اعزه واخليك
اعميتني ياروح قلبي عن الناس

سكنت قلبي غصب عني تماتيك
من غير خلق الله تربعت من ساس

ياجعل قلبك في هوى العشق يبليك
وتموت في حبي على ساير الناس

.....

رد: فوق هام السحب ( الشعر الشعبي) على متن القوافي
 

‏نمشي على بيض النوايا والاسباب
لاهمنا المقفي ولا من جفانا

لانسأل الواشي عن العيب لاعاب
ولا ننشد اللي خاننا في قفانا

بعض الصداقه مثلها مثل الاسراب
تغري نظرنا وقت لحظه ظمانا

وإن جيتهم ظميان صارو لنا اغراب
حتى قريب الناس ماعاد لفانا

.....

رد: فوق هام السحب ( الشعر الشعبي) على متن القوافي
 

‏ناديت لك من بين الايام وين انت
محتاج أفضفض لك حديث المحاني

تعال وابعدني من الحزن لاهنت
ماغيرك انت اللي يلطف زماني

ياحب ضايق خاطري وانت مابنت
وشوفك علاجي لو مجرد ثواني

يامن بعشقك وسط قلبي تمكنت
ومحبتك حلت بداخل كياني

.....

رد: فوق هام السحب ( الشعر الشعبي) على متن القوافي
 

‏اللي يعبر وغيره ملتزم بالسكوت
احيان صمتك يهد الحلم ويحطمه

اهم حاجه شعورك فالزمن لايموت
عبر عن اللي يجي فالنفس لاتكتمه

.....

رد: فوق هام السحب ( الشعر الشعبي) على متن القوافي
 

‏ماكنّك إلا بدايات الشتا في السّنين
‏ مهما تتكرر لها التقدير والمَرحبا

.....

رد: فوق هام السحب ( الشعر الشعبي) على متن القوافي
 

ترى مساء الخير مثل البشاره
لاقلتها للي تعزه وتغليه

ولا قلتها للغير ماهي خساره
تكسب ردود الخير بأجمل معانيه

.....

رد: فوق هام السحب ( الشعر الشعبي) على متن القوافي
 

أنتي أول حب وإنتي أخره
وأنتي أفكار القصيد وحبها

حتى لو إني بوسط محاضره
روحي تلقى في خيالك طبها

أنتي يابنت القصيد الفاخره
الأماني معك وصلت ربها

.....

رد: فوق هام السحب ( الشعر الشعبي) على متن القوافي
 

ريح ضميرك عن كثير الهواجيس

ترى السعاده دوم في قوا الايمان

وأحذر طريق الشر لاتتبع أبليس

خلك عشير المرجله عالي الشان

ومن لاتعب ماحاش فعل النواميس

صبرك على ماجاك لو كان ماكان

والحر ماله بالمذله مجاليس

.....

رد: فوق هام السحب ( الشعر الشعبي) على متن القوافي
 

لاتعطي الناس حجم أكثر من اللازم
الغالي غالي لو أنك ماتوضح له

واللي على موادعك متزهب وعازم
بيروح ماهوب ناطر منك تسمح له

.....

رد: فوق هام السحب ( الشعر الشعبي) على متن القوافي
 

لاتحاول ترضي الناس ورضاها صعيب
من يسد بطونها مايسد عيونها

لارضو عليك خلوك للعين القريب
والعرب وش يفرق عيونها عن نونها

وان تغير حالها قامت ظنونك تخيب
ينكرونك لو جمايلك وسط بطونها

.....

رد: فوق هام السحب ( الشعر الشعبي) على متن القوافي
 

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

رد: فوق هام السحب ( الشعر الشعبي) على متن القوافي
 

اشرب من اسلوم الرجاجيل فنجال
واعيف من بعض السفاهات دله

واذخر لصكات المقادير رجال
واهجر من اشباه الرجاجيل شله

.....

رد: فوق هام السحب ( الشعر الشعبي) على متن القوافي
 

خل اكلك خاف ماعندك خبر
راد يوكف كلبي بس ربك ستر

وقاومت كدام عينك بس وراك
الله شاهد حتى بالشارع بجيت

شعر عراقي

رد: فوق هام السحب ( الشعر الشعبي) على متن القوافي
 

ياعاشق الدنيا تراها محطات
تعيش في ديره وتفنـى بديره

لاياخذك طرد الهواء والملذات
اذكر محطات الحياة الاخيره

.....

رد: فوق هام السحب ( الشعر الشعبي) على متن القوافي
 

‏لولا ظروف الحياه اللي تقص الحديد
‏ماكان سرّيت رجلي والذياب تعوي

‏البارحه طحت والا الصبر عيا يفيد
‏مابين صدة حبيب وبين شرهة خوي

.....

رد: فوق هام السحب ( الشعر الشعبي) على متن القوافي
 

لاتصغّرين النفس وأنتي كبيره
‏ولا تمسكين الوقت وأنتي الخيارات

‏ولا تسمعين الزيف وأنتي بصيره
‏ولا تغيرين الطبع وأنتي القناعات

‏ولا تشابهين بشي وأنتي الاخيره
‏ولا تسابقين الغير وأنتي البدايات

‏ولاتقبلين القِل وأنتي كثيره
‏ولا تطلبين الحل وأنتي الاجابات

.....

رد: فوق هام السحب ( الشعر الشعبي) على متن القوافي
 

اصبري ياعين وأنتي من كبار العدود
‏لو يلج الموج وسط البحور الطاميه

‏اصبري لاعاد تشكين من كثر الجحود
‏لو تشوفين وعيون البشر متعاميه

‏اقبلت بقعا وهي ضاميه قدم الورود
‏ودها تارد وعييت واقفت ضاميه

‏كان ماتبكين لله في وقت السجود
‏ماتبكين المصايب وهي متراميه

ما انثنيت بساحة الحرب قدام الحشود
‏حاميٍ راسي وروس الدواهي حاميه

‏كيف تبغين انثني لك وقلبي فيه زود
‏ساميٍ نبضه وضخّات عرقه ساميه

.....

رد: فوق هام السحب ( الشعر الشعبي) على متن القوافي
 

الناس تظهرها المواقف والأيام
والرجل تعرف قيمته من كلامه

رجلٍ يكفي فالمواقف ليا قام
ورجلٍ جلوسه خير له من مقامه

.....

رد: فوق هام السحب ( الشعر الشعبي) على متن القوافي
 

لاتسمع الي قال واللي يقولون
بعض البشر ماهمهم غير قالو

ولا تميل لو شفت الخلايق يميلون
خليك جبل في ضلك الناس مالو

.....

رد: فوق هام السحب ( الشعر الشعبي) على متن القوافي
 

خلاص لاترجع ترانا سلينا
ماكنت اصدق يوم اني انساك

في بعدكم ياما عليكم بكينا
واليوم ماتطري على البال ذكراك

انا ادري انك رغم صدك تبينا
لاشك ناس ضدنا تقصر خطاك

خل الذي غير حنانك علينا
يعطيك من قلبه ربع ماعطيناك

من سكرة الحب الصناعي صحينا
حتى المجالس عفتها خوف طرياك

ودعت ماضي حبنا وانتهينا
وقلب نسيته يوم لابد ينساك

ذكراك يالغدار هانت علينا
حتى دموع العين فرحت بفرقاك

حب جديد غير حبك لقينا
وحديتني جعل الليالي تحداك

.....

رد: فوق هام السحب ( الشعر الشعبي) على متن القوافي
 

‏المحبَه أنت وأنت الغير عادي
‏من عرفتك والمشاعر مستقرّه

‏يبتسم يومي ويطرب بك فؤادي
‏راحتي برضاك حلّت كل مُرّه

‏هاك قلبي وهاك عين وهاك غادي
‏دلّه لدربك وخذ خيره وشرّه

‏وش أبي بوجيه خلق الله وأنادي
‏وجهك الله خالقه طيب ومسرّه

.....

رد: فوق هام السحب ( الشعر الشعبي) على متن القوافي
 

من عطاني قدري أعطيه إحترامي
ومن تجاهلني تجاهلته وطفته

ومن يدوّر قربي أعطيه إهتمامي
ومن يقفّي عني أهملته وعفته

والمكان اللي ينزّل من مقامي
تنكسر رجلي ليا جيته وحفته

.....

رد: فوق هام السحب ( الشعر الشعبي) على متن القوافي
 

التقينا والهوى ماله أمان
‏والخجل عم المكان وعمني

‏والسؤال اللي عجزت أرميه كان
‏أنت ماعندك يدين تضمني

.....

رد: فوق هام السحب ( الشعر الشعبي) على متن القوافي
 

خل في صدرك على الدنيا قبول
واعرف ان الشمس تشرق لو تغيب

وعوّد لسانك ليا ضاقت يقول
الأماني في رجى الله ماتخيب

.....

رد: فوق هام السحب ( الشعر الشعبي) على متن القوافي
 

مامشينا على طوعك ولا طوعه
والردي من خلقته مايدانينا

لو يشيل الحقد في داخل ضلوعه
ساعة الشدّة شفه يفتخر فينا

لاتعقّد عند الأجناب موضوعه
ماقضى موضوعه إلا بأسامينا

.....

رد: فوق هام السحب ( الشعر الشعبي) على متن القوافي
 

ماتدري اني كم شعور ابتليته
وكم بيت دوزنته على نغمة الاه

مادام روحك للشعَر مستميته
تكفين قولي لي ياسهم ماشاء الله

.....