رد: فوق هام السحب ( الشعر الشعبي) على متن القوافي
 

‏ماضاقت الا عند ربي فرجها
‏في طاعت الله تنفرج كل ضيقه
‏
‏كافل عباده معتني في حرجها
‏الله خلق عبده ويسر طريقه
‏
‏عنده مفاتيحن تعدل عوجها
‏ليا عوّد المسلم لرب الخليقه

.....

رد: فوق هام السحب ( الشعر الشعبي) على متن القوافي
 

‏ياحلوها لاجات منك انا فداك
يلي غرامك داخل الروح ساكن

كلمة احبك ماله طعم لولاك
والكون لولا طلتك صار داكن

.....

رد: فوق هام السحب ( الشعر الشعبي) على متن القوافي
 

‏لاتزعلين ان ماكتبت الشعر فيك
لكن معي بيت ومعانيه سيده

انتي قصيده في نظر عين مغليك
تاكدي منتي بحاجة قصيده

.....

رد: فوق هام السحب ( الشعر الشعبي) على متن القوافي
 

من سواد العين والا من حلو سود الاهداب
الكحل ياخذ سواده من سواد عيونها

ومن بياض العين والا عينها ثلج وضباب
حتى أعطت للثلوج ولوّنتها بلونها

والزهر لونه وعطره سارقه خد الرباب
حتى أنها لامشت له تابعتها غصونها

والعسل ياخذ حلاوه من شفاها ومنها طاب
والنسيم العذب هل بشعرها ولمتونها

.....

رد: فوق هام السحب ( الشعر الشعبي) على متن القوافي
 

اللي يحب الشمس يبكيه الغروب
واللي يحب الليل يضحك للقمر

واللي يحب انسان مايقدر يتوب
لاصار هذا الحب يسوى له عمر

.....

رد: فوق هام السحب ( الشعر الشعبي) على متن القوافي
 

‏تبقين مثل التعافي في عروق الجريح
والغيمة اللي تفز الناس لحضورها

النادرة بالوصوف المعجزة بالمديح
المذهلة كل نور الأرض من نورها

.....

رد: فوق هام السحب ( الشعر الشعبي) على متن القوافي
 

‏انا فَقيد النّاس لاصرت ويّاك
مَسجون عِندَك بين اصابع كُفوفَك

اللّي يِدقّق فـي كَلامي بيقراك
واللّي يركز في عُيوني يِشوفَك

.....

رد: فوق هام السحب ( الشعر الشعبي) على متن القوافي
 

نخفي الوله وقلوبنا كلها شوق
‏وعيوننا تفضح غرامآ خفيناه

‏نكتب مشاعرنا تحت راية الذوق
‏والحرف من جوف الحنايا نزعناه

.....

رد: فوق هام السحب ( الشعر الشعبي) على متن القوافي
 

خواطر الناس بحر وكل عاشق غريق
وانا غريق العيون اللي عليها الكلام

عيونك إن سلهمت للحب تفتح طريق
ماكنها إلا عصا موسى عليه السلام

.....

رد: فوق هام السحب ( الشعر الشعبي) على متن القوافي
 

لاصار طب البرد ضم الحبايب
الله يعين الي حبيبه مجافيه

واللي حبيبه دوم مبعد وغايب
ما أظن حتا الشمس ممكن تدفيه

.....

رد: فوق هام السحب ( الشعر الشعبي) على متن القوافي
 

وين اودي شوق قلبي والوله
لوغديت بعيد عني ما اسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

رد: فوق هام السحب ( الشعر الشعبي) على متن القوافي
 

يدور الزمان ويثبتون الكبار اكبار
على معرفة وفعول وسلوم ومروه

مو كل من ناداك يستاهل المشوار
ولا كل من خاواك يستاهل الخوه

.....

رد: فوق هام السحب ( الشعر الشعبي) على متن القوافي
 

‏بعض البشر لو كل عمرك تراعيه
غلطه وحيده تهدم اللي بنيته

لاشاف شيءٍ مايوده ويرضيه
ينسى جميع اللي بذلت وعطيته

.....

رد: فوق هام السحب ( الشعر الشعبي) على متن القوافي
 

‏نتعب علي الطيب والايام ملحوقه
واللي يقدر غيابك يحفظ اسبابك

الصاحب اللي رزين وعذب منطوقه
احفظ حضوره مثل مايحفظ اغيابك

.....

رد: فوق هام السحب ( الشعر الشعبي) على متن القوافي
 

ان جهلت الخوف خاف مْن الأمان
‏وان بغيت تدل ضيّع وبتدل

‏والمكان اللي ماتلقى به مكان
‏بدله لاتدور لعزك بدل

‏ولا تعجل كل خافي له اوآن
‏مهما يخفيه الستار بينسدل

‏كم شيٍ شفته بحب وحنان
‏يوم عقلي فاق ماشفته عدل

.....

رد: فوق هام السحب ( الشعر الشعبي) على متن القوافي
 

النفس لولا القناعة ماعسفناها
اللي لجل عزها قامت قيامتنا

كم حاجةٍ ودنا فيها وعفناها
مهما غلت ماهي اغلى من كرامتنا

.....

رد: فوق هام السحب ( الشعر الشعبي) على متن القوافي
 

الفقر والفرقى وقل التوافيق
تقضي على الرجال باول شبابه

شفها تراها دايمً فالمطاليق
لاجاك شفته ضايقً من ثيابه

يفطن له الي جرب العسر والضيق
والا الردي في غفلته مادرى به

.....

رد: فوق هام السحب ( الشعر الشعبي) على متن القوافي
 

انا ليَا شفت وضع مايناسبني
اقفيت من غير لا أوضح ولا انوّه

......

رد: فوق هام السحب ( الشعر الشعبي) على متن القوافي
 

عز الله ان الشدايد عندي اكبر فضيله
عرفت فيها جميع الناس هين وغالي

عرفت فيها النشاما والنفوس الذليله
كسبت منها رجال الجود وهل المعالي

ياعاشق المال كسب المال ماهو وسيله
انا الشرف والمروه والكرم راس مالي

.....

رد: فوق هام السحب ( الشعر الشعبي) على متن القوافي
 

بعض المجالس مالنا فيه مقعاد
يصلح لهزلين الرجال وهمجها

ارفع مقام النفس عن كل نقاد
واترك عصاي اليا تبين عوجها

.....

رد: فوق هام السحب ( الشعر الشعبي) على متن القوافي
 

من يقول إن في بداوتنا شقى
البداوه علمتنـا حاجتين

مانحب إلا على وضح النقا
ومانعيف إلا وجيه الحاسدين

.....

رد: فوق هام السحب ( الشعر الشعبي) على متن القوافي
 

‏تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك ولوّامي

.....

رد: فوق هام السحب ( الشعر الشعبي) على متن القوافي
 

يوم شفتك طحت للشوق وكرهت الغيبه
وجيتني عقب البطا تلعن سنين غيابك

استحيت اعاملك باللي تعاملني به
قلت لك يامرحبا ماقلت لك وش جابك

.....

رد: فوق هام السحب ( الشعر الشعبي) على متن القوافي
 

تعال قرّب وخل أيامنا تحلا
يازين الأيام في قربك ويازينك

.....

رد: فوق هام السحب ( الشعر الشعبي) على متن القوافي
 

‏اخاوي الضيق في حلي وترحالي
‏واشوف الايام ماتلطف وتجمعنا!

‏اواه ياحبيبي اللي على بالي
‏أضيق من كل حاجه مالها معنى

.....

رد: فوق هام السحب ( الشعر الشعبي) على متن القوافي
 

‏ان قلت احبك زاد في قلبي الشوق
‏وان قلت لك مشتاق يزداد حبك

‏يعني ببساطه يابعد كل مخلوق
‏بالحالتين اشتاق لك وبعد احبك

.....

رد: فوق هام السحب ( الشعر الشعبي) على متن القوافي
 

‏ياللي خذيت القلب مني وما فيه
إرفق بقلبي يابعد كل من له

جيتك وأنا شوقي يسابق خطاويه
شوق الخليل اللي فقد شوف خله

قلب تعنّى لك غلا لاتعنيه
أنت الوحيد اللي له القلب كله

.....

رد: فوق هام السحب ( الشعر الشعبي) على متن القوافي
 

على البال لك سجة ولك سيره وتذكار
‏أضيعك بالواقع وألاقيك في بالي

.....

رد: فوق هام السحب ( الشعر الشعبي) على متن القوافي
 

اوعدك كان حضوري مسبب إزعاج
اوادعك واغيب وألغي حضوري
ㅤ
ماني بفاتح باب قلبي للإحراج
وما احب اكون انسان ماهو ضروري

.....

رد: فوق هام السحب ( الشعر الشعبي) على متن القوافي
 

لو تموت احلامنا تبقى السوالف
‏ماتنسينا الليالي وش حكينا
‏
‏ننجرح ونقول عادي مايخالف
‏وكل جرح يوصي الثاني علينا

.....

رد: فوق هام السحب ( الشعر الشعبي) على متن القوافي
 

من مواني الليل لعيونك سريت
ودمعتي تحلف علي أهلها

كم بكيت بداخلي لو مابكيت
كبرت همومي وقلبي شلها

كم تناسيتك ولكن مانسيت
لو تغيب الشمس يبقى ظلها

بأنتهي بك مثل مافيك أبتديت
وما اسوت عزة زماني وذلها

.....

رد: فوق هام السحب ( الشعر الشعبي) على متن القوافي
 

اجلس على شعر وارسلك اشعار
اقرا قصيد الناس واذكر عيونك

حب الكلام يموت لو عاش لحظات
وحب القلوب يعيش لو كان مدفون

.....

رد: فوق هام السحب ( الشعر الشعبي) على متن القوافي
 

احب قربك وعيني تلتفت صوبك
ولا ضاقت ابك الدروب أقدر اظروفك

والله يسـامح غلاك ويغفر ذنوبك
اللي جبرني احبك قبل ماشوفك

.....

رد: فوق هام السحب ( الشعر الشعبي) على متن القوافي
 

اقراء كلامي يا الغلا وافهمه زين
لاتحسب احساسـي مجرد خواطر

كل ماكتبت لخاطرك يا اريش العين
كله مشاعر من صميم المشاعر

انت الذي أعنيه وسـط الدواوين
وانت الذي خليتني صرت شاعر

وانت الذي وسط الكبد والشرايين
وانت الذي في الروح ناهي وآمر

.....

رد: فوق هام السحب ( الشعر الشعبي) على متن القوافي
 

ماعشقت الصمت إلا من عرفتك
وما كرهت البوح إلا لجلك انتي

الله اكبر كيف لو شرحت صمتك
تنطق الصخره وانتي مانطقتي

عالوفاء والطيب يالزينه عرفتك
عن جميع الغانيات انتي انفردتي

انتي كل الذوق بل والذوق كلك
وش اقول يللي على حبي دريتي

تنتهي الكلمات لامني وصفتك
لو اكرس في وصوفك كل وقتي

راقيه تستاهلي كلمة فديتك
الغلا لك والعشق لك لاعشقتي

.....

رد: فوق هام السحب ( الشعر الشعبي) على متن القوافي
 

غلاك مايشبه غلا باقي الناس
‏غلاك يفرق عن غلا كل الأمه

‏انت الذي حبك تعانق بالانفاس
‏ونت الذي موتي بضحكات فمه

‏قلبي عليك يغار واجد وحساس
‏لمي شتاتي بأبتسـامه تلمه

.....

رد: فوق هام السحب ( الشعر الشعبي) على متن القوافي
 

ياقلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
ياكنز في دنيا المواجع لقيته

انت الذي للقلب دكتور شافي
وانت الهوا والحب منك طريته

وانت النشيد المنبهر والقوافي
وانت الشرف ذا يلمع اليوم صيته

وانت الوفا في يوم ماعاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتفيته

ماهما تشوف القلب وللا وطافي
يعود لك مادمت له كل بيته

حلق خيالاتك معي في ضفافي
ياللي نصع قلبي بطلقه رميته

ماعاد من دنيا المواجع نخافي
مادام قلبي وسط قلبك حميته

راحت سنين القهر راح الجفافي
من مثل حبك في الهوا لاسقيته

حبو وعيشو الحب دامت عوافي
ومن يحبك في الخفوق احتريته

.....

رد: فوق هام السحب ( الشعر الشعبي) على متن القوافي
 

الضيقه اللي تكتم الصدر بالبوح
‏عجزت احصل في الوسيعه دواها
‏
‏احيان اقول الضيقه شوي وتروح
‏واحيان اقول البوح يروي ضماها

.....

رد: فوق هام السحب ( الشعر الشعبي) على متن القوافي
 

‏لك من فؤادي محبه نابعه
وسوف تبقى إلى موتي اكيد

ولو المراثي لمثلك نافعه
ولا القصايد تردك من جديد

والله لا اجيب لاجلك طابعه
وان املي الأرض من شانك قصيد

لكن سهام المنايا لاذعه
ولا مخلد سوى الباري وحيد

افلام من ذو القدم متتابعه
لكن فيلمك وتاريخك مجيد

.....

رد: فوق هام السحب ( الشعر الشعبي) على متن القوافي
 

‏مدري تتابع معي ولا نسيت الغلا
‏احتار فكري وقامت تكثر ضنوني

‏تعال عطني علومك يابعد هالملا
‏شوفتك عندي تساوي العمر ياعيوني

.....