رد: فوق هام السحب ( الشعر الشعبي) على متن القوافي
 

اكتب لغيرك طيب المشكله وين
هذا طبيعي فالشعَر ياشاطره

ذي عادتي والطبع هذا من اسنين
اكتب لغيرك بيت وانتي خاطره

.....

رد: فوق هام السحب ( الشعر الشعبي) على متن القوافي
 

‏قلبي سجين الحيأ وطيبته زاده
لو شان وجه الزمن ماشانت أخلاقي

وانا تربيت والطيبه لنـا عاده
واخلاقي العاليه واسلوبي الراقي

قصر المكارم مشيد فيني امجاده
وقصر الوفا والشهامه ساكن اعماقي

والطيب في داخلي مغروسه اوتاده
ماحيل وابقى على عهدي وميثاقي

.....

رد: فوق هام السحب ( الشعر الشعبي) على متن القوافي
 

فرحتي في شوفة الأرض الفسيحه
‏فرحة صغيّر لما شاف الملاهي

‏خلك من العود الأزرق والذبيحه
‏دام راعيھا راعي كبر وتباهي

‏ودنا باللي سواليفه مليحه
‏حتى لو انھا على براد شاهي

.....

رد: فوق هام السحب ( الشعر الشعبي) على متن القوافي
 

انا الغايب الي كان بين العرب موجود
‏رفيق السهر لين السهر مل من عينه

‏تعبت من الدنيا ولا لي وراها زود
‏وانا من نشدني قلت له كلها زينه

.....

رد: فوق هام السحب ( الشعر الشعبي) على متن القوافي
 

‏حتى لو تشوف التفاصيل بوضوح
‏لاتكبر الرجوى بعين المرتجي

‏من كثر ما اتعبني شعور إنك تروح
‏ماعاد يسعدني شعور إنك تجي

.....

رد: فوق هام السحب ( الشعر الشعبي) على متن القوافي
 

‏مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لاتقرب اللي يجيك الشك من صوبها

.....

رد: فوق هام السحب ( الشعر الشعبي) على متن القوافي
 

دام العلاقه بيننا بس شاشات
مافيه داعي للعتب والمشاريه

الحب ماهو مقيدن بأسم نكات
الحب يربط شوف غالي بغاليه

.....

رد: فوق هام السحب ( الشعر الشعبي) على متن القوافي
 

ماهو صحيح القلب للقلب شاهد
لو هو صحيح أصبحت مفتون فيني

بيني وبينك حب من قلب واحد
ليته يجيك من الهَوى مايجيني

وليتك تعرف الشوق لاصار واجد
وليتك تعرف أوجاع كثر الحنيني

أضحك وأنا لجروح الأحباب جاحد
أداري المكنون عن كل عيني

.....

رد: فوق هام السحب ( الشعر الشعبي) على متن القوافي
 

اما وليفٍ يرفعك بالهوى فوق
والآ وليفٍ تكره الحب منّه

للنفس عزّه والكرامه لها حقوق
لجل الكرامه نار الفراق جنّه

بنت النماص

رد: فوق هام السحب ( الشعر الشعبي) على متن القوافي
 

‏خل اهتمامك واتركه ماعاد ابي منْك اهتمام
‏تصنعك ماعاد يرضيني ولا عاد اطلبه

‏ياكم على شانك قلّبت الارض وابعدت الظلام
‏واحاول ارضي خاطرك لو كان في قطع رقبه

‏بعد الكلام البارحه ماعاد ابي منّك كلام
‏نقع كلامك في غزير دموع عينك واشربه

.....

رد: فوق هام السحب ( الشعر الشعبي) على متن القوافي
 

‏البارحه والناس داله وسالي
‏يوم أنتصف ليلي تساويت للريح

‏والهم يلعب في ضميري وبالي
‏لعب الأصابع في خيوط المسابيح

‏مليت أنادي للسحايب تعالي
‏وتمرّني دهم السحايب مراويح

.....

رد: فوق هام السحب ( الشعر الشعبي) على متن القوافي
 

‏لاتحط المشاعر بين كيف وليه
واضحه لو تركز فالشكل والذات

المحب الحقيقي لاتشكك فيه
اذبحه بس لاتطلب عليه اثبات

.....

رد: فوق هام السحب ( الشعر الشعبي) على متن القوافي
 

لاجاك مني ياهوى البال عهود
‏باذن الله اني قدّها واحتميها

‏حبل الموده فـ المعاليق مشدود
‏لو كان بعض ظروفنا لك عليها

‏كل شيّ ينقص عندي وحبك يزود
‏وساعه وصالك كل يوم احتريها

‏يحن لك قلبي كما حنّت رعود
‏على سماء ديره انا وانت فيها

.....

رد: فوق هام السحب ( الشعر الشعبي) على متن القوافي
 

‏الي متى والضيقه بصدري عمار في عمار
‏متى تمر الضحكه اللي تبطي بوجهي متى

‏ما اخاف من طعم الحزن اخاف طعم الانكسار
‏واحاتي الهم الكبير اللي على صدري عتا

‏في داخل ضلوعي حراره كل يوم تشب نار
‏منها اتدفى عن شديد البرد في ليل الشتاء

.....

رد: فوق هام السحب ( الشعر الشعبي) على متن القوافي
 

‏كم سريت الليل أدوّرك ياصافي الجبين
‏وأدحم جنوب الليالي وأجاهدها جهاد

‏داريٍ بإن اللقى صعب لكنّ الحنين
‏ساقني لـك ياحبيبي وفي راسي عناد

‏مايقارن شوف وجهك بمال ولا بنين
‏حظ من يقضي الليالي معَك على انفراد

.....

رد: فوق هام السحب ( الشعر الشعبي) على متن القوافي
 

الشموخ مع الركاده والثقل
‏في مفاهيم البشر صارت غرور

‏أحمد الله كامله كلي عقل
‏والثقه في خطوتي شيخة حضور

.....

رد: فوق هام السحب ( الشعر الشعبي) على متن القوافي
 

احلى لقى لاصار من دون ميعاد
‏صدفه كذا مثل السماء يوم ترعد

‏رشة مطر ودك بها دوم تنعاد
‏احيّت جفاف الأرض من دون موعد

.....

رد: فوق هام السحب ( الشعر الشعبي) على متن القوافي
 

سامرت وجه الحياه اللي عطتني عمر
‏حتى بدت تسرق القمرا وتسري بها

‏ماحولي إلا سنا ضو ٍحطبها سمر
‏وأفكاري اللي تقفي بي وأقفّي بها

‏وأطقطق الجمر بالملقاط وأسحب جمر
‏والجمره اللي بجوفي ويش أسوي بها

.....

رد: فوق هام السحب ( الشعر الشعبي) على متن القوافي
 

نضحك ونمزح لاتعاتبنا على بعض المزوح
‏نحتاج ساعه للفرح لاصرت ماتحتاجها
‏
‏قفّل مجالات الزعل والضيقه اللي ماتروح
‏والعين عوّدها على الفلّه وفل حجاجها
‏
‏ان كان في صدرك جروح صدورنا فيها جروح
‏خلك على الهقوه ونلقى للجروح علاجها

.....

رد: فوق هام السحب ( الشعر الشعبي) على متن القوافي
 

المسا هذي تفاصيله وهذا لونه
‏التحف بشته علوّ الديره وطامنها

‏كل مامرّت نسايمه الشجر وغصونه
‏تبعث اللي في قيود الصبر من مكمنها

‏الهوى ماينعذل قلب المهاوي دونه
‏والقنوع ان ذاق لذّات الحياه ادمنها

.....

رد: فوق هام السحب ( الشعر الشعبي) على متن القوافي
 

‏تدارى الدمع بعيون القصايد واعتراه الخوف
‏قبل لاينكشف ستر الهدّب ويفيض ماخبّى

‏تمر البال لاقبلك حبيب ولا بعدك شفوف
‏ وأنا واقف على جرح الوداع ودمعة أحبّا

‏قبل لاتغيب ماكان السهر في رمشنا مكلوف
‏ولا به حاجةٍ عن مسمع الأيام تتغبّى

.....

رد: فوق هام السحب ( الشعر الشعبي) على متن القوافي
 

‏انت الامان اللي ولا يوم خفتك
‏وانا اليدين اللي تبيها وجاتك

‏عندي قناعة ثابته من عرفتك
‏اني اببقى الفارقه في حياتك

.....

رد: فوق هام السحب ( الشعر الشعبي) على متن القوافي
 

لاصرت مستانس وعايش حياتك
فلا عليك من العرب وش يقولون

اكسب رضا الشيبان واحفظ صلاتك
ومالك ومال الناس صاحي ومجنون

.....

رد: فوق هام السحب ( الشعر الشعبي) على متن القوافي
 

‏تراودني تعاليل المَحبة والشعور اسراب
‏واغض البال لامنّي سرحت وقلت منسيّه

‏على هون اليدين اللي على جَرحي تطق الباب
‏وانا بابي ذرى عابر سبيل وصوت طرقيّه

.....

رد: فوق هام السحب ( الشعر الشعبي) على متن القوافي
 

يامعشم خاطري معك بكبار الشفوف
‏راحت الدنيا مراح السنين الخاليه

‏احسب ان ما للهقاوي نصيب من الحسوف
‏لين مالِحقت على الأولات التاليه

‏كان لي عندك معزه ولي منك معروف
‏سلّني مع سلوة أهل القلوب الساليه

‏ولا تكلمني على عزة النفس العيوف
‏والله ان نفسي مثل منت غالي غاليه

.....

رد: فوق هام السحب ( الشعر الشعبي) على متن القوافي
 

الليالي صابها الخوف واخطاها الامان
‏والمشاعر بعد طول الصفو متكدره

‏رغم صدمات الاوادم وصدمات الزمان
‏صدمتي فيك انت لازالت المتصدره

.....

رد: فوق هام السحب ( الشعر الشعبي) على متن القوافي
 

‏حبني مثل الخيال وخلني مثل المخيله
‏القبول اللي لمسته منك يكفي عن قبيله

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليله

.....

رد: فوق هام السحب ( الشعر الشعبي) على متن القوافي
 

‏أنا نفسي عّزيزة ‏ماتود أللي وداده ضاع
ولا تهوى رفيقٍ كل يوم مبدل أطباعه

.....

رد: فوق هام السحب ( الشعر الشعبي) على متن القوافي
 

‏مايذبح الرجال غير الحسايف
‏اليا تذكر فرصةً وقتها فات

‏يصير في صدره عليها لهايف
‏وده على ترجيعها مير هيهات

‏وإلا الحسايف عقب صدرت عايف
‏صيحت خلا يفرح بها كل شمات

‏تعلم الرجال عض الشفايف
‏وتذوقه موته وهو مابعد مات

.....

رد: فوق هام السحب ( الشعر الشعبي) على متن القوافي
 

راحت حياتك بين واتساب وسناب
يامتصل بالله وش كان دورك

بكره إذا هلوا على قبرك تراب
صدقني ماينفعك آخر ظهورك

أرجوك لاتأخر صلاتك بلا أسباب
اجعل صلاتك دايماً في حضورك

تنفعك في قبرك وتبقى لك حجاب
يوم الصراط ويوم ياتي عبورك

بقلمي

رد: فوق هام السحب ( الشعر الشعبي) على متن القوافي
 

القصيده في عيوني بدونك ماتزين
‏لازم ان اجيب طاريك ياملح النشيد

‏انت ياللي من بطين الفؤاد الى الاذين
‏والله ان حبك مع الوقت ماينقص يزيد

‏في غيابك لك محبه ولك شوق وونين
‏وفي حضورك شف عيوني كلامي مايفيد

.....

رد: فوق هام السحب ( الشعر الشعبي) على متن القوافي
 

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

.....

رد: فوق هام السحب ( الشعر الشعبي) على متن القوافي
 

عن الخطأ ماني منزه ومعصوم
‏لكن احاول قدر الإمكان ما اخطي

‏وان جاتني غلطه من انسان محشوم
‏اغض عنها الطرف لا اخذ ولا اعطي

‏الصمت يحميني من العيب واللوم
‏والهرج تأثيره يطول ويبطي

.....

رد: فوق هام السحب ( الشعر الشعبي) على متن القوافي
 

ودّي اخسر كل شي إلا ضميري
‏اللي يسعف صاحبه لامن تحيّر

‏من كثر ماغيّرت الأيام غيري
‏والله اني خايف اني لا اتغيّر

.....

رد: فوق هام السحب ( الشعر الشعبي) على متن القوافي
 

‏من يمنع الضيقة على قلب مرتاح
ومن يحتوي ضخ الغلا داخل الدم

هذي هي الدنيا بها هم وأفراح
ليت الفرح يقضي على زايد الهم

.....

رد: فوق هام السحب ( الشعر الشعبي) على متن القوافي
 

خوفي لا فد يوم أغفى

وأصحى ما ألگاك يمي

خوفي من تبطل تگلي تحبني

ومن أسئلك ما تگلي

خوفي لاحِزني يبعدك وآنه أحبك

شعر عراقي

رد: فوق هام السحب ( الشعر الشعبي) على متن القوافي
 

ما أدري أجرحك لو أداويك
حَنيني وثاري گامن لك سويه

شعر عراقي

رد: فوق هام السحب ( الشعر الشعبي) على متن القوافي
 

‏معاك ياحلو الليالي والسنين
ليت الليالي معّك ماهي فانيه

احبك برغبه واحبك من يقين
واحب فيك القاصيه والدانيه

.....

رد: فوق هام السحب ( الشعر الشعبي) على متن القوافي
 

‏حنا ليا شفنا ماعفنا من الناس
نقفي عن المخطي كرامه وشيمه

كلّش ولاجرح المشاعر والاحساس
للنفس عند الله والاجواد قيمه

.....

رد: فوق هام السحب ( الشعر الشعبي) على متن القوافي
 

مادام صرح الهوى فاتح لنا بابه
تعال نكحل عيون العشق وأهدابه

لاعاد تبعد ترى مشتاق أسولف لك
عن ماسرابه غلاك ولا بعد جابه

.....